(1)

Ir-Regolament (UE, Euratom) 2024/2509 jallinja fl-Artikolu 163(5), il-punt (b) tiegħu, ir-regoli stabbiliti f’dak ir-Regolament għas-servizzi finanzjarji b’rabta mal-ħruġ, il-bejgħ, ix-xiri jew it-trasferiment ta’ titoli jew strumenti finanzjarji oħra skont it-tifsira tad-Direttiva 2014/65/UE tal-Parlament Ewropew u tal-Kunsill (2) użati mill-Kummissjoni fil-kuntest tal-operazzjonijiet ta’ għoti u teħid b’self tagħha, mar-regoli applikabbli għal tali servizzi fid-Direttiva 2014/24/UE tal-Parlament Ewropew u tal-Kunsill (3). Għalhekk, dak ir-Regolament jallinja kif il-Kummissjoni takkwista s-servizzi meħtieġa biex twettaq servizzi li huma kritiċi għall-implimentazzjoni awtonoma u effettiva tal-baġit tal-Unjoni ma’ kif jitwettqu l-istess attivitajiet mill-Istati Membri u minn istituzzjonijiet oħra. Konsegwentement, ir-regoli tal-Unjoni dwar l-akkwist, bl-eċċezzjoni tal-prinċipji ta’ trasparenza u trattament ugwali, ma għandhomx jiġu applikati għas-servizzi finanzjarji akkwistati mill-Kummissjoni għat-twettiq tal-operazzjonijiet ta’ għoti u teħid b’self tagħha.

(2)

Li sservi bħala maniġer ta’ tmexxija jew ta’ tmexxija konġunta għal tranżazzjonijiet sindakati jaqa’ fil-kamp ta’ applikazzjoni tas-servizzi finanzjarji skont l-Artikolu 163(5), il-punt (b), tar-Regolament (UE, Euratom) 2024/2509, u jikkonċerna direttament il-ħruġ ta’ titoli ta’ dejn tal-Unjoni. L-Artikolu 13 tad-Deċiżjoni ta’ Implimentazzjoni tal-Kummissjoni (UE) 2023/1602 (4) jistabbilixxi l-proċedura għall-għażla tan-negozjanti primarji li se jservu bħala membri ta’ tmexxija jew ta’ tmexxija konġunta għal tranżazzjonijiet sindakati. L-Artikolu 13(1) tad-Deċiżjoni ta’ Implimentazzjoni (UE) 2023/1602 jipprevedi li din l-għażla għandha ssir abbażi ta’ proċedura nnegozjata speċjali f’konformità mal-leġiżlazzjoni tal-Unjoni dwar l-akkwist. Dak l-Artikolu 13(1) jenħtieġ li jitħassar biex jirrifletti l-eżenzjoni mir-regoli tal-akkwist għas-servizzi finanzjarji akkwistati mill-Kummissjoni għat-twettiq tal-operazzjonijiet ta’ għoti u teħid b’self tagħha.

(3)

Proċeduri trasparenti u oġġettivi għall-għażla tas-sindakati se jkomplu jiġu implimentati mill-Kummissjoni, abbażi tal-Artikolu 13(2) sa (5) tad-Deċiżjoni ta’ Implimentazzjoni (UE) 2023/1602 u t-Termini u l-Kundizzjonijiet Ġenerali ta’ appoġġ kif ippubblikati fuq is-sit web tal-Kummissjoni u aċċettati minn kull negozjant primarju. Dawn il-proċeduri se jiġu implimentati abbażi tal-manwali operattivi li jispeċifikaw fid-dettall il-mod li bih is-servizzi tal-Kummissjoni, responsabbli għall-għażla tal-banek sindakati, se jwettqu dawn il-proċessi. Għalhekk, il-proċess strutturat ħafna attwali kif definit f’din id-deċiżjoni u fil-manwal intern dwar tranżazzjonijiet sindakati għall-għażla sindakata (u ta’ tmexxija konġunta) se jkompli jiġi implimentat sabiex jiġu żgurati t-trasparenza u t-trattament ugwali fil-proċeduri tal-għażla sindakati. Din l-għażla issa se tiġi organizzata barra mill-qafas leġiżlattiv għall-akkwist, u d-deċiżjonijiet mhux se jkollhom għalfejn jiġu ġġustifikati b’referenza stretta għal-leġiżlazzjoni dwar l-akkwist.

