7.6.2006   

MT

Il-Ġurnal Uffiċjali ta’ l-Unjoni Ewropea

480

(1)

Fl-Att ta' Adeżjoni ta' l-2003 ma sar l-ebda adattament għar-Regolament tal-Kunsill (KE) Nru. 2340/2002 tas-16 ta' Diċembru 2002 li jiffissa għall-2003 u l-2004 l-opportunitajiet tas-sajd għall-ħażniet tal-ħut tal-baħar fond (2) biex jiġu allokati opportunitajiet ta' sajd għal speċi tal-baħar fond lill-Istati Membri l-ġodda. Huwa għalhekk meħtieġ li tali opportunitajiet ta' sajd jiġu allokati lill-Istati Membri li aderew fl-2004 b' kont meħud ta' xejriet tas-sajd simili għal dawk użati fl-2002 sabiex is-sajjieda ta' dawn l-Istati Membri jkunu jistgħu jkomplu bl-attivitajiet tagħhom.

(2)

L-allokazzjoni ta' opportunitajiet tas-sajd m' għandhiex twassal għar-riżultat li qabdiet legalment effetwati qabel l-1 ta' Mejju jkunu suxxettibbli għal tnaqqis fil-kwoti taħt l-Artikolu 23 (1) tar-Regolament tal-Kunsill (KEE) Nru. 2847/93 tat-12 ta' Ottubru 1993 li jistabilixxi sistema ta' kontroll li tapplika għall-politika tas-sajd komuni (3), l-Artikolu 5 tar-Regolament tal-Kunsill (KE) Nru. 847/96 tas-6 ta' Mejju 1996 li tintroduċi kondizzjonijiet addizzjonali għat-tmexxija minn sena għal sena tat-TACs u l-kwoti (4) jew l-Artikolu 26 tar-Regolament (KE) Nru 2371/2002 ta' l-20 Diċembru 2002 dwar il-konservazzjoni u l-isfruttament sostenibbli tar-riżorsi tas-sajd taħt il-Politika Komuni tas-Sajd (5).

(3)

Ir-Regolament tal-Kunsill (KE) Nru. 2347/2002 tas-16 ta' Diċembru 2002 li jistabbilixxi ħtiġijiet speċifiċi ta' aċċess u kundizzjonijiet relattivi għas-sajd ta' ħażniet tal-baħar fond (6) jistabbilixxi limiti massimi ta' qawwa u kapaċità għall-flotta tas-sajd li tista' tiżbarka kwantitajiet sinifikanti ta' speċi tal-baħar fond, u jiddetermina perijodu ta' referenza għall-istabbiliment ta' dawk il-limiti massimi, jiġifieri t-tliet snin qabel id-dħul fis-seħħ tiegħu. Huwa meħtieġ li l-perijodu ta' referenza għall-istabbiliment ta' dawk il-limiti massimi jieħu kont tas-snin reċenti sabiex is-sajjieda ta' l-Istati Membri l-ġodda jkunu jistgħu jkomplu bl-attivitajiet tagħhom.

(4)

Bil-ħsieb li r-Regolamenti (KE) Nri. 2340/2002 u 2347/2002 jkunu jistgħu japplikaw għall-Istati Membri li aderew fl-2004 sa mid-data ta' l-Adeżjoni, huwa imperattiv li dan ir-Regolament jidħol fis-seħħ fl-1 ta' Mejju 2004.

(5)

Ir-Regolamenti (KE) Nri. 2340/2002 u 2347/2002 għandhom għaldaqstant jiġu hekk emendati,

1)

Għandu jiġi mdaħħal l-Artikolu li ġej:

“Artikolu 3a

1.   Il-qabdiet bejn l-1 ta' Jannar u l-1 ta' Mejju 2004 maqbuda minn bastimenti mill-Istati Membri li aderew fl-2004 għandhom jiġu addebitati kontra l-kwoti stabbiliti fl-Anness I.

2.   Mhux aktar tard minn 15 il-jum wara d-data tal-pubblikazzjoni ta' dan ir-Regolament fil-Ġurnal Uffiċjali ta' l-Unjoni Ewropea l-Istati Membri msemmija fil-paragrafu 1 għandhom jinnotifikaw lill-Kummissjoni bl-ammont tal-qabdiet tagħhom bejn l-1 ta' Jannar u l-1 ta' Mejju 2004.”;

2)

Għandu jiġi mdaħħal l-Artikolu 4a li ġej:

“Artikolu 4a

L-Artikolu 23(1) tar-Regolament (KEE) Nru. 2847/93, l-Artikolu 5 tar-Regolament (KE) Nru. 847/96 u l-Artikolu 26 tar-Regolament (KE) Nru. 2371/2002 ta' l-20 ta' Diċembru 2002 dwar il-konservazzjoni u l-isfruttament sostenibbli tar-riżorsi tas-sajd taħt il-Politika Komuni tas-Sajd (*) m' għandhomx japplikaw għal qabdiet maqbuda qabel l-1 ta' Mejju 2004 li jeċċedu l-kwota determinata fl-Anness I ta' dan ir-Regolament minn bastimenti mill-Istati Membri li aderew fl-2004.”

(*)  ĠU l L 358 , 31/12/2002 P. 59."

3)

L-Anness I għandu jiġi emendat skond l-Anness għal dan ir-Regolament.