(1)

Bl-iżvilupp tal-kompetenzi tal-Unjoni Ewropea, iċ-ċittadini qegħdin dejjem jiġu kkonfrontati aktar mill-istituzzjonijiet, korpi, uffiċċji u aġenziji tal-Unjoni, mingħajr ma jkollhom dejjem id-drittijiet proċedurali tagħhom protetti b'mod adegwat.

(2)

F'Unjoni li hija suġġetta għall-istat tad-dritt, huwa neċessarju li jkun żgurat li d-drittijiet proċedurali u l-obbligi huma dejjem definiti, żviluppati u mħarsa b'mod xierqa. Iċ-ċittadini huma intitolati li jistennew livell għoli ta' trasparenza, effiċjenza, eżekuzzjoni rapida u risponsi adegwati mill-istituzzjonijiet, il-korpi, l-uffiċċji u l-aġenziji tal-Unjoni. Iċ-ċittadini huma wkoll intitolati li jirċievu informazzjoni adegwata dwar il-possibbiltà li jieħdu azzjoni ulterjuri dwar din il-kwistjoni.

(3)

Ir-regoli u l-prinċipji eżistenti dwar l-amministrazzjoni tajba jinsabu mferrxin f'varjetà wiesgħa ta' sorsi: il-liġi primarja, il-liġi sekondarja, u l-ġurisprudenza tal-Qorti tal-Ġustizzja tal-Unjoni Ewropea, il-liġi mhux vinkolanti u l-impenji unilaterali mill-istituzzjonijiet tal-Unjoni.

(4)

Matul is-snin, l-Unjoni żviluppat għadd estensiv ta' proċeduri amministrattivi settorjali, fil-forma kemm ta' dispożizzjonijiet vinkolanti kif ukoll ta' liġi mhux vinkolanti, mingħajr ma neċessarjament tieħu inkunsiderazzjoni l-koerenza ġenerali tas-sistema. Din il-varjetà kumplessa ta' proċeduri rriżultat f'nuqqasijiet u f'inkonsistenzi f'dawn il-proċeduri.

(5)

Il-fatt li l-Unjoni nieqsa minn ġabra koerenti u komprensiva ta' regoli kodifikati tal-liġi amministrattiva jagħmel diffiċli għaċ-ċittadini biex jifhmu d-drittijiet amministrattivi tagħhom taħt il-liġi tal-Unjoni.

(6)

F'April tas-sena 2000, l-Ombudsman Ewropew ippropona lill-istituzzjonijiet, Kodiċi ta' Kondotta Amministrattiva Tajba fuq il-bażi li l-istess kodiċi għandu japplika għall-istituzzjonijiet, il-korpi, l-uffiċċji u l-aġenziji kollha tal-Unjoni.

(7)

Fir-riżoluzzjoni tiegħu tas-6 ta' Settembru 2001, il-Parlament approva l-abbozz ta' Kodiċi tal-Ombudsman Ewropew b'emendi u stieden lill-Kummissjoni tippreżenta proposta għal regolament li jkun fih Kodiċi ta' Kondotta Amministrattiva Tajba bbażat fuq l-Artikolu 308 tat-Trattat li jistabbilixxi l-Komunità Ewropea.

(8)

Il-kodiċi ta' kondotta interni eżistenti adottati sussegwentement mill-istituzzjonijiet differenti, ibbażati l-iktar fuq dak il-kodiċi tal-Ombudsman, għandhom effett limitat, ivarjaw bejniethom u mhumiex legalment vinkolanti.

(9)

Id-dħul fis-seħħ tat-Trattat ta' Lisbona ta lill-Unjoni bażi ġuridika għall-adozzjoni ta' Regolament ta' Proċedura Amministrattiva. L-Artikolu 298 tat-Trattat dwar il-Funzjonament tal-Unjoni Ewropea (TFUE) jipprevedi l-adozzjoni tar-regolamenti biex jiġi żgurat li meta jkunu qed iwettqu l-missjonijiet tagħhom, l-istituzzjonijiet, il-korpi, l-uffiċċji u l-aġenziji tal-Unjoni jkollhom l-appoġġ ta' amministrazzjoni Ewropea miftuħa, effiċjenti u indipendenti. Id-dħul fis-seħħ tat-Trattat ta' Lisbona ta wkoll lill-Karta tad-Drittijiet Fundamentali tal-Unjoni Ewropea (“il-Karta”) l-istess valur legali bħat-Trattati.

