Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0211

Kawża T-211/11: Rikors ippreżentat fil- 11 ta’ April 2011 — Timab Industries u CFPR vs Il-Kummissjoni

ĠU C 179, 18.6.2011, p. 18–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

18.6.2011   

MT

Il-Ġurnal Uffiċjali tal-Unjoni Ewropea

C 179/18

Rikors ippreżentat fil-11 ta’ April 2011 — Timab Industries u CFPR vs Il-Kummissjoni

(Kawża T-211/11)

2011/C 179/31

Lingwa tal-kawża: il-Franciz

Partijiet

Rikorrenti: Timab Industries (Dinard, Franza) u Cie financière et de participations Roullier (CFPR) (Saint-Malo, Franza) (rappreżentant: N. Lenoir, avukat)

Konvenuta: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tiddikjara l-annullament tad-deċiżjoni

—

tikkundanna lill-Kummissjoni għall-ispejjeż kollha.

Motivi u argumenti prinċipali

Ir-rikorrenti jitolbu l-annullament tad-Deċiżjoni tal-Kummissjoni, tal-1 ta’ Frar 2011, li tirrifjuta l-aċċess għal ċerti dokumenti tal-Kummissjoni dwar proċedura skont l-Artikolu 101 TFUE u l-Artikolu 53 tal-Ftehim dwar iż-Żona Ekonomika Ewropea, li tikkonċerna akkordju fis-suq Ewropew tal-fosfati għall-għalf tal-annimali (Każ COMP/38.866).

Insostenn tar-rikors, ir-rikorrenti jinvokaw tliet motivi.

(1)

L-ewwel motiv huwa bbażat fuq żball ta’ liġi u żball manifest ta’ evalwazzjoni dwar it-tieni paragrafu tal-Artikolu 4(3) tar-Regolament Nru 1049/2001 (1), sa fejn id-dokumenti mitluba ma humiex opinjonijiet iżda deċiżjonijiet li dwarhom ma hemmx stabbilit li l-komunikazzjoni tagħhom tista’ tkun ta’ preġudizzju serju lill-proċess deċiżjonali.

(2)

It-tieni motiv huwa bbażat fuq żball ta’ liġi u żball manifest ta’ evalwazzjoni dwar l-ewwel inċiż tal-Artikolu 4(2) tar-Regolament Nru 1049/2001, sa fejn id-dokumenti mitluba ma fihom l-ebda data kummerċjali sensittiva tali li tostakola l-komunikazzjoni tagħhom anki jekk parzjali.

(3)

It-tielet motiv huwa bbażat fuq żball ta’ liġi u żball manifest ta’ evalwazzjoni dwar it-tielet inċiż tal-Artikolu 4(2) tar-Regolament Nru 1049/2001, peress li l-Kummissjoni invokat preġudizzju għall-attivitajiet ta’ spezzjoni, ta’ investigazzjoni u ta’ verifika.

(1)  Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).

Top