This document is an excerpt from the EUR-Lex website
Document 32014R0716
Commission Implementing Regulation (EU) No 716/2014 of 27 June 2014 on the establishment of the Pilot Common Project supporting the implementation of the European Air Traffic Management Master Plan Text with EEA relevance
Regolament ta' Implimentazzjoni tal-Kummissjoni (UE) Nru 716/2014 tas- 27 ta' Ġunju 2014 dwar l-istabbiliment tal-Proġett Pilota Komuni li jsostni l-implimentazzjoni tal-Pjan Regolatorju Ewropew għall-Ġestjoni tat-Traffiku tal-Ajru Test b'rilevanza għaż-ŻEE
Regolament ta' Implimentazzjoni tal-Kummissjoni (UE) Nru 716/2014 tas- 27 ta' Ġunju 2014 dwar l-istabbiliment tal-Proġett Pilota Komuni li jsostni l-implimentazzjoni tal-Pjan Regolatorju Ewropew għall-Ġestjoni tat-Traffiku tal-Ajru Test b'rilevanza għaż-ŻEE
ĠU L 190, 28.6.2014, p. 19–44
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
No longer in force, Date of end of validity: 21/02/2021; Imħassar b' 32021R0116
28.6.2014 |
MT |
Il-Ġurnal Uffiċjali tal-Unjoni Ewropea |
L 190/19 |
REGOLAMENT TA' IMPLIMENTAZZJONI TAL-KUMMISSJONI (UE) Nru 716/2014
tas-27 ta' Ġunju 2014
dwar l-istabbiliment tal-Proġett Pilota Komuni li jsostni l-implimentazzjoni tal-Pjan Regolatorju Ewropew għall-Ġestjoni tat-Traffiku tal-Ajru
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 550/2004 tal-Parlament Ewropew u tal-Kunsill tal-10 ta' Marzu 2004 dwar il-forniment ta' servizzi ta' navigazzjoni tal-ajru fl-ajru uniku Ewropew (1), u b'mod partikolari l-Artikolu 15a(3) tiegħu,
Billi:
(1) |
Il-proġett għar-Riċerka u l-Iżvilupp dwar il-Ġestjoni tat-Traffiku bl-Ajru tal-Ajru Uniku Ewropew (SESAR) għandu l-għan li jimmodernizza l-ġestjoni tat-traffiku tal-ajru (minn hawn 'il quddiem: “ATM”) fl-Ewropa, u jirrappreżenta l-pilastru teknoloġiku tal-Ajru Uniku Ewropew. Dan għandu l-għan li sal-2030 jipprovdi lill-Unjoni infrastruttura tal-ġestjoni tat-traffiku tal-ajru ta' prestazzjoni għolja li ser tippermetti l-operat sigur u li ma jagħmilx ħsara lill-ambjent u l-iżvilupp tat-trasport bl-ajru. |
(2) |
Ir-Regolament ta' Implimentazzjoni tal-Kummissjoni (UE) Nru 409/2013 (2) jistipula r-rekwiżiti marbuta mal-kontenut tal-proġetti komuni, it-twaqqif, l-adozzjoni, l-implimentazzjoni u l-monitoraġġ tagħhom. Dan jistipula li jeħtieġ li proġetti komuni jiġu implimentati abbażi tal-programm ta' mobilizzazzjoni permezz ta' proġetti ta' implimentazzjoni kkoordinati mill-maniġer tal-mobilizzazzjoni. |
(3) |
Skont ir-Regolament ta' Implimentazzjoni (UE) Nru 409/2013, proġett komuni għandu l-għan li jiskjera b'mod f'waqtu, ikkoordinat u ssinkronizzat il-funzjonalitajiet tal-ATM li huma maturi għall-implimentazzjoni u li jikkontribwixxu biex jinkisbu l-bidliet operattivi neċessarji identifikati fil-Pjan Regolatorju Ewropew tal-ATM. Fi proġett komuni, il-funzjonalitajiet tal-ATM biss li jeħtieġu mobilizzazzjoni sinkronizzata u li jikkontribwixxu b'mod sinifikanti għall-miri ta' prestazzjoni tal-Unjoni kollha għandhom jiġu inklużi. |
(4) |
Fuq talba tal-Kummissjoni, l-Impriża Konġunta SESAR ippreparat abbozz preliminari għall-ewwel proġett komuni, imsejjaħ il-“Proġett Pilota Komuni”. |
(5) |
Dak l-abbozz preliminari ġie analizzat u rivedut mill-Kummissjoni, bl-assistenza tal-Aġenzija Ewropea tas-Sikurezza tal-Ajru, l-Aġenzija Ewropea għad-Difiża, il-Maniġer tan-Netwerk, il-Korp ta' Analiżi tal-Prestazzjoni, il-Eurocontrol, l-Organizzazzjonijiet Ewropej tal-Istandardizzazzjoni u l-Organizzazzjoni Ewropea għal Tagħmir tal-Avjazzjoni Ċivili (EUROCAE). |
(6) |
Wara dan, il-Kummissjoni wettqet analiżi indipendenti tal-kostijiet-benefiċċji globali u konsultazzjonijiet xierqa mal-Istati Membri u l-partijiet interessati rilevanti. |
(7) |
Abbażi ta' dan, il-Kummissjoni stabbiliet proposta għall-Proġett Pilota Komuni. F'konformità mar-Regolament ta' Implimentazzjoni (UE) Nru 409/2013: il-grupp tal-utenti tal-ispazju tal-ajru ċivili tas-SESAR approva l-proposta fit-30 ta' April 2014; il-fornituri tas-servizz tan-navigazzjoni tal-ajru approvaw il-proposta fit-30 ta' April 2014; l-operaturi tal-ajruport approvaw il-proposta fid-29 ta' April 2014; il-Maniger tan-Netwerk approva l-proposta fil-25 ta' April 2014; u s-Servizzi Meteoroloġiċi Nazzjonali Ewropej approvaw il-proposta fit-30 ta' April 2014. |
(8) |
Il-Proġett Pilota Komuni jidentifika sitt funzjonalitajiet tal-ATM, jiġifieri l-Ġestjoni Estiża tal-Wasliet u n-Navigazzjoni bbażata fuq il-Prestazzjoni f'Żoni ta' Mmanuvrar f'Terminals ta' Densità Għolja; l-Integrazzjoni u t-Throughput tal-Ajruport; il-Ġestjoni Flessibbli tal-Ispazju tal-Ajru u r-Rotot Liberi; il-Ġestjoni tan-Netwerk Kollaborattiv; il-Ġestjoni tat-Tagħrif Mifruxa mas-Sistema Kollha Inizjali; u l-Kondiviżjoni tal-Informazzjoni dwar it-Trajettorja Inizjali. Il-mobilizzazzjoni ta' dawn is-sitt funzjonalitajiet tal-ATM għandhom ikunu obbligatorji. |
(9) |
Il-funzjonalità tal-Ġestjoni Estiża tal-Wasliet u n-Navigazzjoni bbażata fuq il-Prestazzjoni f'Żoni ta' Mmanuvrar f'Terminals ta' Densità Għolja hija mistennija li ttejjeb il-preċiżjoni tal-approċċ tat-trajettorja kif ukoll tiffaċilita s-sekwenzjar tat-traffiku fi stadju aktar bikri, biex b'hekk jitnaqqas il-konsum tal-fjuwil u l-impatt ambjentali fil-fażijiet tal-inżul/wasla. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni tas-“Sinkronizzazzjoni tat-traffiku” kif definit fil-Pjan Regolatorju Ewropew tal-ATM. |
(10) |
Il-funzjonalità tal-Integrazzjoni u t-Throughput tal-Ajruport hija mistennija li ttejjeb it-throughput u s-sikurezza tar-runway biex jiġu żgurati l-benefiċċji f'termini ta' konsum ta' fjuwil u tnaqqis fid-dewmien kif ukoll il-kapaċità tal-ajruport. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni “l-Integrazzjoni u t-Throughput tal-Ajruport”, l-element prinċipali kif definit fil-Pjan Regolatorju Ewropew tal-ATM. |
(11) |
Il-funzjonalità tal-Ġestjoni Flessibbli tal-Ispazju tal-Ajru u r-Rotot Liberi hi mistennija li tippermetti użu iktar effiċjenti tal-ispazju tal-ajru, u b'hekk tipprovdi benefiċċji sinifikanti marbutin mal-konsum tal-fjuwil u t-tnaqqis fid-dewmien. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni “Il-Bidla mill-Ispazju tal-Ajru għall-Ġestjoni tat-Trajettorja 4D” kif definit fil-Pjan Regolatorju Ewropew tal-ATM. |
(12) |
Il-funzjonalità tal-Ġestjoni tan-Netwerk Kollaborattiv hi mistennija ttejjeb il-kwalità u l-puntwalità tan-netwerk tal-informazzjoni kondiviża mill-partijiet interessati kollha tal-ATM, biex b'hekk jiġu żgurati benefiċċji sinifikanti f'termini ta' kisbiet ta' produttività tas-Servizzi tan-Navigazzjoni tal-Ajru (minn hawn' il quddiem: “ANS”) u l-iffrankar ta' spejjeż ikkawżati mid-dewmien. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni tal-“Ġestjoni tan-Netwerk Kollaborattiv u l-Ibbilanċjar tal-Kapaċità Dinamika” kif definit fil-Pjan Regolatorju Ewropew tal-ATM. |
(13) |
Il-funzjonalità tal-Ġestjoni tat-Tagħrif Mifruxa mas-Sistema Kollha Inizjali, li tikkonsisti minn sett ta' servizzi li huma pprovduti u kkunsmati permezz ta' netwerk ibbażat fuq il-protokoll imħaddem mis-sistemi permezz tal-Ġestjoni tat-Tagħrif Mifruxa mas-Sistema Kollha (SWIM), huwa mistenni li jġib benefiċċji sinifikanti f'termini tal-produttività tal-ANS. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni ta' “SWIM” kif definit fil-Pjan Regolatorju Ewropew tal-ATM. |
(14) |
Il-funzjonalità tal-Kondiviżjoni tal-Informazzjoni dwar it-Trajettorja Inizjali bi prestazzjonijiet imsaħħa tal-ipproċessar tad-dejta dwar it-titjiriet hija mistennija li ttejjeb il-prevedibbiltà ta' trajettorja tal-inġenji tal-ajru għall-benefiċċju tal-utenti tal-ispazju tal-ajru, il-maniġer tan-netwerk u l-fornituri tal-ANS bl-implikazzjoni ta' inqas interventi tattiċi u sitwazzjoni dekonfliġġenti aħjar. Dan mistenni li jkollu impatt pożittiv fuq il-produttività tal-ANS, fuq l-iffrankar tal-fjuwil u fuq il-varjabbiltà tad-dewmien. Din il-funzjonalità tinkludi parti mill-Pass 1: il-Bidla Operattiva Neċessarja għall-fattur ewlieni tal-“Bidla mill-Ispazju tal-Ajru għall-Ġestjoni tat-Trajettorja 4D” kif definita fil-Pjan Regolatorju Ewropew tal-ATM u, b'mod indirett tappoġġa l-fatturi ewlenin l-oħra indirizzati mill-funzjonalitajiet tal-ATM permezz tal-użu ta' trajettorja tal-informazzjoni kondiviża. |
(15) |
Sabiex jinkisbu l-benefiċċji kollha tal-Proġett Pilota Komuni, ċerti partijiet interessati operattivi minn pajjiżi terzi huma mistennija li jimplimentaw partijiet mill-Proġett Pilota Komuni. L-involviment tagħhom għandu jiġi żgurat mill-maniger tal-mobilizzazzjoni f'konformità mar-Regolament ta' Implimentazzjoni (UE) Nru 409/2013. L-involviment tal-partijiet interessati operattivi minn pajjiżi terzi huwa mingħajr ħsara għad-distribuzzjoni tal-kompetenzi fir-rigward tas-servizzi tan-navigazzjoni tal-ajru u l-funzjonalitajiet tal-ATM. |
(16) |
Sabiex tassisti lill-partijiet interessati operattivi kkonċernati fil-mobilizzazzjoni tal-funzjonalitajiet tal-ATM, il-Kummissjoni għandha tippubblika materjal ta' referenza mhux vinkolanti bħalma huwa: materjal ta' sostenn għall-fażi tal-istandardizzazzjoni u l-industrijalizzazzjoni, li għandu jiġi fornut mill-Impriża Konġunta SESAR, pjan direzzjonali fir-rigward tal-istandardizzazzjoni u l-ħtiġijiet ta' regolamentazzjoni u analiżi tal-kostijiet-benefiċċji globali li jsostnu l-Proġett Pilota Komuni. Fejn applikabbli, il-materjal ta' sostenn għandu jkun żviluppat skont il-proċeduri meħtieġa mir-Regolament (UE) Nru 552/2004 tal-Parlament Ewropew u tal-Kunsill (3) bl-involviment tal-Awtoritajiet Nazzjonali ta' Sorveljanza skont dak ir-Regolament. |
(17) |
L-implimentazzjoni tal-Proġett Pilota Komuni għandha tiġi mmonitorjata sa fejn hu possibbli bl-użu ta' mekkaniżmi eżistenti ta' monitoraġġ u l-istrutturi eżistenti bl-involviment tal-partijiet interessati operattivi kollha. |
(18) |
Għandhom jiġu stabbiliti l-mekkaniżmi xierqa għar-reviżjoni ta' dan ir-Regolament, li jinvolvu l-maniger tal-mobilizzazzjoni, li għandu jikkoordina u jikkoopera mal-entitajiet kif imsemmi fl-Artikolu 9 tar-Regolament ta' Implimentazzjoni (UE) Nru 409/2013, jiġifieri l-Awtoritajiet Nazzjonali ta' Sorveljanza, l-armata, l-Impriża Konġunta SESAR, il-Maniġer tan-Netwerk u l-industrija tal-manifattura, b'mod partikolari biex ikun possibbli għall-Kummissjoni li temenda dan ir-Regolament kif meħtieġ. Il-maniger tal-mobilizzazzjoni għandu kkunsidrat l-impatt fuq il-kapaċitajiet nazzjonali u kollettivi tad-difiża mill-skont l-Artikolu 9(7)(c) tar-Regolament ta' Implimentazzjoni (UE) Nru 409/2013. Il-koordinazzjoni mal-armata fil-Proġett Pilota Komuni tibqa' prijorità skont id-dikjarazzjoni ġenerali tal-Istati Membri dwar kwistjonijiet militari konnessi mal-Ajru Uniku Ewropew (4). Skont din id-dikjarazzjoni, l-Istati Membri għandhom, b'mod partikulari, itejbu l-koperazzjoni ċivili-militari u, jekk u sal-punt meqjus meħtieġ mill-Istati Membri kollha kkonċernati, jiffaċilitaw il-koperazzjoni bejn il-forzi armati tagħhom fil-materji kollha ta' amministrazzjoni tat-traffiku tal-ajru. |
(19) |
Skont l-Artikolu 1(2) tar-Regolament (KE) Nru 549/2004 tal-Parlament Ewropew u tal-Kunsill (5), l-applikazzjoni ta' dan ir-Regolament għandha tkun mingħajr ħsara għas-sovranità tal-Istati Membri fuq l-ispazju tal-ajru tagħhom u għall-ħtiġijiet tal-Istati Membri marbutin mal-ordni pubbliku, mas-sigurtà pubblika u kwistjonijiet ta' difiża. Dan ir-Regolament ma jkoprix operazzjonijiet u taħriġ militari. |
(20) |
Il-miżuri previsti f'dan ir-Regolament huma skont l-opinjoni tal-Kumitat dwar l-Ajru Uniku, |
ADOTTAT DAN IR-REGOLAMENT:
Artikolu 1
Suġġett u kamp ta' applikazzjoni
1. Dan ir-Regolament jistabbilixxi l-ewwel proġett komuni, minn hawn' il quddiem il-“Proġett Pilota Komuni”. Il-Proġett Pilota Komuni jidentifika l-ewwel sett ta' funzjonalitajiet tal-ATM li għandhom ikunu skjerati b'mod f'waqtu, ikkoordinat u ssinkronizzat sabiex jinkisbu l-bidliet operattivi neċessarji li joħorġu mill-Pjan Regolatorju Ewropew tal-ATM.