(10)

Titolu V (“Id-drittijiet taċ-Ċittadini”) tal-Karta jistabbilixxi d-dritt għal amministrazzjoni tajba fl-Artikolu 41, li jipprevedi li kull persuna għandha d-dritt li jkollha l-affarijiet tagħha trattati b'mod imparzjali, b'mod ġust u fi żmien raġonevoli mill-istituzzjonijiet, il-korpi, l-uffiċċji u l-aġenziji tal-Unjoni. L-Artikolu 41 tal-Karta jindika wkoll, b'mod mhux eżawrjenti, ċerti elementi inklużi fid-definizzjoni tad-dritt għal amministrazzjoni tajba bħad-dritt li persuna tkun mismugħa, id-dritt ta' kull persuna li jkollha aċċess għal fajl tagħha, id-dritt li jingħataw raġunijiet għal deċiżjoni tal-amministrazzjoni u l-possibbiltà ta' talba għal danni kkawżati mill-istituzzjonijiet jew mill-uffiċjali tagħha fil-qadi ta' dmirijiethom, u d-drittijiet lingwistiċi.

(11)

Amministrazzjoni effiċjenti tal-Unjoni hija essenzjali għall-interess pubbliku. Eċċess, kif ukoll nuqqas ta' regoli u proċeduri jistgħu jwasslu għal amministrazzjoni ħażina, li tista' tirriżulta wkoll mill-eżistenza ta' regoli u proċeduri kontradittorji, inkonsistenti jew mhux ċari.

(12)

Proċeduri amministrattivi strutturati sew u konsistenti jsostnu kemm amministrazzjoni effiċjenti kif ukoll infurzar tajjeb tad-dritt għal amministrazzjoni tajba ggarantit bħala prinċipju ġenerali tal-liġi tal-Unjoni u taħt l-Artikolu 41 tal-Karta.

(13)

Fir-riżoluzzjoni tiegħu tal-15 ta' Jannar 2013 il-Parlament Ewropew talab għall-adozzjoni ta' regolament dwar Liġi Ewropea ta' Proċedura Amministrattiva li jiggarantixxi d-dritt għal amministrazzjoni tajba permezz ta' amministrazzjoni Ewropea miftuħa, effiċjenti u indipendenti. L-istabbiliment ta' sett ta' regoli komuni ta' proċedura amministrattiva fil-livell tal-istituzzjonijiet, tal-korpi, tal-uffiċċji u tal-aġenziji tal-Unjoni, għandhom itejbu ċ-ċertezza legali, jimlew il-lakuni tas-sistema ġuridika tal-Unjoni u b'hekk għandhom jikkontribwixxi għall-konformità mal-istat tad-dritt.

(14)

L-iskop ta' dan ir-Regolament huwa li jiġi stabbilit sett ta' regoli proċedurali li l-amministrazzjoni tal-Unjoni għandha tikkonforma ruħha miegħu meta twettaq l-attivitajiet amministrattivi tagħha. Dawn ir-regoli proċedurali huma intiżi li jiżguraw kemm amministrazzjoni miftuħa, effiċjenti u indipendenti kif ukoll infurzar xieraq tad-dritt għal amministrazzjoni tajba.

(15)

F'konformità mal-Artikolu 298 tat-TFUE, dan ir-Regolament m'għandux japplika għall-amministrazzjonijiet tal-Istati Membri. Barra minn hekk, dan ir-Regolament m'għandux japplika għal proċeduri leġiżlattivi, proċedimenti ġudizzjarji u proċeduri li jwasslu għall-adozzjoni ta' atti mhux leġiżlattivi bbażati direttament fuq it-Trattati, atti delegati jew atti ta' implimentazzjoni.

