31990R3151

Ir-Regolament Tal-Kunsill (KEE) Nru 3151/90

tad-29 t'Ottubru 1990

dwar żieda fil-kontrolli fil-Portugal dwar l-ispiża addebitata lit-Taqsima tal-Garanziji tal-Fond Ewropew tal-Gwida Agrikola u tal-Garanzija

IL-KUNSILL TAL-KOMUNITAJIET EWROPEJ,

Wara li kkunsidra t-Trattat li jistabbilixxi l-Komunità Ekonomika Ewropea, u partikolarment Artikolu 43 li hemm fih,

Wara li kkunsidra l-proposta mill-Kummissjoni [1],

Wara li kkunsidra l-opinjoni tal-Parlament Ewropew [2],

Billi, skond Artikolu 8 tar-Regolament tal-Kunsill (KEE) Nru 729/70 t'April 1970 dwar l-iffinanzjar tal-politika agrikola komuni [3], kif l-aħħar emendat mir-Regolament (KEE) Nru 2048/88 [4], l-Istati Membri għandhom jieħdu l-miżuri meħtieġa biex jissodisfaw rwieħhom li t-transazzjonijiet iffinanzjati mill-Fond Ewropew tal-Gwida Agrikola u tal-Garanzija (EAGGF) huma verament imwettqa u jsiru sew, biex ikunu evitati u jieħdu ħsieb irregolarijiet u li jirkupraw ammonti mitlufa li jirriżultaw minn irregolarijiet jew negliġenza;

Billi fl-ewwel ta' Jannar 1991 l-iffinanzjar mit-Taqsima tal-Garanziji tal-EAGGF se testendi fil-Portugal għall-prodotti suġġetti għat-transizzjoni bl-istadji u x-xogħol li se jaqa’ fuq id-dipartimenti responsabbli mill-kontrolli u awtoriżżati li jħallsu l-ispiża f'dan l-Istat Membru se jkun bħala riżultat ħafna akbar;

Billi l-Instituto Nacional de Intervenção u l-Garantia Agrícola (INGA) kienu nnominati mill-Gvern Portugiż skond Artikolu 4 tar-Regolament (KEE) Nru 729/70 biex iħallsu ħafna mill-ispejjeż riferuti f'Artikolu 2 u 3 ta' dak ir-Regolament u barra minn hekk li jiżguraw il-ko-ordinazzjoni u l-ipproċessar tal-informazzjoni dwar l-ispejjeż kollha, inklużi l-ispejjeż li l-pagament agħhom attwalment isir minn awtoritajiet oħra nnominati għal dan l-iskop;

Billi l-INGA m'għandhiex infrastruttura tal-ipproċessar tal-informazzjoni biżżejjed biex tiżgura il-ġbir, l-ipproċessar, l-eżami u t-trasmissjoni ottimali tal-informazzjoni kollha tal-ispiża ffinanzjata mit-Taqsima tal-Garanziji tal-EAGGF; billi t-tali nuqqas x'aktarx li jfixkel l-amministrazzjoni, l-eżami u l-prevenzjoni tal-irregolaritajiet u l-frodi;

Billi l-INGA ħejjiet proġett biex tagħmel tajjeb għal dak in-nuqqas u minħabba l-ispiża talbet lill-Komunità biex tagħmel kontribuzzjoni finanzjarji għall-implimentazzjoni tiegħu,

ADOTTA DAN IR-REGOLAMENT:

Artikolu 1

1. Kontribuzzjoni mill-Komunità għandha tingħata lill-Portugal biex tgħinu jistabbilixxi sistema ta' proċessar tal-informazzjoni fl-Instituto Nacional de Intervenção u fil-Garantia Agrícola u jagħmel konnessjoni ma’ aġenziji oħra tal-ħlas u tas-sorveljanza.

2. Is-sistema tal-ipproċessar tal-informazzjoni riferuta fil-paragrafu 1 trid tippermetti l-ġbir, l-ipproċessar, is-sorveljanza u t-trasmissjoni lill-Kummissjoni tal-informazzjoni fuq l-ispiża finanzjata mit-Taqsima tal-Garanzija tal-EAGGF fil-Portugal. Għandha tirrelata ma’ l-amministrazzjoni tajba u l-effettivita’ tal-kontrolli u l-prevenzjoni tal-irregolarijiet u l-frodi li jistgħu jsiru għad-detriment tal-EAGGF.

3. Il-kontribuzzjoni finanzjarja tal-Komunità ma tistax taqbeż 70 % tal-ispiża attwalment minfuqa fit-twaqqif u l-kummissjoni tas-sistema tal-ipproċessar tal-informazzjoni riferuta fil-paragrafu 1 u ma tistax taqbeż 4 miljun ECU bħala total.

Artikolu 2

1. Il-kontribuzzjoni finanzjarja tal-Komunità tista’ tkun suġġetta għall-ħlasijiet bin-nifs bil-quddiem.

2. Biex ikun applikat Artikolu 1(3), l-4 miljun EKU jinqalbu fi skudi Portugiżi billi tkun applikata r-rata tal-kambju fis-seħħ fil-ġurnata ta' qabel tal-aħħar tax-xahar ta' qabel dak li fih il-bilanċ jitħallas, u ppubblikat fis-serje "Ċ" tal-Ġurnal Uffiċjali tal-Komunitajiet Ewropej.

Artikolu 3

Regoli dettaljati għall-implimentazzjoni ta' dan ir-Regolament jkunu adottati malli jkunu meħtieġa skond il-proċedura mniżżla f'Artikolu 13 tar-Regolament (KEE) Nru 729/70.

Artikolu 4

Dan ir-Regolament għandu jidħol fis-seħħ fil-ġurnata tal-pubblikazzjoni tiegħu fil-Ġurnal Uffiċjali tal-Komunitajiet Ewropej.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fil-Lussemburgu, id-29 t'Ottubru 1990.

Għall-Kunsill

Il-President

G. Ruffolo

[1] ĠU Ċ 208, tal- 21.8.1990, p. 7.

[2] Opinjoni li twasslet fit-12 t'Ottubru 1990 (għadha mhux pubblikata fil-Ġurnal Uffiċjali).

[3] ĠU L 94, tat-28.4.1970, p. 13.

[4] ĠU L 185, tal-15.7.1988, p. 1.

--------------------------------------------------