7.5.2018   

MT

Il-Ġurnal Uffiċjali tal-Unjoni Ewropea

C 161/37

1.

iħallas lill-appellanti danni f’ammont ta’ EUR 2 516 221,50 bħala kumpens għal danni materjali u morali subiti minħabba l-iskrizzjoni ta’ isimha fil-lista ta’ persuni, entitajiet u korpi li tinsab fl-Anness V tar-Regolament (KE) Nru 423/2007 (1) u fl-Anness VIII tar-Regolament (UE) Nru 961/2010 (2);

2.

iħallas lill-appellanti interessi moratorji bir-rata ta’ interessi applikata mill-Bank Ċentrali Ewropew (BĊE) għat-tranżazzjonijiet prinċipali tiegħu ta’ finanzjament mill-ġdid, miżjuda b’żewġ punti, mis-17 ta’ Ottubru 2015 u sal-pagament sħiħ tas-somma msemmija fil-punt 2;

3.

għall-ispejjeż, b’mod partikolari għall-ispejjeż sostnuti mill-appellanti.

—

Billi ħadet inkunsiderazzjoni favur il-Kunsill ċirkustanzi u informazzjoni li l-Kunsill ippreżenta biss wara l-adozzjoni tal-miżuri illegali u, parzjalment, biss fil-kuntest tal-proċedura tar-rikors, il-Qorti Ġenerali wettqet żball ta’ liġi meta ħadet data ta’ evalwazzjoni ineżatta.

—

Il-Qorti Ġenerali wettqet żball ta’ liġi meta kkonkludiet li kienu jeżistu indizji li kien jidher mill-inqas bħala probabbli li l-appellanti kienet “miżmuma jew ikkontrollata minn entità oħra [f’dan il-każ, IRISL]”. B’mod partikolari, il-Qorti Ġenerali applikat kriterju ta’ evalwazzjoni żbaljat u inkludiet b’mod żbaljat informazzjoni tal-Kunsill li dan ma kellux fid-data ta’ evalwazzjoni. Barra minn hekk, hija ma stabbilietx il-livell tal-(allegat) kontroll u lanqas l-intensità ta’ dan u wettqet evalwazzjoni żbaljata tal-indizji.

—

Il-Qorti Ġenerali wettqet żball ta’ liġi meta kkunsidrat li r-Regolament Nru 668/2010 (3), sa fejn dan kien jikkonċerna lir-rikorrenti, kien leċitu.

—

Il-Qorti Ġenerali wettqet żball ta’ liġi meta kkunsidrat li l-motivazzjoni insuffiċjenti tal-miżuri adottati kontra l-appellanti ma tistax, bħala prinċipju, tippermetti li l-Unjoni tinżamm responsabbli, u wettqet żball ta’ liġi meta naqset milli teżamina ksur tad-dritt għal protezzjoni ġudizzjarja effettiva.