(16)

Dan ir-Regolament għandu japplika għall-amministrazzjoni tal-Unjoni mingħajr preġudizzju għal atti legali oħra tal-Unjoni li jipprevedu regoli proċedurali amministrattivi speċifiċi. Madankollu, il-proċeduri amministrattivi speċifiċi għas-settur mhumiex kompletament koerenti u kompluti. Bil-ħsieb li tiġi żgurata koerenza ġenerali tal-attivitajiet amministrattivi tal-amministrazzjoni tal-Unjoni u r-rispett sħiħ tad-dritt għal amministrazzjoni tajba, l-atti legali li jipprevedu regoli proċedurali amministrattivi speċifiċi għandhom, għalhekk, jiġu interpretati b'mod konformi ma' dan ir-Regolament u l-lakuni tagħhom għandhom jimtlew permezz tad-dispożizzjonijiet rilevanti ta' dan ir-Regolament. Dan ir-Regolament jistabbilixxi drittijiet u obbligi bħala regola awtomatika għall-proċeduri amministrattivi kollha taħt il-liġi tal-Unjoni u għalhekk inaqqas il-frammentazzjoni tar-regoli proċedurali applikabbli, li jirriżultaw minn leġiżlazzjoni speċifika għas-settur.

(17)

Ir-regoli proċedurali amministrattivi mfassla f'dan ir-Regolament għandhom l-għan li jimplimentaw il-prinċipji ta' amministrazzjoni tajba stabbiliti f'varjetà wiesgħa ta' sorsi legali fid-dawl tal-ġurisprudenza tal-Qorti tal-Ġustizzja tal-Unjoni Ewropea. Dawn il-prinċipji huma mniżżlin hawn taħt u l-formulazzjoni tagħhom għandha tispira l-interpretazzjoni tad-dispożizzjonijiet ta' dan ir-Regolament.

(18)

Il-prinċipju tal-istat tad-dritt, kif imfakkar fl-Artikolu 2 tat-Trattat dwar l-Unjoni Ewropea (TUE), huwa l-qofol tal-valuri tal-Unjoni. Skont dan il-prinċipju, kull azzjoni tal-Unjoni għandha tiġi bbażata fuq it-Trattati f'konformità mal-prinċipju tal-għoti ta' kompetenzi. Barra minn hekk, il-prinċipju tal-legalità, bħala korollarju għall-istat tad-dritt, jirrikjedi li l-attivitajiet tal-amministrazzjoni tal-Unjoni jitwettqu f'konformità sħiħa mal-liġi.

(19)

Kwalunkwe att legali tal-liġi tal-Unjoni għandu jkun konformi mal-prinċipju tal-proporzjonalità. Dan jirrikjedi li kull miżura tal-amministrazzjoni tal-Unjoni tkun xierqa u neċessarja biex tissodisfa l-għanijiet li huma leġittimament imfittxija mill-miżura inkwistjoni: fejn ikun hemm għażla bejn diversi miżuri potenzjalment xierqa, għandha tittieħed l-għażla li hija l-inqas ta' piż, u kwalunkwe drittijiet imposti mill-amministrazzjoni m'għandhomx ikunu sproporzjonati meta mqabbla mal-miri mħaddna.

(20)

Id-dritt għal amministrazzjoni tajba jeżiġi li l-atti amministrattivi jittieħdu mill-amministrazzjoni tal-Unjoni skont il-proċeduri amministrattivi li jiggarantixxu imparzjalità, sens ta' ġustizzja u puntwalità.

(21)

Id-dritt għal amministrazzjoni tajba jeħtieġ li kwalunkwe deċiżjoni biex tinbeda proċedura amministrattiva tkun notifikata lill-partijiet u tipprovdi l-informazzjoni meħtieġa biex ikunu jistgħu jeżerċitaw id-drittijiet tagħhom matul il-proċedura amministrattiva. F'każijiet debitament ġustifikati u eċċezzjonali fejn l-interess pubbliku jeħtieġ hekk, l-amministrazzjoni tal-Unjoni tista' ddewwem jew ma tagħmilx in-notifika.

