(1)

Ir-Regolament (UE) Nru 1380/2013 għandu l-għan li jelimina b'mod progressiv l-qbid skartat fis-sajd kollu tal-Unjoni bl-introduzzjoni tal-obbligu ta' ħatt l-art għall-qabdiet ta' speċijiet li huma soġġetti għal-limiti ta' qbid.

(2)

Sabiex jiġi implimentat l-obbligu ta' ħatt l-art, l-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni biex tadotta pjanijiet għall-iskartar permezz ta' att delegat għal perjodu ta' mhux iżjed minn tliet snin abbażi tar-rakkomandazzjonijiet konġunti żviluppati mill-Istati Membri b'konsultazzjoni mal-Kunsilli Konsultattivi rilevanti.

(3)

Il-Belġju, Spanja, Franza, in-Netherlands u l-Portugall għandhom interess ta' ġestjoni tas-sajd dirett fl-ilmijiet tal-Lbiċ. Permezz tar-Regolament Delegat (UE) 2015/2439 (2), il-Kummissjoni stabbiliet pjan għall-iskartar għal ċertu sajd demersali fl-ilmijiet tal-Lbiċ għall-perjodu 2016-2018, li kien imħassar u sostitwit mir-Regolament Delegat tal-Kummissjoni (UE) 2016/2374 (3), wara rakkomandazzjoni konġunta mressqa mill-Belġju, Spanja, Franza, in-Netherlands u l-Portugall fl-2016. Ir-Regolament Delegat (UE) 2016/2374 kien emendat permezz tar-Regolament Delegat tal-Kummissjoni (UE) 2018/44 (4).

(4)

Fil-31 ta' Mejju 2018 il-Belġju, Spanja, Franza, in-Netherlands u l-Portugall ippreżentaw rakkomandazzjoni konġunta ġdida lill-Kummissjoni wara li kkonsultaw il-Kunsill Konsultattiv tal-Ilmijiet tal-Lbiċ. Inkisbu kontribuzzjonijiet xjentifiċi mingħand il-korpi xjentifiċi rilevanti li ġew evalwati mill-Kumitat Xjentifiku, Tekniku u Ekonomiku għas-Sajd (STECF) (5). Fil-11 ta' Settembru 2018 saret laqgħa tal-grupp ta' esperti li għaliha attendew ir-rappreżentanti tat-28 Stat Membru, tal-Kummissjoni kif ukoll tal-Parlament Ewropew bħala osservatur, u ġew diskussi l-miżuri kkonċernati.

(5)

Ir-Regolament Delegat (UE) 2016/2374 kien jinkludi eżenzjoni mill-obbligu ta' ħatt l-art għall-iskampu maqbud bi xbieki tat-tkarkir tal-qiegħ fis-Subżoni 8 u 9 tal-Kunsill Internazzjonali għall-Esplorazzjoni tal-Baħar (ICES), billi l-evidenza xjentifika eżistenti indikat il-possibbiltà ta' rati ta' sopravivenza għoljin, filwaqt li tqiesu l-karatteristiċi tal-irkapti użati biex jimmiraw lejn dik l-ispeċi, il-prattiki tas-sajd u l-ekosistema. Fl-evalwazzjoni (6) tiegħu l-STECF ikkonkluda li l-esperimenti u l-istudji l-aktar reċenti li ġew kompletati mill-2016 sal-2018 juru rati ta' sopravivenza fil-firxa tar-rata ta' sopravivenza osservata fil-ħidma preċedenti. Għalhekk, billi ċ-ċirkostanzi ma nbiddlux, dik l-eżenzjoni ta' sopravivenza għandha tinżamm fil-pjan għall-iskartar demersali tal-ilmijiet tal-Lbiċ għall-perjodu 2019-2021.

(6)

Għar-rebekkini u r-raj maqbudin b'kull tip ta' rkaptu fis-Subżoni 8 u 9 tal-ICES, ma hemmx evidenza xjentifika dettaljata dwar ir-rati ta' sopravivenza għas-segment u l-kombinazzjonijiet kollha ta' flotot li jibbenefikaw mill-eżenzjoni. Madankollu, bi ftit eċċezzjonijiet, ir-rati ta' sopravivenza huma meqjusin bħala ġeneralment robusti, iżda huma meħtieġa iktar dettalji. Sabiex tinġabar din id-data, is-sajd ikun irid jitkompla u b'hekk, il-Kummissjoni tqis li l-eżenzjoni għandha tingħata, iżda li l-Istati Membri jenħtieġ li jkollhom l-obbligu li jissottomettu d-data rilevanti li tippermetti l-STECF jivvaluta bis-sħiħ il-ġustifikazzjoni u li tippermetti l-Kummissjoni twettaq evalwazzjoni. L-Istati Membri li għandhom interess ta' ġestjoni dirett għandhom jissottomettu malajr kemm jista' jkun sal-31 ta' Mejju ta' kull sena: (a) pjan direzzjonali żviluppat biex iżid is-sopravivenza u biex jimla l-lakuni fid-data identifikati mill-STECF, biex jiġi vvalutat kull sena mill-STECF, (b) rapporti annwali dwar il-progress u kwalunkwe modifiki jew aġġustamenti li jsiru għall-programmi ta' sopravivenza.

