(1)

Il-prezzijiet tas-suq dinji għall-prodotti tal-ħalib ikkollassaw notevolment minħabba żieda fil-provvista dinjija u tnaqqis fid-domanda f’konnessjoni mal-kriżi finanzjarja u ekonomika. Il-prezzijiet tas-suq Komunitarju għall-prodotti tal-ħalib waqgħu b’mod sinifikanti. B’riżultat ta’ għadd ta’ miżuri tas-suq li ttieħdu flimkien fil-bidu ta’ din is-sena, l-prezzijiet Komunitarji stabbilizzaw ruħhom fil-livelli tal-prezz tal-appoġġ. Jeħtieġ li dawn il-miżuri ta’ appoġġ għas-suq, notevolment l-intervent pubbliku, ikomplu japplikaw sakemm ikun hemm in-neċessità sabiex jiġi evitat deterjorament ulterjuri fil-prezzijiet u tfixkil fis-suq Komunitarju.

(2)

L-Artikolu 11(e) tar-Regolament tal-Kunsill (KE) Nru 1234/2007 tat-22 ta’ Ottubru 2007 li jistabbilixxi organizzazzjoni komuni ta’ swieq agrikoli u dwar dispożizzjonijiet speċifiċi għal ċerti prodotti agrikoli (2) jipprevedi li għall-butir u għat-trab tal-ħalib xkumat l-intervent pubbliku huwa disponibbli mill-1 ta’ Marzu sal-31 ta’ Awwissu.

(3)

Minħabba s-sitwazzjoni prevedibbli fis-suq jeħtieġ li tingħata kontinwazzjoni tal-intervent pubbliku għall-butir u għat-trab tal-ħalib xkumat għal wara l-31 ta’ Awwissu 2009, jekk ikun meħtieġ sat-28 ta’ Frar 2010.

(4)

Barra minn hekk, fejn il-prezzijiet tas-suq x’aktarx li jaqgħu b’mod sinfikanti u b’hekk ifixklu jew jheddu s-suq, il-Kummissjoni għandha tkun awtorizzata li tkompli l-perijodu ta’ intervent għall-butir u għat-trab tal-ħalib xkumat lilhinn mill-31 ta’ Awwissu 2010, jekk ikun meħtieġ sat-28 ta’ Frar 2011,