EUR-Lex Access to European Union law
This document is an excerpt from the EUR-Lex website
Document 32016D0211(03)
Commission Decision of 8 February 2016 on the conclusion, on behalf of the European Atomic Energy Community, of the Protocol to the Stabilisation and Association Agreement between the European Communities and their Member States, on the one part, and the Republic of Albania, of the other part, to take account of the accession of the Republic of Croatia to the European Union
Deċiżjoni tal-Kummissjoni tal-8 ta’ Frar 2016 dwar il-konklużjoni, f’isem il-Komunità Ewropea tal-Enerġija Atomika, tal- Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea
Deċiżjoni tal-Kummissjoni tal-8 ta’ Frar 2016 dwar il-konklużjoni, f’isem il-Komunità Ewropea tal-Enerġija Atomika, tal- Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea
ĠU C 52, 11.2.2016, p. 7–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
11.2.2016 |
MT |
Il-Ġurnal Uffiċjali tal-Unjoni Ewropea |
C 52/7 |
DEĊIŻJONI TAL-KUMMISSJONI
tal-8 ta’ Frar 2016
dwar il-konklużjoni, f’isem il-Komunità Ewropea tal-Enerġija Atomika, tal- Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa, u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea
(2016/C 52/05)
IL-KUMMISSJONI EWROPEA,
Wara li kkunsidrat t-Trattat li Jistabbilixxi l-Komunità Ewropea tal-Enerġija Atomika, u b’mod partikolari l-Artikolu 101(2) tiegħu,
Wara li kkunsidrat id-deċiżjoni tal-Kunsill li tapprova l-konklużjoni mill-Kummissjoni, f’isem il-Komunità Ewropea għall-Enerġija Atomika, tal-Protokoll mal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (“il-Protokoll”),
BILLI:
(1) |
Il-konklużjoni tal-Protokoll hija soġġetta għal proċeduri separati fir-rigward ta’ kwistjonijiet li jaqgħu taħt it-Trattat dwar l-Unjoni Ewropea u t-Trattat dwar il-Funzjonament tal-Unjoni Ewropea minn naħa u fir-rigward ta’ kwistjonijiet li jaqgħu taħt it-Trattat li jistabbilixxi l-Komunità Ewropea tal-Enerġija Atomika min-naħa l-oħra. |
(2) |
Fit-12 ta’ Mejju 2014, il-Kunsill adotta d-Deċiżjoni 2014/320/UE (1) dwar il-konklużjoni tal-Protokoll f’isem l-Unjoni Ewropea u l-Istati Membri tagħha skont l-Artikolu 218(6) tat-Trattat dwar il-Funzjonament tal-Unjoni Ewropea u l-Artikolu 6(2) tal-Att tal-Adeżjoni tal-Kroazja. |
(3) |
Fil-15 ta’ Novembru 2013, il-Kunsill adotta d-Deċiżjoni 2014/317/Euratom li tapprova l-konklużjoni tal-Protokoll mill-Kummissjoni f’isem il-Komunità Ewropea tal-Enerġija Atomika (2) |
(4) |
Għaldaqstant il-Protokoll għandu jiġi konkluż ukoll f’isem il-Komunità Ewropea tal-Enerġija Atomika fejn jidħlu kwistjonijiet li jaqgħu taħt it-Trattat li jistabbilixxi l-Komunità Ewropea tal-Enerġija Atomika, |
IDDEĊIDIET KIF ĠEJ:
Artikolu 1
Il-konklużjoni f’isem il-Komunità Ewropea għall-Enerġija Atomika tal-Protokoll għall-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (“il-Protokoll”) (3) hija b’hekk approvata.
Artikolu 2
Il-President tal-Kummissjoni huwa b’hekk awtorizzat li jwettaq il-passi kollha meħtieġa f’isem il-Komunità Ewropea tal-Enerġija Atomika, sabiex jesprimi l-kunsens tal-Komunità Ewropea tal-Enerġija Atomika li tkun marbuta bil-Protokoll, b’mod partikolari li tiddepożita n-notifikazzjoni hekk kif previst fl-Artikolu 9 tal-Protokoll.
Artikolu 3
Din id-Deċiżjoni tidħol fis-seħħ fid-data tal-adozzjoni tagħha.
Magħmul fi Brussell, l-8 ta’ Frar 2016.
Għall-Kummissjoni
Il-President
Jean-Claude JUNCKER
(1) Deċiżjoni tal-Kunsill 2014/320/UE tat-12 ta' Mejju 2014 dwar il-konklużjoni, f'isem l-Unjoni Ewropea u l-Istati Membri tagħha, tal-Protokoll mal-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (ĠU L 165, 4.6.2014, p. 18).
(2) Deċiżjoni tal-Kunsill 2014/317/Euratom tal-15 ta' Novembru 2013 li tapprova l-konklużjoni mill-Kummissjoni Ewropea, f'isem il-Komunità Ewropea għall-Enerġija Atomika, tal-Protokoll għall-Ftehim ta' Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, minn naħa u r-Repubblika tal-Albanija, min-naħa l-oħra, sabiex titqies l-adeżjoni tar-Repubblika tal-Kroazja mal-Unjoni Ewropea (ĠU L 165, 4.6.2014, p. 5).
(3) ĠU L 165, 4.6.2014, p. 19.