2. Dan ir-Regolament għandu japplika għan-Netwerk Ewropew għall-Ġestjoni tat-Traffiku tal-Ajru (EATMN) u s-sistemi ta' servizzi ta' navigazzjoni tal-ajru identifikati fl-Anness I tar-Regolament (KE) Nru 552/2004. Dan għandu japplika għall-partijiet interessati identifikati fl-Anness ta' dan ir-Regolament.
Artikolu 2
Definizzjonijiet
Għall-iskop ta' dan ir-Regolament, għandhom japplikaw id-definizzjonijiet fl-Artikolu 2 tar-Regolament (KE) Nru 549/2004 u fl-Artikolu 2 tar-Regolament ta' Implimentazzjoni (UE) Nru 409/2013.
Barra minn hekk, għandhom japplikaw ukoll id-definizzjonijiet li ġejjin:
(1) |
“Ajruport — Teħid Kollaborattiv ta' Deċiżjonijiet (Airport Collaborative Decision Making — ACDM)” tfisser proċess fejn id-deċiżjonijiet marbuta mal-Fluss tat-Traffiku tal-Ajru u l-Amministrazzjoni tal-Kapaċità (minn hawn' il quddiem: “ATFCM”) fl-ajruporti jittieħedu abbażi tal-interazzjoni bejn il-partijiet interessati operattivi u atturi oħra involuti fl-ATFCM u li għandu l-għan li jnaqqas id-dewmien, itejjeb il-prevedibilità tal-avvenimenti u jottimizza l-użu tar-riżorsi; |
(2) |
“Pjan ta' Operazzjonijiet tal-Ajruport (AOP)” tfisser pjan uniku komuni kontinwu maqbul b'mod kollaborattiv disponibbli għall-partijiet interessati kollha tal-ajruport li l-għan tiegħu hu li jipprovdi kuxjenza tas-sitwazzjoni komuni u li jifforma l-bażi li fuqha d-deċiżjonijiet marbutin mal-ottimizzazzjoni tal-proċess jittieħdu mill-partijiet interessati; |
(3) |
“Pjan Operattiv tan-Netwerk (NOP)” tfisser il-pjan, inklużi l-għodda ta' sostenn, żviluppat mill-Maniġer tan-Netwerk b'koordinazzjoni mal-partijiet interessati operattivi sabiex jorganizza l-attivitajiet operattivi tiegħu fuq perjodu qasir u medju taż-żmien skont il-prinċipji ta' gwida tal-Pjan Strateġiku għan-Netwerk. Għal dik il-parti tal-Pjan Operattiv tan-Netwerk li hija speċifika għad-disinn tan-netwerk Ewropew tar-rotot, dan jinkludi l-Pjan ta' Titjib tan-Netwerk Ewropew tar-Rotot; |
(4) |
“biex topera funzjonalità tal-ATM” tfisser li l-funzjonalità tal-ATM inkwistjoni titħaddem u li tintuża kompletament fl-operat ta' kuljum; |
(5) |
“id-data mmirata tal-mobilizzazzjoni” tfisser id-data li fiha l-użu ta' funzjonalità tal-ATM inkwistjoni għandha titlesta u tintuża b'mod operattiv kompletament. |
Artikolu 3
Funzjonalitajiet tal-ATM u l-mobilizzazzjoni tagħhom
1. Il-Proġett Pilota Komuni għandu jkun magħmul mill-funzjonalitajiet tal-ATM li ġejjin:
(a) |
il-Ġestjoni Estiża tal-Wasliet u n-Navigazzjoni bbażata fuq il-Prestazzjoni f'Żoni ta' Mmanuvrar f'Terminals ta' Densità Għolja; |
(b) |
l-Integrazzjoni u t-Throughput tal-Ajruport; |
(c) |
il-Ġestjoni Flessibbli tal-Ispazju tal-Ajru u r-Rotot Liberi; |
(d) |
il-Ġestjoni tan-Netwerk Kollaborattiv; |
(e) |
il-Ġestjoni tat-Tagħrif Mifruxa mas-Sistema Kollha Inizjali; |
(f) |
il-Kondiviżjoni tal-Informazzjoni dwar it-Trajettorja Inizjali. |
Dawk il-funzjonalitajiet tal-ATM huma deskritti fl-Anness.
2. Il-partijiet interessati operattivi identifikati fl-Anness u l-Maniġer tan-Netwerk għandhom jiskjeraw il-funzjonalitajiet tal-ATM imsemmija fil-paragrafu 1 u jimplimentaw il-proċeduri operattivi assoċjati biex jippermettu l-operat bla xkiel tagħhom skont l-Anness u r-Regolament ta' Implimentazzjoni tal-Kummissjoni (UE) Nru 409/2013. Il-partijiet interessati operattivi militari għandhom jiskjeraw dawk il-funzjonalitajiet tal-ATM biss sa fejn ikun meħtieġ biex jikkonformaw mar-Regolament (KE) Nru 552/2004, il-punt 4 tal-Parti A tal-Anness II.
Artikolu 4
Materjal ta' referenza u sostenn
Il-Kummissjoni għandha tippubblika fuq il-websajt tagħha l-materjal ta' referenza u sostenn għall-mobilizzazzjoni tal-funzjonalitajiet tal-ATM imsemmija fl-Artikolu 3(1):
(a) |
għandha tingħata lista indikattiva tal-materjal ta' sostenn għall-fażi tal-istandardizzazzjoni u l-industrijalizzazzjoni mill-Impriża Konġunta SESAR inklużi d-dati mmirati tal-konsenja; |
(b) |
pjan direzzjonali indikattiv fir-rigward tal-ħtiġijiet tal-istandardizzazzjoni u r-regolamentazzjoni, inklużi referenzi għar-regoli implimentattivi u l-ispeċifikazzjonijiet tal-Komunità żviluppati skont l-Artikolu 3 u l-Artikolu 4 tar-Regolament (KE) Nru 552/2004, u d-dati mmirati marbuta mal-konsenja; |
(c) |
l-analiżi tal-kostijiet-benefiċċji globali li fuqhom titqies l-approvazzjoni tal-Proġett Pilota Komuni tal-parti interessata. |
Artikolu 5
Monitoraġġ
Il-monitoraġġ mill-Kummissjoni stipulat fl-Artikolu 6 tar-Regolament (UE) Nru 409/2013 għandu jitwettaq b'mod partikolari permezz tal-ippjanar u l-istrumenti ta' rappurtar li ġejjin:
(a) |
il-mekkaniżmi ta' rappurtar tal-ippjanar u l-implimentazzjoni tal-Pjan Regolatorju Ewropew tal-ATM; |
(b) |
il-Pjan Strateġiku għan-Netwerk u l-Pjan Operattiv tan-Netwerk; |
(c) |
Il-pjanijiet tal-prestazzjoni, b'mod partikolari permezz tal-informazzjoni speċifikata fil-punt (c) tal-Artikolu 11(3), l-Artikolu 11(5), u l-punt 2 tal-Anness II tar-Regolament ta' Implimentazzjoni tal-Kummissjoni (UE) Nru 390/2013 (6); |
(d) |
It-tabelli tar-rappurtar dwar l-ispejjeż tan-navigazzjoni tal-ajru, b'mod partikolari l-informazzjoni speċifikata fil-linja 3.8 tat-tabella 1 u l-punt 2(m) tal-Anness II u l-linji 2.1 sa 2.4 tat-tabella 3 tal-Anness VII tar-Regolament ta' Implimentazzjoni tal-Kummissjoni (UE) Nru 391/2013 (7); |
(e) |
il-monitoraġġ tal-proġetti ta' mplimentazzjoni msemmija fl-Artikolu 10 tar-Regolament ta' Implimentazzjoni (UE) Nru 409/2013 mill-maniġer tal-mobilizzazzjoni; |
(f) |
il-mekkaniżmi tar-rappurtar tal-ippjanar u l-implimentazzjoni tal-blokki tal-ispazju tal-ajru funzjonali; |
(g) |
il-mekkaniżmi tar-rappurtar tal-ippjanar u l-implimentazzjoni marbuta mal-istandardizzazzjoni. |
Artikolu 6
Reviżjoni
Il-Kummissjoni għandha tirrevedi dan ir-Regolament fid-dawl tal-informazzjoni u l-pariri mogħtija mill-Maniger tal-Mobilizzazzjoni, skont l-Artikolu 9(2)(e) u wara li tkun wettqet l-koordinazzjoni u l-konsultazzjoni meħtieġa mill-Artikolu 9 tar-Regolament ta' Implimentazzjoni (UE) Nru 409/2013; l-informazzjoni miksuba permezz tal-monitoraġġ imsemmi fl-Artikolu 5; u, l-iżviluppi teknoloġiċi fl-ATM, bil-preżentazzjoni tar-riżultati tar-reviżjoni lill-Kumitat dwar l-Ajru Uniku.
Ir-reviżjoni għandha tindirizza b'mod partikolari l-aspetti li ġejjin:
(a) |
Il-progress fil-mobilizzazzjoni tal-funzjonalitajiet tal-ATM msemmija fl-Artikolu 3(1); |
(b) |
l-użu tal-inċentivi eżistenti għall-implimentazzjoni tal-Proġett Pilota Komuni u l-possibbiltajiet ta' inċentivi ġodda; |
(c) |
il-kontribut tal-Proġett Pilota Komuni għall-kisba tal-miri ta' prestazzjoni u l-implimentazzjoni tal-użu flessibbli tal-ispazju tal-ajru; |
(d) |
l-ispejjeż reali u l-benefiċċji li jirriżultaw mill-użu tal-funzjonalitajiet tal-ATM imsemmija fl-Artikolu 3(1), inkluża l-identifikazzjoni ta' kull impatt negattiv lokali jew reġjonali għal xi kategorija speċifika ta' partijiet interessati operattivi; |
(e) |
il-ħtieġa li l-Proġett Pilota Komuni jiġi addattat, b'mod partikolari l-ambitu ġeografiku u personali tiegħu u d-dati mmirati tal-mobilizzazzjoni stabbiliti fl-Anness. |
(f) |
Il-progress fl-iżvilupp tal-materjal ta' referenza u sostenn imsemmi fl-Artikolu 4. |
Il-Kummissjoni għandha tibda l-ewwel reviżjoni mhux aktar tard minn 18-il xahar mid-data tal-approvazzjoni tal-programm ta' mobilizzazzjoni.
Artikolu 7
Id-dħul fis-seħħ
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-27 ta' Ġunju 2014.
Għall-Kummissjoni
Il-President
José Manuel BARROSO
(1) ĠU L 96, 31.3.2004, p. 10.
(2) Ir-Regolament ta' Implimentazzjoni tal-Kummissjoni (UE) Nru 409/2013 tat-3 ta' Mejju 2013 dwar id-definizzjoni ta' proġetti komuni, it-twaqqif ta' governanza u l-identifikazzjoni ta' inċentivi li jappoġġjaw l-implimentazzjoni tal-Pjan Regolatorju Ewropew għall-Ġestjoni tat-Traffiku tal-Ajru (ĠU L 123, 4.5.2013, p. 1).
(3) Ir-Regolament (KE) Nru 552/2004 tal-Parlament Ewropew u tal-Kunsill tal-10 ta' Marzu 2004 dwar l-interoperabilità tax-Xibka Ewropea ta' Amministrazzjoni ta' Traffiku tal-Ajru (Ir-Regolament ta' interoperabilità) (ĠU L 96, 31.3.2004, p. 26).
(5) Ir-Regolament (KE) Nru 549/2004 tal-Parlament Ewropew u tal-Kunsill tal-10 ta' Marzu 2004 li jippreskrivi l-qafas għall-ħolqien ta' l-Ajru Uniku Ewropew (ir-Regolament qafas) (ĠU L 96, 31.3.2004, p. 1).
(6) Ir-Regolament ta' Implimentazzjoni tal-Kummissjoni (UE) Nru 390/2013 tat-3 ta' Mejju 2013 li jistabbilixxi skema ta' prestazzjoni għas-servizzi tan-navigazzjoni tal-ajru u għall-funzjonijiet tan-netwerk (ĠU L 128, 9.5.2013, p. 1).
(7) Ir-Regolament ta' Implimentazzjoni tal-Kummissjoni (UE) Nru 391/2013 tat-3 ta' Mejju 2013 li jistabbilixxi skema komuni ta' imposti għas-servizzi tan-navigazzjoni tal-ajru (ĠU L 128, 9.5.2013, p. 31).
