This document is an excerpt from the EUR-Lex website
Document 31969L0464
Council Directive 69/464/EEC of 8 December 1969 on control of Potato Wart Disease
Id-Direttiva tal-Kunsill tat-8 ta’ Diċembru 1969 dwar il-kontroll tal-marda tal-ġlata fil-patata
Id-Direttiva tal-Kunsill tat-8 ta’ Diċembru 1969 dwar il-kontroll tal-marda tal-ġlata fil-patata
ĠU L 323, 24.12.1969, p. 1–2
(DE, FR, IT, NL) Edizzjoni(jiet) speċjali oħra
(DA, EL, ES, PT, FI, SV, CS, ET, LV, LT, HU, MT, PL, SK, SL, BG, RO, HR)
Edizzjoni Speċjali bl-Ingliż: Serje I Volum 1969(II) P. 561 - 562
No longer in force, Date of end of validity: 31/12/2021; Imħassar b' 32016R2031
Official Journal L 323 , 24/12/1969 P. 0001 - 0002
Finnish special edition: Chapter 3 Volume 2 P. 0249
Danish special edition: Series I Chapter 1969(II) P. 0545
Swedish special edition: Chapter 3 Volume 2 P. 0249
English special edition: Series I Chapter 1969(II) P. 0561
Greek special edition: Chapter 03 Volume 5 P. 0019
Spanish special edition: Chapter 03 Volume 3 P. 0170
Portuguese special edition Chapter 03 Volume 3 P. 0170
Id-Direttiva tal-Kunsill tat-8 ta’ Diċembru 1969 dwar il-kontroll tal-marda tal-ġlata fil-patata (69/464/KEE) IL-KUNSILL TAL-KOMUNITAJIET EWROPEJ, Wara li kkunsidra t-Trattat li jwaqqaf il-Komunità Ekonomika Ewropea, u b’mod partikolari l-Artikoli 43 u 100 tiegħu, Wara li kkunsidra l-proposta mill-Kummissjoni; Wara li kkunsidra l-Opinjoni tal-Parlament Ewropew [1]; Wara li kkunsidra l-Opinjoni tal-Kumitat Ekonomiku u Soċjali; Billi l-produzzjoni tal-patata għandha post importanti fl-agrikoltura tal-Komunità; Billi l-ħsad tal-patata huwa l-ħin kollu mhedded minn organiżmi li jagħmlu ħsara; Billi, permezz tal-ħarsien tal-koltivazzjoni tal-patata minn dawn l-organiżmi ta’ ħsara, mhux biss għandha tinżamm il-kapaċità produttiva iżda wkoll tiżdied il-produttività fil-biedja; Billi miżuri ta’ ħarsien li jwaqqfu d-dħul ta’ l-organiżmi ta’ ħsara fi Stati Membri individwali ikollha biss effett limitat jekk dawk l-organiżmi ma jkunux ġew fl-istess ħin ikontrollati simultanjament u b’mod metodiku fil-Komunità u ma jkunux imwaqqfa milli jinfirxu; Billi wieħed mill-organiżmi l-aktar ta’ ħsara għall-patata huwa is-Synchytrium endobioticum (Schilb.) Perc., l-aġent patoġeniku tal-cryptogamic tal-marda "Ċesta fil-Patata"; Billi din il-marda seħħet f’diversi Stati Membri u jeżistu sorsi limitati ta’ infezzjoni fil-Komunità; Billi hemm riskju permanenti għall-koltivazzjoni tal-patata fil-Komunità jekk ma jittieħdux miżuri effettivi sabiex din il-marda tiġ kkontrollotata u sabiex din ma tinfirix; Billi, sabiex jinqered dan l-organiżmu ta’ ħsara, għandhom jiġu adottati dispożizzjonijiet minimi għall-Komunità; billi l-Istati Membri għandhom ikunu jistgħu jadottaw dispożizzjonijiet aktar ħarxa fejn xieraq; Billi l-varjetajiet tal-patata li huma reżistenti għal ċerti tipi ta’ dan l-organiżmu għandhom rwol importanti, billi l-użu tagħhom, l-aktar fiż-żoni ta’ sigurezza madwar l-art ikkontaminata, huwa ta’ importanza kbira; billi għaldaqstant huwa ta’ interess ġenerali li jiġu ppubblikati minn żmien għal żmien listi ta’ dawn il-varjetajiet; Billi sabiex tiġi stabbilita l-presenza ta’ kontaminazzjoni u ta’ reżistenza tal-varjetajiet, jidher li hemm bżonn li jintużaw metodi xierqa li l-Istati Membri m’ għandhomx oġġezzjoni għalihom; ADOTTA DIN ID-DIRETTIVA: Artikolu 1 Din id-Direttiva tittratta l-miżuri minimi li għandhom jittieħdu fl-Istati Membri sabiex tiġi kkontrollata l-marda tal-ġlata fil-patata u sabiex din il-marda kriptogamika titwaqqaf milli tinfirex. Artikolu 2 1. Meta jiġi rrekordjat każ ta’ Synchytrium endobioticum (Schilb.) Perc., l-aġent patoġeniku tal-marda tal-Ġlata tal-Patata, L-Istati Membri għandhom jimmarkaw il-konfini taż-żona kkontaminata u dawk ta’ zona ta’ sigurezza kbira biżżejjed sabiex tiżgura l-ħarsien taż-żoni ta’ madwarha. 