This document is an excerpt from the EUR-Lex website
Document 32018D1875
Council Decision (EU) 2018/1875 of 26 November 2018 establishing the position to be adopted on behalf of the European Union within the Committee of Technical Experts of the Intergovernmental Organisation for International Carriage by Rail (OTIF) as regards certain amendments to the Uniform Technical Prescriptions — General Provisions — Subsystems (UTP GEN-B) and the Uniform Technical Prescriptions — Telematics applications for freight services (UTP TAF)
Deċiżjoni tal-Kunsill (UE) 2018/1875 tas-26 ta' Novembru 2018 dwar il-pożizzjoni li trid tiġi adottata f'isem l-Unjoni Ewropea fi ħdan il-Kumitat ta' Esperti Tekniċi tal-Organizzazzjoni Intergovernattiva għat-Trasport Internazzjonali bil-Ferrovija (OTIF) fir-rigward ta' ċerti emendi għall-Preskrizzjonijiet Tekniċi Uniformi - Dispożizzjonijiet Ġenerali – Subsistemi (UTP GEN- B) u l-Preskrizzjonijiet Tekniċi Uniformi - Applikazzjonijiet telematiċi għas-servizz tat-trasport tal-merkanzija (UTP TAF)
Deċiżjoni tal-Kunsill (UE) 2018/1875 tas-26 ta' Novembru 2018 dwar il-pożizzjoni li trid tiġi adottata f'isem l-Unjoni Ewropea fi ħdan il-Kumitat ta' Esperti Tekniċi tal-Organizzazzjoni Intergovernattiva għat-Trasport Internazzjonali bil-Ferrovija (OTIF) fir-rigward ta' ċerti emendi għall-Preskrizzjonijiet Tekniċi Uniformi - Dispożizzjonijiet Ġenerali – Subsistemi (UTP GEN- B) u l-Preskrizzjonijiet Tekniċi Uniformi - Applikazzjonijiet telematiċi għas-servizz tat-trasport tal-merkanzija (UTP TAF)
ST/13299/2018/INIT
ĠU L 306, 30.11.2018, p. 50–52
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
|
30.11.2018 |
MT |
Il-Ġurnal Uffiċjali tal-Unjoni Ewropea |
L 306/50 |
DEĊIŻJONI TAL-KUNSILL (UE) 2018/1875
tas-26 ta' Novembru 2018
dwar il-pożizzjoni li trid tiġi adottata f'isem l-Unjoni Ewropea fi ħdan il-Kumitat ta' Esperti Tekniċi tal-Organizzazzjoni Intergovernattiva għat-Trasport Internazzjonali bil-Ferrovija (OTIF) fir-rigward ta' ċerti emendi għall-Preskrizzjonijiet Tekniċi Uniformi - Dispożizzjonijiet Ġenerali – Subsistemi (UTP GEN- B) u l-Preskrizzjonijiet Tekniċi Uniformi - Applikazzjonijiet telematiċi għas-servizz tat-trasport tal-merkanzija (UTP TAF)
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 91, flimkien mal-Artikolu 218(9) tiegħu,
Wara li kkunsidra l-proposta mill-Kummissjoni Ewropea,
Billi:
|
(1) |
L-Unjoni aderixxiet mal-Konvenzjoni li tirrigwarda t-Trasport Internazzjonali bil-Ferrovija tad-9 ta' Mejju 1980, kif emendata mill-Protokoll ta' Vilnius tat-3 ta' Ġunju 1999 (“il- Konvenzjoni COTIF”), permezz tad-Deċiżjoni tal-Kunsill 2013/103/UE (1). |
|
(2) |
Kull Stat Membru, bl-eċċezzjoni ta' Ċipru u Malta, japplikaw il-Konvenzjoni COTIF. |
|
(3) |
Skont l-Artikolu 8 tal-Konvenzjoni COTIF, twaqqaf il-Kumitat tal-Esperti Tekniċi (“CTE”) tal-Organizzazzjoni Intergovernattiva għat-Trasport Internazzjonali bil-Ferrovija. Skont il-punt (b) tal-Artikolu 20 (1) tal- Konvenzjoni COTIF u l-Artikoli 6 u 8a tal-Appendiċi F (APTU) tagħha, is-CTE huwa kompetenti biex jieħu deċiżjonijiet dwar l-adozzjoni ta' Preskrizzjonijiet Tekniċi Uniformi (“UTPs”) jew dwar dispożizzjoni li temenda UTP abbażi tal-Appendiċi F (APTU) u l-Appendiċi G (ATMF) tal-Konvenzjoni COTIF. |
|
(4) |
Wara l-11-il sessjoni tiegħu li saret fit-12 u t-13 ta' Ġunju 2018, is-CTE ddeċieda li jadotta, permezz ta' proċedura bil-miktub, emendi għall-punti 2.1, 2.2 u 2.3 tal-UTP GEN-B biex jinkludu intersezzjonijiet fl-istess livell u strutturi tal-inġinerija oħra bħal pontijiet bħala parti mid-definizzjoni tas-subsistemi tal-infrastruttura, kif stabbiliti fl-hemża ma' din id-Deċiżjoni. |
|