ANNESS
1. IL-ĠESTJONI ESTIŻA TAL-WASLIET U N-NAVIGAZZJONI BBAŻATA FUQ IL-PRESTAZZJONI F'ŻONI TA' MMANUVRAR F'TERMINALS TA' DENSITÀ GĦOLJA
Il-Ġestjoni Estiża tal-Wasliet (AMAN) u n-Navigazzjoni bbażata fuq il-Prestazzjoni (PBN) f'Żoni ta' Mmanuvrar f'Terminals (TMAs) ta' densità għolja ttejjeb il-preċiżjoni tal-approċċ tat-trajettorja kif ukoll tiffaċilita s-sekwenzjar tat-traffiku fi stadju aktar bikri. L-AMAN estiża tappoġġa l-estensjoni tal-orizzont tal-ppjanar sa minimu ta' 180-200 mil nawtiku, sal-Ogħla Punt tan-Niżla, u li jinkludi dan il-Punt, tat-titjiriet li jaslu. Il-PBN f'TMAs b'densità għolja tkopri l-iżvilupp u l-implimentazzjoni ta' proċeduri għat-tnaqqis tal-fjuwil u/jew li ma jagħmlux ħsara lill-ambjent għall-wasla u t-tluq (il-Prestazzjoni tan-Navigazzjoni Meħtieġa 1 Tluq Strumentali Standard (RNP 1 SIDs), Rotot tal-Wasla Standard (STARs)) u l-avviċinament (il-Pestazzjoni tan-Navigazzjoni Meħtieġa għall-Avviċinament (RNP APCH)).
Din il-funzjonalità hija magħmula minn żewġ sottofunzjonalitajiet:
— |
Il-Ġestjoni tal-Wasliet estiża għall-Ispażju tal-ajru en-route |
— |
L-Ispazju tal-ajru msaħħaħ tat-Terminal li juża l-operazzjonijiet ibbażati fuq l-RNP |
1.1. L-ambitu operazzjonali u tekniku
1.1.1. Il-Ġestjoni tal-Wasliet estiża għall-Ispażju tal-ajru en-route
Il-Ġestjoni tal-Wasliet estiża għall-Ispażju tal-ajru en-route estiża għall-orizzont AMAN minn 100-120 mil nawtiku għal 180-200 mil nawtiku mill-ajruport tal-wasla. Is-sekwenzjar tat-traffiku jista' jitwettaq fil-fażijiet tal-inżul en-route u dawk bikrija.
Is-servizzi tal-kontroll tat-traffiku tal-ajru (ATC) fit-TMAs li jimplimentaw l-operazzjonijiet tal-AMAN għandhom jikkoordinaw mal-unitajiet tas-Servizzi tat-Traffiku tal-Ajru (ATS) responsabbli għal setturi kontigwi en-route.
It-tekniki eżistenti għall-ġestjoni tal-limitazzjonijiet tal-AMAN, b'mod partikolari t-“Time to Lose or Gain” u l-“iSpeed Advice” jistgħu jintużaw biex tiġi implimentata din il-funzjonalità.
Rekwiżiti tas-sistema
— |
Is-sistemi tal-AMAN għandhom jipprovdu informazzjoni dwar il-ħin tas-sekwenza tal-wasla fis-sistemi tal-ATC tar-rotta sa 180-200 mil nawtiku mill-ajruport tal-wasla. |
— |
Is-sistemi tal-ATC ta' unitajiet ta' servizzi tat-traffiku tal-ajru (ATS) upstream għandhom jamministraw il-limitazzjonijiet tal-AMAN. L-iskambju ta' dejta, l-ipproċessar tad-dejta u l-preżentazzjoni tal-informazzjoni fuq il-pożizzjonijiet rilevanti ta' ħidma tal-kontrollur fl-unitajiet tal-ATS għandhom jappoġġaw il-ġestjoni tal-limitazzjonijiet tal-wasliet; L-iskambju tad-dejta bejn l-unitajiet tal-ATS jista' jinkiseb bit-teknoloġija eżistenti sakemm jiġu implimentati s-sistemi tas-Ġestjoni tat-Tagħrif Mifruxa mas-Sistema Kollha (SWIM). |
1.1.2. L-Ispazju tal-ajru Msaħħaħ tat-Terminal li juża l-Operazzjonijiet ibbażati fuq l-RNP
L-Ispazju tal-ajru Msaħħaħ tat-Terminal li juża l-operazzjonijiet ibbażati fuq l-RNP jikkonsisti mill-implimentazzjoni tal-proċeduri li jaġevolaw l-ambjent għall-wasla/tluq u l-avviċinament bl-użu tal-PBN f'TMAs ta' densità għolja, kif speċifikat fl-ispeċifikazzjonijiet tan-navigazzjoni li ġejjin:
— |
Is-SIDS u l-iSTARs li jużaw l-ispeċifikazzjoni 1 tal-RNP bl-użu tar-Radius to Fix (RF) path terminator, |
— |
Il-Pestazzjoni tan-Navigazzjoni Meħtieġa għall-Avviċinament bil-Proċedura tal-Avviċinament bi gwida Vertikali (RNP APCH b'APV). |
L-Ispazju tal-ajru Msaħħaħ tat-Terminal li juża l-Operazzjonijiet ibbażati fuq l-RNP jinkludi:
— |
L-RNP 1 SIDS, l-iSTARs u t-tranżizzjonijiet (bl-użu taż-żieda tar-Radius to Fix (RF)), |
— |
L-RNP APCH (Navigazzjoni Laterali/Vertikali (LNAV/VNAV) u l-Prestazzjoni tal-Lokalizzatur bi gwida Vertikali (LPV) minima). |
Rekwiżiti tas-sistema
Is-sistemi tal-ATC u x-Xbieki tas-Sikurezza tal-ATC għandhom jippermettu l-operazzjonijiet taż-Żona tat-Terminal u l-PBN tal-Avviċinament,
— |
L-operazzjonijiet tal-RNP 1 jirrikjedu li l-Iżball tas-Sistema Totali (TSE) Laterali u Lonġitudinali jkun f'+/– 1 mil nawtiku għal mill-inqas 95 % tal-ħin tat-titjira u l-monitoraġġ tal-prestazzjoni abbord b'kapaċità ta' twissija u bażijiet tad-dejta tan-navigazzjoni ta' integrità għolja, |
— |
Għall-RNP APCH, l-Iżball tas-Sistema Totali (TSE) Laterali u Lonġitudinali għandu jkun +/– 0,3 mil nawtiku għal mill-inqas 95 % tal-ħin tat-titjira għas-Segment tal-Avviċinament Finali u l-monitoraġġ tal-prestazzjoni abbord filwaqt li jwissu l-kapaċità u l-bażijiet tad-dejta tan-navigazzjoni ta' integrità għolja, Il-kapaċità tal-RNP 1 kif ukoll tal-RNP APCH tirrikejdi entrati mis-Sistema Globali ta' Navigazzjoni bis-Satellita (GNSS), |
— |
In-Navigazzjoni Vertikali li tappoġġa l-APV tista' tiġi pprovduta bis-Sistema ta' Awmentazzjoni bbażata fuq is-Satellita tal-GNSS (SBAS) jew bis-sensuri tal-altitudni barometrika. |
1.2. L-ambitu ġeografiku
1.2.1. Stati Membri tal-UE u tal-EFTA
L-AMAN estiża u l-PBN f'TMAs ta' densità għolja u s-setturi en-route assoċjati għandhom jitħaddmu fl-ajruporti li ġejjin:
— |
London-Heathrow, |
— |
Paris-CDG, |
— |
London-Gatwick, |
— |
Paris-Orly, |
— |
London-Stansted, |
— |
Milan-Malpensa, |
— |
Frankfurt International, |
— |
Madrid-Barajas, |
— |
Amsterdam Schiphol, |
— |
Munich Franz Josef Strauss, |
— |
Rome-Fiumicino, |
— |
Barcelona El Prat, |
— |
Zurich Kloten (1), |
— |
Düsseldorf International, |
— |
Brussels National, |
— |
Oslo Gardermoen (2), |
— |
Stockholm-Arlanda, |
— |
Berlin Brandenburg Airport, |
— |
Manchester Ringway, |
— |
Palma De Mallorca Son San Juan, |
— |
Copenhagen Kastrup, |
— |
Vienna Schwechat, |
— |
Dublin, |
— |
Nice Cote d'Azur. |
1.2.2. Pajjiżi terzi oħra
L-AMAN estiża u l-PBN f'TMAs ta' densità għolja għandhom jitħaddmu fl-Ajruport Ataturk ta' Istanbul.
1.3. Il-partijiet interessati huma meħtieġa li jimplimentaw il-funzjonalità u d-data mmirata tal-mobilizzazzjoni
Il-fornituri tal-ATS u l-Maniġer tan-Netwerk għandhom jiżguraw li l-unitajiet tal-ATS li jipprovdu servizzi tal-ATC fi ħdan l-ispazju tal-ajru tat-terminal tal-ajruporti msemmija fil-Punt 1.2 u s-setturi tar-rotta assoċjati joperaw l-AMAN Estiża u l-PBN f'TMAs b'densità għolja mill-1 ta' Jannar 2024.
1.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-AMAN Estiża u l-PBN f'TMAs b'densità għolja għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni fl-ajruporti msemmija fil-Punt 1.2. Mill-perspettiva teknika, il-mobilizzazzjoni tas-sistema mmirata u t-tibdil proċedurali għandhom ikunu ssinkronizzati sabiex jiġi żgurat li l-għanijiet tal-prestazzjoni jiġu sodisfatti. Is-sinkronizzazzjoni tal-investimenti għandha tinvolvi diversi operaturi tal-ajruporti u fornituri tas-servizzi tan-navigazzjoni tal-ajru. Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ, b'mod partikolari fost l-industrija tal-provvista.
1.5. Prerekwiżiti essenzjali
M'hemmx prerekwiżiti għal din il-funzjonalità. Ftehim eżistenti tal-AMAN jiffaċilita l-integrazzjoni operazzjonali ta' din il-funzjonalità tal-ATM f'sistemi eżistenti.
1.6. L-interdipendenzi ma' funzjonalitajiet tal-ATM oħra
— |
L-iskambju tad-dejta bejn unitajiet tal-ATS, b'mod partikolari rigward l-AMAN Estiża, għandu jiġi implimentat permezz tas-servizzi tal-Ġestjoni tat-Tagħrif Mifruxa mas-Sistema Kollha (SWIM) fejn il-funzjonalità tal-iSWIM imsemmija fil-Punt 5 tkun disponibbli |
— |
informazzjoni dwar it-trajettorja downlink, kif speċifikat fil-Punt 6, fejn tkun disponibbli, għandha tintuża mill-AMAN. |
2. L-INTEGRAZZJONI U T-THROUGHPUT TAL-AJRUPORT
L-Integrazzjoni u t-Throughput tal-Ajruport tħaffef il-forniment tas-servizzi ta' avviċinament u s-servizzi tal-kontroll tal-ajrudrom billi ttejjeb is-sikurezza u t-throughput tar-runway, issaħħaħ l-integrazzjoni u s-sikurezza waqt it-taxiing u tnaqqas is-sitwazzjonijiet perikolużi fuq ir-runway.
Din il-funzjonalità hija magħmula minn ħames sottofunzjonalitajiet:
— |
Il-Ġestjoni tat-Tluq Sinkronizzata mas-sekwenzar ta' Qabel it-tluq, |
— |
Il-Ġestjoni tat-Tluq li tintegra r-Restrizzjonijiet tal-Ġestjoni tas-Superfiċje, |
— |
Is-Separazzjoni bbażata fuq il-Ħin għall-Avviċinament Finali, |
— |
L-Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje, |
— |
Xbieki ta' Sikurezza tal-Ajruport. |
2.1. L-ambitu operazzjonali u tekniku
2.1.1. Il-Ġestjoni tat-Tluq Sinkronizzata mas-Sekwenzar ta' Qabel it-tluq
Il-ġestjoni tat-tluq sinkronizzata mas-sekwenzar ta' qabel it-tluq hija mezz biex jittejbu l-flussi ta' tluq f'ajruport wieħed jew aktar billi jiġu kkalkulati t-Target Take Off Time (TTOT) u t-Target Start Approval Time (TSAT) għal kull titjira, filwaqt li jitqiesu r-restrizzjonijiet multipli u l-preferenzi. Il-ġestjoni ta' qabel it-tluq tikkonsisti mill-kejl tal-fluss tat-tluq fuq ir-runway permezz tal-ġestjoni tal-Off-block-Times (via Start-up-Times) li jiqsu l-kapaċità disponibbli tar-runway. Flimkien mal-Ajruport — Teħid Kollaborattiv ta' Deċiżjonijiet (A-CDM), il-ġestjoni ta' qabel it-tluq tnaqqas il-ħinijiet tat-taxiing, iżżid il-prevedibbiltà tal-ħinijiet tat-tluq u l-konformità magħhom tas-Slot ta' Ġestjoni tal-Fluss tat-Traffiku tal-Ajru(ATFM-Slot). Il-ġestjoni tat-tluq għandha l-għan li timmassimizza l-fluss tat-traffiku fuq ir-runway permezz tat-twaqqif ta' sekwenza b'separazzjonijiet minimi ottimizzati.
Il-partijiet interessati operattivi involuti fl-A-CDM għandhom jistabbilixxu b'mod konġunt is-sekwenzi ta' qabel it-tluq, filwaqt li jqisu l-prinċipji maqbula li għandhom jiġu applikati għal raġunijiet speċifiċi (bħalma huma l-ħin ta' stennija fuq ir-runway, l-aderenza għall-islotts, ir-rotot tat-tluq, il-preferenzi tal-utent tal-ispazju tal-ajru, il-kerfju ta' billejl, l-evakwazzjoni tat-turġien/il-gate għall-inġenji tal-ajru li qed jaslu, kundizzjonijiet negattivi inklużi t-tneħħija tas-silġ, il-kapaċità attwali tat-taxiing/ir-runway, il-limitazzjonijiet attwali, eċċ.).
Rekwiżiti tas-sistema
— |
Il-Ġestjoni tat-Tluq (DMAN) u s-sistemi tal-A-CDM għandhom jiġu integrati u għandhom jappoġġaw is-sekwenzar ottimizzat ta' qabel it-tluq b'sistemi ta' ġestjoni tal-informazzjoni għall-utenti tal-ispazju tal-ajru (informazzjoni dwar it-Target Off Block Time (TOBT) u l-ajruport (il-fergħa-informazzjoni dwar id-dejta kuntestwali), |
— |
Is-sistemi DMAN għandhom jelaboraw sekwenza kollaborattiva u jipprovdu kemm it-TSAT, kif ukoll it-TTOT. It-TSAT u t-TTOT għandhom jieħdu inkonsiderazzjoni l-ħinijiet varjabbli tat-taxiing u għandhom jiġu aġġornati skont il-qtugħ mill-art attwali tal-inġenju tal-ajru; Is-sistemi DMAN għandhom jipprovdu lill-kontrollur tat-traffiku tal-ajru l-lista tat-TSAT u tat-TTOT għall-kejl tal-inġenju tal-ajru. |
2.1.2. Il-Ġestjoni tat-Tluq li tintegra r-Restrizzjonijiet tal-Ġestjoni tas-Superfiċje
Il-ġestjoni tat-tluq li tintegra r-restrizzjonijiet tal-ġestjoni tas-superfiċje hija għodda tal-ATM li tiddetermina l-aħjar pjanijiet tal-moviment tas-superfiċje (bħalma huma l-pjanijiet tar-rotta tat-taxiing) li jinvolvu l-kalkolu u s-sekwenzar tal-avvenimenti tal-moviment u jottimizzaw l-użu tar-riżorsi (eż. il-faċilitajiet għat-tneħħija tas-silġ). Is-sekwenza tat-tluq fuq ir-runway għandha tiġi ottimizzata skont is-sitwazzjoni reali tat-traffiku li tirrifletti kwalunkwe bidla off-gate jew matul taxiing lejn ir-runway.
