This document is an excerpt from the EUR-Lex website
Document 32022D2442
Council Decision (CFSP) 2022/2442 of 12 December 2022 amending Decision (CFSP) 2022/151 on a European Union action to support the evacuation of certain particularly vulnerable persons from Afghanistan
Deċiżjoni tal-Kunsill (PESK) 2022/2442 tat-12 ta’ Diċembru 2022 li temenda d-Deċiżjoni (PESK) 2022/151 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
Deċiżjoni tal-Kunsill (PESK) 2022/2442 tat-12 ta’ Diċembru 2022 li temenda d-Deċiżjoni (PESK) 2022/151 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
ST/14745/2022/INIT
ĠU L 319, 13.12.2022, p. 83–83
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
In force
13.12.2022 |
MT |
Il-Ġurnal Uffiċjali tal-Unjoni Ewropea |
L 319/83 |
DEĊIŻJONI TAL-KUNSILL (PESK) 2022/2442
tat-12 ta’ Diċembru 2022
li temenda d-Deċiżjoni (PESK) 2022/151 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan
IL-KUNSILL TAL-UNJONI EWROPEA,
Wara li kkunsidra t-Trattat dwar l-Unjoni Ewropea u b’mod partikolari l-Artikolu 28(1) tiegħu,
Wara li kkunsidra l-proposta mir-Rappreżentant Għoli tal-Unjoni għall-Affarijiet Barranin u l-Politika ta’ Sigurtà,
Billi:
(1) |
Fit-3 ta’ Frar 2022, il-Kunsill adotta d-Deċiżjoni (PESK) 2022/151 (1). |
(2) |
Mill-1 ta’ Ġunju 2021, is-Servizz Ewropew għall-Azzjoni Esterna (SEAE) organizza u mexxa l-evakwazzjoni tal-Afgani, b’mod partikolari ta’ dawk li kienu ħadmu għar-Rappreżentant Speċjali tal-UE fl-Afganistan, maħtur mill-Azzjoni Konġunta tal-Kunsill 2001/875/PESK (2), jew għall-EUPOL AFGHANISTAN, stabbilit mill-Azzjoni Konġunta tal-Kunsill 2007/369/PESK (3), ta’ Afgani oħra partikolarment vulnerabbli li kienu kkollaboraw mal-Unjoni, u tal-qraba stretti dipendenti tagħhom. |
(3) |
Lista ta’ persuni eliġibbli għall-evakwazzjoni skont id-Deċiżjoni (PESK) 2022/151 (il-“lista”) ġiet stabbilita u aġġornata mis-SEAE. |
(4) |
Minħabba s-sitwazzjoni fl-Afganistan, l-evakwazzjoni ta’ persuni fil-lista, li għadhom f’riskju waqt li jinsabu fl-Afganistan, ma tistax titlesta sal-31 ta’ Diċembru 2022. |
(5) |
L-azzjoni skont id-Deċiżjoni (PESK) 2022/151 jenħtieġ tiġi estiża sal-31 ta’ Diċembru 2023 sabiex tkun tista’ ssir l-evakwazzjoni ta’ persuni partikolarment vulnerabbli fuq il-lista, |
ADOTTA DIN ID-DEĊIŻJONI:
Artikolu 1
Fl-Artikolu 1 tad-Deċiżjoni (PESK) 2022/151, fis-sentenza introduttorja, id-data “31 ta’ Diċembru 2022” hija sostitwita bid-data “31 ta’ Diċembru 2023”.
Artikolu 2
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, it-12 ta’ Diċembru 2022.
Għall-Kunsill
Il-President
J. BORRELL FONTELLES
(1) Id-Deċiżjoni tal-Kunsill (PESK) 2022/151 tat-3 ta’ Frar 2022 dwar azzjoni tal-Unjoni Ewropea b’appoġġ għall-evakwazzjoni ta’ ċerti persuni partikolarment vulnerabbli mill-Afganistan (ĠU L 25, 4.2.2022, p. 11).
(2) L-Azzjoni Konġunta tal-Kunsill 2001/875/PESK tal-10 ta’ Diċembru 2001 dwar il-ħatra tar Rappreżentant Speċjali tal-Unjoni Ewropea (ĠU L 326, 11.12.2001, p. 1). (Mhux disponibbli bil-Malti)
(3) L-Azzjoni Konġunta tal-Kunsill 2007/369/PESK tat-30 ta’ Mejju 2007 dwar l-istabbiliment tal-Missjoni tal-Pulizija tal-Unjoni Ewropea fl-Afganistan (EUPOL AFGANISTAN) (ĠU L 139, 31.5.2007, p. 33).