(7)

Meta jitqiesu r-rati ta' sopravivenza tar-rebekkini u r-raj, ir-raja kukù (Leucoraja naevus) nstabu li għandhom rata ta' sopravivenza konsiderevolment iktar baxxa minn speċijiet oħrajn, u li ma hemmx biżżejjed fehim xjentifiku robust tagħhom. Madankollu jekk din l-ispeċi tiġi eskluża kompletament mill-eżenzjoni dan jipprevjeni s-sajd u l-ġbir kontinwu u preċiż ta' data. Għalhekk, il-Kummissjoni tqis li din l-eżenzjoni għandha tingħata biss għal sena waħda u li għandhom jiġu żviluppati studji ġodda u miżuri mtejba ta' sopravivenza bħala kwistjoni ta' urġenza u li dawn jiġu pprovduti lill-STECF għal valutazzjoni malajr kemm jista' jkun qabel il-31 ta' Mejju 2019.

(8)

Ir-rakkomandazzjoni konġunta l-ġdida tissuġġerixxi wkoll eżenzjoni ta' sopravivenza għall-paġella ħamra maqbuda bl-irkaptu artiġjanali “voracera” fid-Diviżjoni 9a tal-ICES. L-Istati Membri pprovdew evidenza xjentifika sabiex juru r-rati ta' sopravivenza għall-qbid skartat tal-paġella ħamra. L-evidenza kienet sottomessa lill-STECF li kkonkluda li l-eżenzjoni hija ġustifikata sew. Għalhekk jenħtieġ li dik l-eżenzjoni tiddaħħal fil-pjan għall-iskartar il-ġdid għas-snin 2019-2021.

(9)

Ir-rakkomandazzjoni konġunta l-ġdida tissuġġerixxi wkoll eżenzjoni ta' sopravivenza għall-paġella ħamra maqbuda bis-snanar u l-lenzi fis-Subżona 10 tal-ICES. L-Istati Membri pprovdew evidenza xjentifika sabiex juru r-rati ta' sopravivenza tal-paġella ħamra f'dak is-sajd. L-evidenza kienet sottomessa lill-STECF li kkonkluda li l-eżenzjoni hija ġustifikata sew. Għalhekk jenħtieġ li dik l-eżenzjoni tiddaħħal fil-pjan għall-iskartar il-ġdid għas-snin 2019-2021.

(10)

Ir-Regolament Delegat (UE) 2016/2374 kien jinkludi eżenzjonijiet de minimis mill-obbligu ta' ħatt l-art skont l-Artikolu 15(5)(c) tar-Regolament (UE) Nru 1380/2013 għal-lingwata komuni maqbuda bi xbieki tat-tkarkir bi travu u xbieki tat-tkarkir tal-qiegħ fid-Diviżjonijiet 8a u 8b tal-ICES u għal-lingwata komuni maqbuda bil-pariti u l-għeżula fid-Diviżjonijiet 8a u 8b tal-ICES. L-evidenza pprovduta mill-Istati Membri għal dawk l-eżenzjonijiet fir-rakkomandazzjoni konġunta l-ġdida kienet evalwata mill-STECF (7). L-STECF ikkonkluda li r-rakkomandazzjoni konġunta fiha argumenti motivati b'rabta mad-diffikultà biex tiżdied is-selettività flimkien mal-ispejjeż sproporzjonati tal-ipproċessar tal-qabdiet mhux mixtieqa. Għalhekk, billi ċ-ċirkostanzi ma nbiddlux, l-eżenzjonijiet de minimis għandhom jinżammu fil-pjan għall-iskartar demersali għall-ilmijiet tal-Lbiċ għall-perjodu 2019-2021.

(11)

Ir-Regolament Delegat (UE) 2016/2374 kien jinkludi eżenzjoni de minimis mill-obbligu ta' ħatt l-art skont l-Artikolu 15(5)(c) tar-Regolament (UE) Nru 1380/2013 għall-merluzz maqbud bix-xbieki tat-tkarkir u t-tartaruni fis-Subżoni 8 u 9 tal-ICES. L-evidenza pprovduta mill-Istati Membri għal dik l-eżenzjoni kienet evalwata mill-STECF, li kkonkluda (8) li għandhom jitwettqu iktar provi sabiex jiġi vvalutat it-titjib fis-selettività. Sabiex tinġabar din id-data, is-sajd ikun irid jitkompla u b'hekk, il-Kummissjoni tqis li l-eżenzjoni jenħtieġ li tingħata, iżda l-Istati Membri jenħtieġ li jkollhom l-obbligu li jissottomettu d-data rilevanti li tippermetti l-STECF jivvaluta bis-sħiħ il-ġustifikazzjoni u li tippermetti l-Kummissjoni twettaq evalwazzjoni. Għalhekk, l-eżenzjoni de minimis jenħtieġ li tingħata proviżorjament sal-31 ta' Diċembru 2019. L-Istati Membri konċernati jentħtieġ li jwettqu provi addizzjonali u jipprovdu informazzjoni malajr kemm jista' jkun qabel il-31 ta' Mejju 2019 għal valutazzjoni mill-STECF.