(5) |
L-għan ta' dawk l-emendi huwa li jallinjaw id-definizzjoni tas-subsistemi fil-UTP GEN-B mad-definizzjoni ta' subsistemi tal-Unjoni stipulata fl-Anness II tad-Direttiva (UE) 2016/797 tal-Parlament Ewropew u tal-Kunsill (2) bl-introduzzjoni ta' intersezzjonijiet fl-istess livell u strutturi oħra ta' inġinerija bħal pontijiet bħala parti mid-definizzjoni tas-subsistemi tal-infrastruttura. |
|
(6) |
L-emendi proposti huma konformi mal-liġi u l-objettivi strateġiċi tal-Unjoni billi jikkontribwixxu għall-allinjament tal-leġislazzjoni tal-OTIF mal-leġislazzjoni rilevanti tal-Unjoni, u għalhekk jenħtieġ li jkunu appoġġati mill-Unjoni. |
|
(7) |
Huwa xieraq li tiġi stabbilita l-pożizzjoni li trid tiġi adottata f'isem l-Unjoni fis-CTE, minħabba li l-emendi għall-punti 2.1, 2.2 u 2.3 tal-UTP GEN-B abbażi tal-Appendiċi F (APTU) tal-Konvenzjoni COTIF ser ikunu vinkolanti għall-Unjoni. Barra minn hekk, huwa xieraq li l-allinjament kollu tal-UTP TAF jiġi appoġġjat mal-ispeċifikazzjonijiet tekniċi għall-interoperabbiltà fl-Unjoni (TAF TSI), |
ADOTTA DIN ID-DEĊIŻJONI:
Artikolu 1
Il-pożizzjoni li trid tiġi adottata f'isem l-Unjoni fi ħdan il-Kumitat ta' Esperti Tekniċi tal-Konvenzjoni li tirrigwarda t-Trasport Internazzjonali bil-Ferrovija tad-9 ta' Mejju 1980 fir-rigward tal-emendi għall-punti 2.1, 2.2 u 2.3 tal-Preskrizzjonijiet Tekniċi Uniformi - Dispożizzjonijiet ġenerali - Subsistemi (UTP GEN-B) u għall-Preskrizzjonijiet Tekniċi Uniformi - Applikazzjonijiet telematiċi għas-servizz tat-trasport tal-merkanzija (UTP TAF) hija stabbilita fl-allegat għal din id-Deċiżjoni.
Artikolu 2
Id-deċiżjonijiet tas-CTE, mal-adozzjoni tagħhom, għandhom jiġu ppubblikati f'Il-Ġurnal Uffiċjali tal-Unjoni Ewropea, b'indikazzjoni tad-data tad-dħul fis-seħħ tagħhom.Artikolu 3
Artikolu 3
Din id-Deċiżjoni għandha tidħol fis-seħħ fid-data tal-adozzjoni tagħha.
Magħmul fi Brussell, is-26 ta' Novembru 2018.
Għall-Kunsill
Il-President
J. BOGNER-STRAUSS
(1) Id-Deċiżjoni tal-Kunsill 2013/103/UE tas-16 ta' Ġunju 2011 dwar l-iffirmar u l-konklużjoni tal-Ftehim bejn l-Unjoni Ewropea u l-Organizzazzjoni Intergovernattiva għat-Trasport Internazzjonali bil-Ferrovija dwar l-Adeżjoni tal-Unjoni Ewropea mal-Konvenzjoni li tirrigwarda t-Trasport Internazzjonali bil-Ferrovija (COTIF) tad-9 ta' Mejju 1980, kif emendata mill-Protokoll ta' Vilnius tat-3 ta' Ġunju 1999 (ĠU L 51, 23.2.2013, p. 1).
(2) Id-Direttiva (UE) 2016/797 tal-Parlament Ewropew u tal-Kunsill tal-11 ta' Mejju 2016 dwar l-interoperabbiltà tas-sistema ferrovjarja fl-Unjoni Ewropea (ĠU L 138, 26.5.2016, p. 44).
HEMŻA
Emendi proposti għall-adozzjoni fi proċedura bil-miktub mill-Kumitat ta' Esperti Tekniċi tal-OTIF
|
1. |
Vot pożittiv fuq l-emenda proposta mill-Kumitat ta' Esperti Tekniċi (CTE) għall-punti 2.1, 2.2 u 2.3 tal-Preskrizzjonijiet Tekniċi Uniformi UTP GEN B kif jinsabu fid-Dokument ta' Ħidma TECH-18010-CTE11-5 tas-CTE u deskritti hawn taħt:
“2.1. Infrastruttura Il-COTIF tinkludi l-infrastruttura […] sa fejn huma kkonċernati l-interfaċċji mal-vetturi. […] 2.2. Enerġija Il-COTIF tinkludi s-sistema tal-enerġija sa fejn huma kkonċernati biss l-interfaċċji mal-vetturi. Għalhekk, is-subsistema tal-enerġija tinkludi biss il-linji sospiżi (katenarji) u l-kwalità tal-enerġija fornuta. 2.3. Kmand-kontroll u sinjalazzjoni fuq l-art Il-COTIF tinkludi l-kmand-kontroll u sinjalazzjoni fuq l-art […] u dan sa fejn huma kkonċernati l-interfaċċji mal-vetturi.” |
|
2. |
Vot pożittiv dwar l-emendi proposti mis-CTE għall-UTP TAF, li jinvolvu l-aġġornament tal-Lista ta' Dokumenti Tekniċi fil-UTP TAF mal-Lista ġdida li għadha kemm ġiet aġġornata (l-Appendiċi I) tat-TAF TSI. |