Is-Sistema Avvanzata ta' Gwida u Kontroll tal-Moviment fuq is-Superfiċje (A-SMGCS) għandha tipprovdi taxi-time ottimizzat u ttejjeb il-previdibilità tal-ħinijiet tal-qtugħ mill-art permezz tal-monitoraġġ tat-traffiku reali billi jiġu kkunsidrati l-ħinijiet aġġornati tat-taxi fil-ġestjoni tat-tluq.
Rekwiżiti tas-sistema
— |
Is-sistemi tad-DMAN għandhom jieħdu inkonsiderazzjoni l-ħinijiet tat-taxi varjabbli u aġġornati biex jikkalkulaw it-TTOT u t-TSAT. L-interfaċċi bejn id-DMAN u l-ipprogrammar tar-rotta tal-A-SMGCS għandhom jiġu żviluppati, |
— |
Id-DMAN li tintegra r-restrizzjonijiet tal-A-SMGCS bl-użu ta' sistema diġitali, bħalma huma l-Istrixxi Elettroniċi tat-Titjiriet (EFSs), b'funzjoni ta' programmar tar-rotta avvanzata tal-A-SMGCS għandha tiġi integrata f'sistemi tal-ipproċessar tad-dejta tat-titjiriet għas-sekwenzjar u l-komputazzjoni tal-ipprogrammar tar-rotta, |
— |
Għandha tiġi skjerata l-funzjoni tal-ipprogrammar tar-rotta tal-A-SMGCS: |
2.1.3. Is-Separazzjoni bbażata fuq il-Ħin għall-Avviċinament Finali
Is-Separazzjoni bbażata fuq il-Ħin (TBS) hija magħmula mis-separazzjoni tal-inġenji tal-ajru f'sekwenza fl-avviċinament tar-runway li jużaw intervalli ta' żmien minflok ta' distanzi. Din tista' tiġi applikata matul l-avviċinament finali billi tippermetti t-turija ta' informazzjoni dwar id-distanza ekwivalenti lill-kontrollur filwaqt li jitqiesu l-kundizzjonijiet prevalenti tar-riħ. Il-valuri minimi tas-separazzjoni tar-radar u l-parametri tas-Separazzjoni tat-Turbulenza tar-Radar tal-Ajruplan għandhom jiġu integrati f'għodda ta' appoġġ tat-TBS li tipprovdi gwida lill-kontrollur tat-traffiku tal-ajru biex jippermetti spazjar tal-inġenju tal-ajru bbażat fuq il-ħin matul l-avviċinament finali li jikkunsidra l-effett tar-riħ frontali.
Rekwiżiti tas-sistema
— |
L-ipproċessar tad-dejta tat-titjira u s-sistemi tal-AMAN għandhom ikunu kompatibbli mal-għodda ta' appoġġ tat-TBS u jkunu kapaċi jaqilbu bejn ir-regoli marbuta mas-separazzjoni tat-turbulenza tar-radar tal-ajruplan abbażi tal-ħin u d-distanza, |
— |
Il-pożizzjoni tal-ħidma tal-kontrollur għandha tintegra l-għodda ta' appoġġ tat-TBS max-xbieki ta' sikurezza biex tappoġġa l-kontrollur tat-traffiku tal-ajru, sabiex jikkalkula d-distanza tat-TBS waqt li jirrispetta l-valuri minimi tas-separazzjoni tar-radar bl-użu attwali tal-kundizzjonijiet tar-riħ tal-inżul, |
— |
L-informazzjoni meteoroloġika lokali (TES) li tipprovdi l-kundizzjonijiet attwali tar-riħ tal-inżul għandha tkun provduta lill-għodda ta' appoġġ tat-TBS, |
— |
L-għodda ta' appoġġ tat-TBS għandha tipprovdi servizz awtomatiku ta' monitoraġġ u twissija dwar imġiba anomala fil-qasam tal-veloċità tal-arja tal-avviċinament finali, servizz awtomatiku ta' monitoraġġ u twissija tal-ksur tal-limiti ta' separazzjoni u servizz awtomatiku ta' monitoraġġ u twissija għall-inġenji tal-ajru żbaljati li jinxtgħel fuq indikatur ta' separazzjoni, |
— |
L-għodda ta' appoġġ tat-TBS u l-pożizzjoni assoċjata ta' ħidma tal-kontrollur għandha tikkalkula d-distanza tal-indikatur u turiha fuq l-iskrins tal-kontollur, |
— |
L-operazzjonijiet tat-TBS għadhom ikunu kompatibbli max-xbieki ta' sikurezza li jinterċettaw is-servizz awtomatiku ta' monitoraġġ u twissija f'każ ta' -ksur tal-limiti ta' separazzjoni. |
2.1.4. L-Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje
Il-funzjonijiet tal-ipprogrammar tar-rotta u l-ippjanar tal-A-SMGCS għandhom jipprovdu l-ġenerazzjoni awtomatika tar-rotot tat-taxiing bit-taxi time korrispondenti u l-ġestjoni tal-kunflitti potenzjali.
Ir-rotot tat-taxiing jistgħu jiġu modifikati manwalment mill-kontrollur tat-traffiku tal-ajru qabel ma jiġu assenjati lill-inġenji tal-ajru u l-vetturi. Dawn ir-rotot għandhom ikunu disponibbli f'sistema ta' pproċessar tal-informazzjoni dwar it-titjiriet.
Rekwiżiti tas-sistema
— |
Il-funzjoni tal-ipprogrammar tar-rotta u l-ippjanar tal-A-SMGCS għandha tikkalkula l-aktar rotta operazzjonalment rilevanti u kemm jista' jkun ħielsa minn kunflitti sabiex tippermetti l-inġenju tal-ajru li jimxi mill-istand għar-runway mir-runway għall-istand jew xi moviment ieħor tas-superfiċje, |
— |
Il-pożizzjoni tal-ħidma tal-kontrollur għandha tippermetti lill-kontrollur tat-traffiku tal-ajru li jimmaniġġa t-trajettorji tar-rotta tas-suferfiċje, |
— |
Is-sistema tal-ipproċessar tad-dejta tat-titjiriet għandha tkun kapaċi tirċievi rotot ippjanati u approvati assenjati lill-inġenji tal-ajru u l-vetturi u tiġġestixxi l-istatus tar-rotta għall-inġenji tal-ajru u l-vetturi kollha kkonċernati. |
2.1.5. Xbieki ta' Sikurezza tal-Ajruport
Ix-xbieki ta' sikurezza tal-ajruport jikkonsistu minn individwazzjoni u twissija ta' awtorizzazzjonijiet tal-ATC konfliġġenti għall-inġenji tal-ajru u devjazzjoni tal-vetturi u l-inġenji tal-ajru mill-istruzzjonijiet, il-proċeduri jew l-ipprogrammar tar-rotta tagħhom li potenzjalment jistgħu jpoġġu l-vetturi u l-inġenji tal-ajru f'riskju ta' ħabta. L-ambitu ta' din is-sottofunzjonalità jinkludi r-Runway u ż-Żona tas-superfiċje tal-Ajruport.
L-għodod ta' appoġġ tal-ATC fl-ajrudrom għandhom jipprovdu l-individwazzjoni ta' Awtorizzazzjonijiet tal-ATC Konfliġġenti u għandhom jitwettqu mis-sistema tal-ATC ibbażata fuq l-għarfien tad-dejta inklużi l-awtorizzazzjonijiet mogħtija lill-inġenji tal-ajru u l-vetturi mill-kontrollur tat-traffiku tal-ajru, ir-runway assenjata u l-punt tal-istennija. Il-kontrollur tat-traffiku tal-ajru għandu jdaħħal l-awtorizzazzjonijiet kollha mogħtija lill-inġenji tal-ajru jew il-vetturi fis-sistema tal-ATC billi juża sistema diġitali, bħalma hi l-EFS.
It-tipi differenti ta' awtorizzazzjonijiet konfliġġenti għandhom jiġu identifikati (pereżempju, Stennija vs Qtugħ mill-art). Xi wħud jistgħu jkunu bbażati biss fuq l-input tal-kontrollur tat-traffiku tal-ajru; oħrajn jistgħu wkoll jużaw dejta oħra bħad-dejta ta' sorveljanza tal-A-SMGCS.
L-għodod tax-Xbieki ta' Sikurezza tal-Ajruport għandhom iwissu l-kontrolluri tat-traffiku tal-ajru meta l-inġenji tal-ajru u l-vetturi jiddevjaw mill-istruzzjonijiet, il-proċeduri jew ir-rotta tal-ATC. L-istruzzjonijiet tal-kontrolluri tat-traffiku tal-ajru disponibbli b'mod elettroniku (permezz ta' sistema diġitali, bħall-EFS) għandhom jiġu integrati ma' dejta oħra bħalma huma l-pjan tat-titjira, is-sorveljanza, ir-rotot, ir-regoli u l-proċeduri ppubblikati. L-integrazzjoni ta' din id-dejta għandha tippermetti li s-sistema tissorvelja l-informazzjoni u meta jinstabu l-inkonsistenzi, għandha tingħata twissija lill-kontrollur tat-traffiku tal-ajru (pereżempju l-ebda approvazzjoni ta' push back).
Rekwiżiti tas-sistema
— |
Ix-xbieki ta' sikurezza tal-ajruport għandhom jintegraw id-dejta ta' sorveljanza tal-A-SMGCS u l-approvazzjonijiet tal-kontrollur marbuta mar-runway. Il-Monitoraġġ tal-Konformità tal-Ajruport għandu jintegra l-Ipprogrammar tar-Rotta tal-Moviment tas-superfiċje tal-A-SMGCS, id-dejta ta' sorveljanza u l-approvazzjonijiet tal-Ipprogrammar tar-Rotta tal-kontrollur, |
— |
L-A-SMGCS għandha tinkludi l-funzjoni tal-ipprogrammar tar-rotta u l-ippjanar avvanzat imsemmija fil-Punt 2.1.4 hawn fuq li jippermettu t-twissijiet tal-monitoraġġ tal-konformità, |
— |
L-A-SMGCS għandha tinkludi funzjoni li tiġġenera u xxerred it-twissijiet xierqa. Dawn it-twissijiet għandhom jiġu implimentati bħala saff addizzjonali fuq it-twissijiet ta' Livell 2 tal-A-SMGCS eżistenti u mhux bħala sostituti tagħhom, |
— |
Il-pożizzjoni tal-ħidma tal-kontrollur għandha tospita twissijiet permezz ta' interfaċċa adegwata bejn il-bniedem u l-magna inkluż appoġġ għall-kanċellazzjoni ta' twissija, |
— |
Sistemi diġitali, bħalma huma l-EFSs, għandhom jintegraw l-istruzzjonijiet mogħtija mill-kontrollur tat-traffiku tal-ajru ma' dejta oħra bħalma huma l-pjan tat-titjira, is-sorveljanza, l-ipprogrammar tar-rotta u r-regoli u l-proċeduri ppubblikati. |
2.2. L-ambitu ġeografiku
2.2.1. Stati Membri tal-UE u tal-EFTA
Il-Ġestjoni tat-Tluq Sinkronizzata mas-Sekwenzjar ta' Qabel it-tluq, il-Ġestjoni tat-Tluq li tintegra r-Restrizzjonijiet tal-Ġestjoni tas-Superfiċje, l-Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje u x-Xbieki ta' Sikurezza tal-Ajruport għandhom jitħaddmu f'dawn l-ajruporti li ġejjin:
— |
London-Heathrow, |
— |
Paris-CDG, |
— |
London-Gatwick, |
— |
Paris-Orly, |
— |
London-Stansted, |
— |
Milan-Malpensa, |
— |
Frankfurt International, |
— |
Madrid-Barajas, |
— |
Amsterdam Schiphol, |
— |
Munich Franz Josef Strauss, |
— |
Rome-Fiumicino, |
— |
Barcelona El Prat, |
— |
Zurich Kloten (3), |
— |
Düsseldorf International, |
— |
Brussels National, |
— |
Oslo Gardermoen (4), |
— |
Stockholm-Arlanda, |
— |
Berlin Brandenburg Airport, |
— |
Manchester Ringway, |
— |
Palma De Mallorca Son San Juan, |
— |
Copenhagen Kastrup, |
— |
Vienna Schwechat, |
— |
Dublin, |
— |
Nice Cote d'Azur. |
Is-Separazzjoni bbażata fuq il-Ħin għall-Avviċinament Finali għandha titħaddem fl-ajruporti li ġejjin:
— |
London-Heathrow, |
— |
London-Gatwick, |
— |
Paris-Orly, |
— |
Milan-Malpensa, |
— |
Frankfurt International, |
— |
Madrid-Barajas, |
— |
Amsterdam-Schiphol, |
— |
Munich Franz Josef Strauss, |
— |
Rome-Fiumicino, |
— |
Zurich Kloten (5), |
— |
Düsseldorf International, |
— |
Oslo Gardermoen (6), |
— |
Manchester Ringway, |
— |
Copenhagen Kastrup, |
— |
Vienna Schwechat, |
— |
Dublin. |
2.2.2. Pajjiżi terzi oħra
Is-sottofunzjonalitajiet kollha msemmija f'dan il-punt għandhom jitħaddmu fl-Ajruport Ataturk ta' Istanbul.
