This document is an excerpt from the EUR-Lex website
Document 62009CN0329
Case C-329/09 P: Appeal brought on 17 August 2009 by Iride SpA, formerly AMGA SpA, against the judgment of the Court of First Instance (Eighth Chamber, extended Composition) delivered on 11 June 2009 in Case T-300/02 AMGA v Commission
Kawża C-329/09 P: Appell ippreżentat fis- 17 ta’ Awwissu 2009 minn Iride SpA, li qabel kienet AMGA SpA, kontra s-sentenza tal-Qorti tal-Prim’Istanza (It-Tmien Awla Estiża) tal- 11 ta’ Ġunju 2009 fil-Kawża T-300/02, AMGA vs Il-Kummissjoni
Kawża C-329/09 P: Appell ippreżentat fis- 17 ta’ Awwissu 2009 minn Iride SpA, li qabel kienet AMGA SpA, kontra s-sentenza tal-Qorti tal-Prim’Istanza (It-Tmien Awla Estiża) tal- 11 ta’ Ġunju 2009 fil-Kawża T-300/02, AMGA vs Il-Kummissjoni
ĠU C 267, 7.11.2009, p. 41–42
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
7.11.2009 |
MT |
Il-Ġurnal Uffiċjali tal-Unjoni Ewropea |
C 267/41 |
Appell ippreżentat fis-17 ta’ Awwissu 2009 minn Iride SpA, li qabel kienet AMGA SpA, kontra s-sentenza tal-Qorti tal-Prim’Istanza (It-Tmien Awla Estiża) tal-11 ta’ Ġunju 2009 fil-Kawża T-300/02, AMGA vs Il-Kummissjoni
(Kawża C-329/09 P)
2009/C 267/72
Lingwa tal-kawża: It-Taljan
Partijiet
Appellanti: Iride SpA, li qabel kienet AMGA SpA (rappreżentanti: L. Radicati di Brozolo u T. Ubaldi, avvocati)
Partijiet oħra fil-proċeduri: Il-Kummissjoni tal-Komunitajiet Ewropej, A2A SpA, li qabel kienet ASM Brescia SpA
Talbiet tal-appellanti
— |
tannulla s-sentenza fil-Kawża T-300/02 minħabba żnaturament tal-atti tal-proċess u żball fil-konsegwenzi legali li l-Qorti tal-Prim’Istanza kkonkludiet minn dawn l-atti fil-parti fejn tiddikjara li Azienda Mediterranea Gas e Acqua S.p.A (AMGA) mhijiex individwalment ikkonċernata mid-deċiżjoni kkontestata (1) u li r-rikors li hija ppreżentat fil-Kawża T-300/02 huwa inammissibbli; |
— |
tiddikjara ammissibbli r-rikors ippreżentat fil-Kawża T-300/02 u tirrinvija l-kawża quddiem il-Qorti tal-Prim’Istanza sabiex tingħata deċiżjoni fuq il-mertu, skont l-Artikolu 61 tal-Istatut tal-Qorti tal-Ġustizzja; |
— |
tikkundanna lill-Kummissjoni għall-ispejjeż taż-żewġ istanzi. |
Aggravji u argumenti prinċipali
L-appellanti ssostni aggravju wieħed insostenn tal-appell tagħha, ibbażat fuq żnaturament tal-atti tal-proċess u żball fil-konsegwenzi legali li l-Qorti tal-Prim’Istanza ikkonkludiet mill-konstatazzjonijiet ineżatti magħmula fis-sentenza, skont ir-raba’ paragrafu tal-Artikolu 230 KE u l-ġurisprudenza Komunitarja rilevanti. Skont Iride, b’mod partikolari, il-Qorti tal-Prim’Istanza żnaturat kompletament l-atti li hija ppreżentat għall-evalwazzjoni tal-Qorti tal-Prim’Istanza sabiex tikkonferma il-klassifikazzjoni ta’ AMGA bħala benefiċjarja effettiva ta’ għajnuna individwali mogħtija abbażi tal-iskema inkwistjoni u li l-irkupru tagħha ġie ordnat mill-Kummissjoni. Minħabba l-iżnaturament tal-atti tal-proċess, il-Qorti tal-Prim’Istanza għalhekk żbaljatament ikkonkludiet il-konsegwenza legali li hija ma kinitx individwalment ikkonċernata mid-deċiżjoni kkontestata, u għalhekk, li r-rikors tagħha kien inammissibbli.
(1) Deċiżjoni tal-Kummissjoni 2003/193/KE tal-5 ta’ Ġunju 2002 dwar għajnuna mill-Istat fil-forma ta’ eżenzjonijiet fiskali u self b’kundizzjonijiet preferenzjali mogħtija mill-Italja lil impriżi tas-servizz pubbliku b’kapital azzjonarju, fil-parti l-kbira, pubbliku (ĠU 2003 L 77 p. 21)