Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0572

Kawża T-572/11: Rikors ippreżentat fl- 4 ta’ Novembru 2011 — Hassan vs Il-Kunsill

ĠU C 25, 28.1.2012, p. 54–55 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

28.1.2012   

MT

Il-Ġurnal Uffiċjali tal-Unjoni Ewropea

C 25/54

Rikors ippreżentat fl-4 ta’ Novembru 2011 — Hassan vs Il-Kunsill

(Kawża T-572/11)

(2012/C 25/106)

Lingwa tal-kawża: il-Franċiż

Partijiet

Rikorrent: Samir Hassan (Damasku, is-Sirja) (rappreżentanti: E. Morgan de Rivery u E. Lagathu, avukati)

Konvenut: Il-Kunsill tal-Unjoni Ewropea

Talbiet

Ir-rikorrent jitlob li l-Qorti Ġenerali jogħġobha:

—

tannulla, abbażi tal-Artikolu 263 tat-Trattat dwar il-Funzjonament tal-Unjoni Ewropea (TFUE):

—

id-Deċiżjoni ta’ Implimentazzjoni tal-Kunsill 2011/515/PESK, tat-23 ta’ Awwissu 2011, li timplimenta d-Deċiżjoni 2011/273/PESK dwar miżuri restrittivi kontra s-Sirja, sa fejn din iżżid lil Samir Hassan mal-lista li tidher fl-anness tal-imsemmija Deċiżjoni tal-Kunsill 2011/273/PESK, tad-9 ta’ Mejju 2011, dwar miżuri restrittivi kontra s-Sirja;

—

ir-Regolament ta’ Implimentazzjoni tal-Kunsill (UE) Nru 843/2011, tat-23 ta’ Awwissu 2011, li jimplimenta r-Regolament (UE) Nru 442/2011 dwar miżuri restrittivi fid-dawl tas-sitwazzjoni fis-Sirja, sa fejn iżid lil Samir Hassan mal-lista li tidher fl-Anness II tar-Regolament tal-Kunsill (UE) Nru 442/2011, tad-9 ta’ Mejju 2011, dwar miżuri ristrettivi fid-dawl tas-sitwazzjoni fis-Sirja;

—

tikkumpensa, abbażi tal-Artikoli 268 u 340 TFUE, id-danni kkawżati lil S. Hassan permezz tat-teħid kontrih tal-miżuri restrittivi msemmija iktar ’il fuq, kif ġej:

—

tirrikonoxxi r-responsabbiltà mhux kuntrattwali tal-Kunsill tal-Unjoni Ewropea għad-danni materjali subiti u futuri u d-danni morali;

—

tordna l-ħlas tas-somma ta’ EUR 250 000 fix-xahar lil S. Hassan, mill-1 ta’ Settembru 2011, sabiex jiġi kkumpensat għad-danni materjali subiti;

—

tordna l-ħlas ta’ Euro (1) simbolika lil S. Hassan għad-danni morali subiti, u

—

tikkundanna lill-Kunsill tal-Unjoni Ewropea jħallas kumpens għad-danni materjali futuri;

—

fi kwalunkwe każ, tikkundanna lill-Kunsill tal-Unjoni Ewropea għall-ispejjeż kollha.

Motivi u argumenti prinċipali

Insostenn tar-rikors, ir-rikorrent jinvoka seba’ motivi.

(1)

L-ewwel motiv, ibbażat fuq żball manifest tal-Kunsill fl-evalwazzjoni tal-fatti u ta’ żball ta’ liġi li rriżulta.

(2)

It-tieni motiv, ibbażat fuq ksur tal-obbligu ta’ motivazzjoni, tad-drittijiet tad-difiża u tad-dritt għal protezzjoni ġudizzjarja effettiva.

(3)

It-tielet motiv, ibbażat fuq ksur tad-dritt ta’ proprjetà u tal-prinċipju ta’ proporzjonalità.

(4)

Ir-raba’ motiv, ibbażat fuq ksur tal-preżunzjoni ta’ innoċenza tar-rikorrent.

(5)

Il-ħames motiv, ibbażat fuq ksur mill-Kunsill tal-linji gwida tiegħu fuq l-implementazzjoni u l-evalwazzjoni ta’ miżuri restrittivi fil-kuntest tal-politika barranija u ta’ sigurtà komuni.

(6)

Is-sitt motiv, ibbażat fuq użu ħażin ta’ poter imwettaq mill-Kunsill.

(7)

Is-seba’ motiv, ibbażat fuq kumpens għad-danni kkawżati mill-miżuri illegali meħuda mill-Kunsill.
Top