(22)

Meta l-proċedura amministrattiva tinbeda permezz ta' applikazzjoni ta' parti, id-dritt għal amministrazzjoni tajba jimponi obbligu fuq l-amministrazzjoni tal-Unjoni li tirrikonoxxi l-irċevuta tal-applikazzjoni bil-miktub. Il-konferma tar-riċevuta għandha tindika l-informazzjoni meħtieġa li tippermetti li parti teżerċita d-drittijiet tagħha ta' difiża matul il-proċedura amministrattiva. Madankollu, l-amministrazzjoni tal-Unjoni għandha tkun intitolata tiċħad applikazzjonijiet inutli jew abbużivi peress li dawn jistgħu jipperikolaw l-effiċjenza amministrattiva.

(23)

Għall-finijiet taċ-ċertezza legali, proċedura amministrattiva għandha tinbeda fi żmien raġonevoli wara li jkun seħħ l-avveniment. Għalhekk, dan ir-Regolament għandu jinkludi dispożizzjonijiet fuq perjodu ta' limitazzjoni.

(24)

Id-dritt għal amministrazzjoni tajba jeħtieġ li l-amministrazzjoni tal-Unjoni teżerċita d-dmir ta' diliġenza, li jobbliga l-amministrazzjoni tistabbilixxi u teżamina b'attenzjoni u b'imparzjalità l-elementi kollha fattwali u legali rilevanti tal-każ b'kunsiderazzjoni tal-interessi kollha rilevanti, f'kull stadju tal-proċedura. Għal dan il-għan, l-amministrazzjoni tal-Unjoni għandu jkollha s-setgħa li tisma' x-xhieda tal-partijiet, tax-xhieda u tal-esperti, titlob dokumenti u rekords u twettaq żjarat jew spezzjonijiet. Meta tagħżel l-esperti, l-amministrazzjoni tal-Unjoni għandha tiżgura li huma teknikament kompetenti u mhux affettwati minn kunflitt ta' interess.

(25)

Matul l-investigazzjoni mwettqa mill-amministrazzjoni tal-Unjoni, il-partijiet għandhom id-dmir li jikkooperaw billi jgħinu l-amministrazzjoni taċċerta l-fatti u ċ-ċirkostanzi tal-każ. Meta titlob lill-partijiet biex jikkooperaw, l-amministrazzjoni tal-Unjoni għandha tagħtihom limitu ta' żmien raġonevoli biex twieġeb, u għandha tfakkarhom dwar id-dritt kontra l-awtoinkriminazzjoni fejn il-proċedura amministrattiva tista' twassal għal penali.

(26)

Id-dritt li wieħed jiġi ttrattat b'mod imparzjali mill-amministrazzjoni tal-Unjoni huwa korollarju tad-dritt fundamentali għal amministrazzjoni tajba u jimplika d-dmir tal-membri tal-persunal li jastjeni milli jieħdu sehem f'proċedura amministrattiva meta jkollhom, direttament jew indirettament, interess personali, inkluż, b'mod partikolari, xi interessi familjari jew finanzjarji, li jistgħu jikkompromettu l-imparzjalità tagħhom.

(27)

Id-dritt għal amministrazzjoni tajba jista' jeħtieġ li, taħt ċerti ċirkostanzi, l-ispezzjonijiet jitwettqu mill-amministrazzjoni, fejn dan huwa meħtieġ biex jiġi ssodisfat dmir jew biex jintlaħaq objettiv skont il-liġi tal-Unjoni. Dawk l-ispezzjonijiet għandhom jirrispettaw ċerti kundizzjonijiet u proċeduri biex jiġu salvagwardati d-drittijiet tal-partijiet.