2.3. Il-partijiet interessati meħtieġa li jimplimentaw il-funzjonalità u d-dati mmirati ta' mobilizzazzjoni
Il-fornituri tal-ATS u l-operaturi tal-ajruporti li jipprovdu s-servizzi fl-ajruporti kif imsemmi fil-Punt 2.2, għandhom joperaw:
— |
Il-Ġestjoni tat-Tluq Sinkronizzata mas-Sekwenzar ta' Qabel it-tluq mill-1 ta' Jannar 2021, |
— |
Il-Ġestjoni tat-Tluq li tintegra r-Restrizzjonijiet tal-Ġestjoni tas-superfiċje mill-1 ta' Jannar 2021, |
— |
Is-Separazzjoni bbażata fuq il-Ħin għall-Avviċinament Finali mill-1 ta' Jannar 2024, |
— |
L-Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje mill-1 ta' Jannar 2024, |
— |
Ix-Xbieki ta' Sikurezza tal-Ajruport mill-1 ta' Jannar 2021. |
2.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-Integrazzjoni u t-Throughput tal-Ajruport għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni fl-ajruporti mmirati. Mill-perspettiva teknika, il-mobilizzazzjoni tas-sistema u t-tibdil proċedurali previsti għandhom ikunu ssinkronizzati sabiex jiġi żgurat li jiġu ssodisfati l-għanijiet tal-prestazzjoni. Din is-sinkronizzazzjoni tal-investimenti għandha tinvolvi diversi operaturi tal-ajruporti u fornituri tas-servizzi tan-navigazzjoni tal-ajru. Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ, b'mod partikolari fost il-korpi tal-industrija tal-provvista u tal-istandardizzazzjoni.
2.5. Prerekwiżiti essenzjali
Dawn il-prerekwiżiti li ġejjin huma meħtieġa:
— |
Sistemi diġitali, bħall-EFS, l-A-CDM u d-DMAN inizjali għall-Ġestjoni tat-Tluq Sinkronizzata mas-sekwenzar ta' Qabel it-tluq, |
— |
Sistemi diġitali, bħall-EFS, id-DMAN inizjali u l-A-SMGCS livelli 1 u 2 għall-Ġestjoni tat-Tluq li tintegra r-Restrizzjonijiet tal-Ġestjoni tas-superfiċje, |
— |
Sistemi diġitali, bħall-EFS għat-TBS, |
— |
Sistemi diġitali, bħall-EFS, id-DMAN inizjali u l-A-SMGCS livelli 1 u 2 għall-Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje, |
— |
Sistemi diġitali, bħall-EFS u s-sorveljanza tal-A-SMGCS għax-Xbieki ta' Sikurezza tal-Ajruport. |
2.6. L-interdipendenzi ma' funzjonalitajiet tal-ATM oħra
— |
Ma hemm l-ebda interdipendenzi ma' funzjonalitajiet tal-ATM oħra, |
— |
Is-sottofunzjonalitajiet Ġestjoni tat-Tluq Sinkronizzata ma' Sekwenzjar ta' Qabel it-tluq u s-Separazzjoni bbażata fuq il-Ħin għall-Avviċinament Finali tista' tkun implimentata indipendentement mis-sottofunzjonalitajiet l-oħra; L-implimentazzjoni tas-sottofunzjonalitajiet, il-Ġestjoni tat-Tluq li tintegra r-Restrizzjonijiet tal-Ġestjoni tas-Superfiċje u x-Xbieki ta' Sikurezza tal-Ajruport jirrikjedu d-disponibbiltà tas-sottofunzjonalità Assistenza Awtomatika lill-Kontrollur għall-Ippjanar tal-Moviment u l-Ipprogrammar tar-Rotta tas-Superfiċje (A-SMGCS Livell 2 +). |
3. IL-ĠESTJONI FLESSIBBLI TAL-ISPAZJU TAL-AJRU U R-ROTOT LIBERI
L-operazzjoni magħquda tal-Ġestjoni Flessibbli tal-Ispazju tal-Ajru u r-Rotot Liberi tippermetti lill-utenti tal-ispazju tal-ajru li jtiru kemm jista' jkun qrib it-trajettorja ppreferuta tagħhom mingħajr ma jiġu ristretti mill-istrutturi tal-ispazju tal-ajru stabbiliti u n-netwerks tar-rotot fissi. Dan jippermetti wkoll operazzjonijiet li jeħtieġu segregazzjoni, pereżempju taħriġ militari, li jitwettqu b'mod sikur u flessibbli, u b'impatt minimu fuq utenti tal-ispazju tal-ajru oħra.
Din il-funzjonalità hija magħmula minn żewġ sottofunzjonalitajiet:
— |
Il-Ġestjoni tal-Ispazju tal-Ajru u l-Użu Avvanzat Flessibbli tal-Ispazju tal-Ajru, |
— |
Rotot liberi. |
3.1. L-ambitu operazzjonali u tekniku
3.1.1. Il-Ġestjoni tal-Ispazju tal-Ajru u l-Użu Avvanzat Flessibbli tal-Ispazju tal-Ajru
Il-Ġestjoni tal-Ispazju tal-Ajru (ASM) u l-Użu Avvanzat Flessibbli tal-Ispazju tal-Ajru (A-FUA) għandha l-għan li tipprovdi l-possibbiltà li r-riżervi tal-ispazju tal-ajru jiġu mmaniġġati b'mod aktar flessibbli b'rispons għall-ħtiġijiet tal-utenti tal-ispazju tal-ajru. Il-bidliet fl-istatus tal-ispazju tal-ajru għandhom jiġu kondiviżi mal-utenti kollha kkonċernati, b'mod partikolari l-Maniġer tan-Netwerk, il-fornituri tas-servizzi tan-navigazzjoni tal-ajru u l-utenti tal-ispazju tal-ajru (iċ-Ċentru tal-Operazzjonijiet tat-Titjiriet/il-Wing Operations Centre (FOC/WOC)). Il-proċeduri u l-proċessi tal-ASM għandhom ilaħħqu ma' ambjent fejn l-ispazju tal-ajru huwa ġestit b'mod dinamiku mingħajr netwerk ta' rotot fissi.
L-iskambju tad-dejta għandu jissaħħaħ permezz tad-disponibilità tal-istrutturi tal-ispazju tal-ajru bħala appoġġ għal implimentazzjoni aktar dinamika tal-ASM u Rotot Liberi tal-Ispazju tal-Ajru (FRA). Il-FRA huwa l-ispazju tal-ajru definit lateralment u vertikalment, li jippermetti rotot liberi b'sett ta' karatteristiċi ta' dħul/ħruġ. Fi ħdan dan l-ispazju tal-ajru, it-titjiriet jibqgħu soġġetti għall-kontroll tat-traffiku tal-ajru.
Is-soluzzjonijiet tal-ASM għandhom jappoġġaw lill-utenti kollha tal-ispazju tal-ajru, biex jippermettu, fost affarijiet oħra, l-allinjament tal-FRA, ir-Rotta Kundizzjonali (CDR) u l-Ipprogrammar tar-Rotta Dirett ippubblikat (DCT). Dawn is-soluzzjonijiet tal-ASM għandhom ikunu bbażati fuq domanda mbassra li tkun waslet mill-funzjoni tal-Fluss tat-Traffiku tal-Ajru u l-Amministrazzjoni tal-Kapaċità (ATFCM) u/jew il-Maniġer tan-Netwerk.
Rekwiżiti tas-sistema
— |
Is-sistema ta' appoġġ tal-ASM għandha tappoġġa netwerks ta' rotot fissi u kundizzjonali attwalment fis-seħħ, kif ukoll id-DCTs, il-FRA u l-konfigurazzjonijiet flessibbli tas-settur; Is-sistema għandha tkun kapaċi twieġeb għad-domandi li jinbidlu tal-ispazju tal-ajru. It-tisħiħ tal-Pjan Operattiv tan-Netwerk (NOP) għandu jitwettaq peremzz ta' proċess kollaborattiv ta' teħid ta' deċiżjoni bejn il-partijiet kollha interessati involuti; Is-sistema għandha tappoġġa l-attivitajiet transfruntieri li jirriżultaw fl-użu kondiviżiv tal-ispazju tal-ajru segregat irrispettivament mill-fruntieri nazzjonali, |
— |
Il-konfigurazzjonijiet tal-ispazju tal-ajru għandhom ikunu aċċessibbli permezz tas-sistemi tal-Maniġer tan-Netwerk, li għandhom jikkonsistu minn konfigurazzjonijiet tal-ispazju tal-ajru aġġornati u previsti, biex jippermettu lill-utenti tal-ispazju tal-ajru li jirreġistraw u jimmodifikaw il-pjanijiet tat-titjir tagħhom abbażi ta' informazzjoni f'waqtha u preċiża, |
— |
Is-sistema tal-ATC għandha tappoġġa konfigurazzjoni flessibbli ta' setturi sabiex id-dimensjonijiet u s-sigħat operattivi tagħhom jistgħu jiġu ottimizzati skont id-domandi tan-NOP, |
— |
Is-sistema għandha tippermetti valutazzjoni kontinwa tal-impatt fuq in-netwerk tal-konfigurazzjonijiet tal-ispazju tal-ajru li jinbidlu, |
— |
Is-sistemi tal-ATC għandhom juru b'mod korrett l-attivazzjoni u d-diżattivazzjoni tar-riżervi konfigurabbli tal-ispazju tal-ajru u l-bidla ta' volum tal-ispazju tal-ajru minn netwerk ta' rotta fissa għal FRA, |
— |
Is-Sistema tal-Ipproċessar tal-Pjan tat-Titjira (IFPS) għandha tiġi modifikata biex tirrifletti l-bidliet fid-definizzjoni tal-ispazju tal-ajru u r-rotot sabiex ir-rotot, il-progress tat-titjira u l-informazzjoni assoċjata jkunu disponibbli għas-sistemi tal-ATC, |
— |
Is-sistemi tal-ASM, l-ATFCM u l-ATC jridu jiġu interfaċċati b'mod sikur b'tali mod li jippermettu l-għoti tas-servizzi tan-navigazzjoni tal-ajru bbażat fuq fehim komuni tal-ispazju tal-ajru u tal-ambjent tat-traffiku. Is-sistemi tal-ATC għandhom jiġu modifikati biex jippermettu din il-funzonalità sa fejn ikun meħtieġ biex jikkonformaw mar-Regolament (KE) Nru 552/2004, il-Punt 4 tal-Parti A tal-Anness II, |
— |
Is-sistemi tas-Servizzi Ċentralizzati tal-Informazzjoni Ajrunawtika (AIS), bħalma hija l-Bażi tad-Dejta Ewropea tal-AIS (EAD), għandhom jagħmlu disponibbli l-informazzjoni dwar l-ambjent għal strutturi flessibbli tal-ispazju tal-ajru lill-partijiet interessati operattivi involuti kollha fil-ħin propizju. Dan jippermetti t-twettiq ta' ppjanar ibbażat fuq informazzjoni preċiża rilevanti fil-ħin tal-operazzjonijiet ippjanati; Is-sistemi lokali tal-AIS għandhom jippermettu din il-kapaċità u l-applowdjar tad-dejta lokali li tinbidel, |
— |
Il-partijiet interessati operattivi jridu jiggarantixxu interfaċċa man-NOP kif speċifikat fil-Punt 4; L-intefaċċi għandhom ikunu kkonfigurati b'tali mod li jippermettu d-dejta dinamika tintbagħat lis-sistemi tal-partijiet interessati operattivi, u biex dawk il-partijiet interessati operattivi jkunu jistgħu jikkomunikaw l-informazzjoni b'mod preċiż u f'waqtu. Is-sistemi ta' dawn il-partijiet interessati għandhom ikunu modifikati sabiex ikunu jistgħu jħaddmu dawn l-interfaċċi. |
3.1.2. Rotot liberi
Ir-Rotot Liberi jistgħu jiġu skjerati permezz tal-użu tal-Ipprogrammar tar-Rotta Dirett u permezz tal-FRA. L-Ispazju tal-Ajru tal-Ipprogrammar tar-Rotta Dirett hu l-ispazju tal-ajru definit lateralment u vertikalment b'sett ta' kundizzjonijiet ta' dħul/ħruġ fejn ir-rotot diretti ppubblikati huma disponibbli. Fi ħdan dan l-ispazju tal-ajru, it-titjiriet jibqgħu soġġetti għall-kontroll tat-traffiku tal-ajru. Biex titħaffef l-implimentazzjoni bikrija qabel id-data mmirata tal-mobiliazzazzjoni speċifikata fil-Punt 3.3, ir-rotot liberi jistgħu jiġu implimentati b'mod limitat matul il-perjodi definiti. Għandhom jiġu stabbiliti l-proċeduri għat-tranżazzjoni minn operazzjonijiet ta' rotot liberi għal rotot fissi. L-implimentazzjoni inizjali tar-Rotot Liberi tista' ssir fuq bażi strutturalment limitata, pereżempju billi jiġu limitati l-punti disponibbli ta' dħul/ħruġ għal ċerti flussi tat-traffiku, permezz tal-pubblikazzjoni tad-DCTs, li jippermettu lill-utenti tal-ispazju tal-ajru jippjanaw it-titjira abbażi ta' dawk id-DCTS ippubblikati. Id-disponibilità tad-DCT tista' tkun soġġetta għad-domanda tat-traffiku u/jew limiti ta' żmien. L-implimentazzjoni tal-FRA abbażi tad-DCTs tista' tippermetti t-tneħħija tan-netwerk tar-rotot tal-ATS. Il-FRA u d-DCT għandhom jiġu ppubblikati f'pubblikazzjonijiet ajrunawtiċi kif spjegat fil-Pjan ta' Titjib tan-Netwerk Ewropew tar-Rotot tal-Maniġer tan-Netwerk.
Rekwiżiti tas-sistema
— |
Is-sistemi ta' ġestjoni tan-netwerk għandhom jimplimentaw:
|
— |
is-sistemi tal-ATC għandhom jimplimentaw dan li ġej:
|
— |
is-sistemi tal-ATC jistgħu jirċievu u jużaw dejta aġġornata tat-titjira minn inġenju tal-ajru (ADS-C PPE) fejn il-funzjonalità tal-kollegament tad-dejta hija disponibbli, |
— |
Is-sistemi tal-utenti tal-ispazju tal-ajru għandhom jimplimentaw is-sistemi tal-ippjanar tat-titjira biex jimmaniġġaw il-konfigurazzjoni tas-settur dinamiku u l-FRA, |
— |
Is-Sistema tal-Ipproċessar tad-Dejta tat-Titjiriet (FDPS) għandha tappoġġa l-FRA, id-DCT u l-A-FUA, |
— |
Il-pożizzjoni tal-ħidma tal-kontrollur għandha tappoġġa l-ambjenti operattivi, kif xieraq. |
3.2. L-ambitu ġeografiku
Il-Ġestjoni Flessibbli tal-Ispazju tal-Ajru u r-Rotot Liberi għandha tkun provduta u titħaddem fl-ispazju tal-ajru li għalih l-Istati Membri huma responsabbli fil-livell tat-titjira ta' 310 jew ogħla fir-reġjun ICAO EUR.
