27.9.2014   

MT

Il-Ġurnal Uffiċjali tal-Unjoni Ewropea

L 283/61

(1)

Id-Deċiżjoni ta' Implimentazzjoni tal-Kummissjoni 2012/270/UE (2) tipprevedi miżuri ta' emerġenza biex jiġu evitati l-introduzzjoni u t-tixrid tal-Epitrix cucumeris (Harris), l-Epitrix similaris (Gentner), l-Epitrix subcrinita (Lec.) u l-Epitrix tuberis (Gentner) fl-Unjoni.

(2)

L-iżvilupp tas-sitwazzjoni mindu d-Deċiżjoni ta' Implimentazzjoni 2012/270/UE daħlet fis-seħħ wera li l-miżuri previsti minnha huma effikaċi u għandhom ikomplu japplikaw. Għalhekk, huwa xieraq li dik id-Deċiżjoni ta' Implimentazzjoni tapplika mingħajr limitazzjoni ta' żmien.

(3)

L-esperjenza turi li hu meħtieġ li tingħata aktar flessibilità fir-rigward tal-faċilità fejn it-tuberi tal-patata jgħaddu minn trattament li jiżgura li ma jibqax fuqhom aktar minn 0,1 % ta' ħamrija u li l-organiżmi speċifikati jitneħħew. Għalhekk, għandu jkun permess li dawk it-tuberi jiġu mċaqilqa 'l barra miż-żoni demarkati qabel iseħħ it-trattament. Il-moviment lejn dawk il-faċilitajiet għandu, madankollu, ikun soġġetti għal rekwiżiti li jiżguraw li r-riskju fitosanitarju rispettiv jitnaqqas għal livelli aċċettabbli.

(4)

Sabiex jiġi żgurat li l-organiżmi speċifikati ma jistgħux jistabbilixxu ruħhom jew jinxterdu barra miż-żona demarkata, għandhom jiġu stabbiliti rekwiżiti dwar ir-rimi ta' skart rilevanti tal-ħamrija u materjal ta' skart ieħor. Għal dan l-istess għan, għandhom jiġu stabbiliti wkoll rekwiżiti dwar il-vetturi u l-ippakkjar għat-trasport jew l-immaniġġjar ta' dawk it-tuberi tal-patata qabel ma jiċċaqalqu 'l barra miż-żona demarkata jew minn faċilità tal-ippakkjar li tkun tinsab barra minn dik iż-żona. Huwa meħtieġ ukoll li l-makkinarju użat għat-trattament ta' tuberi tal-patata fil-faċilitajiet tal-ippakkjar li jinsabu barra ż-żoni demarkati jitnaddaf biex tiġi evitata l-infestazzjoni ta' patata oħra mmaniġġjata mill-istess makkinarju.

(5)

Sabiex jiġi ffaċilitat il-kontroll mill-Istati Membri tal-ippakkjar 'il barra miż-żona demarkata tat-tuberi tal-patata li joriġinaw f'żona ta' dan it-tip, huwa importanti li l-faċilitajiet tal-ippakkjar li jinsabu barra miż-żoni demarkati jkunu awtorizzati għal dak l-iskop u jkunu meħtieġa li jżommu rekords tat-tuberi tal-patata ttrattata li joriġinaw fiż-żoni demarkati.

(6)

Id-Deċiżjoni ta' Implimentazzjoni 2012/270/UE għandha għalhekk tiġi emendata skont dan.

(7)

Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-Artikolu 3 jinbidel b'dan li ġej:

“Artikolu 3

It-trasport ta' tuberi tal-patata fl-Unjoni

1.   Tuberi tal-patata li joriġinaw f'żoni demarkati fl-Unjoni stabbiliti skont l-Artikolu 5, li jiġu ppakkjati f'dawk iż-żoni jew fil-faċilitajiet imsemmija fl-Artikolu 3b jistgħu jiġu ttrasportati fl-Unjoni biss jekk jissodisfaw il-kundizzjonijiet, kif stipulat fil-punt (1) tat-Taqsima 2 tal-Anness I.

Tuberi tal-patata li joriġinaw f'żona demarkata, jistgħu jiġu mċaqalqa minn dik iż-żona demarkata lejn l-faċilità tal-ippakkjar li tissodisfa r-rekwiżiti tal-Artikolu 3b li tkun qrib dik iż-żona ddemarkata sakemm il-kundizzjonijiet stabbiliti fil-punt (2) tat-Taqsima 2 tal-Anness I ikunu ġew issodisfati. It-tuberi tal-patata jistgħu jinħażnu f'dik il-faċilità.

Fil-każ tat-tieni subparagrafu, il-korp uffiċjali responsabbli għandu jwettaq l-azzjonijiet li ġejjin:

2.   Tuberi tal-patata introdotti fl-Unjoni skont l-Artikolu 2 minn pajjiżi terzi fejn hija magħrufa l-preżenza ta' organiżmu speċifikat wieħed jew aktar, jistgħu jiġu ttrasportati fl-Unjoni biss jekk jissodisfaw il-kundizzjonijiet, kif stipulat fil-punt (3) tat-Taqsima 2 tal-Anness I.

Artikolu 3a

Rekwiżiti li jirrigwardjaw l-vetturi, l-ippakkjar, il-makkinarju u l-ħamrija skartata

1.   L-Istati Membri għandhom jiżguraw li kwalunkwe vettura u ppakkjar li ntużaw għat-trasport tat-tuberi tal-patata li joriġinaw f'żona demarkata qabel ma ġie ssodisfat il-punt 1(b) tat-Taqsima 2 tal-Anness I jiġu dekontaminati u mnaddfin b'mod xieraq fil-każijiet li ġejjin:

2.   L-Istati Membri għandhom jiżguraw li l-makkinarju użat biex jimmaniġġjaw it-tuberi tal-patata msemmija fil-paragrafu 1 f'faċilità tal-ippakkjar msemmija fit-tieni subparagrafu tal-Artikolu 3(1) jiġi dekontaminati u mnaddaf kif imiss wara kull użu.

3.   L-Istati Membri għandhom jiżguraw li l-ħamrija skartata, jew materjal ta' skart ieħor, li jirriżulta minn twettiq tar-rekwiżiti tal- Artikolu 3(1) u l-paragrafi 1 u 2 ta' dan l-Artikolu għandu jintrema b'tali mod li jiġi żgurat li l-organiżmi speċifikati ma jistgħux jistabbilixxu ruħhom jew jinxterdu barra ż-żona demarkata.

Artikolu 3b

Rekwiżiti li jikkonċernaw il-faċilitajiet tal-ippakkjar li jinsabu barra ż-żoni demarkati kkonċernati

Il-faċilitajiet tal-ippakkjar li jinsabu barra miż-żoni demarkati kkonċernati u l-immaniġġjar ta' tuberi tal-patata li joriġinaw fit-tali żoni, kif imsemmi fit-tieni subparagrafu tal- Artikolu 3(1), għandhom jissodisfaw ir-rekwiżiti li ġejjin:

(2)

L-Artikolu 7 jitħassar.

(3)

L-Anness I huwa emendat skont l-Anness għal din id-Deċiżjoni.