Agence Nationale de Sécurité Sanitaire de l’alimentation, de l’environnement et du travail

Sophia-Antipolis Laboratory

Les Templiers

105 route des Chappes

BP 111

06902 Sophia-Antipolis

Franza.”

(a)

jikklassifika, jaħżen u, fejn hu xieraq, jipprovdi razez tal-patoġeni biex jiġi ffaċilitat is-servizz dijanjostiku fl-Unjoni;

(b)

jikklassifika u jikkaratterizza l-antiġeni u l-ġenomiċi ta’ patoġeni, fejn hu xieraq u rilevanti, pereżempju għal segwiti epidemjoloġiċi jew verifikazzjoni ta’ dijanjosi;

(ċ)

jipprovdi s-sjeri standard u reaġenti oħra ta’ referenza lil-laboratorji nazzjonali ta’ referenza sabiex ikun standardizzat it-test u r-reaġenti użati f’kull Stat Membru, fejn huma meħtieġa t-testijiet seroloġiċi;

(d)

jorganizza testijiet perjodiċi komparattivi tal-proċeduri dijanjostiċi fuq livell tal-Unjoni mal-laboratorji nazzjonali ta’ referenza, sabiex jipprovdi informazzjoni dwar il-metodi tad-dijanjosi użati u r-riżultati tat-testijiet imwettqa fl-Unjoni;

(e)

iżomm l-għarfien espert dwar id-dud Tropilaelaps u l-ħanfusa żgħira tal-ġarra tan-naħal (Aethina tumida) u patoġeni pertinenti oħra biex tkun tista’ sseħħ dijanjosi differenzjali rapida;

(f)

jiddetermina l-identità tal-patoġeni kawżanti, fejn meħtieġ f’kollaborazzjoni mill-qrib mal-laboratorji ta’ referenza reġjonali maħtura mill-Organizzazzjoni Dinjija għas-Saħħa tal-Annimali (OIE);

(g)

jibni u jżomm kollezzjoni aġġornata ta’ patoġeni u r-razez tagħhom u kollezzjoni aġġornata ta’ sjeri speċifiċi u reaġenti oħra kontra l-patoġeni tal-marda tan-naħal meta u jekk ikunu disponibbli;

(h)

jkun fdat biex iwettaq inventarju tat-tekniki użati attwalment fil-laboratorji varji;

(i)

jipproponi testijiet standardizzati u proċeduri ta’ testijiet jew reaġenti ta’ referenza għall-kontroll intern ta’ kwalità;

(j)

jagħti l-pariri lill-Kummissjoni dwar aspetti xjentifiċi relatati mas-saħħa tan-naħal.

(a)

jassisti b’mod attiv fid-dijanjosi tat-tifqigħ tal-marda rilevanti fl-Istati Membri billi jirċievi l-patoġeni iżolati għad-dijanjosi konfermattiva, l-istudji tal-karatterizzazzjoni u dawk epiżootiċi u jikkomunika mingħajr dewmien ir-riżultati ta’ kwalunkwe investigazzjoni lill-Kummissjoni, lill-Istati Membri u lil-laboratorji ta’ referenza nazzjonali kkonċernati;

(b)

jiffaċilita t-taħriġ jew it-taħriġ mill-ġdid tal-esperti fid-dijanjosi tal-laboratorju bil-ħsieb li jiġu armonizzati t-tekniki dijanjostiċi fl-Unjoni kollha;

(ċ)

jorganizza gruppi ta’ ħidma għall-benefiċċju tal-laboratorji ta’ referenza nazzjonali kif miftiehem fil-programm ta’ ħidma, inkluż it-taħriġ tal-esperti mill-Istati Membri u, fejn xieraq, minn pajjiżi terzi, f'metodoloġiji analitiċi ġodda;

(d)

jipprovdi l-għajnuna teknika lill-Kummissjoni u, fuq talba tagħha, jieħu sehem f'fora internazzjonali li jikkonċernaw b'mod partikolari l-istandardizzazzjoni ta’ metodi analitiċi u l-implimentazzjoni tagħhom;

(e)

jiżviluppa attivitajiet ta’ monitoraġġ u fejn possibbli jikkoordina attivitajiet intenzjonati għat-titjib tal-istat tas-saħħa tan-naħla fl-Unjoni, b'mod partikolari billi:

(f)

jikkollabora ma’ laboratorji kompetenti rilevanti f'pajjiżi terzi fejn dawn il-mardiet huma prevalenti fir-rigward ta’ metodi ta’ dijanjosi tal-mard tan-naħal;

(g)

jikkollabora ma’ laboratorji reġjonali rilevanti maħtura mill-OIE fir-rigward ta’ mard eżotiku (id-dud Tropilaelaps u l-ħanfusa żgħira tal-ġarra tan-naħal (Aethina tumida) u kwalunkwe mard eżotiku ieħor għall-Unjoni);

(h)

jgħaqqad flimkien u jibgħat l-informazzjoni lill-Kummissjoni u lil-laboratorji ta’ referenza nazzjonali kkonċernati b'mard eżotiku u endemiku jew pesti li potenzjalment ikunu qegħdin ifaqqgħu u li jistgħu jaffetwaw lill-Unjoni, inkluż il-Kundizzjoni ta’ Kollass fil-Kolonji tan-naħal.

(a)

iwettaq l-esperimenti u provi fuq il-post, f'konsultazzjoni mal-Kummissjoni, immirati lejn kontrol aħjar ta’ mard speċifiku tan-naħal;

(b)

jirrevedi fil-laqgħa annwali tal-laboratorji ta’ referenza nazzjonali r-rekwiżiti rilevanti għall-ittestjar stabbiliti fil-Kodiċi Sanitarju tal-Annimali Terrestri tal-OIE u l-Manwal għat-Testijiet Dijanjostiċi u għat-Tilqim tal-Annimali Terrestri;

(ċ)

jgħin lill-Kummissjoni fir-reviżjoni tar-rakkomandazzjonijiet tal-OIE fil-Kodiċi Sanitarju tal-Annimali Terrestri u l-Manwal tat-Testijiet Dijanjostiċi u t-Tilqim tal-Annimali Terrestri.