This document is an excerpt from the EUR-Lex website
Document 32005D0310
2005/310/EC: Commission Decision of 15 April 2005 providing for the temporary marketing of certain seed of the species Glycine max not satisfying the requirements of Council Directive 2002/57/EC (notified under document number C(2005) 1137) (Text with EEA relevance)
Id-Deċiżjoni tal-Kummissjoni tal- 15 ta' April 2005 li tipprevedi għall-kummerċjalizzazzjoni ta' ċertu żerriegħa ta' l-ispeċi Glycine max li ma tissodisfax il-ħtiġijiet tad-Direttiva tal-Kunsill 2002/57/KE (innotifikata taħt in-numru tad-dokument C(2005) 1137) Test b’rilevanza għaż-ŻEE.
Id-Deċiżjoni tal-Kummissjoni tal- 15 ta' April 2005 li tipprevedi għall-kummerċjalizzazzjoni ta' ċertu żerriegħa ta' l-ispeċi Glycine max li ma tissodisfax il-ħtiġijiet tad-Direttiva tal-Kunsill 2002/57/KE (innotifikata taħt in-numru tad-dokument C(2005) 1137) Test b’rilevanza għaż-ŻEE.
ĠU L 99, 19.4.2005, pp. 13–14
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV)
ĠU L 272M, 18.10.2005, pp. 270–271
(MT)
In force
|
18.10.2005 |
MT |
Il-Ġurnal Uffiċjali ta’ l-Unjoni Ewropea |
270 |
ID-DEĊIŻJONI TAL-KUMMISSJONI
tal-15 ta' April 2005
li tipprevedi għall-kummerċjalizzazzjoni ta' ċertu żerriegħa ta' l-ispeċi Glycine max li ma tissodisfax il-ħtiġijiet tad-Direttiva tal-Kunsill 2002/57/KE
(innotifikata taħt in-numru tad-dokument C(2005) 1137)
(Test b'relevanza għaż-ŻEE)
(2005/310/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Direttiva tal-Kunsill 2002/57/KE tat-13 ta' Ġunju 2002 dwar il-kummerċjalizzazzjoni taż-żrieragħ tal-pjanti taż-żejt u tal-fibra (1), u b'mod partikolari l-Artikolu 21 (1) tagħha,
Billi:
|
(1) |
Fl-Awstrija, il-kwantità disponibbli taż-żerriegħa tas-sojja (Glycine max) adattata għall-kundizzjonijiet tal-klima nazzjonali u li tissodisfa il-ħtiġijiet dwar il-kapaċità ta' ġerminazzjoni tad-Direttiva 2002/57/KE mhijiex biżżejjed u għalhekk ma tistax tilħaq il-bżonnijiet ta' l-Istat Membru. |
|
(2) |
Mhux possibbli li tintlaħaq id-domanda għaż-żerriegħa ta' dik l-ispeċi b'mod sodisfaċenti b'żerriegħa minn Stati Membri oħra jew minn pajjiżi terzi, li tissodisfa il-ħtiġijiet kollha stabbiliti fid-Direttiva 2002/57/KE. |
|
(3) |
Għalhekk, l-Awstrija għandha tiġi awtorizzata li tippermetti l-kummerċjalizzazzjoni taż-żerriegħa ta' dik l-ispeċi soġġetta għall-ħtiġijiet inqas stretti għall-perjodu li jiskadi fil-15 ta' Ġunju 2005. |
|
(4) |
Barra minn hekk, Stati Membri oħra irrespettivament ta' jekk iż-żerriegħa kinetx maħsuda fi Stat Membru jew f'pajjiż terz kopert mid-Deċiżjoni tal-Kunsill 2003/17/KE tas-16 ta' Diċembru 2002 dwar l-ekwivalenza ta' l-ispezzjonijiet tar-raba' li saru fil-pajjiżi terzi dwar l-uċuh tar-raba' li jkattru iż-żrieragħ u l-ekwivalenza taż-żerriegħa magħmula fil-pajjiżi terzi (2) li huma fil-pożizzjoni li jfornu lill-Awstrija biż-żerriegħa ta' dik l-ispeċi, għandhom ikunu awtorizzati, biex jħallu li ssir il-kummerċjalizzazzjoni ta' din iż-żerriegħa. |
|
(5) |
Huwa xieraq li l-Awstrija taġixxi bħala koordinatur sabiex tiżgura li l-ammont totali ta' żerriegħa awtorizzat skond din id-Deċiżjoni ma jaqbiżx il-kwantità massima koperta b'din id-Deċiżjoni. |
