22.4.2010   

MT

Il-Ġurnal Uffiċjali tal-Unjoni Ewropea

C 103/20

(1)

konfliġġenti mal-isem ta’ varjetà ta’ pjanta jew ta’ razza tal-bhejjem u b’hekk probabbilment ikun se jfixkel lill-konsumatur dwar l-oriġini vera tal-prodott;

(2)

kompletament jew parzjalment omonimu ma' isem li diġà huwa protett fl-Unjoni Ewropea skont ir-Regolament tal-Kunsill (KE) Nru 510/2006 (1) dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel u r-Regolament (KE) Nru 110/2008 (2) tal-Parlament Ewropew u tal-Kunsill dwar id-definizzjoni, id-deskrizzjoni, il-preżentazzjoni, l-ittikkettar u l-protezzjoni ta' indikazzjonijiet ġeografiċi ta' xorb spirituż; jew stipulat fi ftehimiet li l-Unjoni Ewropea kkonkludiet ma' wieħed mill-pajjiżi li ġejjin:

—   Ir-Repubblika tal-Albanija: id-Deċiżjoni tal-Kunsill 2006/580/KE (3) tat-12 ta' Ġunju 2006 dwar l-iffirmar u l-konklużjoni tal-Ftehim Interim dwar il-kummerċ u affarijiet marbuta mal-kummerċ bejn il-Komunità Ewropea, min-naħa waħda, u r-Repubblika tal-Albanija, min-naħa l-oħra (il-Protokoll 3 dwar konċessjonijiet preferenzjali reċiproċi għal ċerti nbejjed, l-għarfien reċiproku, il-protezzjoni u l-kontroll tal-ismijiet tal-inbid, ix-xorb alkoħoliku u l-inbejjed aromatizzati);

—   Il-Bożnja u Ħerzegovina: id-Deċiżjoni tal-Kunsill 2008/474/KE (4) tas-16 ta' Ġunju 2008 dwar il-konklużjoni tal-Ftehim Temporanju dwar il-kummerċ u materji relatati mal-kummerċ bejn il-Komunità Ewropea, minn naħa, u l-Bożnja u Ħerzegovina, min-naħa l-oħra (il-Protokoll 7);

—   Il-Kanada: Id-Deċiżjoni tal-Kunsill 2004/91/KE (5) tat-30 ta' Lulju 2003 dwar il-konklużjoni ta' Ftehim bejn il-Komunità Ewropea u l-Kanada dwar kummerċ fl-inbejjed u l-ispirti;

—   Ir-Repubblika taċ-Ċilì: id-Deċiżjoni tal-Kunsill 2002/979/KE (6) tat-18 ta’ Novembru 2002 dwar l-iffirmar u l-applikazzjoni provviżorja ta' ċerti dispożizzjonijiet ta’ Ftehim li jistabbilixxi assoċjazzjoni bejn il-Komunità Ewropea u l-Istati Membri, min-naħa waħda, u r-Repubblika taċ-Ċilì, min-naħa l-oħra, u b’mod partikulari l-Artikolu 90 li jistabbilixxi l-Ftehim dwar il-Kummerċ fix-Xorb Alkoħoliku u x-Xorb Aromatizzat;

—   Il-Kroazja: id-Deċiżjoni tal-Kunsill 2001/918/KE (7) tat-3 ta’ Diċembru 2001 dwar il-konklużjoni ta’ Protokoll Addizzjonali li jaġġusta l-aspetti kummerċjali tal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom, min-naħa l-waħda, u r-Repubblika tal-Kroazja, min-naħa l-oħra, biex jittieħed kont tar-riżultat tan-negozjati bejn il-partijiet fir-rigward tal-konċessjonijiet preferenzjali reċiproċi f'ċerti nbejjed, ir-rikonoxximent, il-protezzjoni u l-kontroll reċiproku ta’ ismijiet ta’ nbejjed u r-rikonoxximent, il-protezzjoni u l-kontroll reċiproku ta’ disinjazzjonijiet [denominazzjonijiet] għall-ispirti u x-xorb aromatizzat;

—   Dik li kienet ir-Repubblika Jugoslava tal-Maċedonja: id-Deċiżjoni tal-Kunsill 2001/916/KE (8) tat-3 ta’ Diċembru 2001 dwar il-konklużjoni ta’ Protokoll Addizzjonali li jaġġusta l-aspetti kummerċjali tal-Ftehim ta’ Stabbilizzazzjoni u Assoċjazzjoni bejn il-Komunitajiet Ewropej u l-Istati Membri tagħhom min-naħa l-waħda, u l-ex Repubblika Jugoslava tal-Maċedonja min-naħa l-oħra, biex jittieħed kont tar-riżultat tan-negozjati bejn il-partijiet fir-rigward tal-konċessjonijiet preferenzjali reċiproċi f’ċerti nbejjed, ir-rikonixximent, il-protezzjoni u l-kontroll reċiproku ta’ ismijiet ta’ nbejjed u r-rikonixximent, il-protezzjoni u l-kontroll reċiproku ta’ disinjazzjonijiet [denominazzjonijiet] għall-ispirti u xorb aromatizzat;

—   Il-Messiku: id-Deċiżjoni tal-Kunsill 97/361/KE (9) tas-27 ta' Mejju 1997 dwar il-konklużjoni ta' Ftehim bejn il-Komunità Ewropea u l-Istati Uniti tal-Messiku fuq ir-rikonoxximent komuni u l-protezzjoni tad-deskrizzjoni [tad-denominazzjonijiet] ta' spirti alkoħoliċi;

—   Il-Montenegro: id-Deċiżjoni tal-Kunsill 2007/855/KE (10) tal-15 ta’ Ottubru 2007 dwar l-iffirmar u l-konklużjoni tal-Ftehim Provviżorju dwar il-kummerċ u materji relatati mal-kummerċ bejn il-Komunità Ewropea, minn naħa waħda, u r-Repubblika tal-Montenegro, min-naħa l-oħra;

—   L-Afrika t'Isfel: id-Decizjoni tal-Kunsill 2002/52/KE (11) tal-21 ta' Jannar 2002 dwar il-konklużjoni ta' Ftehim bejn il-Komunità Ewropea u r-Repubblika tal-Afrika t'Isfel dwar kummerċ fi spirti;

—   Iżvizzera: id-Deċiżjoni 2002/309/KE tal-Kunsill u tal-Kummissjoni (12) dwar il-ftehim dwar kooperazzjoni xjentifika u teknoloġika tal-4 ta' April 2002 dwar il-konklużjoni tas-seba’ Ftehim [ta’ seba’ ftehimiet] mal-Konfederazzjoni Żvizzera, u b'mod partikulari l-Ftehim bejn il-Komunità Ewropea u l-Konfederazzjoni Żvizzera dwar in-negozju tal-prodotti agrikoli – l-Anness 7;

(3)

fid-dawl tar-reputazzjoni u tal-fama tat-trademark u t-tul ta’ żmien li ilu jintuża, dan x’aktarx li se jfixkel lill-konsumatur dwar l-identità vera tal-prodott;

(4)

se jipperikola l-eżistenza ta’ isem kompletament jew parzjalment identiku jew ta’ trademark jew l-eżistenza ta’ prodotti li jkunu ilhom fis-suq b’mod legali għal mill-inqas ħames snin qabel id-data tal-pubblikazzjoni ta’ dan l-avviż;

(5)

se jitqies bħala ġeneriku, jekk dan jista' jirriżulta mid-dettalji mogħtija.