This document is an excerpt from the EUR-Lex website
Document 62013CN0503
Case C-503/13: Request for a preliminary ruling from the Bundesgerichtshof (Germany) lodged on 19 September 2013 — Boston Scientific Medizintechnik GmbH v AOK Sachsen-Anhalt
Kawża C-503/13: Talba għal deċiżjoni preliminari mressqa mill-Bundesgerichtshof (il-Ġermanja) fid- 19 ta’ Settembru 2013 — Boston Scientific Medizintechnik GmbH vs AOK Sachsen-Anhalt
Kawża C-503/13: Talba għal deċiżjoni preliminari mressqa mill-Bundesgerichtshof (il-Ġermanja) fid- 19 ta’ Settembru 2013 — Boston Scientific Medizintechnik GmbH vs AOK Sachsen-Anhalt
ĠU C 352, 30.11.2013, p. 8–8
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
30.11.2013 |
MT |
Il-Ġurnal Uffiċjali tal-Unjoni Ewropea |
C 352/8 |
Talba għal deċiżjoni preliminari mressqa mill-Bundesgerichtshof (il-Ġermanja) fid-19 ta’ Settembru 2013 — Boston Scientific Medizintechnik GmbH vs AOK Sachsen-Anhalt
(Kawża C-503/13)
2013/C 352/14
Lingwa tal-kawża: il-Ġermaniż
Qorti tar-rinviju
Bundesgerichtshof
Partijiet fil-kawża prinċipali
Rikorrenti: Boston Scientific Medizintechnik GmbH
Konvenut: AOK Sachsen-Anhalt
Domandi preliminari
(1) |
L-Artikolu 6(1) tad-Direttiva tal-Kunsill 85/374/KEE, tal-25 ta’ Lulju 1985, dwar l-approssimazzjoni tal-liġijiet, regolamenti u dispożizzjonijiet amministrattivi ta’ l-Istati Membri dwar responabbiltà għall-prodotti difettużi (1) għandu jiġi interpretat fis-sens li prodott li huwa prodott mediku li jiddaħħal fil-ġisem (f’dan il-każ, peacemaker) ikun diġà difettuż fejn tagħmir li jagħmel parti mill-istess grupp ta’ prodotti għandu riskju ta’ nuqqas kunsiderevolment ogħla, iżda ma jkunx ġie kkonstatat difett fir-rigward tal-apparat imdaħħal fil-każ speċifiku inkwistjoni? |
(2) |
Fil-każ li tingħata risposta fl-affermattiv għall-ewwel domanda: L-ispejjeż tal-operazzjoni sabiex jiġi estratt il-prodott u sabiex jiddaħħal peacemaker ieħor jikkostitwixxu dannu kkawżat minn korriment personali fis-sens tal-punt (a) tal-ewwel sentenza tal-Artikolu 9 tad-Direttiva 85/374/KEE? |
(1) ĠU Edizzjoni Speċjali bil-Malti, Kapitolu 15, Vol. 1, p. 257.