(28)

Id-dritt għal smigħ għandu jiġi rrispettat f'kull proċedura mibdija kontra persuna u li tista' tiġi konkluża b'mod li jippreġudikaha. Dan m'għandux jiġi eskluż jew limitat minn ebda miżura leġiżlattiva. Id-dritt għal smigħ jirrikjedi li l-persuna kkonċernata tingħata spjegazzjoni preċiża u kompluta tal-pretensjonijiet jew oġġezzjonijiet imqajma u tingħata l-opportunità li tressaq kummenti dwar il-verità u r-rilevanza tal-fatti u fuq id-dokumenti użati.

(29)

Id-dritt għal amministrazzjoni tajba jinkludi d-dritt ta' parti għall-proċedura amministrattiva li jkollha aċċess għall-fajl tagħha, li huwa wkoll rekwiżit essenzjali sabiex jitgawda d-dritt għal smigħ. Meta l-ħarsien tal-interessi leġittimi tal-kunfidenzjalità u tas-segretezza professjonali u tan-negozju ma jippermettix aċċess sħiħ għall-fajl, il-parti għandha għall-inqas tingħata sommarju adegwat tal-kontenut tal-fajl. Bil-ħsieb li jiġi ffaċilitat l-aċċess ta' persuna għall-fajls tagħha u b'hekk tiġi żgurata ġestjoni trasparenti ta' informazzjoni, l-amministrazzjoni tal-Unjoni għandha żżomm reġistru tal-posta li tkun dieħla u li tkun ħierġa, tad-dokumenti li tirċievi u tal-miżuri li tieħu, u tistabbilixxi indiċi tal-fajls irreġistrati.

(30)

L-amministrazzjoni tal-Unjoni għandha tadotta atti amministrattivi f'limitu ta' żmien raġonevoli. Amministrazzjoni bil-mod hija amministrazzjoni ħażina. Kwalunkwe dewmien fl-adozzjoni ta' att amministrattiv għandu jkun ġustifikat u l-parti fil-proċedura amministrattiva għandha tkun debitament infurmata u pprovduta bi stima tad-data mistennija għall-adozzjoni tal-att amministrattiv.

(31)

Id-dritt għal amministrazzjoni tajba jimponi obbligu fuq l-amministrazzjoni tal-Unjoni biex tiddikjara b'mod ċar ir-raġunijiet li fuqhom huma bbażati l-atti amministrattivi tagħha. Id-dikjarazzjoni tar-raġunijiet għandha tindika l-bażi ġuridika tal-att, is-sitwazzjoni ġenerali li wasslet għall-adozzjoni tiegħu u l-objettivi ġenerali li għandu l-intenzjoni li jilħaq. Din għandha turi b'mod ċar u inekwivoku r-raġunament tal-awtorità kompetenti li adottat l-att, b'tali mod li tippermetti lill-partijiet ikkonċernati jiddeċiedu jekk jixtiqux jiddefendu d-drittijiet tagħhom permezz ta' applikazzjoni għal stħarriġ ġudizzjarju.

(32)

Skont id-dritt għal rimedju effettiv, la l-Unjoni u lanqas l-Istati Membri ma jistgħu jagħmlu prattikament impossibbli jew eċċessivament diffiċli l-eżerċizzju tad-drittijiet mogħtija mil-liġi tal-Unjoni. Minflok, huma obbligati li jiggarantixxu protezzjoni ġudizzjarja reali u effettiva u huma pprojbiti milli japplikaw xi regola jew proċedura li tista' tevita, anke temporanjament, il-liġi tal-Unjoni milli jkollha forza u effett sħiħ.

(33)

Sabiex jiġi ffaċilitat l-eżerċizzju tad-dritt għal rimedju effettiv, l-amministrazzjoni tal-Unjoni għandha tindika fl-atti amministrattivi tagħha r-rimedji li huma disponibbli għall-partijiet li d-drittijiet u l-interessi tagħhom huma affettwati minn dawk l-atti. Minbarra l-possibbiltà li jitressqu proċeduri ġudizzjarji jew li jitressaq ilment quddiem l-Ombudsman Ewropew, il-parti għandha tingħata d-dritt li titlob rieżami amministrattiv u għandha tingħata informazzjoni dwar il-proċedura u l-limitu ta' żmien li fih tista' tressaq tali talba.