3.3. Il-partijiet interessati meħtieġa li jimplimentaw il-funzjonalità u d-dati mmirati ta' mobilizzazzjoni
Il-Maniġer tan-netwerk, il-fornituri tas-servizzi tan-navigazzjoni tal-ajru u l-utenti tal-ispazju tal-ajru għandhom joperaw:
— |
Id-DCT mill-1 ta' Jannar 2018, |
— |
Il-FRA mill-1 ta' Jannar 2022. |
3.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-Ġestjoni Flessibbli tal-Ispazju tal-Ajru u r-Rotot Liberi għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni fl-ambitu ġeografiku wiesa' li jinvolvi numru ta' partijiet interessati. Mill-perspettiva teknika, il-mobilizzazzjoni tas-sistema mmirata u t-tibdil proċedurali għandhom ikunu ssinkronizzati sabiex jiġi żgurat li jiġu sodisfatti l-għanijiet tal-prestazzjoni. Din is-sinkronizzazzjoni ta' investimenti għandha tinvolvi diversi fornituri ta' servizz ta' navigazzjoni tal-ajru ċivili/militari, utenti tal-ispazju tal-ajru u l-Maniġer tan-Netwerk. Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ, b'mod partikolari fost l-industrija tal-provvista.
3.5. Prerekwiżiti essenzjali
M'hemmx prerekwiżiti għal din il-funzjonalità.
3.6. L-interdipendenzi ma' funzjonalitajiet tal-ATM oħra
— |
Meta disponibbli l-FRA u d-DCT għandhom ikunu appoġġati mill-Maniġer tan-Netwerk u mis-sistemi tas-SWIM kif speċifikat fil-Punti 4 u 5. |
4. IL-ĠESTJONI TAN-NETWERK KOLLABORATTIV
Il-Ġestjoni tan-Netwerk Kollaborattiv ittejjeb il-prestazzjoni tan-netwerk Ewropew tal-ATM, b'mod partikolari l-kapaċità u l-effiċjenza tat-titjiriet permezz tal-iskambju, il-modifika u l-ġestjoni tal-informazzjoni tat-trajettorja. Il-Ġestjoni tal-Fluss għandha tiċċaqlaq għal ambjent ta' Ġestjoni Kooperattiva tat-Traffiku (CTM) biex ikunu ottimizzati l-forniment tat-traffiku f'setturi u ajruporti u l-ħtieġa għal miżuri ta' Fluss tat-Traffiku tal-Ajru u l-Amministrazzjoni tal-Kapaċità (ATFCM).
Din il-funzjonalità hija magħmula minn erba' sottofunzjonalitajiet:
— |
Miżuri Msaħħa tal-ATFCM għal Terminu Qasir, |
— |
NOP Kollaborattiv, |
— |
Il-Ħin tal-Qtugħ mill-Art ikkalkulat għal Ħinijiet Immirati għal skopijiet tal-ATFCM, |
— |
L-Appoġġ Awtomatiku għall-Valutazzjoni tal-Kumplessità tat-Traffiku. |
4.1. L-ambitu operazzjonali u tekniku
4.1.1. Miżuri Msaħħa tal-ATFCM għal Terminu Qasir
Il-ġestjoni tal-kapaċità tattika li tuża l-Miżuri tal-ATFCM ta' Terminu Qasir (STAM) għandha tiżgura koordinazzjoni mill-qrib u effiċjenti bejn il-funzjonijiet tal-ATC u l-funzjonijiet tal-ġestjoni tan-netwerk. Il-ġestjoni tal-kapaċità tattika għandha timplimenta l-STAM bl-użu ta' teħid kollaboratttiv ta' deċiżjoni biex timmaniġġa l-fluss qabel ma t-titjiriet jidħlu f'settur.
Rekwiżiti tas-sistema
— |
L-ippjanar tal-ATFCM għandu jiġi ġestiti fil-livell tan-netwerk mill-Maniġer tan-Netwerk u fil-livell lokali mill-pożizzjoni tal-ġestjoni tal-fluss biex tiġi appoġġata l-individwazzjoni urġenti, l-eżekuzzjoni ta' STAM, il-valutazzjoni tan-netwerk u l-monitoraġġ kontinwu tal-attività tan-netwerk; l-ippjanar tal-ATFCM fil-livell tan-netwerk u fil-livell lokali għandu jiġi kkoordinat bejniethom |
4.1.2. NOP Kollaborattiv
Il-Maniġer tan-Netwerk għandu jimplimenta n-NOP Kollaborattiv li jikkonsisti minn integrazzjoni msaħħa tan-NOP u l-informazzjoni tal-Pjan tal-Operazzjonijiet tal-Ajruport (AOP). In-NOP kollaborattiv għandu jiġi aġġornat permezz ta' skambji ta' dejta bejn il-Maniġer tan-Netwerk u s-sistemi tal-partijiet interessati operattivi sabiex ikopri l-ħajja kollha tat-trajettorja u biex jirrifletti l-prijoritajiet meta meħtieġ. Ir-restrizzjonijiet tal-konfigurazzjonijiet tal-ajruport u t-temp u l-informazzjoni dwar l-ispazju tal-ajru għandhom jiġu integrati fin-NOP. Fejn disponibbli, ir-restrizzjonijiet tal-ajruport għandhom jiġu derivati mill-AOP. Il-ħinijiet immirati tal-ATFCM jistgħu jintużaw bħala entrati tas-sekwenzjar tal-wasliet. Fejn disponibbli u meħtieġa għas-sekwenza tat-traffiku, il-Ħin Immirat għall-Wasla għandu jiġi derivat mill-AOP. Fejn il-Ħinijiet Immirati jintużaw mill-ATFCM biex tiġi indirizzata l-konġestjoni tal-ajruport, dawn il-Ħinijiet Immirati jistgħu jiġu soġġetti għall-allinjament tal-AOP bħala parti minn proċessi ta' koordinazzjoni tal-ATFCM. Il-Ħinijiet Immirati għandhom jintużaw ukoll biex jappoġġaw il-proċessi tas-sekwenzjar tal-wasliet tal-ajruport fil-fażi en-route. Il-konfigurazzjonijiet integrati tal-ajruport u tat-temp u l-informazzjoni tal-ispazju tal-ajru għandhom jidhru biex jinqraw u jiġu modifikati mill-partijiet interessati operattivi awtorizzati li jipparteċipaw fil-ġestjoni u t-tħaddim tan-netwerk.
L-iżvilupp tan-NOP Kollaborattiv għandu jiffoka fuq id-disponibbiltà tal-ippjanar operattiv kondiviż u d-dejta f'ħin reali.
Rekwiżiti tas-sistema
— |
Il-partijiet interessati operattivi għandhom jingħataw aċċess għad-dejta li għandhom bżonn permezz ta' mistoqsijiet fi ħdan in-NOP, |
— |
Is-sistemi fuq l-art tal-partijiet interessati operattivi għandhom jiġu adattati biex jinterfaċċaw ma' sistemi ta' ġestjoni tan-netwerk. Is-sistemi tal-AOP għandhom jinterfaċċaw mas-sistemi tan-NOP biex jiġi implimentat NOP Kollaborattiv, |
— |
L-interfaċċa bejn is-sistemi tal-partijiet interessati operattivi u tas-sistemi tal-ġestjoni tan-netwerk għandha tiġi implimentata bl-użu tas-servizzi tas-Ġestjoni tat-Tagħrif Mifruxa mas-Sistema Kollha hekk kif ikunu disponibbli. |
4.1.3. Il-Ħin tal-Qtugħ mill-Art ikkalkulat għal Ħinijiet Immirati għal skopijiet tal-ATFCM
Il-Ħinijiet Immirati (TT) għandhom jiġu applikati għal titjiriet magħżula għal skopijiet tal-ATFCM biex ikun immaniġġat l-ATFCM fil-punt tal-konġestjoni u mhux biss fil-mument tat-tluq. Fejn disponibbli, il-Ħin Immirat tal-Wasla (TTA) għandu jiġi derivat mill-Pjan ta' Operazzjonijiet tal-Ajruport (AOP). It-TTAs għandhom jintużaw ukoll biex jappoġġaw il-proċessi tas-sekwenzjar tal-wasliet tal-ajruport fil-fażi en-route.
Rekwiżiti tas-sistema
— |
Is-sistemi tal-Maniġer tan-Netwerk għandhom jappoġġaw il-kondiviżjoni tal-ħinijiet immirati. Is-sistemi għandhom ikunu kapaċi jaġġustaw il-Ħinijiet tal-Qtugħ mill-Art Ikkalkulati (CTOTs) ibbażati fuq TTAs magħmulin b'reqqa u maqbula fl-ajruport tad-destinazzjoni; It-TTAs għandhom ikunu integrati fl-AOP għar-reqqa sussegwenti tal-NOP, |
— |
Is-sistemi tal-ipproċessar tad-dejta tat-titjira jista' jkollhom bżonn li jiġu adattati sabiex tiġi pproċessata d-dejta dwar it-trajettorja downlinked (ADS-C EPP). |
4.1.4. L-Appoġġ Awtomatiku għall-Valutazzjoni tal-Kumplessità tat-Traffiku
L-informazzjoni dwar it-trajettorja ppjanata, l-informazzjoni dwar in-netwerk u d-dejta analitika reġistrata mill-operazzjonijiet tal-passat għandhom jintużaw għat-tbassir tal-kumplessità tat-traffiku u s-sitwazzjonijiet potenzjali ta' tagħbija eċċessiva, biex jippermettu strateġiji ta' mitigazzjoni li għandhom jiġu applikati fil-livell lokali u f'dak tan-netwerk.
Il-Pjan Estiż tat-Titjira (EFPL) għandu jintuża biex isaħħaħ il-kwalità tal-informazzjoni tat-trajettorja ppjanata u b'hekk jissaħħaħ l-ippjanar tat-titjira u l-valutazzjonijiet tal-kumplessità.
Rekwiżiti tas-sistema
— |
Is-sistemi tal-Maniġer tan-Netwerk għandhom jittrattaw l-istrutturi flessibbli tal-ispazju tal-ajru, il-konfigurazzjoni tar-rotot li jippermettu l-ġestjoni ta' tagħbijiet tat-traffiku u l-kumplessità b'mod kollaborattiv fil-pożizzjoni tal-ġestjoni tal-fluss u fil-livell tan-netwerk, |
— |
Is-sistemi tal-ipproċessar tad-dejta tat-titjir għandhom jinterfaċċaw man-NOP, |
— |
Is-sistemi tal-ippjanar tat-titjiragħandhom jappoġġaw l-EFPL u s-sistemi tal-Maniġer tan-Netwerk għandhom ikunu kapaċi jipproċessaw l-EFPL, |
— |
L-informazzjoni provduta permezz tad-Dokument dwar id-Disponibilità tar-Rotta (RAD) u r-Restrizzjoni tal-Modulazzjoni tal-Profil tar-Rotta (PTR) għandhom jiġu armonizzati permezz tal-proċess tat-Teħid Kollaborattiv ta' Deċiżjonijiet (CDM) tad-Disinn tan-Netwerk Ewropew tar-Rotot u funzjonijiet tal-ATFM tal-Maniġer tan-Netwerk bħalma huma l-Fornituri tas-Sistemi tal-Ippjanar tat-Titjira għandhom ikunu kapaċi jiġġeneraw programm tar-rotot għall-pjan ta' titjira li jiġi aċċettat bit-trajettorja l-aktar effiċjenti, |
— |
L-għodod tal-ASM/ATFCM għandhom ikunu kapaċi jimmaniġġaw id-disponibbiltà differenti tal-ispazju tal-ajru u l-kapaċità tas-settur, inkluż l-A-FUA (kif speċifikat fil-Punt 3), l-adattament tad-Dokument dwar id-Disponibilità tar-Rotta (RAD) u l-STAM. |
4.2. L-ambitu ġeografiku
Il-Ġestjoni tan-Netwerk Kollaborattiv għandha tiġi skjerata fl-EATMN. Fiċ-ċentri tal-ATC fl-Istati Membri fejn l-operazzjonijiet ċivili-militari mhumiex integrati (7), il-Ġestjoni tan-Netwerk Kollaborattiv għandha tiġi skjerata sa fejn ikun meħtieġ mir-Regolament (KE) Nru 552/2004, il-Punt 4 tal-Parti A tal-Anness II.
4.3. Il-partijiet interessati huma meħtieġa li jimplimentaw il-funzjonalità u d-data mmirata tal-mobilizzazzjoni
Il-partijiet interessati operattivi u l-Maniġer tan-Netwerk għandhom joperaw il-Ġestjoni tan-Netwerk Kollaborattiv mill-1 ta' Jannar 2022.
4.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-Ġestjoni tan-Netwerk Kollaborattiv għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni f'ambitu ġeografiku wiesa' li jinvolvi numru ta' partijiet interessati. Mill-perspettiva teknika, il-mobilizzazzjoni tas-sistema mmirata u t-tibdil proċedurali għandhom ikunu ssinkronizzati sabiex jiġi żgurat li jiġu ssodisfati l-għanijiet tal-prestazzjoni. Din is-sinkronizzazzjoni ta' investimenti għandha tinvolvi diversi fornituri tas-servizz tan-navigazzjoni tal-ajru ċivili/militari u l-Maniġer tan-Netwerk. Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ (b'mod partikolari fost il-korpi tal-industrija u l-industrijalizzazzjoni).
4.5. Prerekwiżiti essenzjali
M'hemmx prerekwiżiti għal din il-funzjonalità. Implimentazzjoni eżistenti tal-fażi 1 tal-STAM tħaffef l-integrazzjoni operazzjonali ta' din il-funzjonalità tal-ATM f'sistemi eżistenti.
4.6. L-interdipendenzi ma' funzjonalitajiet tal-ATM oħra
— |
Is-sistemi tal-ġestjoni tan-netwerk għandhom jużaw l-AMAN kif speċifikat fil-Punt 1, |
— |
Fejn disponibbli, is-sistema tal-AOP għandha tuża d-DMAN kif speċifikat fil-Punt 2, |
— |
Is-sistemi tal-ġestjoni tan-netwerk għandhom jappoġġaw l-użu Flessibbli tal-ispazju tal-ajru u l-ippogrammar tar-rotot liberi kif speċifikat fil-Punt 3, |
— |
Ir-rekwiżiti tal-iskambju tal-informazzjoni għandhom jużaw is-SWIM kif speċifikat fil-Punt 5 darba disponibbli, |
— |
L-informazzjoni dwar it-trajettorja downlink, kif speċifikat fil-Punt 6, fejn tkun disponibbli, għandha tiġi integrata fin-NOP biex tappoġġa t-TTO/TTA. |
5. IL-ĠESTJONI TAT-TAGĦRIF MIFRUXA MAS-SISTEMA KOLLHA INIZJALI
Il-Ġestjoni tat-Tagħrif Mifruxa mas-Sistema Kollha (SWIM) tikkonċerna l-iżvilupp tas-servizzi tal-iskambju tal-informazzjoni. Is-SWIM hi magħmula minn standards, infrastruttura u governanza li jippermettu l-ġestjoni tal-informazzjoni u l-iskambju tagħha bejn il-partijiet interessati operattivi permezz ta' servizzi interoperabbli.
