14.12.2013   

MT

Il-Ġurnal Uffiċjali tal-Unjoni Ewropea

L 335/52

(1)

Skont l-Artikolu 32(5) l-ewwel subparagrafu tad-Direttiva 2010/75/UE, ir-Renju Unit tal-Gran Brittanja u l-Irlanda ta’ Fuq (ir-Renju Unit), fl-14 ta’ Diċembru 2012 ippreżenta lill-Kummissjoni pjan nazzjonali tranżitorju (TNP) (2).

(2)

It-TNP ġie evalwat skont l-Artikolu 32(1), (3) u (4) tad-Direttiva 2010/75/UE u mad-Deċiżjoni ta’ Implimentazzjoni tal-Kummissjoni 2012/115/UE (3).

(3)

Waqt il-valutazzjoni tal-kompletezza tat-TNP ippreżentata mir-Renju Unit, il-Kummissjoni sabet li ħafna dejta essenzjali għall-valutazzjoni kienet nieqsa mit-TNP, u li l-inventarju tad-dejta previst fit-Tabella A.1 fl-Appendiċi A tal-Anness għad-Deċiżjoni ta’ Implimentazzjoni 2012/115/UE ma ġiex ippreżentat. Il-Kummissjoni nnutat ukoll li għal bosta impjanti, id-dejta inkluża fit-TNP ma qablitx mad-dejta fl-inventarju tal-emissjonijiet tal-2009 ppreżentat mir-Renju Unit skont id-Direttiva 2001/80/KE tal-Parlament Ewropew u tal-Kunsill (4).

(4)

Billi d-dejta nieqsa u d-diskrepanzi bejn it-TNP u l-inventarju tal-emissjonijiet skont id-Direttiva 2001/80/KE xekklu l-valutazzjoni tat-TNP, il-Kummissjoni fl-ittra tagħha tat-3 ta’ Ġunju 2013 (5), talbet lir-Renju Unit jippreżenta t-TNP mill-ġdid u jinkludi d-dejta nieqsa, u jikkjarifika d-differenzi li jinstabu bejn it-TNP u l-inventarju tal-emissjonijiet 2009 skont id-Direttiva 2001/80/KE, kif ukoll biex jikkonferma b’mod espliċitu li r-regoli ta’ aggregazzjoni stabbiliti fl-Artikolu 29 tad-Direttiva 2010/75/UE ġew applikati għall-kumpilazzjoni tat-TNP.

(5)

Ir-Renju Unit ippreżenta informazzjoni addizzjonali lill-Kummissjoni fit-18 ta’ Ġunju 2013 (6), id-19 ta’ Ġunju 2013 (7), l-20 ta’ Ġunju 2013 (8) u l-1 ta’ Lulju 2013 (9). F’dawn il-preżentazzjonijiet, ir-Renju Unit ipprovda l-biċċa l-kbira mid-dejta nieqsa bl-użu tal-mudelli mitluba, kif ukoll il-kjarifika parzjali tad-differenzi bejn l-informazzjoni fit-TNP u l-inventarju tal-emissjonijiet tal-2009 skont id-Direttiva 2001/80/KE.

(6)

Wara l-valutazzjoni ulterjuri tat-TNP u l-informazzjoni addizzjonali mressqa mir-Renju Unit, il-Kummissjoni bagħtet it-tieni ittra fl-10 ta’ Settembru 2013 (10). F’din l-ittra, il-Kummissjoni tenniet it-talba tagħha li r-Renju Unit jikkonferma b’mod espliċitu li għall-impjanti kollha inklużi fit-TNP, ir-regoli ta’ aggregazzjoni stabbiliti fl-Artikolu 29 tad-Direttiva 2010/75/UE ġew applikati b’mod korrett u staqsiet lir-Renju Unit jikkonferma li l-ebda wieħed mill-impjanti ta’ kombustjoni li bbenefikaw mill-eżenzjoni stabbilita fl-Artikolu 4(4) tad-Direttiva 2001/80/KE ma kien jagħmel parti mit-TNP. Il-Kummissjoni kompliet tanalizza l-eliġibbiltà ta’ għadd ta’ impjanti li għandhom jiġu inklużi fit-TNP u talbet dejta addizzjonali u/jew kjarifiki li jikkonċernaw ir-rati medji ta’ skart tal-fluss tal-gassijiet, il-fatturi ta’ konverżjoni, l-input termali kklassifikat totali u l-valuri tal-limitu tal-emissjonijiet applikati għal ċerti impjanti, b’mod partikolari impjanti ta’ kombustjoni multikarburanti u turbini tal-gass. Il-Kummissjoni talbet ukoll lir-Renju Unit biex jipprovdi informazzjoni dwar miżuri previsti għal 120 impjant inklużi fit-TNP biex jiżgura konformità f’waqtha mal-valuri tal-limitu tal-emissjonijiet li se japplikaw mill-1 ta’ Lulju 2020.

