This document is an excerpt from the EUR-Lex website
Document 32006R0661
Commission Regulation (EC) No 661/2006 of 28 April 2006 derogating from Commission Regulation (EC) No 312/2001 laying down detailed rules of application for the importation of olive oil originating in Tunisia, as regards the monthly limit for the period from 1 May to 31 October 2006
661/2006/KE: Regolament tal-Kummissjoni (KE) Nru 661/2006 tat- 28 ta' April 2006 li jidderoga mir-Regolament (KE) Nru 312/2001 li jistabbilixxi r-regoli dettaljati għall-applikazzjoni tal-importazzjoni taż-żejt taż-żebbuġa li ġej mit-Tuneżija, f’dak li jirrigwarda l-limitazzjoni mensili għall-perjodu mill- 1 ta’ Mejju 2006 sal- 31 ta’ Ottubru 2006
661/2006/KE: Regolament tal-Kummissjoni (KE) Nru 661/2006 tat- 28 ta' April 2006 li jidderoga mir-Regolament (KE) Nru 312/2001 li jistabbilixxi r-regoli dettaljati għall-applikazzjoni tal-importazzjoni taż-żejt taż-żebbuġa li ġej mit-Tuneżija, f’dak li jirrigwarda l-limitazzjoni mensili għall-perjodu mill- 1 ta’ Mejju 2006 sal- 31 ta’ Ottubru 2006
ĠU L 116, 29.4.2006, p. 36–36
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 330M, 9.12.2008, p. 303–303
(MT)
No longer in force, Date of end of validity: 31/10/2006
9.12.2008 |
MT |
Il-Ġurnal Uffiċjali ta’ l-Unjoni Ewropea |
303 |
REGOLAMENT TAL-KUMMISSJONI (KE) Nru 661/2006
tat-28 ta' April 2006
li jidderoga mir-Regolament (KE) Nru 312/2001 li jistabbilixxi r-regoli dettaljati għall-applikazzjoni tal-importazzjoni taż-żejt taż-żebbuġa li ġej mit-Tuneżija, f’dak li jirrigwarda l-limitazzjoni mensili għall-perjodu mill-1 ta’ Mejju 2006 sal-31 ta’ Ottubru 2006
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 2000/822/KE tat-22 ta' Diċembru 2000 fuq il-konklużjoni ta' Ftehim fil-forma ta' Skambju ta' Ittri bejn il-Komunità Ewropea u r-Repubblika tat-Tuneżija dwar miżuri ta' liberalizzazzjoni reċiproċi u emendi għall-Protokolli tal-Agrikultura fil-Ftehim ta' Assoċjazzjoni KE/Tuneżija (1),
Wara li kkunsidrat ir-Regolament tal-Kunsill (KE) Nru 865/2004 tad-29 ta' April 2004 dwar l-organizzazzjoni komuni tas-suq taż-żejt taż-żebbuġa u żebbuġ tal-mejda u li jemenda r-Regolament (KEE) Nru 827/68 (2),
Billi:
(1) |
L-Artikolu 1 tar-Regolament tal-Kummissjoni (KE) Nru 312/2001 (3) jipprovdi limitu mensili għall-kwantità taż-żejt taż-żebbuġa għall-ħruġ ta’ liċenzji tal-importazzjoni fil-kuntest tal-kwota pprovduta bil-paragrafu 1 tal-Artikolu msemmi. |
(2) |
Is-sena tas-suq 2005/2006 fil-Komunità hija kkaratterizzata minn produzzjoni baxxa taż-żejt taż-żebbuġa, li tikkawża xi diffikultajiet ta’ provvista. Bil-għan li tkun faċilitata l-provvista taż-żejt taż-żebbuġa fis-suq Komunitarju, jeħtieġ li jkun awtorizzat, mill-1 ta’ Mejju 2006 u b’deroga mir-Regolament (KE) Nru 312/2001, il-ħruġ ta’ liċenzji mingħajr limitu mensili. |
(3) |
Il-miżuri pprovduti f’dan ir-Regolament huma skont l-opinjoni tal-Kumitat ta’ Ġestjoni għaż-Żejt taż-Żebbuġa u ż-Żebbuġ tal-Mejda, |
ADOTTAT DAN IR-REGOLAMENT:
Artikolu 1
B’deroga mill-Artikolu 1(2), l-ewwel subparagrafu, ir-raba’ inċiż, tar-Regolament (KE) Nru 312/2001, huwa awtorizzat il-ħruġ ta’ liċenzji mingħajr limitu mensili għall-perjodu mill-1 ta’ Mejju 2006 sal-31 ta’ Ottubru 2006.
Artikolu 2
Dan ir-Regolament jidħol fis-seħħ l-għada tal-pubblikazzjoni tiegħu f’Il-Ġurnal Uffiċjali ta' l-Unjoni Ewropea.
Għandu japplika mill-1 ta' Mejju 2006.
Dan ir-Regolament għandu jkun jorbot fl-intier tiegħu u japplika direttament fl-Istati Membri kollha.
Magħmul fi Brussell, 28 ta' April 2006.
Għall-Kummissjoni
Mariann FISCHER BOEL
Membru tal-Kummissjoni
(1) ĠU L 336, 30.12.2000, p. 92.
(2) ĠU L 161, 30.4.2004, p. 97. Il-verżjoni korreġuta fil-ĠU L 206, 9.6.2004, p. 37.
(3) ĠU L 46, 16.2.2001, p. 3. Ir-Regolament kif emendat l-aħħar bir-Regolament (KE) Nru 1721/2005 (ĠU L 276, 21.10.2005, p. 3).