Il-Ġestjoni tat-Tagħrif Mifruxa mas-Sistema Kollha Inizjali (iSWIM) tappoġġa l-iskambji tal-informazzjoni li huma mibnija fuq l-istandards u fornuti permezz ta' netwerk ibbażat fuq Internet Protocol (IP) mis-sistemi mħaddma mis-SWIM. Dan jikkonsisti minn:
— |
Komponenti komuni tal-infrastruttura, |
— |
Infrastruttura teknika u Profili tas-SWIM, |
— |
L-iskambju ta' informazzjoni ajrunawtika, |
— |
L-iskambju ta' informazzjoni metereoloġika, |
— |
L-iskambju ta' informazzjoni dwar in-netwerk kooperattiv, |
— |
L-iskambju ta' informazzjoni dwar it-titjira. |
5.1. L-ambitu operazzjonali u tekniku
5.1.1. Komponenti komuni tal-infrastruttura
Il-komponenti komuni tal-infrastruttura huma:
— |
Ir-reġistru, li għandu jintuża għall-pubblikazzjoni u l-iskoperta tal-informazzjoni dwar il-konsumaturi u l-fornituri tas-servizz, il-mudell tal-informazzjoni loġika, servizzi mħaddma mis-SWIM, l-informazzjoni kummerċjali, teknika u politika, |
— |
L-Infrastruttura Pubblika Ewlenija (PKI), li għandha tintuża għall-iffirmar, il-ħruġ u ż-żamma ta' ċertifikati u listi ta' revoka; Il-PKI jiżgura li l-informazzjoni tkun tista' tiġi trasferita b'mod sikur. |
5.1.2. Infrastruttura teknika u Profili tas-SWIM
L-implimentazzjoni tal-Profil ta' Infrastruttura teknika (TI) tas-SWIM għandha tiġi bbażata fuq standards u prodotti u servizzi interoperattivi. Is-servizzi ta' skambju ta' informazzjoni għandhom jiġu implimentati fuq wieħed minn dawn il-profili:
— |
Il-Profil TI Blu tas-SWIM, li għandu jintuża għall-iskambju tal-informazzjoni dwar it-titjiriet bejn iċ-ċentri tal-ATC u bejn l-ATC u l-Maniġer tan-Netwerk, |
— |
Il-Profil TI Isfar tas-SWIM, li għandu jintuża għal xi skop ieħor tal-dejta tal-ATM (ajrunawtika, meteoroloġika, ajruport, eċċ.). |
5.1.3. L-iskambju ta' informazzjoni ajrunawtika
Il-partijiet interessati operattivi għandhom jimplimentaw is-servizzi li jappoġġaw l-iskambju tal-informazzjoni ajrunawtika li ġejja bl-użu tal-Profil TI Isfar tas-SWIM:
— |
In-notifika dwar l-attivazzjoni ta' Riżerva/Restrizzjoni tal-Ispazju tal-Ajru (ARES), |
— |
In-notifika dwar id-deattivazzjoni ta' Riżerva/Restrizzjoni tal-Ispazju tal-Ajru (ARES), |
— |
Il-prenotifika dwar l-attivazzjoni ta' Riżerva/Restrizzjoni tal-Ispazju tal-Ajru (ARES), |
— |
In-notifika dwar ir-rilaxx ta' Riżerva/Restrizzjoni tal-Ispazju tal-Ajru (ARES), |
— |
Karatteristika tal-informazzjoni ajrunawtika fuq talba. Il-filtrazzjoni possibbli skont it-tip ta' karatteristika, isem u filtru avvanzat bl-operaturi spazjali, temporali u loġiċi, |
— |
Informazzjoni dwar Mistoqsija ta' Riżerva/Restrizzjoni tal-Ispazju tal-Ajru (ARES), |
— |
Ipprovdi dejta għall-immappjar tal-Ajrudromi u Mapep tal-Ajruport, |
— |
Il-Pjanijiet dwar l-Użu tal-Ispazju tal-Ajru (AUP, UUP) — il-livell 1, 2 u 3 tal-ASM, |
— |
D-Notams. |
L-implimentazzjonijiet tas-servizz għandhom ikunu konformi mal-verżjoni applikabbli tal-Mudell ta' Referenza tal-Informazzjoni Ajrunawtika (AIRM), il-Materjal tal-Fondazzjoni tal-AIRM u l-Materjal tal-Fondazzjoni tal-Mudell ta' Referenza tas-Servizz ta' Informazzjoni (ISRM).
Rekwiżiti tas-sistema
— |
Is-sistemi tal-ATM għandhom ikunu kapaċi jużaw is-servizzi ta-iskambju ta' informazzjoni ajrunawtika. |
5.1.4. L-iskambju ta' tagħrif metereoloġiku
Il-partijiet interessati operattivi għandhom jimplimentaw is-servizzi li jappoġġaw l-iskambju tal-informazzjoni meteroloġika li ġejja bl-użu tal-Profil TI Isfar tas-SWIM:
— |
It-tbassir meteoroloġiku tat-temp fl-ajruport ikkonċernat, f'intervall żgħar fil-futur:
|
— |
Ipprovdi l-Konċentrazzjoni tal-Massa tal-Irmied Volkaniku, |
— |
Servizz speċifiku tal-informazzjoni metereoloġika, |
— |
Servizz ta' informazzjoni dwar l-irjieħ fi kwota, |
— |
Informazzjoni meteoroloġika li tappoġġa l-proċess tal-ATC tal-ajrudrom u ż-żona “Landslide” jew l-għajnuniet li jinvolvu l-informazzjoni rilevanti tat-MET, il-proċessi tat-traduzzjoni biex ikunu derivati r-restrizzjonijiet għat-temp u biex din l-informazzjoni tissarraf f'impatt tal-ATM; il-kapaċità tas-sistema prinċipalment timmira orizzont ta' “żmien ta' deċiżjoni” ta' bejn 20 minuta u 7 ijiem, |
— |
L-informazzjoni meteoroloġika li tappoġġa l-proċess tal-ATC dwar ir-rotta (En Route)/Avviċinament jew l-għajnuniet li jinvolvu l-informazzjoni rilevanti tat-MET, il-proċessi tat-traduzzjoni biex ikunu derivati r-restrizzjonijiet għat-temp u biex din l-informazzjoni tissarraf f'impatt tal-ATM; il-kapaċità tas-sistema prinċipalment timmira orizzont ta' “żmien ta' deċiżjoni” ta' bejn 20 minuta u 7 ijiem, |
— |
L-informazzjoni meteoroloġika li tappoġġa l-proċess tal-Ġestjoni dwar l-Informazzjoni tan-Netwerk jew l-għajnuniet li jinvolvu l-informazzjoni rilevanti tat-MET, il-proċessi tat-traduzzjoni biex ikunu derivati r-restrizzjonijiet għat-temp u biex din l-informazzjoni tissarraf f'impatt tal-ATM; il-kapaċità tas-sistema prinċipalment timmira orizzont ta' “żmien ta' deċiżjoni” ta' bejn 20 minuta u 7 ijiem. |
Implimentazzjonijiet tas-servizz għandhom ikunu konformi mal-verżjoni applikabbli tal-AIRM, il-Materjal tal-Fondazzjoni tal-AIRM u l-Materjal tal-Fondazzjoni tal-ISRM.
Rekwiżiti tas-sistema
— |
Is-sistemi tal-ATM għandhom ikunu kapaċi jużaw is-servizzi ta-iskambju ta' informazzjoni MET, |
5.1.5. Skambju ta' informazzjoni dwar in-netwerk kooperattiv
Il-partijiet interessati operattivi għandhom jimplimentaw is-servizzi li jappoġġaw l-iskambju tal-informazzjoni dwar in-netwerk kooperattiv li ġej bl-użu tal-Profil TI isfar tas-SWIM:
— |
il-kapaċità massima attwali tal-ajruporti bbażata fuq kundizzjonijiet tat-temp attwali u fit-terminu qasir, |
— |
Is-Sinkronizzazzjoni tal-Pjan Operattiv tan-Netwerk u l-Pjanijiet tal-Operazzjonijiet tal-Ajruport kollha, |
— |
Regolamenti, |
— |
Slots, |
— |
Miżuri tal-ATFCM għal Terminu Qasir, |
— |
Il-punti ta' konġestjoni tal-ATFCM, |
— |
Restrizzjonijiet, |
— |
L-istruttura, id-disponibbiltà u l-użu tal-ispazju tal-ajru, |
— |
Il-Pjanijiet tal-Operazzjoni ta' Avviċinament En-Route u tan-Newtwerk. |
L-implimentazzjonijiet tas-servizz għandhom ikunu konformi mal-verżjoni applikabbli tal-AIRM, il-Materjal tal-Fondazzjoni tal-AIRM u l-Materjal tal-Fondazzjoni tal-ISRM.
Rekwiżiti tas-sistema
— |
Il-Portal tal-Maniġer tan-Netwerk għandu jappoġġa l-partijiet interessati operattivi kollha fl-iskambju b'mod elettroniku tad-dejta tal-Maniġer tan-Netwerk; Il-Portal tal-Maniġer tan-Netwerk għandu jappoġġa l-għażla tal-partijiet interessati operattivi bejn aċċess onlajn predefinit, jew konnessjoni tal-applikazzjonijiet tagħhom stess bl-użu ta' servizzi bbażati fuq teknoloġija tal-web sistema b'sistema (B2B). |
5.1.6. L-iskambju tal-informazzjoni dwar it-titjira
L-informazzjoni tat-titjira għandha tkun skambjata matul il-fażijiet pretattiċi u tattiċi bis-sistemi tal-ATC u l-Maniġer tan-Netwerk.
Il-partijiet interessati operattivi għandhom jimplimentaw is-servizzi li jappoġġaw l-iskambju tal-informazzjoni dwar it-titjira kif indikat fit-tabella hawn taħt bl-użu tal-Profil TI Blu tas-SWIM:
— |
Operazzjonijiet diversi fuq oġġett ta' titjira: Irrikonoxxi l-wasla, Irrikonoxxi ftehim lill-FO (Flight Object), Temm is-sottoskrizzjoni ta' distribuzzjoni ta' FO, Issottoskrivi distribuzzjoni ta' FO, Immodifika restrizzjonijiet tal-FO, Immodifika rotta, Stabbilixxi runway tal-wasla, Aġġorna l-informazzjoni marbuta mal-koordinazzjoni, Immodifika l-kodiċi SSR, Issettja s-STAR, Aqbeż l-ATSU fi djalogu ta' koordinazzjoni, |
— |
Ikkondividi informazzjoni dwar il-Flight Object. Il-Flight Object jinkludi skript tat-titjira magħmul mir-restrizzjonijiet tal-ATC u tat-trajettorja 4D, |
Il-partijiet interessati operattivi għandhom jimplimentaw is-servizzi li jappoġġaw l-iskambju tal-informazzjoni tat-titjira bl-użu tal-Profil TI Isfar tas-SWIM:
— |
Ivvalida l-pjan tat-titjira u r-rotot, |
— |
Il-pjanijiet tat-titjira, it-trajettorja 4D, id-dejta dwar il-prestazzjoni tat-titjira, l-istatus tat-titjira, |
— |
Il-listi tat-titjiriet u d-dejta dettaljata tat-titjira, |
— |
Messaġġ marbut mal-aġġornament tat-titjira (informazzjoni dwar it-tluq) |
L-implimentazzjonijiet tas-servizz għandhom ikunu konformi mal-verżjoni applikabbli tal-AIRM, il-Materjal tal-Fondazzjoni tal-AIRM u l-Materjal tal-Fondazzjoni tal-ISRM.
Rekwiżiti tas-sistema
— |
Is-sistemi tal-ATC għandhom jużaw servizzi ta' skambju ta' informazzjoni dwar it-titjir. |
5.2. L-ambitu ġeografiku
Il-funzjonalità tal-iSWIM għandha tiġi skjerata fl-EATMN kif indikat fit-tabella: Fiċ-ċentri fl-Istati Membri li għandhom il-forniment tas-servizz ċivili-militari mhux integrat (8), il-funzjonalità tal-iSWIM għandha tiġi skjerata sa fejn ikun meħtieġ mir-Regolament (KE) Nru 552/2004, il-Punt 4 tal-Parti A tal-Anness II.
|
L-ANSPs ċivili (esklużi fornituri tal-MET) |
Ajruporti |
Kordinazzjoni ċivili-militari |
Utenti tal-ispazju tal-ajru |
Fornituri tal-MET |
Maniġer tan-Netwerk |
L-iskambju ta' informazzjoni ajrunawtika |
Iċ-Ċentri ta' Kontroll taż-Żona, TMAS u Torrijiet identifikati fl-Appendiċi |
Ambitu ġeografiku kif imsemmi fil-Punt 1.2 |
Iċ-ċentri kollha fl-Istati Membri li għandhom forniment tas-servizz ċivili-militari mhux integrat (9) |
Il-fornituri tas-sistema tal-AOC |
— |
Maniġer tan-Netwerk |
L-iskambju tal-informazzjoni metereoloġika |
Iċ-Ċentri ta' Kontroll taż-Żona, TMAS u Torrijiet identifikati fl-Appendiċi |
Ambitu ġeografiku kif imsemmi fil-Punt 1.2 |
Iċ-ċentri kollha fl-Istati Membri li għandhom il-forniment tas-servizz ċivili-militari mhux integrat (9) |
Il-fornituri tas-sistema tal-AOC |
Il-fornituri tal-MET kollha |
Maniġer tan-Netwerk |
Skambju ta' informazzjoni dwar in-netwerk kooperattiv |
Iċ-Ċentri ta' Kontroll taż-Żona, TMAS u Torrijiet identifikati fl-Appendiċi |
Ambitu ġeografiku kif imsemmi fil-Punt 1.2 |
— |
Il-fornituri tas-sistema tal-AOC |
— |
Maniġer tan-Netwerk |
L-iskambju tal-informazzjoni dwar it-titjira |
Iċ-Ċentri ta' Kontroll taż-Żona u TMAS identifikati fl-Appendiċi |
— |
— |
— |
— |
Maniġer tan-Netwerk |
5.3. Il-partijiet interessati huma meħtieġa li jimplimentaw il-funzjonalità u d-data mmirata tal-mobilizzazzjoni
Il-partijiet interessati operattivi u l-Maniġer tan-Netwerk imsemmija fil-Punt 5.2 għandhom jipprovdu u jħaddmu l-iSWIM mill-1 ta' Jannar 2025.