(34)

It-talba għal rieżami amministrattiv ma tippreġudikax id-dritt tal-parti għal rimedju ġudizzjarju. Għall-finijiet tal-limitu ta' żmien għall-applikazzjoni għal stħarriġ ġudizzjarju, att amministrattiv għandu jiġi kkunsidrat finali jekk il-parti ma tressaqx talba għal rieżami amministrattiv fil-limitu ta' żmien rilevanti jew, jekk il-parti tressaq talba għal rieżami amministrattiv, l-att amministrattiv finali huwa l-att li jikkonkludi dak ir-rieżami amministrattiv.

(35)

F'konformità mal-prinċipji ta' trasparenza u taċ-ċertezza legali, il-partijiet għal proċedura amministrattiva għandhom ikunu kapaċi jifhmu b'mod ċar id-drittijiet u l-obbligi tagħhom li jirriżultaw minn att amministrattiv indirizzat lilhom. Għal dawn il-finijiet, l-amministrazzjoni tal-Unjoni għandha tiżgura li l-atti amministrattivi tagħha huma abbozzati b'mod ċar, sempliċi u b'lingwa li tinftiehem u jkollhom effett meta tiġi notifikata lill-partijiet. Meta twettaq dan l-obbligu, huwa meħtieġ li l-amministrazzjoni tal-Unjoni tagħmel użu xieraq tat-teknoloġiji tal-informazzjoni u tal-komunikazzjoni u biex jadattaw għall-iżvilupp tagħhom.

(36)

Għall-finijiet ta' trasparenza u ta' effiċjenza amministrattiva, l-amministrazzjoni tal-Unjoni għandha tiżgura li l-iżbalji klerikali, aritmetiċi jew simili fl-atti amministrattivi tagħha jkunu kkorreġuti mill-awtorità kompetenti.

(37)

Barra minn hekk, bħala korollarju għall-istat tad-dritt, il-prinċipju tal-legalità jimponi obbligu fuq l-amministrazzjoni tal-Unjoni biex tirrettifika jew tirrevoka atti amministrattivi illegali. Madankollu, meta wieħed iqis li kwalunkwe rettifika jew revoka ta' att amministrattiv tista' tkun f'kunflitt mal-protezzjoni tal-aspettattivi leġittimi u l-prinċipju taċ-ċertezza legali, l-amministrazzjoni tal-Unjoni għandha tevalwa b'attenzjoni u b'mod imparzjali l-effetti tar-rettifika jew tar-revoka fuq partijiet oħra u tinkludi l-konklużjonijiet ta' tali evalwazzjoni fil-motivi tal-att li jirrettifika jew li jirrevoka.

(38)

Iċ-ċittadini tal-Unjoni għandhom id-dritt li jiktbu lill-istituzzjonijiet, il-korpi, l-uffiċċji u l-aġenziji tal-Unjoni, f'waħda mil-lingwi tat-Trattati u jkollhom tweġiba bl-istess lingwa. L-amministrazzjoni tal-Unjoni għandha tirrispetta d-drittijiet lingwistiċi tal-partijiet billi tiżgura li l-proċedura amministrattiva titwettaq f'waħda mil-lingwi tat-Trattati magħżula mill-parti. Fil-każ ta' proċedura amministrattiva mibdija mill-amministrazzjoni tal-Unjoni, l-ewwel notifika għandha tkun abbozzata f'waħda mil-lingwi tat-Trattat li tikkorrispondi mal-Istat Membru li fih il-parti tkun tinsab.

(39)

Il-prinċipju tat-trasparenza u d-dritt ta' aċċess għal dokumenti għandhom importanza partikolari taħt proċedura amministrattiva mingħajr preġudizzju għall-atti leġiżlattivi adottati skont l-Artikolu 15(3) TFUE. Kwalunkwe limitazzjoni ta' dawn il-prinċipji għandha tiġi interpretata b'mod restrittiv biex tikkonforma mal-kriterji stabbiliti fl-Artikolu 52(1) tal-Karta u għalhekk għandha tkun prevista mil-liġi u għandha tirrispetta l-essenza tad-drittijiet u tal-libertajiet, u tkun soġġetta għall-prinċipju tal-proporzjonalità.

