9.10.2009

MT

Il-Ġurnal Uffiċjali tal-Unjoni Ewropea

L 265/34

---

DEĊIŻJONI Nru 1/2009 TAL-KUNSILL TA’ KOPERAZZJONI BEJN L-UE U L-AFRIKA T’ISFEL

tas-16 ta’ Settembru 2009

dwar l-emendament tal-Annessi IV u VI għall-Ftehim dwar il-Kummerċ, l-Iżvilupp u l-Kooperazzjoni bejn il-Komunità Ewropea u l-Istati Membri tagħha, min-naħa waħda, u r-Repubblika tal-Afrika t’Isfel, min-naħa l-oħra, dwar ċerti prodotti agrikoli

(2009/742/KE)

Il-KUNSILL TA’ KOPERAZZJONI BEJN L-UE U L-AFRIKA T’ISFEL,

Wara li kkunsidra l-Ftehim dwar il-Kummerċ, l-Iżvilupp u l-Kooperazzjoni bejn il-Komunità Ewropea u l-Istati Membri tagħha, min-naħa waħda, u r-Repubblika tal-Afrika t’Isfel, min-naħa l-oħra (1) (minn hawn ‘il quddiem, it-“TDCA”), iffirmat fi Pretorja fil-11 ta’ Ottubru 1999, u b’mod partikolari l-Artikolu 106(1) tiegħu,

Billi:

(1)	It-tifsira ta’ “gross weight” fil-kuntest tal-linji tariffarji inklużi taħt l-intestatura “Fruit, nuts and other edible parts of plants” fl-Anness IV, fil-lista 6, tad-TDCA, għandha tiġi ċċarata.

(2)	Ċerti ismijiet ta’ ġobnijiet taħt l-intestatura “Cheese and curd” fl-Anness IV tad-TDCA, li mhumiex denominazzjonijiet protetti tal-UE skont ir-Regolament (KE) Nru 510/2006 (2) għandhom jitħassru mil-Lista 8 u mdaħħlin fil-Lista 7 ta’ dak l-Anness.

(3)	L-Afrika t’Isfel għandha tiftaħ ċerti kwoti tar-rata tariffarja kif stabbilit fl-Anness VI, fil-lista 4, tad-TDCA, fir-rigward, inter alia, ta’ “Cheese and curd”.

(4)

Għal tliet kategoriji ta’ ġobnijiet, jiġifieri l-Gouda (li jikkorrispondi għall-Kodiċi Doganali tal-KE 0406 90 78), iċ-Cheddar (li jikkorrispondi għall-Kodiċi Doganali tal-KE 0406 90 21) u l-ġobon ipproċessat, mhux maħkuk jew trab (li jikkorrispondi għall-Kodiċi Doganali tal-KE 0406 30), elenkati fl-Anness VI, fil-lista 4, tad-TDCA, it-tnaqqis attwali ta’ 50 % fil-kwota, tan-Nazzjon l-Aktar Favorit (NAF), applikabbli fuq importazzjoni fl-Afrika t’Isfel ta’ prodotti b’oriġini mill-Komunità għandu jinbidel f’importazzjoni bi kwota mingħajr dazju.

(5)

Il-Komunità m’għandhiex tagħti rifużjonijiet għall-esportazzjoni ta’ dawn it-tliet kategoriji ta’ ġobon u m’għandhiex tagħti rifużjonijiet għall-esportazzjoni ta’ prodotti oħrajn tal-ġobon aktar mil-livelli applikabbli fis-16 ta’ Lulju 2004, sakemm l-Afrika t’Isfel timplimenta d-dazji doganali fil-kwota fuq l-importazzjoni fl-Afrika t’Isfel ta’ prodotti b’oriġini mill-Komunità. Fid-dawl tal-qagħda attwali tas-suq fis-settur tal-ħalib u l-prodotti tal-ħalib, mill-15 ta’ Ġunju 2007 m’humiex jingħataw rifużjonijiet għall-esportazzjoni ta’ prodotti tal-ġobon, kif jipprovdi r-Regolament (KE) Nru 660/2007 (3),

IDDEĊIEDA KIF ĠEJ:

Artikolu 1

Fl-Anness IV, fil-lista 6, tad-TDCA, fil-linji tariffarji inklużi taħt l-intestatura “Fruit, nuts and other edible parts of plants”, fil-kolonna tal-lemin, mal-abbrevjazzjoni “g.w.” tiżdied din in-nota tal-qiegħ:

Artikolu 2

1.   Fl-Anness IV, fil-lista 7, tad-TDCA, għandha tiddaħħal il-lista li ġejja dwar il-“Cheese and curd”:

2.   Fl-Anness IV, fil-lista 8, tad-TDCA, il-lista li tirrigwarda l-“Cheese and curd” għandha tinbidel b’din li ġejja:

Artikolu 3

1.   Fl-Anness VI, fil-lista 4, tad-TDCA, il-lista li tirrigwarda l-“Cheese and curd” għandha tinbidel b’din li ġejja:

2.   Il-Komunità ma għandhiex tapplika rifużjonijiet għall-esportazzjoni tal-Gouda, Cheddar u Ġobon ipproċessat lejn l-Afrika t’Isfel, li huma t-tliet kategoriji ta’ prodotti tal-ġobon li jaqgħu taħt il-Kodiċi NM 0406 90 21, 0406 90 78 u 0406 30.

3.   Mingħajr preġudiżżju għal aġġustamenti ta’ rati tal-kambju, għall-prodotti tal-ġobon li mhumiex imsemmija fil-paragrafu 2, il-Komunità ma għandhiex iżżid il-livelli ta’ rifużjonijiet għall-esportazzjoni li japplikaw għal esportazzjoni lejn l-Afrika t’Isfel aktar mil-livelli stabbiliti mir-Regolament tal-Kummissjoni (KE) Nru 1305/2004 tal-15 ta’ Lulju 2004 li jistabbilixxi r-rifużjonijiet għall-esportazzjoni fuq il-ħalib u l-prodotti tal-ħalib (4).

4.   Tnaqqis ulterjuri f’dazji doganali u rifużjonijiet għall-esportazzjoni fuq prodotti tal-ġobon għandu jkun soġġett għal negozjati skont l-Artikolu 17 tat-TDCA. Fil-każ tat-tnaqqis aċċellerat imsemmi fl-Artikolu 17 tat-TDCA, għandu jkun applikabbli proporzjon ta’ 1 għal 1.3 jiġifieri, it-tnaqqis ta’ EUR 1 fuq id-dazji doganali tal-Afrika t’Isfel għandu jimplika tnaqqis ta’ EUR 1,3 fuq ir-rifużjonijiet għall-esportazzjoni tal-KE.

5.   L-Afrika t’Isfel għandha tirrevoka l-miżuri kontra l-esportazzjoni tal-ġobon mill-KE u tiftaħ il-kwota globali tal-ġobon u l-baqta, prevista skont il-paragrafu 1, sa mhux aktar tard minn xahrejn mid-data tal-firma ta’ din id-deċiżjoni.

6.   L-Afrika t’Isfel għandha tippubblika notifika ta’ informazzjoni fil-Gazzetta tal-Gvern sa mhux aktar tard minn xahrejn mid-data tal-firma ta’ din id-deċiżjoni li tirrevoka l-miżuri kontra l-esportazzjoni tal-ġobon mill-KE lejn l-Afrika t’Isfel u l-ftuħ ta’ kwota globali għall-ġobon u l-baqta flimkien mal-modifiki rilevanti kif deskritti fil-paragrafu 1.

Artikolu 4

Iż-żewġ Partijiet qablu dwar is-sostituzzjoni tas-sistema attwali ta’ ġestjoni tal-kwoti tar-rata tariffarja tal-ġobon tal-Komunità u tal-Afrika t’Isfel b’sistema bbażata fuq il-prinċipju ta’ “jinqeda l-ewwel min jiġi l-ewwel”, li għandha tiġi implimentata mill-1 ta’ Lulju 2008 ’l quddiem.

Artikolu 5

Din id-Deċiżjoni għandha tidħol fis-seħħ fl-ewwel jum tat-tieni xahar wara l-iffirmar ta’ din id-Deċiżjoni.

---

(1)  ĠU L 311, 4.12.1999, p. 3.

(2)  Ir-Regolament tal-Kunsill (KE) Nru 510/2006 tal-20 ta’ Marzu 2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (ĠU L 93, 31.3.2006, p. 12).

(3)  Ir-Regolament tal-Kummissjoni (KE) Nru 660/2007 tal-14 ta’ Ġunju 2007 li jistabbilixxi r-rifużjonijiet għall-esportazzjoni fis-settur tal-ħalib u l-prodotti tal-ħalib (ĠU L 155, 15.6.2007, p. 26).

(*)  The annual growth factor (agf) shall be applied annually as from 2000 to the relevant basic quantities.”

(4)  ĠU L 244, 16.7.2004, p. 27.

---