2. Biċċa art għandha titqies bħala kkontaminata meta jinstabu sintomi tal-marda tal-Ġlata tal-Patata fuq ta’ lanqas pjanta waħda f’dik il-biċċa art. Artikolu 3 L-Istati Membri għandhom jipprovdu li tuberi u zkuk tal-patata li jiġu minn biċċiet ta’ art ikkontaminati għandhom jiġu ttrattati b’mod li l-organiżmu ta’ ħsara jiġi meqrud. Jekk ma jibqax aktar possibli li jiġi stabbilit il-lok minn fejn it-tuberi u z-zkuk ikunu ġew, il-lott sħiħ fejn ikunu instabu t-tuberi jew iz-zkuk għandu jiġi ttrattat. Artikolu 4 L-Istati Membri għandhom jipprovdu li fuq il-biċċiet ta’ art ikkontaminati: (a) ma titkabbar ebda patata; (b) l-ebda pjanta maħsuba għat-traspjant ma tista’ titkabbar, tinħażen fl-art jew xort’oħra. Artikolu 5 1. L-Istati Membri għandhom jipprovdu li l-patata fiż-żona tas-sigurezza tista’ titkabbar biss jekk hija tal-varjeta li hija reżistenti għar-razzez tas-Synchytrium endobioticum li jinstabu fil-biċċa art ikkontaminata. 2. Varjeta ta’ patata għandha titqies reżistenti għal razza partikolari ta’ Synchytrium endobioticum meta hija tirrejaġixxi għall-kontaminazzjoni mill-aġent patoġeniku ta’ dik ir-razza b’mod li ma jkunx hemm perikolu ta’ infezzjoni sekondarja. Artikolu 6 L-Istati Membri għandhom jirrevokaw il-miżuri meħuda sabiex tiġi kkontrollata l-marda tal-Ġlata fil-Patata jew sabiex ma titħalliex tinfirex biss jekk is-Synchytrium endobioticum ma jinstabx aktar preżenti. Artikolu 7 L-Istati Membri għandhom jipprojbixxu ż-żamma ta’ kulturi ta’ Synchytrium endobioticum. Artikolu 8 L-Istati Membri jistgħu jawtorizzaw derogi mill-miżuri msemmija fl-Artikoli 3, 4, 5 u 7 għal raġunijiet xjentifiċi, testijiet u xogħol ta’ għażla b’dan illi dawk id-deogi ma jippreġudikawx il-kontroll tal-marda tal-Ġlata fil-Patata u sakemm ma joħolqux riskju li din il-marda tinfirex. Artikolu 9 L-Istati Membri jistgħu jadottaw dawk il-miżuri ulterjuri jew aktar ħarxa kif jista’ jkun hemm il-ħtieġa sabiex il-marda tal-Ġlata fil-Patata tiġi kkontrollata jew ma titħalliex tinfirex; Artikolu 10 1. L-Istati Membri għandhom jikkomunikaw lill-Kummissjoni qabel l-1 ta’ Jannar ta’ kull sena lista tal-varjetajiet kollha tal-patata li huma jaċċettaw fis-swieq tagħhom u li huma jkunu sabu, minn investigazzjoni uffiċjali li hija reżistenti għas-Synchytrium endobioticum. Huma għandhom jiddikjaraw ir-razzez li l-varjetajiet huma reżistenti għalihom. 2. Il-Kummissjoni għandha tiżgura li lista ta’ varjetajiet reżistenti, bbażata fuq il-komunikazzjonijiet mill-Istati Membri, tiġi ppubblikata kull sena, jekk jista’ jkun qabel l-1 ta’ Frar. Artikolu 11 L-Istati Membri għandhom jiżguraw li l-kontaminazzjoni mis-Synchytrium endobioticum u r-reżistenza tal-varjetajiet tal-patata għal dan l-organiżmu jiġu stabbiliti b’metodi xierqa li l-Istati Membri ma joġġezzjonawx għalihom. Artikolu 12 L-Istati Membri għandhom iġibu fis-seħħ il-miżuri meħtieġa sabiex jikkonformaw ma’ din id-Direttiva fi żmien sentejn wara li hija tiġi nnotifikata u għandhom minnufih jinfurmaw lill-Kummissjoni dwar dan. Artikolu 13 Din id-Direttiva hija indirizzata lill-Istati Membri. Magħmula fi Brussel, fit-8 ta’ Diċembru 1969. Għall-Kunsill Il-President J.M.A.H. Luns [1] ĠU Ċ 28, 17.2.1967, p. 454/67. --------------------------------------------------