(4)

Skont l-Artikolu 163(5) tar-Regolament (UE, Euratom) 2024/2509, ir-regoli dwar l-akkwist stabbiliti f’dak ir-Regolament, bl-eċċezzjoni tal-prinċipji ta’ trasparenza u trattament ugwali, ma għandhomx japplikaw għas-servizzi finanzjarji. Għaldaqstant, il-proċedura nnegozjata mingħajr pubblikazzjoni minn qabel ta’ avviż ta’ kuntratt ma tiġix applikata meta jintgħażlu maniġers ta’ tmexxija u ta’ tmexxija konġunta għal tranżazzjoni sindakata. Peress li n-negozjanti primarji għandhom jiġu remunerati permezz ta’ fondi tal-Unjoni matul tranżazzjonijiet sindakati, ir-regoli komuni, inklużi d-dispożizzjonijiet applikabbli għas-sistema ta’ identifikazzjoni bikrija u ta’ esklużjoni, ikomplu japplikaw fir-rigward tal-membri tan-network tan-negozjanti primarji.

(5)

Is-sħubija fin-network tan-negozjanti primarji tikkostitwixxi relazzjoni li tibqa’ għaddejja, affidabbli u kontinwa bejn l-UE u l-membri tan-network tan-negozjanti primarji. Relazzjoni bħal din teħtieġ l-issodisfar kontinwu tal-kriterji ta’ eliġibbiltà biex iservu bħala maniġers ta’ tmexxija jew ta’ tmexxija konġunta permezz tat-twettiq tal-impenji u ta’ impenji addizzjonali mwettqa mill-membri. Fl-istess ħin, il-membri tan-network tan-negozjanti primarji huma entitajiet taħt superviżjoni u liċenzjati, li huma soġġetti għal skrutinju sinifikanti skont il-leġiżlazzjoni tal-Unjoni u dik nazzjonali mill-awtoritajiet kompetenti fl-Istat Membru kif ukoll fil-livell tal-Unjoni.

(6)

In-negozjanti primarji jenħtieġ li jinnotifikaw lill-Kummissjoni minnufih fil-każ ta’ bidla materjali fl-istatus relatata mal-eliġibbiltà tagħhom jew kwalunkwe wieħed mid-dokumenti li jkunu ppreżentaw matul l-applikazzjoni tagħhom lin-network tan-negozjanti primarji jew aġġornament sussegwenti ta’ tali dokumentazzjoni. In-negozjanti primarji jenħtieġ li jkunu meħtieġa wkoll jinnotifikaw lill-Kummissjoni dwar każijiet li jistgħu jwasslu għal sitwazzjoni ta’ esklużjoni. Minbarra dawn ir-rekwiżiti ta’ notifika immedjata, is-sistema preċedenti bbażata fuq il-proċedura nnegozjata mingħajr pubblikazzjoni minn qabel kienet tirrikjedi li n-negozjanti primarji jerġgħu jissottomettu parti mid-dokumenti ta’ applikazzjoni tagħhom kull sena. It-tkomplija ta’ tali prattika tipprovdi benefiċċju limitat flimkien mar-rekwiżit ta’ notifika immedjata filwaqt li tikkostitwixxi rekwiżit kbir ta’ dokumentazzjoni. Sabiex jiġu żgurati s-solidità u l-affidabbiltà tan-network tan-negozjanti primarji, in-negozjanti primarji jenħtieġ li jintalbu jikkonfermaw mill-inqas darba fis-sena li d-dokumenti miġbura matul l-applikazzjoni tagħhom għas-sħubija, jew aġġornament sussegwenti, għadhom rilevanti, u jġeddu d-dokumentazzjoni sottomessa tagħhom mill-inqas kull 3 snin anki f’każijiet fejn ma kienx hemm bidliet sostanzjali.

