32013R0724

This document is an excerpt from the EUR-Lex website

EUROPA
EUR-Lex home
Regolament - 724/2013 - EN - EUR-Lex

Help

Search tips

Need more search options? Use the Advanced search

Document 32013R0724

Help

Regolament tal-Kummissjoni (UE) Nru 724/2013 tas- 26 ta’ Lulju 2013 li jemenda r-Regolament (UE) Nru 231/2012 fir-rigward tal-ispeċifikazzjonijiet dwar diversi polioli Test b’relevanza għaż-ŻEE

ĠU L 202, 27.7.2013, pp. 11–16 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

Legal status of the document In force

ELI: http://data.europa.eu/eli/reg/2013/724/oj

HTML

PDF

Official Journal

27.7.2013

Il-Ġurnal Uffiċjali tal-Unjoni Ewropea

L 202/11

REGOLAMENT TAL-KUMMISSJONI (UE) Nru 724/2013

tas-26 ta’ Lulju 2013

li jemenda r-Regolament (UE) Nru 231/2012 fir-rigward tal-ispeċifikazzjonijiet dwar diversi polioli

(Test b’relevanza għaż-ŻEE)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (KE) Nru 1333/2008 tal-Parlament Ewropew u tal-Kunsill tas-16 ta’ Diċembru 2008 dwar l-addittivi tal-ikel (1), u b’mod partikolari l-Artikolu 14 tiegħu,

Wara li kkunsidrat ir-Regolament (KE) Nru 1331/2008 tal-Parlament Ewropew u tal-Kunsill tas-16 ta’ Diċembru 2008 li jistabbilixxi proċedura ta’ awtorizzazzjoni komuni għall-addittivi tal-ikel, l-enżimi tal-ikel u l-aromatizzanti tal-ikel (2), u b’mod partikolari l-Artikolu 7(5) tiegħu,

Billi:

(1)	Ir-Regolament tal-Kummissjoni (UE) Nru 231/2012 (3) jistabbilixxi speċifikazzjonijiet għall-addittivi tal-ikel elenkati fl-Annessi II u III tar-Regolament (KE) Nru 1333/2008.

(2)	Dawk l-ispeċifikazzjonijiet jistgħu jiġu aġġornati skont il-proċedura komuni msemmija fl-Artikolu 3(1) tar-Regolament (KE) Nru 1331/2008, jew b’inizjattiva tal-Kummissjoni, inkella wara talba.

(3)	Fid-29 ta’ Novembru 2011 tressqet applikazzjoni għall-emenda ta’ speċifikazzjonijiet li jikkonċernaw diversi polioli li sussegwentement saret disponibbli għall-Istati Membri.

(4)

Ir-Regolament (UE) Nru 231/2012 jistabbilixxi l-ispeċifikazzjonijiet għall-Mannitol (E 421 (i)) u l-Mannitol manifatturat bil-fermentazzjoni (E 421 (ii)). Sabiex tintlaħaq aktar ċarezza u koerenza, l-addittiv tal-ikel ‘Mannitol (E 421 (i))’ attwalment awtorizzat għandha jingħata l-isem ġdid ‘Mannitol mill-idroġenazzjoni’ u konsegwentement id-definizzjoni tiegħu għandha tinbidel. Għalhekk, l-ispeċifikazzjonijiet għal dak l-additiv tal-ikel għandha tiġi emendata.

(5)

Isomalt (E 953) huwa manifatturat fi proċess ta’ żewġ stadji li fih iz-zokkor huwa l-ewwel trasformat f’isomaltulożju u mbagħad idroġenat. Il-forma kristallina tinkiseb minn proċess ta’ tnixxif wara. Saret talba biex tiġi inkludi forma differenti ta’ isomalt, soluzzjonijiet ilmija ta’ isomalt, fl-ispeċifikazzjonijiet stabbiliti bir-Regolament (UE) Nru 231/2012. Il-forma proposta tikkonforma ma’ dawk l-ispeċifikazzjonijiet u hija disponibbli għall-użu kummerċjali. Dik il-forma ta’ isomalt tiffranka l-flus u l-ħin għall-industrija u konsegwentement hija ta’ interess, pereżempju, għad-dulċiera. Għaldaqstant, id-deskrizzjoni tal-Isomalt (E 953) fl-ispeċifikazzjonijiet għandha tiġi emendata.

(6)

L-ispeċifikazzjonijiet stabbiliti bir-Regolament (UE) Nru 231/2012 jipprovdu li wieħed mill-kriterji tal-purità għall-polioli huwa l-livell ta’ demineralizzazzjoni jew residwi minerali, ikkaratterizzata minn kloridi, sulfati u/jew irmied issulfat. L-istess poliolis jintużaw bħala eċċipjenti għall-prodotti farmaċewtiċi, u l-Farmakopea Ewropea adottat il-konduttività bħala l-metodu biex tevalwa l-livell ta’ demineralizzazzjoni tal-polioli. Permezz ta’ dan, porzjoni tripliċi (ta’ kloruri, sulfati u/jew irmied issulfat) ġiet sostitwita b’waħda biss, aktar sempliċi biex issir, kosteffikaċi u tagħmel inqas ħsara lill-ambjent. Għalhekk, l-ispeċifikazzjonijiet għandhom jiġu emendati għall-addittivi tal-ikel Sorbitol (E 420 (i)), xropp tas-Sorbitol (E 420 (ii)), Mannitol (E 421 (i)), Mannitol manifatturat bil-fermentazzjoni (E 421 (ii)), Isomalt (E 953), Maltitol (E 965 (i)), xropp tal-Maltitol (E 965 (ii)), Ksilitol (E 967) u Eritritol (E 968) billi jitħassru l-kriterji dwar kloruri, sulfati u rmied sulfatat u jiġu sostiwiti bikriterju uniku, il-konduttività.