(12)

Ir-rakkomandazzjoni konġunta l-ġdida fiha eżenzjonijiet de minimis ġodda għal:

(13)

L-Istati Membri pprovdew informazzjoni għall-eżenzjonijiet de minimis għall-fonsa ħamra u l-lipp abjad maqbudin bis-snanar u l-lenzi fis-Subżona 10 tal-ICES. L-STECF evalwa dik l-evidenza u kkonkluda li l-informazzjoni pprovduta mill-Istati Membri fiha argumenti raġonati li juru li huwa diffiċli li jinkiseb iktar titjib fis-selettività jew li dan jimplika spejjeż sproporzjonati fl-immaniġġjar tal-qabdiet mhux intenzjonati. Għalhekk huwa xieraq li dawn l-eżenzjonijiet de minimis jiġu inklużi fil-pjan għall-iskartar il-ġdid għas-snin 2019-2021.

(14)

L-informazzjoni pprovduta mill-Istati Membri jenħtieġ li tkun kompluta fir-rigward tal-eżenzjonijiet de minimis il-ġodda għal dawn l-ispeċijiet individwalment:

Taħt dawk iċ-ċirkostanzi, dawn l-eżenzjonijiet individwali għal kull speċi jenħtieġ li jkunu limitati għal sena waħda u l-Istati Membri jenħtieġ li jkollhom l-obbligu li jissottomettu d-data rilevanti li tippermetti l-STECF jivvaluta bis-sħiħ il-ġustifikazzjoni u li tippermetti l-Kummissjoni twettaq evalwazzjoni. Dawn l-eżenzjonijiet de minimis jenħtieġ li jingħataw proviżorjament sal-31 ta' Diċembru 2019. L-Istati Membri konċernati jenħtieġ li jwettqu provi addizzjonali u jipprovdu informazzjoni malajr kemm jista' jkun qabel il-31 ta' Mejju 2019 għal valutazzjoni mill-STECF.

(15)

Sabiex jiġu żgurati stimi affidabbli tal-livelli ta' skartar sabiex jiġu stabbiliti l-qabdiet annwali totali (TACs), jenħtieġ li l-Istati Membri, fil-każijiet fejn l-eżenzjoni de minimis hija bbażata fuq l-estrapolazzjoni ta' sitwazzjonijiet b'data limitata u informazzjoni dwar il-flotot parzjali, jiżguraw provvista ta' data preċiża u verifikabbli għall-flotta sħiħa koperta minn din id-dispożizzjoni de minimis.

(16)

Il-miżuri ssuġġeriti fir-rakkomandazzjoni konġunta l-ġdida huma konformi mal-Artikolu 15(4), l-Artikolu 15(5)(c) u l-Artikolu 18(3) tar-Regolament (UE) Nru 1380/2013 u għalhekk jistgħu jiġu inklużi f'dan ir-Regolament.

(17)

Skont l-Artikolu 18 tar-Regolament (UE) Nru 1380/2013, il-Kummissjoni qieset kemm il-valutazzjoni tal-STECF kif ukoll il-ħtieġa li l-Istati Membri jiżguraw l-implimentazzjoni sħiħa tal-obbligu ta' ħatt l-art fl-1 ta' Jannar 2019. F'diversi każijiet, l-eżenzjonijiet jeħtieġu li jitkomplew l-attività tas-sajd u l-ġbir ta' data sabiex jiġu indirizzati l-kummenti tal-STECF. F'dawn il-każijiet, il-Kummissjoni tqis bħala approċċ pragmatiku u prudenti lejn il-ġestjoni tas-sajd, li tippermetti eżenzjonijiet fuq bażi temporanja, bil-fehim li jekk ma tagħmilx hekk dan jipprevjeni l-ġbir ta' data meħtieġ li huwa indispensabbli għal ġestjoni xierqa u informata tal-qabdiet skartati fid-dawl tad-dħul fis-seħħ bis-sħiħ tal-obbligu ta' ħatt l-art.

(18)

Billi l-miżuri stipulati f'dan ir-Regolament iħallu impatt dirett fuq l-attivitajiet ekonomiċi marbuta mal-istaġun tas-sajd u mal-ippjanar tal-istaġun tas-sajd tal-bastimenti tal-Unjoni, jenħtieġ li dan ir-Regolament jidħol fis-seħħ minnufih wara l-pubblikazzjoni tiegħu. Jenħtieġ li japplika mill-1 ta' Jannar 2019.

“Voracera” tfisser irkaptu tas-sajd artiġjanali, xlief bis-sunnara mekkanizzat iddisinjat u mibni lokalment, użat mill-flotta artiġjanali li tistad għall-paġella ħamra fin-Nofsinhar ta' Spanja fid-Diviżjoni 9a tal-ICES.