Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62009TN0350

Kawża T-350/09: Rikors ippreżentat fl- 4 ta’ Settembru 2009 — ICO Satellite vs Il-Kummissjoni

ĠU C 267, 7.11.2009, p. 76–77 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

7.11.2009   

MT

Il-Ġurnal Uffiċjali tal-Unjoni Ewropea

C 267/76

Rikors ippreżentat fl-4 ta’ Settembru 2009 — ICO Satellite vs Il-Kummissjoni

(Kawża T-350/09)

2009/C 267/137

Lingwa tal-kawża: L-Ingliż

Partijiet

Rikorrenti: ICO Satellite Ltd (Slough, ir-Renju Unit) (rappreżentant: S. Tupper, Solicitor)

Konvenuta: Il-Kummissjoni tal-Komunitajiet Ewropej

Talbiet tar-rikorrenti

—

tannulla d-Deċiżjoni Nru 2009/449/KE tat-13 ta’ Mejju 2009 dwar l-għażla ta’ operaturi ta’ sistemi pan-Ewropej li jipprovdu servizzi mobbli permezz tas-satellita (MSS) skont id-dispożizzjonijiet tal-Artikoli 230 KE u 231 KE;

—

tikkundanna lill-Kummissjoni għall-ispejjeż.u tagħti kwalunkwe ordni ieħor li hija tqis xieraq.

Motivi u argumenti prinċipali

Permezz tar-rikors tagħha, ir-rikorrenti titlob l-annullament tad-Deċiżjoni tal-Kummissjoni 2009/449/KE tat-13 ta’ Mejju 2009 dwar l-għażla ta’ operaturi ta’ sistemi pan-Ewropej li jipprovdu servizzi mobbli permezz tas-satellita (“MSS”) (1).

Ir-rikorrenti ssostni li d-deċiżjoni kkontestata ċċaħħadha mid-drittijiet ta’ proprjetà tagħha li hija leġittimament għandha skont il-liġi internazzjonali. Ir-rikorrenti ssostni wkoll li d-deċiżjoni kkontestata hija kontra l-liġi peress li l-Kummissjoni:

a)

iddiskriminat kontra r-rikorrenti billi involviet l-ex president ta’ Inmarsat Ventures Limited Council (“Inmarsat”) fil-proċess deċiżjonali, u b’hekk kisret ir-rekwiżiti proċedurali sostanzjali u l-prinċipju tat-trattament ugwali; u

b)

aġixxiet b’mod irraġonevoli, billi għażlet lil Inmarsat u Solaris Mobile Limited minflok ir-rikorrenti meta din tal-aħħar allegatament tinsab f’pożizzjoni aħjar sabiex tipprovdi l-MSS.

Skont ir-rikorrenti, billi adottat id-deċiżjoni kkontestata, il-Kummissjoni aġġixxiet b’mod sproporzjonat u b’mod diskriminatorju u kuntrarju għall-aspettattivi leġittimi tar-rikorrenti. Ir-rikorrenti ssostni wkoll li d-deċiżjoni kkontestata tikkostitwixxi wkoll ksur tad-drittijiet tagħha għat-tgawdija paċifika tal-possedimenti tagħha kif protetti mill-Artikolu 1 tal-Protokoll 1 tal-Konvenzjoni Ewropea tad-Drittijiet tal-Bniedem (KEDB), kif ukoll tad-dritt għat-tgawdija tad-drittijiet ċivili tagħha, inklużi d-drittijiet ta’ proprjetà u d-dritt tagħha għal smigħ imparzjali u pubbliku, stabbilit fl-Artikolu 6 tal-KEDB.

(1)  2009/449/KE: Deċiżjoni tal-Kummissjoni tat-13 ta’ Mejju 2009 dwar l-għażla ta’ operaturi ta’ sistemi pan-Ewropej li jipprovdu servizzi mobbli permezz tas-satellita (MSS) (notifikata taħt id-dokument numru C(2009) 3746) (ĠU L 149, p. 65).

Top