(40)

Id-dritt għall-protezzjoni tad-data personali jimplika li mingħajr preġudizzju għall-atti leġiżlattivi adottati skont l-Artikolu 16 TFUE, id-data użata mill-amministrazzjoni tal-Unjoni għandha tkun preċiża, aġġornata u rreġistrata legalment.

(41)

Il-prinċipju ta' protezzjoni tal-aspettattivi leġittimi jirriżulta mill-istat tad-dritt u jimplika li l-azzjonijiet tal-korpi pubbliċi m'għandhomx jinterferixxu ma' drittijiet stabbiliti u sitwazzjonijiet legali finali ħlief fejn huwa bilfors neċessarju fl-interess pubbliku. L-aspettattivi leġittimi għandhom jiġu debitament ikkunsidrati fejn att amministrattiv jiġi rettifikat jew irtirat.

(42)

Il-prinċipju taċ-ċertezza legali jeħtieġ li r-regoli tal-Unjoni jkunu ċari u preċiżi. Dan il-prinċipju għandu l-għan li jiżgura li sitwazzjonijiet u relazzjonijiet ġuridiċi li huma rregolati mil-liġi tal-Unjoni jibqgħu prevedibbli peress li l-individwi għandhom ikunu jistgħu jistabbilixxu mingħajr ambigwità x'inhuma d-drittijiet u l-obbligi tagħhom u jkunu jistgħu jieħdu l-passi skont il-każ. F'konformità mal-prinċipju taċ-ċertezza legali, m'għandhomx jittieħdu miżuri retroattivi ħlief f'ċirkostanzi ġustifikati legalment.

(43)

Bil-ħsieb li tiġi żgurata koerenza ġenerali fl-attivitajiet tal-amministrazzjoni tal-Unjoni, atti amministrattivi ta' applikazzjoni ġenerali għandhom jikkonformaw mal-prinċipji ta' amministrazzjoni tajba msemmija f'dan ir-Regolament.

(44)

Fl-interpretazzjoni ta' dan ir-Regolament, għandha tingħata attenzjoni speċjali għat-trattament ugwali u għan-nondiskriminazzjoni, li japplikaw għal attivitajiet amministrattivi bħala korollarju ewlieni għall-istat tad-dritt u għall-prinċipji ta' amministrazzjoni Ewropea effiċjenti u indipendenti,

(a)

proċeduri leġiżlattivi;

(b)

proċeduri ġudizzjarji;

(c)

proċeduri li jwasslu għall-adozzjoni ta' atti mhux leġiżlattivi bbażati direttament fuq it-Trattati, atti delegati jew atti ta' implimentazzjoni.

(a)

“Amministrazzjoni tal-Unjoni” tfisser l-amministrazzjoni tal-istituzzjonijiet, il-korpi, l-uffiċċji u l-aġenziji tal-Unjoni;

(b)

“Attivitajiet amministrattivi” tfisser dawk imwettqa mill-amministrazzjoni tal-Unjoni għall-implimentazzjoni tal-liġi tal-Unjoni, bl-eċċezzjoni tal-proċeduri msemmija fl-Artikolu 2(2);

(c)

“proċedura amministrattiva” tfisser il-proċess li bih l-amministrazzjoni tal-Unjoni tħejji, tadotta, timplimenta u tinforza atti amministrattivi;

(d)

“membru tal-persunal” tfisser uffiċjal fis-sens tal-Artikolu 1a tar-Regolamenti tal-Persunal u aġent kif definit f'paragrafi 1 sa 3 tal-Artikolu 1 tal-Kondizzjonijiet tal-Impjieg ta' Aġenti Oħra tal-Unjoni Ewropea.