(7)

L-okkorrenza ta’ sitwazzjonijiet ta’ esklużjoni msemmija fl-Artikolu 138 tar-Regolament (UE, Euratom) 2024/2509 ta’ negozjant primarju jenħtieġ li tiġi vvalutata f’konformità mar-regoli rispettivi stabbiliti fih. Fl-istess ħin, huwa xieraq li jiġi rikonoxxut, għall-finijiet tal-valutazzjoni ta’ sitwazzjoni ta’ esklużjoni attwali jew potenzjali, li r-relazzjoni li għaddejja bħalissa, u li hi kontinwa, u l-bilanċ tad-drittijiet u l-impenji tan-negozjant primarju, kif ukoll ir-rabta mill-qrib bejn il-kapaċita tan-negozjar primarju u tal-ħruġ tad-dejn tal-Unjoni jikkostitwixxu sitwazzjoni komparabbli għal dik fejn jeżisti impenn legali kontinwu bejn l-Unjoni u benefiċjarju. F’din is-sitwazzjoni, l-impenn legali jibqa’ jitwettaq sakemm jintemm. Bl-istess mod, huwa xieraq li tiġi permessa l-kontinwazzjoni tal-eliġibbiltà ta’ negozjant primarju biex iservi bħala maniġer ta’ tmexxija jew ta’ tmexxija konġunta anki jekk isseħħ sitwazzjoni ta’ esklużjoni attwali jew potenzjali.

(8)

Meta jitqies li s-sistema attwali ta’ sospensjoni tan-negozjanti primarji, kif prevista fid-Deċiżjoni ta’ Implimentazzjoni (UE) 2023/1602 ma wrietx li hija effiċjenti fil-prattika, jenħtieġ li din tiġi emendata u ssir adatta għall-iskop tagħha. Peress li n-negozjanti primarji jridu jissodisfaw kontinwament l-obbligi tagħhom bħala membri tan-network tan-negozjanti primarji sabiex jibqgħu eliġibbli fuq bażi kontinwa biex iservu bħala membri ta’ tmexxija jew ta’ tmexxija konġunta fi tranżazzjonijiet sindakati, is-sospensjoni ta’ negozjant primarju min-network ikollha l-istess effett bħat-terminazzjoni tas-sħubija tagħhom. Għal din ir-raġuni, ikun xieraq li l-proċess ta’ sospensjoni jsir distint u li jiġi dirett lejn każijiet fejn jista’ jkun hemm theddida serja u sensittiva għaż-żmien għall-interessi finanzjarji tal-Unjoni li ma setgħetx tiġi indirizzata permezz ta’ valutazzjoni u esklużjoni ta’ negozjant primarju. In-negozjanti primarji kkonċernati jenħtieġ li jitħallew jesprimu l-osservazzjonijiet u l-oġġezzjonijiet tagħhom. F’każijiet eċċezzjonali, dan jista’ jseħħ wara s-sospensjoni, li mbagħad tkun tista’ titneħħa abbażi tal-informazzjoni sottomessa tagħhom.

(9)

Fil-każ ta’ sospensjoni jew deċiżjoni dwar it-terminazzjoni tas-sħubija fir-rigward ta’ entità li sservi bħala negozjant primarju, il-Kummissjoni jkollha tivvaluta l-effett li s-sospensjoni jew it-terminazzjoni tas-sħubija jkollha fuq il-kontinwità tal-operat tan-network tan-negozjanti primarji u l-proporzjonalità ta’ tali sospensjoni jew terminazzjoni tas-sħubija.

(10)

Għaldaqstant, jenħtieġ li d-Deċiżjoni ta’ Implimentazzjoni (UE) 2023/1602 tiġi emendata.

(1)

fl-Artikolu 5(1)(e), il-punt (iii) jinbidel b’dan li ġej:

(*1)  Ir-Regolament (UE, Euratom) 2024/2509 tal-Parlament Ewropew u tal-Kunsill tat-23 ta’ Settembru 2024 dwar ir-regoli finanzjarji applikabbli għall-baġit ġenerali tal-Unjoni (ĠU L, 2024/2509, 26.9.2024, ELI: http://data.europa.eu/eli/reg/2024/2509/oj).”;"

(2)

fl-Artikolu 7(d), il-punt (ii) jinbidel b’dan li ġej:

(3)

l-Artikolu 13 huwa emendat kif ġej:

(4)

fl-Artikolu 15, il-paragrafu 4 jinbidel b’dan li ġej:

(5)

jiddaħħal l-Artikolu 16a li ġej:

(6)

l-Artikolu 17 jinbidel b’dan li ġej: