This document is an excerpt from the EUR-Lex website
Document 32003R1707
Commission Regulation (EC) No 1707/2003 of 26 September 2003 fixing the coefficients applicable to cereals exported in the form of Scotch whisky for the period 2003/2004
Ir-Regolament tal-Kummissjoni (KE) Nru 1707/2003 tas-26 ta’ Settembru 2003 li jiffissa l-koeffiċjenti li japplikaw għaċ-ċereali esportati fil-għamla ta’ whisky Skoċċiż għall-perjodu taż-żmien 2003/2004
Ir-Regolament tal-Kummissjoni (KE) Nru 1707/2003 tas-26 ta’ Settembru 2003 li jiffissa l-koeffiċjenti li japplikaw għaċ-ċereali esportati fil-għamla ta’ whisky Skoċċiż għall-perjodu taż-żmien 2003/2004
ĠU L 243, 27.9.2003, p. 88–89
(ES, DA, DE, EL, EN, FR, IT, NL, PT, FI, SV) Dan id-dokument ġie ppubblikat f’edizzjoni(jiet) speċjali
(CS, ET, LV, LT, HU, MT, PL, SK, SL)
No longer in force, Date of end of validity: 30/09/2004
Official Journal L 243 , 27/09/2003 P. 0088 - 0089
Ir-Regolament tal-Kummissjoni (KE) Nru 1707/2003 tas-26 ta’ Settembru 2003 li jiffissa l-koeffiċjenti li japplikaw għaċ-ċereali esportati fil-għamla ta’ whisky Skoċċiż għall-perjodu taż-żmien 2003/2004 IL-KUMMISSJONI TAL-KOMUNITAJIET EWROPEJ, Wara li kkunsidrat it-Trattat li jistabbilixxi l-Komunità Ewropea, Wara li kkunsidrat ir-Regolament tal-Kunsill (KEE) Nru 1766/92 tat-30 ta’ Ġunju 2003 dwar l-organizzazzjoni komuni tas-suq fiċ-ċereali [1], kif l-aħħar emendat bir-Regolament (KE) Nru 1104/1999 [2], Wara li kkunsidrat ir-Regolament tal-Kummissjoni (KEE) Nru 2825/93 tal-15 ta’ Ottubru 1993 li jistabbilixxi ċerti regoli ddettaljati sabiex jiġi applikat ir-Regolament tal-Kunsill (KEE) Nru 1766/92 rigward il-fissar u l-konċessjoni ta’ rifużjonijiet aġġustati fuq iċ-ċereali esportati fil-għamla ta’ ċertu xorb spirituż [3], kif l-aħħar emendat bir-Regolament (KE) Nru 1622/2000 [4], u b’mod partikolari l-Artikolu 5 tiegħu, Billi: (1) L-Artikolu 4(1) tar-Regolament (KE) Nr 2825/93 jipprovdi illi l-kwantitajit taċ-ċereali eliġibbli għar-rifużjoni jridu jkunu l-kwantitajiet imqiegħda taħt kontroll u ddistillati, ippeżati b’koeffiċjent li jrid jiġi ffisat kull sena għal kull wieħed mill-Istati Membri interessati. Dan il-koeffiċjent jesprimi l-proporzjon bejn il-kwantitajiet esportati u l-kwantitajiet totali mqiegħda fis-suq tax-xorb spirituż interessat fuq il-bażi tax-xejra nnotata f’dawn il-kwantitajiet matul in-numru ta’ snin li jikkorrispondu mal-perjodu medju taż-żmien tal-għoti tal-għomor lix-xarba spirituża fil-kwistjoni. B’riżultat tat-tagħrif ipprovvdut mir-Renju Unit rigward il-perjodu taż-żmien mill-1 ta’ Jannar sal-31 ta’ Diċembru 2002, il-perjodu medju taż-żmien tal-għoti tal-għomor kien ta’ seba’ snin għall-whisky Skoċċiż. Għandhom jiġu ffisati l-koeffiċjenti għall-prejodu taż-żmien mill-1 ta’ Ottubru 2003 sat-30 ta’ Settembru 2004. (2) L-Artikolu 10 tal-Protokoll 3 mal-Ftehim dwar iż-Żona Ekonmika Ewropea [5] jipprekludi l-konċessjoni tar-rifużjonijiet rigward l-esportazzjonijiet lejn il-Liechtenstein, l-Islanda u n-Norveġja. Barra minn hekk, il-Komunità kkonkludiet ftehimijiet ma’ ċerti pajjiżi terzi li jabolixxu r-rifużjonijiet fuq l-esportazzjoni. Skond l-Artikolu 7(2) tar-Regolament (KEE) Nru 2825/93, dan għandu jitqies fil-kalkolu tal-koeffiċjenti għall-perjodu ta-żmien 2003/2004. (3) Il-miżuri pprovvduti f’dan ir-Regolament huma skond l-opinjoni tal-Kumitat tal-Ġestjoni taċ-Ċereali, ADOTTAT DAN IR-REGOLAMENT: Artikolu 1 Għall-perjodu taż-żmien mill-1 ta’ Ottubru 2003 sat-30 ta’ Settembru 2004 il-koeffiċjenti pprovvduti fl-Artikolu 4 tar-Regolament (KEE) Nru 2825/93 li japplika għaċ-ċereali fir-Renju Unit għall-fabbrikazzjoni tal-whisky Skoċċiż għandhom jiġu ddikjarati fl-Anness. Artikolu 2 Dan ir-Regolament għandu jidħol fis-seħħ fil-jum tal-pubblikazzjoni tiegħu fil-Ġurnal Uffiċjali ta’ l-Unjoni Ewropea. Għandu jibda japplika mill-1 ta’ Ottubru 2003. Dan ir-Regolament għandu jorbot fl-intier tiegħu u japplika direttament fl-Istati Membri kollha. Magħmul fi Brussel, fis-26 ta’ Settembru 2003. Għall-Kummissjoni Franz Fischler Membru tal-Kummissjoni [1] ĠU L 181,ta’ l- 1.07.92, p. 21. [2] ĠU L 158, tas-27.6.2003, p. 1. [3] ĠU L 258, tas-16.10.1993, p. 6. [4] ĠU L 187, tas-26.7.2000, p. 29. [5] ĠU L 1, tat-3.1.1994, p. 1. -------------------------------------------------- L-ANNESS IL-KOEFFIĊJENTI LI JAPPLIKAW FIR-RENJU UNIT Il-Perjodu taż-żmien ta' l-applikazzjoni | Il-Koeffiċjent applikabbli | għax-xgħir ipproċessat f'maltu wżat fil-fabbrikazzjoni tal-whisky mill-maltu | għaċ-ċereali wżati fil-fabbrikazzjoni tal-whisky mill-qamħ | Mill-1 ta' Ottubru 2003 sat-30 ta' Settembru 2004 | 0,514 | 0,443 | --------------------------------------------------