This document is an excerpt from the EUR-Lex website
Document 32004D0129
2004/129/EC: Commission Decision of 30 January 2004 concerning the non-inclusion of certain active substances in Annex I to Council Directive 91/414/EEC and the withdrawal of authorisations for plant protection products containing these substances (Text with EEA relevance) (notified under document number C(2004) 152)
Id-Deċiżjoni tal-Kummissjoni tat-30 ta’ Jannar 2004 dwar it-tħollija barra ta’ ċerti sustanzi attivi fl-Anness I għad-Direttiva tal-Kunsill 91/414/KEE u l-irtirat ta’ awtorizzazzjonijiet għal prodotti ta’ ħarsien tal-pjanti li fihom ikun hemm dawn is-sustanzi (notifikata bid-dokument numru K(2004) 152)Test b’relevanza għaż-ŻEE
Id-Deċiżjoni tal-Kummissjoni tat-30 ta’ Jannar 2004 dwar it-tħollija barra ta’ ċerti sustanzi attivi fl-Anness I għad-Direttiva tal-Kunsill 91/414/KEE u l-irtirat ta’ awtorizzazzjonijiet għal prodotti ta’ ħarsien tal-pjanti li fihom ikun hemm dawn is-sustanzi (notifikata bid-dokument numru K(2004) 152)Test b’relevanza għaż-ŻEE
ĠU L 37, 10.2.2004, p. 27–31
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL, BG, RO, HR)
In force: This act has been changed. Current consolidated version: 20/08/2005
Official Journal L 037 , 10/02/2004 P. 0027 - 0031
Id-Deċiżjoni tal-Kummissjoni tat-30 ta’ Jannar 2004 dwar it-tħollija barra ta’ ċerti sustanzi attivi fl-Anness I għad-Direttiva tal-Kunsill 91/414/KEE u l-irtirat ta’ awtorizzazzjonijiet għal prodotti ta’ ħarsien tal-pjanti li fihom ikun hemm dawn is-sustanzi (notifikata bid-dokument numru K(2004) 152) (Test b’relevanza għaż-ŻEE) (2004/129/KE) IL-KUMMISSJONI TAL-KOMUNITAJIET EWROPEJ Wara li kkunsidrat it-Trattat li jistabbilixxi l-Komunità Ewropea, Wara li kkunsidrat id-Direttiva tal-Kunsill 91/414/KEE tal-15 ta’ Lulju 1991 dwar it-tpoġġija fis-suq ta’ prodotti tal-ħarsien tal-pjanti [1], kif emendata l-aħħar bid-Direttiva tal-Kummissjoni 2003/119/KE [2], u l-aktar ir-raba’ sotto-paragrafu ta’ l-Artikolu 8(2) tiegħua, Billi: (1) L-Artikolu 8(2) tad-Direttiva 91/414/KEE jipprovdi li Stat Membru jista’, matul perjodu ta’ 12-il sena wara n-notifika ta’ dik id-Direttiva, jawtorizza t-tpoġġija fis-suq ta’ prodotti ta’ ħarsien tal-pjanti li fihom ikollhom sustanzi attivi li, għalkemm ma jkunux jidhru fil-lista fl-Anness I għal dik id-Direttiva, ikunu ilhom diġà fis-suq sentejn minn wara d-data tan-notifika. Bħalissa dawk is-sustanzi qed jiġu eżaminati gradatament fil-qafas ta’ programm ta’ ħidma. (2) Ir-Regolament tal-Kummissjoni (KE) Nru 1112/2002 [3] iwaqqaf ir-regoli dettaljati għat-twettiq tar-raba’ taqsima tal-programm ta’ ħidma msemmi fl-Artikolu 8(2) tad-Direttiva 91/414/KEE. Is-sustanzi attivi tar-raba’ taqsima, li għalihom ma ġiet avżata l-ebda rabta biex jitħejjew aktar id-dokumenti meħtieġa, għandhom jitniżżlu fl-Anness I għad-Direttiva 91/414/KEE. L-Istati Membri għandhom jirtiraw l-awtorizzazzjonijiet kollha għall-prodotti tal-ħarsien tal-pjanti li fihom ikun hemm dawn is-sustanzi attivi. L-Anness I għal din id-Deċiżjoni jipprovdi lista ta’ sustanzi attivi li jaqgħu f’din il-kategorija. (3) Ir-Regolamenti tal-Kummissjoni (KE) Nru 451/2000 [4] u (KE) Nru 1490/2002 [5] iwaqqfu r-regoli dettaljati għat-twettiq tat-tieni u tielet taqsimiet tal-programm ta’ ħidma msemmi fl-Artikolu 8(2) tad-Direttiva 91/414/KEE. Is-sustanzi attivi li għalihom għadu ma ntbagħat l-ebda dokument komplut jew li għalihom minn qed javża ddikjara li mhux se jilħaq jibgħat id-dokumenti fil-limitu ta’ żmien stabbilit, m’għandhomx jitniżżlu fl-Anness I għad-Direttiva 91/414/KEE, waqt li l-Istati Membri għandhom jirtiraw l-awtoriżżazzjonijiet kollha għall-prodotti tal-ħarsien tal-pjanti li fihom ikun hemm dawn is-sustanzi attivi. L-Anness I għal din id-Deċiżjoni jagħti lista ta’ sustanzi attivi li jaqgħu f’din il-kategorija. (4) It-tagħrif li ġie ppreżentat dwar uħud minn dawk is-sustanzi attivi kien eżaminat mill-esperti tal-Kummissjoni flimkien ma’ dawk ta’ l-Istati Membri; dan wera l-bżonn li s-sustanzi kkonċernati għandhom bżonn jintużaw aktar. F’dawk il-każijiet, għandu jkun hemm miżuri temporanji biex ikun jista’ jseħħ l-iżvilupp ta’ sustanzi alternattivi. (5) Għal dawk is-sustanzi attivi, li għalihom hemm biss perjodu qasir ta’ avviż bil-quddiem għall-irtirat ta’ prodotti tal-ħarsien tal-pjanti li fihom hemm dawn is-sustanzi, ikun għaqli li jingħata perjodu ta’ grazzja għad-disponiment, il-ħażna, it-tpoġġija fis-suq u l-użu tal-ħażniet li hemm bħalissa għal perjodu ta’ mhux aktar minn 12-il xahar, biex il-ħażniet li hemm bħalissa jkunu jistgħu jintużaw f’mhux aktar minn perjodu wieħed ta’ tkabbir. F’każijiet fejn jingħata perjodu ta’ avviż bil-quddiem itwal, dan il-perjodu ma jistax jiqsar biex jintemm fl-aħħar ta’ l-istaġun tat-tkabbir. (6) Il-miżuri li hemm f’din id-Deċiżjoni huma fi qbil ma’ l-opinjoni tal-Kumitat Permanenti fuq il-Katina ta’ l-Ikel u s-Saħħa ta’ l-Annimali, ADDOTTAT DIN ID-DEĊIŻJONI: Artikolu 1 Is-sustanzi attivi li huma mniżżla fl-Anness I għal din id-Deċiżjoni għandhom jitniżżlu fl-Anness I għad-Direttiva 91/414/KEE. Artikolu 2 1. L-Istati Membri għandhom jiżguraw li l-awtorizzazzjonijiet għal prodotti tal-ħarsien tal-pjanti li fihom ikun hemm is-sustanzi attivi mniżżla fl-Anness I għal din id-Deċiżjoni, jiġu ritirati kollha sa mhux aktar tard mill-31 ta’ Marzu 2004. 2. B’deroga mill-paragrafu 1, l-Istati Membri li huma mniżżla fil-kolonna B ta’ l-Anness II jistgħu, sa mhux aktar tard mit-30 ta’ Ġunju 2007, iżommu l-awtorizzazzjonijiet għal prodotti tal-ħarsien tal-pjanti li fihom ikun hemm is-sustanzi mniżżla fil-kolonna A ta’ dak l-Anness għall-użi mniżżla fil-kolonna ¬ ta’ dak l-Anness. Dan biex ikunu jistgħu jiġu żviluppati alternattivi effiċjenti għas-sustanza koperta. L-Istati Membri li jagħmlu użu mid-deroga mogħtija fl-ewwel sotto-paragrafu għandhom jiżguraw li jkunu mħarsa l-kondizzjonijiet li ġejjin: (a) l-użu ssuktat ikun aċċettat biss sakemm dan ma jagħmel l-ebda ħsara fuq is-saħħa tal-bniedem jew ta’ l-annimali u lanqas ma jkollu effetti ħżiena u mhux aċċettabbli fuq l-ambjent; (b) il-prodotti tal-ħarsien tal-pjanti li jibqgħu fis-suq wara l-31 ta’ Marzu 2004 jiġu ttikkettjati mill-ġdid biex ikunu jistgħu jitqabblu l-kondizzjonijiet ta’ l-użu ristrett; (ċ) ikunu imposti l-miżuri ta’ titfija kollha possibbli biex jitnaqqas kull riskju possibbli; (d) l-alternattivi għal dawn l-użi jkunu tabilħaqq qed jiġu ssuktati. 3. Sa mhux aktar tard mill-31 ta’ Diċembru 2004, l-Istat Membru kkonċernat għandu jgħarraf lill-Kummissjoni dwar il-miżuri meħuda fit-tisħiħ tal-paragrafu 2, u l-aktar dwar il-wetqiet meħuda fu qbil mal-punti (a) sa (d). Artikolu 3 Kull perjodu ta’ grazzja li jingħata mill-Istati Membri fi qbil ma’ l-Artikolu 4(6) tad-Direttiva 91/414/KEE għandu jkun kemm jista’ jkun qasir. Fejn l-awtorizzazzjonijiet jitneħħew fi qbil ma’ l-Artikolu 2(1) sa mhux aktar tard mill-31 ta’ Marzu 2004, il-perjodu għandu jintemm sa mhux aktar tard mill-31 ta’ Diċembru 2004. Fejn l-awtorizzazzjonijiet jitneħħew fi qbil ma’ l-Artikolu 2(2) sa mhux aktar tard mit-30 ta’ Ġunju 2007, il-perjodu għandu jintemm sa mhux aktar tard mill-31 ta’ Diċembru 2007. Artikolu 4 Din id-Deċiżjoni hija indirizzata lill-Istati Membri. Magħmul fi Brussel, fit-30 ta’ Jannar 2004. Għall-Kummissjoni David Byrne Membru tal-Kummissjoni [1] ĠU L 230, 19.08.91, p. 1. [2] ĠU L 325, 12.12.03, p. 41. [3] ĠU L 168, 27.06.02, p. 14. [4] ĠU L 55, 29.02.00, p. 25. [5] ĠU L 224, 21.08.02, p. 23. -------------------------------------------------- L-ANNESS I Lista ta’ sustanzi attivi msemmija fl-Artikolu 1 PARTI A Sustanzi koperti bir-Regolament tal-Kummissjoni (KE) Nru 703/2001 (it-tieni taqsima tal-programm ta’ ħidma) Methidathion PARTI B Sustanzi li huma koperti bir-Regolament tal-Kummissjoni (KE) Nru 1490/2002 (it-tielet taqsima tal-programm ta’ ħidma) Sinosulfuronju Clofencet Klorflurenolju Flamprop-M Flurenolju Hexaflumuronju Imazethapyr Nwarimolju Primisulfuronju Pretilaklorju Kwinklorakju Streptomycine Tridemorfju Triadimefonju PARTI Ċ Sustanzi li huma koperti bir-Regolament tal-Kummissjoni (KE) Nru 1112/2002 (ir-raba’ taqsima tal-programm ta’ ħidma) A. Sustanzi kimikali attivi Aċetat ta' (4E-7Z)-4,7-Tridecadien-1-yl (4Z-9Z)-7,9-Dodecadien-1-ol Aċetat ta' (E)-10-Dodecenyl Aċetat ta' (Z)-3-Methyl-6-isopropenyl-3,4-decadien-1-yl Aċetat ta' (Z)-3-Methyl-6-isopropenyl-9-decen-1-yl Aċetat ta' (Z)-5-Dodecen-1-yl (Z)-7-Tetradecanole (Z)-9-Tricosene Aċetat (Z,Z) Octadienyl 2-Propanol 3,7-Dimethyl-2,6-octadienal 4-chloro-3-methylphenol 7,8-Epoxi-2-methyl-octadecane 7-Methyl-3-methylene-7-octene-1-yl-propionate Baæijiet Akridiniċi Klorat ta' l-ammonja ta' l-alkyldimethybenzyl Klorat ta' l-ammonja ta' l-alkyldimethylethylbenzyl Idrossidu ta' l-ammonja Sulfat ta' l-ammonja Nitrat tal-Barju Bifenil Bromethalin Kalċiferolju Ċjanur tal-kalċju Ossidu tal-kalċju Fosfat tal-kalċju Kloridrat tal-poly (imino imido biguanidine) Klorofilina Kolekalċiferolju Klorat tal-Kolin Coumachlor Coumafuryl Coumatetralyl Krimidina Difethialone Klorat ta' l-ammonja tad-Dioctyldimethyl Diphacinone Ethanethiol Ethylhexanoate Flocumafen Fluoroacetamide Aċidu Sebakiku Serricornin Karbonat tas-sodju Klorat tas-sodju janur tas-sodju Dimethylarsinate tas-sodju Idrossidu tas-sodju o-benzyl-p-chlorphenoxide tas-sodju Propjonat tas-sodju p-t-amylphenoxide tas-sodju Tetraborat tas-sodju Estratt taż-żrieragħ tas-soja Żejt taż-żrieragħ tas-soja, epossilat Strychnine Żjut tal-qatran Sulfat tat-tallju Thiourea trans-6-Nonen-1-ol Trimedlure Cjanur ta' l-idroġenu Isoval Aċidu laktiku Bromidju tal-Lauryldimethylbenzylammonium Klorat tal-Lauryldimethylbenzylammonium Fosfat tal-ġir Methyl-trans-6-nonenoate Naftalina Nitroġenu Klorat ta' l-ammonja ta' l-octyldecyldimethyl Estratt tal-basal Papajina Aċetat tal-p-Cresyl p-Dichlorobenzene Ferodim Aċidu fosforiku Żjut tal-pjanti/żejt tal-ġewæa ta' l-Indji Żjut tal-pjanti/żejt tal-qamħirrum Żjut tal-pjanti/żejt tal-karawett Sorbat tal-potassju Pronumonju Aċidu propjoniku Pyranocumarin Komposti ta' l-ammonja kwaternarja Scilliroside Scilliroside Likur tal-qamħ B. Mikro-organiæmi Aschersonia aleyrodis Il-virus ta' l-Agrotis segetum granulosis Il-virus tal-Mamestra brassica polyhedrosis nukleari Virus tal-mużajk tat-tadam -------------------------------------------------- L-ANNESS II Lista ta’ awtorizzazzjonijiet msemmija fl-Artikolu 2(2) Kolonna A | Kolonna B | Kolonna Ċ | Sustanza attiva | Stat Membru | Użu | Klorat ta' l-ammonja ta' l-Alkyldimethylbenzyl | Il-Belġju | Diżinfettar ta' kmamar fejn u tagħmir li għandu x'jaqsam mat-tkabbir tal-faqqiegħ | Sinosulfuronju | Spanja | Ross | L-Italja | Ross | Flamprop-M | L-Awstrija | Qamħ tar-rebbiegħa, Xgħir tar-rebbiegħa, Qamħ tax-xitwa, Xgħir tax-xitwa, | Id-Danimarka | Xgħir tar-rebbiegħa | Hexaflumuronju | Il-Portugall | Citrus | Spanja | Pinus | Methidathion | Franza | Tuffieħ, lanġas, għanbaqar, ċitru żejt taż-żerriegħa tal-liftija | Il-Ġermanja | Żebbuġ | L-Italja | Tuffieħ, | Il-Portugall | lanġas, ħawħ, żebbuġ, dwieli, ċitru, mang u custard apple | Spanja | Żebbuġ, tuffieħ, lanġas | Il-Greċja | Citru, żebbuġ | Pretilaklorju | Franza | Ross | L-Italja | Ross | Kwinklorajku | Spanja | Ross | Il-Greċja | Ross | Portugal | Ross | L-Italja | Ross | Triadimefonju | L-Isvezja | Frawli li jitkabbar fl-għelieqi | Tadam u ħjar tas-serra | --------------------------------------------------