(e)

“awtorità kompetenti” tfisser istituzzjoni, korp, uffiċċju jew aġenzija jew entità tal-Unjoni jew detentur ta' kariga fi ħdan l-amministrazzjoni tal-Unjoni li skont il-liġi applikabbli hija responsabbli għal proċedura amministrattiva;

(f)

“parti” tfisser kwalunkwe persuna fiżika jew ġuridika li l-istatus ġuridiku tagħha jista' jiġi affettwat mill-eżitu ta' proċedura amministrattiva.

(a)

numru ta' referenza u d-data;

(b)

is-suġġett u l-għan tal-proċedura;

(c)

id-deskrizzjoni tal-passi proċedurali ewlenin;

(d)

l-isem u d-dettalji ta' kuntatt tal-membru tal-persunal responsabbli;

(e)

l-awtorità kompetenti;

(f)

limitu ta' żmien għall-adozzjoni tal-att amministrattiv u l-konsegwenzi ta' kwalunkwe nuqqas ta' adozzjoni tal-att amministrattiv fi żmien il-limitu ta' żmien;

(g)

ir-rimedji disponibbli,

(h)

l-indirizz tal-websajt imsemmi fl-Artikolu 28, jekk tkun teżisti tali websajt.

(a)

numru ta' referenza u d-data;

(b)

id-data tal-irċevuta tal-applikazzjoni;

(c)

deskrizzjoni tal-passi proċedurali ewlenin;

(d)

l-isem u d-dettalji ta' kuntatt tal-membru tal-persunal responsabbli;

(e)

limitu ta' żmien għall-adozzjoni tal-att amministrattiv u l-konsegwenzi ta' kwalunkwe nuqqas ta' adozzjoni tal-att amministrattiv fi żmien il-limitu ta' żmien;

(f)

l-indirizz tal-websajt imsemmi fl-Artikolu 28, jekk tkun teżisti tali websajt.

(a)

li jingħataw l-informazzjoni kollha rilevanti relatati mal-proċedura b'mod ċar u li jinftiehem;

(b)

li jikkomunikaw u jikkompletaw, fejn possibbli u xieraq, il-formalitajiet proċedurali kollha minn distanza u b'mezzi elettroniċi;

(c)

li jużaw kwalunkwe lingwa tat-Trattati u biex jiġu indirizzati bil-lingwa tat-Trattati tal-għażla tagħhom;

(d)

jiġu notifikati bil-passi proċedurali kollha u bid-deċiżjonijiet li jistgħu jaffettwawhom;

(e)

li jkunu rappreżentati minn avukat jew xi persuna oħra tal-għażla tagħhom;

(f)

biex iħallsu biss spejjeż li jkunu raġonevoli u proporzjonati għall-ispiża tal-proċedura inkwistjoni.

(a)

tisma' x-xhieda tal-partijiet, lix-xhieda u l-esperti,

(b)

titlob dokumenti u rekords,

(c)

twettaq żjarat u spezzjonijiet.

(a)

notifika tad-deċiżjoni li tiftaħ il-proċedura amministrattiva jekk inbdiet mill-amministrazzjoni tal-Unjoni, jew

(b)

l-irċevuta tal-applikazzjoni jekk il-proċedura amministrattiva kienet mibdija permezz ta' applikazzjoni.

(a)

link għal-leġiżlazzjoni applikabbli,

(b)

spjegazzjoni fil-qosor tar-rekwiżiti legali ewlenin u l-interpretazzjoni amministrattiva tagħhom,

(c)

deskrizzjoni tal-passi proċedurali ewlenin,

(d)

l-indikazzjoni tal-awtorità kompetenti li għandha tadotta l-att finali,

(e)

l-indikazzjoni tal-limitu ta' żmien għall-adozzjoni tal-att,

(f)

l-indikazzjoni ta' rimedji disponibbli,

(g)

link għal formoli standard li jistgħu jintużaw minn partijiet fil-komunikazzjonijiet tagħhom mal-amministrazzjoni tal-Unjoni fi ħdan il-proċedura.