|
(6) |
Il-miżuri previsti f'din id-Deċiżjoni huma skond l-opinjoni tal-Kumitat Permanenti dwar iż-Żrieragħ u l-Materjal ta' Propagazzjoni għall-Agrikoltura, Ortikultura u l-Foresterija. |
ADOTTAT DIN ID-DEĊIŻJONI
Artikolu 1
Il-kummerċjalizzazzjoni fil-Komunità taż-żerriegħa tas-sojja (Glycine max) li ma tissodisfax il-ħtiġijiet tal-kapaċità ta' ġerminazzjoni minimi stabbiliti fid-Direttiva 2002/57/KE għal perjodu li jiskadi fil-15 ta' Ġunju 2005, skond it-termini stabbiliti fl-Anness għal din id-Deċiżjoni u soġġett għall-kundizzjonijiet li ġejjin:
|
a) |
il-kapaċità ta' ġerminazzjoni għandha tkun ta' lanqas dik stipulata fl-Anness għal din id-Deċiżjoni, |
|
b) |
it-tikketta uffiċjali għandha tiddikjara li l-ġerminazzjoni ġiet iċċertifikata fl-eżaminazzjoni uffiċjali li saret skond l-Artikolu 2(1)(f) u (g) tad-Direttiva 2002/57/KE, |
|
c) |
iż-żerriegħa trid tkun l-ewwel ġiet imqiegħda fis-suq skond l-Artikolu 2 ta' din id-Deċiżjoni. |
Artikolu 2
Kull fornitur taż-żerriegħa li jixtieq iqiegħed fis-suq iż-żerriegħa msemmija f'Artikolu 1 għandu japplika għall-awtorizzazzjoni mill-Istat Membru li huwa stabbilit fih jew li jimporta fih.
L-Istat Membru ikkonċernat għandu jawtoriżża lill-fornitur biex iqiegħed dik iż-żerriegħa fis-suq, sakemm:
|
a) |
ma jkunx hemm biżżejjed evidenza biex ikun hemm dubju dwar jekk fornitur huwiex kapaċi li jqiegħed fis-suq l-ammont ta' żerriegħa li jkun applika għall-awtorizzazzjoni tiegħu; jew |
|
b) |
il-kwantità totali awtorizzata biex titqiegħed fis-suq skond id-deroga ikkonċernata ma taqbiżx il-kwantità massima speċifikata fl-Anness. |
Artikolu 3
L-Istati Membri se jgħinu 'l xulxin amministrattivament fl-applikazzjoni ta' din id-Deċiżjoni.
L-Awstrija se taġixxi bħala Stat Membru koordinatur fir-rigward ta' l-Artikolu 1 sabiex tiżgura li l-ammont totali awtorizzat ma jaqbiżx il-kwantità massima speċifikata fl-Anness.
Kull Stat Membru li jirċievi applikazzjoni skond l-Artikolu 2 għandu jinnotifika minnufih lill-Istat Membru li qed jikkoordina bl-ammont kopert bl-applikazzjoni. L-Istat Membru koordinatur għandu jinforma lill-Istat Membru li qed jinnotifika dwar jekk l-awtorizzazzjoni tistax twassal biex tinqabeż il-kwantità massima.
Artikolu 4
L-Istati Membri għandhom jgħarrfu lill-Kummissjoni u lill-Istati Membri l-oħra minnufih bil-kwantitajiet li għalihom taw l-awtorizzazzjoni għat-tqegħid fis-suq in segwitu għal din id-Deċiżjoni.
Artikolu 5
Din id-Deċiżjoni hija indirizzata lill-Istati Membri.
Magħmula fi Brussell, fil-15 ta' April 2005.
Għall-Kummissjoni
Is-Sur Markos KYPRIANOU
Membru tal-Kummissjoni
(1) ĠU L 193, tat-20.7.2002, p. 74. Direttiva kif emendata l-aħħar bid-Direttiva 2004/117/KE (ĠU L 14, tat-18.1.2005, p. 18).
(2) ĠU L 8, ta' l-14.1.2003, p. 10. Deċiżjoni kif emendata l-aħħar bir-Regolament (KE) Nru 885/2004 (ĠU L 168, ta' l-1.5.2004, p. 1).
ANNESS
|
Speċi |
It-tip tal-varjetà |
Kwantità Massima (tunnellati metriċi) |
Ġerminazzjoni minima (% ta' żerriegħa pura) |
|
Glycine max |
(klassi ta' maturità: kmieni ħafna) Dolores Gallec, Merlin, OAC Erin |
1 185 |
70 |
|
(klassi ta' maturità: kmieni) Amphor, Essor, Idefix, Kent, London |
1 275 |