31.12.2008   

MT

Il-Ġurnal Uffiċjali ta’ l-Unjoni Ewropea

448

(1)

Sabiex timplimenta l-miżuri imposti kontra l-Liberja mir-Riżoluzzjoni 1521(2003) tal-Kunsill tas-Sigurtà tan-NU (UNSCR), il-Pożizzjoni Komuni 2004/137/PESK ta' l-10 ta' Frar 2004 dwar ċerti miżuri restrittivi kontra l-Liberja (3) pprevedit għall-implimentazzjoni tal-miżuri mniżżlin fil-UNSCR 1521 (2003) dwar il-Liberja, u projbizzjoni tal-forniment ta' assistenza finanzjarja lil-Liberja relatata ma' attivitajiet militari. Fit-23 ta' Jannar 2006, il-Pożizzjoni Komuni 2006/31/PESK kkonfermat il-miżuri restrittivi tal-Pożizzjoni Komuni 2004/137/PESK għal perijodu ulterjuri, f'konformità mar-Riżoluzzjoni 1647(2005) tal-Kunsill tas-Sigurtà tan-NU.

(2)

Ir-Regolament tal-Kunsill (KE) Nru 234/2004 (4) jipprojbixxi l-forniment ta' assistenza teknika u finanzjarja lil-Liberja relatata ma' attivitajiet militari, l-importazzjoni ta' djamanti mhux maħduma mil-Liberja u l-importazzjoni ta' zkuk tondi u prodotti ta' l-injam li joriġinaw f'dak il-pajjiż.

(3)

Fid-dawl ta' l-iżviluppi fil-Liberja, fit-13 ta' Ġunju 2006 l-Kunsill tas-Sigurtà tan-NU adotta l-UNSCR 1683(2006) li tintroduċi xi eżenzjonijiet għall-projbizzjoni ta' assistenza teknika relatata ma' attivitajiet militari imposta mill-paragrafu 2(b) ta' l-UNSCR 1521(2003).

(4)

Fl-20 ta' Ġunju 2006, il-Kunsill tas-Sigurtà tan-Nazzjonijiet Uniti adotta r-Riżoluzzjoni 1689(2006). Huwa ddeċieda li jġedded il-projbizzjoni kontra l-importazzjoni tad-djamanti, iżda mhux li jġedded il-projbizzjoni kontra l-importazzjoni taz-zkuk tondi u l-prodotti kollha ta' l-injam li joriġinaw mil-Liberja, li kienet ġiet imposta mill-paragrafu 10 tal-UNSCR 1521(2003) u, wara diversi estensjonijiet, skadiet fl-20 ta' Ġunju 2006. Il-Kunsill tas-Sigurtà esprima d-determinazzjoni tiegħu li jerġa' jattwa dik il-projbizzjoni jekk, fi żmien disgħin jum, il-Liberja tonqos milli tgħaddi l-leġislazzjoni tal-forestrija proposta mill-Kumitat għall-Montoraġġ tar-Riforma tal-Foresti maħluq mill-Gvern tal-Liberja.

(5)

Waqt li tqiesu dawn ir-Riżoluzzjonijiet u l-Pożizzjonijiet Komuni 2006/31/PESK u 2006/518/PESK, jeħtieġ li tiġi sospiża l-projbizzjoni kontra l-importazzjonijiet taz-zkuk tondi u l-prodotti ta' l-injam li joriġinaw mil-Liberja, imniżżla fl-Artikolu 6(2) tar-Regolament (KE) Nru 234/2004, b'effett mit-23 ta' Ġunju 2006, u li jiġu emendati l-Artikoli 3 u 4 ta' dak ir-Regolament, partikolarment sabiex jiġi permess il-forniment ta' assistenza lill-pulizija u l-forzi tas-sigurtà tal-Gvern tal-Liberja taħt ċerti kondizzjonijiet b'effett mit-13 ta' Ġunju 2006,

1)

L-Artikolu 3 huwa sostitwit b'dan li ġej:

“Artikolu 3

1.   B'deroga mill-Artikolu 2, l-awtorità kompetenti, kif elenkat fl-Anness I, ta' l-Istat Membru fejn il-fornitur tas-servizz huwa stabbilit, tista' tawtorizza l-forniment ta':

2.   L-ebda awtorizzazzjoni ma għandha tingħata għal attivitajiet li diġà seħħew.”;

2)

L-Artikolu 4 huwa sostitwit b'dan li ġej:

“Artikolu 4

1.   Fejn attivitajiet ta' dan it-tip ġew approvati minn qabel mill-Kumitat stabbilit permezz tal-paragrafu 21 tar-Rizoluzzjoni 1521 (2003) tal-Kunsill tas-Sigurtà tan-NU, u b'deroga mill-Artikolu 2 ta' dan ir-Regolament, l-awtorità kompetenti, kif elenkata fl-Anness I, ta' l-Istat Membru fejn il-fornitur tas-servizzi huwa stabbilit, tista' tawtorizza l-forniment ta' assistenza teknika relatata ma':

L-approvazzjoni tal-Kumitat stabbilit mill-paragrafu 21 tar-Riżoluzzjoni 1521 (2003) tal-Kumitat tas-Sigurtà tan-NU għandha tintalab permezz ta' l-awtorità kompetenti, kif elenkat fl-Anness I, ta' l-Istat Membru fejn ikun stabbilit il-fornitur tas-servizz.

Il-Gvern ta’ l-Istat Membru kkonċernat u l-Gvern tal-Liberja għandhom jagħmlu talba konġunta għall-approvazzjoni ta’ assistenza teknika marbuta ma’ l-armi u l-munizzjon imsemmija fil-punt (ċ), lill-Kumitat stabbilit bil-paragrafu 21 tar-Riżoluzzjoni 1521 (2003) tal-Kunsill tas-Sigurtà tan-NU.

2.   L-ebda awtorizzazzjoni ma għandha tingħata għal attivitajiet li diġà seħħew.”.