5.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-Ġestjoni tat-Tagħrif Mifruxa mas-Sistema Kollha Inizjali għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni fl-ambitu ġeografiku wiesa' li jinvolvi numru ta' partijiet interessati. Mill-perspettiva teknika, il-mobilizzazzjoni tas-sistema mmirata u t-tibdil fil-forniment tas-servizz għandhom ikunu ssinkronizzati sabiex jiġi żgurat li jiġu sodisfatti l-għanijiet tal-prestazzjoni. Din is-sinkronizzazzjoni għandha tippermetti t-tibdiliet immirati fil-funzjonalità tal-ATM msemmija fit-taqsimiet 1 sa 4 ta' hawn fuq, kif ukoll proġetti komuni fil-futur. Is-sinkronizzazzjoni għandha tinvolvi l-partijiet interessati kollha tal-ATM tal-art (fornituri ċivili/militari tas-servizz tan-navigazzjoni tal-ajru, l-utenti tal-ispazju tal-ajru — għas-sistemi tal-AOC, l-operaturi tal-ajruporti, il-Fornituri tas-Servizzi tal-MET u l-Maniġer tan-Netwerk). Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ, b'mod partikolari fost il-korpi tal-industrija tal-provvista u tal-istandardizzazzjoni.
5.5. Prerekwiżiti essenzjali
Ċentri ta' kapaċità għolja għandhom jiġu konnessi mas-Servizzi ta' Netwerk Pan-Ewropej (PENS) biex iservu ta' appoġġ għall-Profil TI Blu tas-SWIM.
5.6. L-interdipendenzi ma' funzjonalitajiet tal-ATM oħra
— |
Is-servizzi tas-SWIM jippermettu l-funzjonalità tal-AMAN kif deskritt fil-Punt 1, A-FUA kif deskritt fil-Punt 3, il-funzjonalità tal-Ġestjoni tan-Netwerk Kollaborattiv kif deskritt fil-Punt 4 u s-sistemi tal-ipproċessar tad-dejta tat-titjira għall-iskambju tas-sistemi tal-ipproċessar tad-dejta tat-titjiriet tal-informazzjoni tat-trajettorja downlinked bejn l-unitajiet tal-ATS meħtieġa mill-funzjonalità l-Kondiviżjoni tal-Informazzjoni dwar it-Trajettorja Inizjali msemmija fil-Punt 6, |
— |
L-implimentazzjoni tal-infrastruttura u tas-servizzi tas-SWIM imsemmija fil-Punt 5 tħaffef l-iskambju tal-informazzjoni għall-funzjonalitajiet kollha tal-ATM imsemmija. |
6. IL-KONDIVIŻJONI TAL-INFORMAZZJONI DWAR IT-TRAJETTORJA INIZJALI
Il-Kondiviżjoni tal-Informazzjoni dwar it-Trajettorja Inizjali (i4D) hi magħmula minn użu mtejjeb tal-ħinijiet immirati u l-informazzjoni dwar it-trajettorja, inkluż, fejn disponibbli, l-użu tad-dejta dwar it-trajettorja 4D abbord mis-sistema tal-ATC u s-sistemi tal-Maniġer tan-Netwerk bl-implikazzjoni ta' inqas interventi tattiċi u sitwazzjoni mtejba mingħajr kunflitti.
6.1. L-ambitu operazzjonali u tekniku
Il-ħinijiet immirati u d-dejta dwar it-trajettorja 4D għandhom jintużaw biex tittejjeb il-prestazzjoni tas-sistema tal-ATM.
L-informazzjoni dwar t-trajettorja u l-ħinijiet immirati għandhom jissaħħu permezz tal-użu tal-iskambju tat-trajettorja tal-airgorund.
Rekwiżiti tas-sistema
— |
Inġenji tal-ajru attrezzati għandhom iniżżlu (downlink) l-informazzjoni dwar it-trajettorja bl-użu tal-Profil Proġettat Estiż (EPP) tal-ADS-C bħala parti mis-servizzi tal-ATN B 2; Id-dejta dwar it-trajettorja għandha titniżżel (downlinked) awtomatikament mis-sistema fl-ajru u għandha taġġorna s-sistema tal-ATM skont il-klawsoli tal-kuntratt, |
— |
Is-sistemi tal-art tal-komunikazzjoni ta' kollegament tad-dejta għandhom jappoġġaw lill-ADS-C (downlink tat-trajettorja tal-inġenju tal-ajru bl-użu tal-EPP) bħala parti mis-servizzi tal-ATN B 2, |
— |
Il-pożizzjonijiet tal-ħidma tal-kontrollur tas-sistemi tal-ipproċessar tad-dejta tat-titjira u s-sistemi tal-Maniġer tan-Netwerk għandhom jużaw it-trajettorji donwlinked, |
— |
L-iskambju tat-trajettorja tal-FDP għall-FDP bejn l-unitajiet tal-ATS kif ukoll bejn l-unitajiet tal-ATS u s-sistemi tal-Maniġer tan-Netwerk għandhom ikunu appoġġati bl-użu tal-iskambju tal-flight object kif definit fil-Punt 5. |
6.2. L-ambitu ġeografiku
Il-Kondiviżjoni tal-Informazzjoni dwar it-Trajettorja Inizjali għandha tiġi skjerata fl-unitajiet kollha tal-ATS li jipprovdu servizzi tat-traffiku tal-ajru fi ħdan l-ispazju tal-ajru li għalihom l-Istati Membri huma responsabbli fir-Reġjun ICAO EUR.
6.3. Il-partijiet interessati meħtieġa li jimplimentaw il-funzjonalità u d-dati mmirati ta' mobilizzazzjoni
Il-fornituri tal-ATS u l-Maniġer tan-Netwerk għandhom jiżguraw li jippermettu l-Kondiviżjoni tal-Informazzjoni dwar it-Trajettorja Inizjali mill-1 ta' Jannar 2025.
Il-Maniġer tal-Mobilizzazzjoni għandu jiżviluppa strateġija, li għandha tinkludi inċentivi, li jiżguraw li tal-inqas 20 % tal-inġenji tal-ajru li jittajru fl-ispazju tal-ajru tal-pajjiżi tal-Konferenza Ewropea tal-Avjazzjoni Ċivili (ECAC) (10) fir-Reġjun ICAO EUR li jikkorrispondi għal tal-inqas għal 45 % tat-titjiriet li joperaw f'dawk il-pajjiżi, huma mgħammra bil-kapaċità li jniżżlu (downlink) it-trajettorja tal-inġenji tal-ajru billi jużaw l-ADS-C EPP mill-1 ta' Jannar 2026.
6.4. Il-bżonn ta' sinkronizzazzjoni
Il-mobilizzazzjoni tal-funzjonalità tal-Kondiviżjoni tal-Informazzjoni dwar it-Trajettorja Inizjali għandha tkun ikkoordinata minħabba l-impatt potenzjali tal-prestazzjoni tan-netwerk ikkawżat mid-dewmien tal-implimentazzjoni fl-ambitu ġeografiku wiesa' li jinvolvi numru ta' partijiet interessati. Mill-perspettiva teknika, il-mobilizzazzjoni tas-sistema mmirata u t-tibdil proċedurali għandhom ikunu ssinkronizzati sabiex jiġi żgurat li l-għanijiet tal-prestazzjoni jiġu sodisfatti. Din is-sinkronizzazzjoni għandha tippermetti t-tibdiliet immirati fil-funzjonalità tal-ATM msemmija fit-taqsimiet 1, 3 u 4 ta' hawn fuq, kif ukoll proġetti komuni fil-futur. Is-sinkronizzazzjoni għandha tinvolvi l-fornituri kollha tas-servizz tan-navigazzjoni tal-ajru, il-Maniġer tan-Netwerk u l-utenti tal-ispazju tal-ajru (il-bżonn tas-sinkronizzazzjoni air-ground) Is-sinkronizzazzjoni u l-konsistenza tal-pjanijiet direzzjonali avjoniċi, sabiex tiġi żgurata l-aqwa effiċjenza ekonomika u interoperabilità għall-utenti tal-ispazju tal-ajru, tinkiseb permezz ta' arranġamenti kooperattivi fil-Memorandum ta' Kooperazzjoni fir-riċerka u l-iżvilupp tal-avjazzjoni ċivili konkluż bejn l-Istati Uniti tal-Amerika u l-Unjoni (11). Barra minn hekk, is-sinkronizzazzjoni matul il-fażi marbuta mal-industrijalizzazzjoni għandha sseħħ, b'mod partikolari fost il-korpi tal-industrija tal-provvista u tal-istandardizzazzjoni u ċ-ċertifikazzjoni.
6.5. Prerekwiżiti essenzjali
Il-kapaċità ta' kollegament tad-dejta kif deskritta fir-Regolament tal-Kummissjoni (KE) Nru 29/2009 dwar servizzi ta' kollegament tad-dejta hija prerekwiżit essenzjali għal din il-funzjonalità tal-ATM.
6.6. L-interdipendenzi ma' funzjonalitajiet tal-ATM oħra
— |
It-trajettorja downlinked tal-inġenju tal-ajru tista' tintu\a biex tissaħħaħ il-funzjonalità tal-AMAN deskritta fil-Punt 1, |
— |
L-informazzjoni dwar it-trajettorja downlink tista' tiġi integrata fil-kalkolu tal-Miżuri tal-ATFCM tat-Terminu Qasir Imsaħħaħ u l-Appoġġ Awtomatiku għall-Valutazzjoni tal-Kumplessità tat-Traffiku kif speċifikat fil-Punt 3, |
— |
Fejn disponibbli, l-informazzjoni dwar it-trajettorja downlink għandha tiġi integrata fin-NOP kif speċifikat fil-Punt 4 biex issostni t-TTO/TTA, |
— |
L-iSWIM imsemmija fil-Punt 5 għandha tippermetti l-iskambju mill-FDP għall-FDP tal-informazzjoni downlinked dwar it-trajettorja bejn l-unitajiet tal-ATS. |
(1) Suġġett għall-inkorporazzjoni ta' dan ir-Regolament fil-Ftehim bejn il-Komunità Ewropea u l-Konfederazzjoni Svizzera dwar it-Trasport bl-Ajru.
(2) Suġġett għall-inkorporazzjoni ta' dan ir-Regolament fil-Ftehim ŻEE.
(3) Suġġett għall-inkorporazzjoni ta' dan ir-Regolament fil-Ftehim bejn il-Komunità Ewropea u l-Konfederazzjoni Svizzera dwar it-Trasport bl-Ajru.
(4) Suġġett għall-inkorporazzjoni ta' dan ir-Regolament fil-Ftehim ŻEE.
(5) Suġġett għall-inkorporazzjoni ta' dan ir-Regolament fil-Ftehim bejn il-Komunità Ewropea u l-Konfederazzjoni Svizzera dwar it-Trasport bl-Ajru.
(6) Suġġett għall-inkorporazzjoni ta' dan ir-Regolament fil-Ftehim ŻEE.
(7) L-Awstrija, il-Belġju, il-Bulgarija, ir-Repubblika Ċeka, Franza, l-Irlanda, l-Italja, il-Portugall, ir-Rumanija, is-Slovakkja u Spanja
(8) L-Awstrija, il-Belġju, il-Bulgarija, ir-Repubblika Ċeka, Franza, l-Irlanda, l-Italja, il-Portugall, ir-Rumanija, is-Slovakkja u Spanja.
(9) L-Awstrija, il-Belġju, il-Bulgarija, ir-Repubblika Ċeka, Franza, l-Irlanda, l-Italja, il-Portugall, ir-Rumanija, is-Slovakkja u Spanja.
(10) L-Albanija, l-Armenja, l-Awstrija, l-Azerbajġan, il-Belġju, il-Bosnja-Ħerzegovina, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġeorġja, il-Ġermanja, il-Greċja, l-Ungerija, l-Islanda, l-Irlanda, l-Italja, il-Latvja, il-Litwanja, il-Lussemburgu, Dik li kienet ir-Repubblika Jugoslava tal-Maċedonja, Malta, ir-Repubblika tal-Moldova, Monako, il-Montenegro, il-Pajjiżi l-Baxxi, in-Norveġja, il-Polonja, il-Portugall, ir-Rumanija, San Marino, is-Serbja, is-Slovakkja, is-Slovenja, Spanja, l-Isvezja, l-Isvizzera, it-Turkija, l-Ukraina u r-Renju Unit.
(11) L-Anness 1 tal-Memorandum ta' Kooperazzjoni NAT-I-9406 bejn l-Istati Uniti tal-Amerika u l-Unjoni Ewropea, Kooperazzjoni SESAR-NEXTGEN għall-interoperabilità globali (ĠU L 89, 5.4.2011, p. 8).
Appendiċi
Iċ-Ċentri ta' Kontroll taż-Żona:
— |
LONDON ACC CENTRAL, |
— |
KARLSRUHE UAC, |
— |
UAC MAASTRICHT, |
— |
MARSEILLE EAST + WEST, |
— |
PARIS EAST, |
— |
ROMA ACC, |
— |
LANGEN ACC, |
— |
ANKARA ACC, |
— |
MUENCHEN ACC, |
— |
PRESTWICK ACC, |
— |
ACC WIEN, |
— |
MADRID ACC (LECMACN + LEC), |
— |
BORDEAUX U/ACC, |
— |
BREST U/ACC, |
— |
PADOVA ACC, |
— |
BEOGRADE ACC, |
— |
REIMS U/ACC, |
— |
BUCURESTI ACC, |
— |
BARCELONA ACC, |
— |
BUDAPEST ACC, |
— |
ZUERICH ACC, |
— |
AMSTERDAM ACC. |
TMAs u Torrijiet:
— |
LONDON TMA TC, |
— |
LANGEN ACC, |
— |
PARIS TMA/ZDAP, |
— |
MUENCHEN ACC, |
— |
BREMEN ACC, |
— |
ROMA TMA, |
— |
MILANO TMA, |
— |
MADRID TMA, |
— |
PALMA TMA, |
— |
ARLANDA APPROACH, |
— |
OSLO TMA, |
— |
BARCELONA TMA, |
— |
APP WIEN, |
— |
CANARIAS TMA, |
— |
COPENHAGEN APP, |
— |
ZUERICH APP, |
— |
APP BRUSSELS, |
— |
PADOVA TMA, |
— |
HELSINKI APPROACH, |
— |
MANCHESTER APPROACH, |
— |
AMSTERDAM ACC, |
— |
DUBLIN TMA. |