(7)

Fl-ittra tagħha tal-10 ta’ Settembru 2013, il-Kummissjoni infurmat ukoll lir-Renju Unit li l-valur ta’ limitu ta’ emissjonijiet ta’ 1 200 mg/Nm3 ta’ NOx użat għal karburant solidu u li jikkonċerna l-impjant “Aberthaw Power Station”, li jikkontribwixxi b’mod sinifikanti għal-limitu massimu globali tat-TNP għall-NOx, kellu jiġi koreġut billi l-kundizzjonijet għall-użu ta’ dan il-valur ta’ limitu, li huma stabbiliti fin-Nota 2 għat-Tabella C.1 fl-Appendiċi C tal-Anness għad-Deċiżjoni ta’ Implimentazzjoni 2012/115/UE, ma kinux sodisfatti għal dan l-impjant waqt il-perjodu ta’ referenza 2001-2010. Skont l-informazzjoni disponibbli lill-Kummissjoni, ir-Renju Unit ma weriex li l-kontenut volatili medju annwali tal-karburant solidu li ntuża fl-impjant kien inqas minn 10 % fl-ebda mis-snin bejn l-2001 u l-2010.

(8)

Fit-tweġibiet tiegħu tas-26 u s-27 ta’ Settembru 2013 (11), ir-Renju Unit ipprovda dejta addizzjonali u informa lill-Kummissjoni bit-tneħħija ta’ 11-il impjant mit-TNP. Fir-rigward tal-impjant “Aberthaw Power Station”, ir-Renju Unit kompla jargumenta li l-kundizzjonijiet stabbiliti fin-Nota 2 għat-Tabella C.1 fl-Appendiċi C tal-Anness għad-Deċiżjoni ta’ Implimentazzjoni 2012/115/UE ġew issodisfati u li l-valur tal-limitu ta’ emissjonijiet ta’ 1 200 mg/Nm3 ta’ NOx għal karburanti solidi uzati biex jikkalkulaw l-kontribuzzjoni għal-limitu massimu tal-2016 għaldaqstant kien korrett.

(9)

Abbażi tal-informazzjoni addizzjonali pprovduta, il-Kummissjoni sabet li kienet għadha nieqsa dejta essenzjali mit-TNP dwar ħafna impjanti, u li l-valutazzjoni sħiħa tat-TNP għalhekk ma kinitx possibbli, b’mod partikolari f’termini ta’ konsistenza u korrettezza tad-dejta u tas-suppożizzjonijiet u l-kalkoli użati għad-determinazzjoni tal-kontribuzzjonijiet ta’ kull impjant ta’ kombustjoni għal-limiti massimi ta’ emissjonijiet.

(10)

Wara valutazzjoni finali tat-TNP nnotifikata mir-Renju Unit, kif emendata skont informazzjoni addizzjonali, il-Kummissjoni identifikat element ewlieni wieħed li ma kienx konformi mad-dispożizzjonijiet applikabbli, kif ġej:

(11)

Barra minn hekk, il-Kummissjoni identifikat 34 impjant fit-TNP, li għalihom l-informazzjoni rrapportata baqgħat inkonsistenti u/jew id-dejta nieqsa teħtieġ li tkun supplimentata, b’mod partikolari fir-rigward tal-valuri tal-limitu tal-emissjonijiet użati u l-kontribuzzjonjiet tal-limitu massimu kkalkulati u rrapportati. Il-lista ta’ impjanti li għalihom id-dejta hija inkonsistenti jew nieqsa hija inkluża fl-Anness għal din id-Deċiżjoni.

(12)

Għalhekk, il-Kummissjoni waslet għall-konklużjoni li t-TNP nnotifikat mir-Renju Unit, kif emendat skont l-informazzjoni addizzjonali, mhuwiex skont id-dispożizzjonijiet stabbiliti fl-Artikolu 32(1), (3) u (4) tad-Direttiva 2010/75/UE u fid-Deċiżjoni ta’ Implimentazzjoni 2012/115/UE.

(13)

Għalhekk, it-TNP nnotifikat mir-Renju Unit ma għandux jiġi aċċettat.

(a)

fir-rigward tal-impjant “Aberthaw Power Station”, li jikkontribwixxi b’mod sinifikanti għal-limitu massimu tat-TNP għall-NOx, il-korrezzjoni tal-valur tal-limitu tal-emissjonijiet applikat biex jikkalkula l-kontribuzzjoni ta’ dan l-impjant għal-limitu massimu tal-2016 għall-NOx, biex dan l-impjant isir eliġibbli biex juża l-valur tal-limitu ta’ emissjonijiet ta’ 1 200 mg/Nm3, ir-Renju Unit tal-Gran Brittanja u l-Irlanda ta’ Fuq għandu juri li l-kontenut volatili medju annwali tal-karburant solidu użat fl-impjant kien inqas minn 10 % fis-snin ta’ referenza meqjusa għat-TNP, kif stabbilit fin-Nota 2 tat-Tabella C1 tal-Appendiċi C tal-Anness għad-Deċiżjoni tal-Implimentazzjoni 2012/115/UE;

(b)

fir-rigward tal-impjanti elenkati fl-Anness għal din id-Deċiżjoni: biex jissottomettu d-dejta nieqsa u jikkoreġu u jikkjarifikaw l-ambigwitajiet sabiex tinkiseb konsistenza sħiħa tul l-informazzjoni inkluża fi, u użata għall-pjan nazzjonali tranżitorju għall-għanijiet ta’ dan il-punt; għal dan il-għan, ir-Renju Unit tal-Gran Brittanja u l-Irlanda ta’ Fuq għandu jqis it-talbiet iddettaljati ta’ kjarifika stabbiliti fl-ittri mibgħuta fit-3 ta’ Ġunju 2013 u fl-10 ta’ Settembru 2013.