This document is an excerpt from the EUR-Lex website
Document 32011R0192
Commission Regulation (EU) No 192/2011 of 25 February 2011 establishing special measures as regards the private storage aid for pigmeat laid down by Regulation (EU) No 68/2011
Regolament tal-Kummissjoni (UE) Nru 192/2011 tal- 25 ta’ Frar 2011 li jistabilixxi miżuri speċjali li għandhom x’jaqsmu mal-għajnuna għall-ħżin privat tal-laħam tal-majjal stabbilit mir-Regolament (UE) Nru 68/2011
Regolament tal-Kummissjoni (UE) Nru 192/2011 tal- 25 ta’ Frar 2011 li jistabilixxi miżuri speċjali li għandhom x’jaqsmu mal-għajnuna għall-ħżin privat tal-laħam tal-majjal stabbilit mir-Regolament (UE) Nru 68/2011
ĠU L 53, 26.2.2011, p. 65–65
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
26.2.2011 |
MT |
Il-Ġurnal Uffiċjali tal-Unjoni Ewropea |
L 53/65 |
REGOLAMENT TAL-KUMMISSJONI (UE) Nru 192/2011
tal-25 ta’ Frar 2011
li jistabilixxi miżuri speċjali li għandhom x’jaqsmu mal-għajnuna għall-ħżin privat tal-laħam tal-majjal stabbilit mir-Regolament (UE) Nru 68/2011
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dispożizzjonijiet speċifiċi għal ċerti prodotti agrikoli (ir-Regolament Waħdieni dwar l-OKS) (1),
Wara li kkunsidrat ir-Regolament tal-Kummissjoni (KE) Nru 826/2008 tal-20 ta’ Awwissu 2008 li jipprovdi regoli komuni għall-għotja ta’ għajnuna għall-ħażna privata ta’ ċerti prodotti agrikoli (2), u b’mod partikolari Artikolu 23(3) tiegħu,
Billi:
|
(1) |
Eżami tas-sitwazzjoni indika li hemm ir-riskju li jkun hemm għadd eċċessivament kbir ta’ applikazzjonijiet għall-iskema ta’ għajnuna għall-ħżin privat tal-laħam tal-majjal li ġiet introdotta mir-Regolament tal-Kummissjoni (UE) Nru 68/2011 it-28 ta’ Jannar 2011 li jiffissa bil-quddiem l-ammont tal-għajnuna għall-ħżin privat tal-laħam tal-majjal (3). |
|
(2) |
Għalhekk, hu meħtieġ li l-applikazzjoni tal-iskema stabbilita bir-Regolament (UE) Nru 68/2011, tiġi sospiża u li jiġu miċħuda l-applikazzjonijiet inkwistjoni. |
|
(3) |
Sabiex tiġi evitata l-ispekulazzjoni, dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea, |
ADOTTAT DAN IR-REGOLAMENT:
Artikolu 1
1. L-applikazzjoni tar-Regolament (UE) Nru 68/2011 hija b’dan sospiża għall-perjodu mis-27 ta’ Frar 2011 sal-4 ta’ Marzu 2011. L-applikazzjonijiet għall-konklużjoni tal-kuntratti ppreżentati matul dan il-perjodu ma għandhomx jintlaqgħu.
2. L-applikazzjonijiet ippreżentati mit-22 ta’ Frar 2011, li l-aċċettazzjoni tagħhom tkun ġiet deċiża matul il-perjodu msemmi fil-paragrafu 1, huma b’dan miċħuda.
Artikolu 2
Dan ir-Regolament għandu jidħol fis-seħħ fil-jum ta’ wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-25 ta’ Frar 2011.
Għall-Kummissjoni, f'isem il-President,
José Manuel SILVA RODRÍGUEZ
Direttur Ġenerali għall-Agrikoltura u l-Iżvilupp Rurali
(1) ĠU L 299, 16.11.2007, p. 1.
(2) ĠU L 223, 21.8.2008, p. 3.