Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62009TN0386

Kawża T-386/09: Rikors ippreżentat fil- 5 ta’ Ottubru 2009 — Grúas Abril Asistencia vs Il-Kummissjoni

ĠU C 282, 21.11.2009, p. 61–62 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

21.11.2009   

MT

Il-Ġurnal Uffiċjali tal-Unjoni Ewropea

C 282/61

Rikors ippreżentat fil-5 ta’ Ottubru 2009 — Grúas Abril Asistencia vs Il-Kummissjoni

(Kawża T-386/09)

2009/C 282/114

Lingwa tal-kawża: L-Ispanjol

Partijiet

Rikorrenti: Grúas Abril Asistencia, SL (Alicante, Spanja) (rappreżentant: R. L. García García, abogado)

Konvenuta: Il-Kummissjoni tal-Komunitajiet Ewropej

Talbiet tar-rikorrenti

—

tiddikjara li d-deċiżjoni li permezz tagħha l-awtoritajiet tal-kompetizzjoni u l-qrati Spanjoli ċaħdu l-ilment ippreżentat mill-komparenti f’din il-kawża, GRUAS ABRIL ASISTENCIA, S.I., tikser u tmur kontra l-Artikoli 81 u 82 KE.

—

konsegwentement, tordna lill-Kummissjoni tal-Komunitajiet Ewropej, li adottat id-deċiżjoni kkontestata, tadotta l-miżuri u l-garanziji neċessarji sabiex tordna t-tmiem tal-imsemmija attività illegali, u timponi l-multi u s-sanzjonijiet xierqa fir-rigward ta’ tali aġir li jikkostitwixxi ksur, bla ħsara għad-dritt ta’ BAS HERMANOS, S.L. li titlob kumpens għad-danni u l-preġudizzju li hija subiet b’konsegwenza tal-imsemmi ksur.

—

fl-aħħar nett, tiddikjara li l-aġir ta’ MAPFRE MUTUALIDAD DE SEGUROS Y REASEGUROS A PRIMA FIJA (attwalment MAPFRE, S.A.), fil-konfront tar-rikorrenti inkwantu fornitur tagħha, jiġifieri l-impożizzjoni unilaterali ta’ tariffi għall-ħlas tas-servizzi ta’ assistenza pprovduti, l-iffissar tat-tariffi f’livell iktar baxx minn kemm effettivament iqum tali servizzi, l-impożizzjoni ta’ rekwiżit mhux iġġustifikat u arbitrarju li s-servizz jingħata f’kundizzjonijiet mhux mifthema fil-kuntratt (provvista tas-servizz permezz ta’ vetturi tal-irmonk bil-logo MAPFRE), theddida ta’ terminazzjoni tal-kuntratt fil-każ fejn dawn ir-rekwiżiti ma jiġux sodisfatti u, fl-aħħar mill-aħħar, it-twettieq ta’ tali theddida, jikkostitwixxi ksur tal-liġi Spanjola dwar il-protezzjoni tal-kompetizzjoni u tal-Artikoli 81 u 82 KE.

—

tikkundanna lill-Kummissjoni tal-Komunitajiet Ewropej għall-ispejjeż.

Motivi u argumenti prinċipali

Ir-rikorrenti f’din il-kawża hija impriża tal-familja li topera fil-qasam tal-provvista ta’ servizzi ta’ assistenza fit-triq għall-irmunkar ta’ karozzi.

Fir-rikors tagħha r-rikorrenti tikkontesta l-aġir, li allegatament imur kontra l-liġi tal-kompetizzjoni, ta’ MAPFRE S.A., li fil-kuntest ta’ relazzjoni kuntrattwali li kienet tikkonsisti fl-użu tas-servizzi ta’ rmunkar ta’ vetturi assigurati minn MAPFRE, meta dawn is-servizzi jintalbu minn din tal-aħħar jew mill-persuni assigurati minnha, talbet, kif issostni r-rikorrenti, li s-servizz ta’ assistenza jiġi pprovdut permezz ta’ vetturi tal-irmonk bil-logo MAPFRE u li ssir pubbliċità tat-trade mark tagħha mingħajr xi tip ta’ ħlas; u imponiet tariffi f’livell iktar baxx minn kemm effettivament iqum is-servizz ipprovdut.

Insostenn tar-rikors tagħha r-rikorrenti tallega ksur tal-leġiżlazzjoni Komunitarja u nazzjonali li tirregola l-kompetizzjoni.

Top