(7)

Skont l-Artikolu 3(2) tar-Regolament (KE) Nru 1331/2008, il-Kummissjoni għandha tfittex l-opinjoni tal-Awtorità Ewropea dwar is-Sigurtà fl-Ikel sabiex taġġorna l-lista tal-Unjoni tal-addittivi tal-ikel, ħlief fejn l-aġġornament inkwistjoni x’aktarx ma jħallix effett fuq is-saħħa tal-bniedem. Billi l-aġġornamenti konċernati ma jħallux effett fuq is-saħħa tal-bniedem, mhux meħtieġ li tintalab l-opinjoni tal-Awtorità Ewropea dwar is-Sigurtà fl-Ikel.

(8)	Ir-Regolament (UE) Nru 231/2012 għalhekk għandu jiġi emendat skont dan.

(9)	Il-miżuri stipulati f’dan ir-Regolament huma skont l-opinjoni tal-Kumitat Permanenti dwar il-Katina Alimentari u s-Saħħa tal-Annimali, u la l-Parlament Ewropew u lanqas il-Kunsill ma opponewhom,

ADOTTAT DAN IR-REGOLAMENT:

Artikolu 1

L-Anness tar-Regolament (UE) Nru 231/2012 huwa emendat skont l-Anness ta’ dan ir-Regolament.

Artikolu 2

Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell, is-26 ta’ Lulju 2013.

Għall-Kummissjoni

Il-President

José Manuel BARROSO

(1) ĠU L 354, 31.12.2008, p. 16.

(2) ĠU L 354, 31.12.2008, p. 1.

(3) ĠU L 83, 22.3.2012, p. 1.

ANNESS

L-Anness tar-Regolament (UE) Nru 231/2012 huwa emendat kif ġej:

(1)

Fl-entrata għall-addittiv tal-ikel E 420 (i) Sorbitol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Kontenut tal-ilma	Mhux aktar minn 1,5 % (metodu Karl Fischer)
Konduttività	Mhux aktar minn 20 μS/ċm (fuq 20 % ta’ soluzzjoni ta’ solidi niexfa) f’temperatura ta’ 20 °C
Zokkrijiet li jirriduċu	Mhux aktar minn 0,3 % (espress bħala glukożju fuq bażi ta’ piż xott)
Zokkor totali	Mhux aktar minn 1 % (espress bħala glukożju fuq bażi ta’ piż xott)
Nikil	Mhux aktar minn 2 mg/kg (espress fuq bażi ta’ piż xott)
Arseniku	Mhux aktar minn 3 mg/kg (espress fuq bażi ta’ piż xott)
Ċomb	Mhux aktar minn 1 mg/kg (espress fuq bażi ta’ piż xott)”

(2)

Fl-entrata għall-addittiv tal-ikel E 420 (ii) xroppSorbitol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Kontenut tal-ilma	Mhux aktar minn 31 % (metodu Karl Fischer)
Konduttività	Mhux aktar minn 10 μS/cm (fuq il-prodott kif inhu) f’temperatura ta’ 20 °C
Zokkrijiet li jirriduċu	Mhux aktar minn 0,3 % (espress bħala glukożju fuq bażi ta’ piż xott)
Nikil	Mhux aktar minn 2 mg/kg (espress fuq bażi ta’ piż xott)
Arseniku	Mhux aktar minn 3 mg/kg (espress fuq bażi ta’ piż xott)
Ċomb	Mhux aktar minn 1 mg/kg (espress fuq bażi ta’ piż xott)”

(3)

L-entrata għall-addittiv tal-ikel E 421(i) Mannitol hija emendata kif ġej:

(a)	l-intestatura għandha tinbidel b’dan li ġej: “ E 421 (i).MANNITOL MILL-IDROĠENAZZJONI”

(b)

id-definizzjoni tinbidel b’dan li ġej:

“Definizzjoni

Immanifatturat bl-idroġenazzjoni katalitika ta’ soluzzjonijiet ta’ karboidrati li jkun fihom il-glukożju u/jew il-fruttożju

Il-prodott fih minimu ta’ 96 % mannitol. Il-parti tal-prodott li mhux mannitol magħmula prinċipalment minn sorbitol (2 % mass.), maltitol (2 % mass.) u isomalt (deidrat ta’ mannitol-1,1 GPM (1-O-alfa-D-Glukopiranosil-D-): 2 % mass. u 1,6 GPS (6-O-alfa-D-Glukopiranosil-D-Sorbitol): 2 % mass.). L-impuritajiet mhux speċifikati ma għandhomx jirrappreżentaw iktar minn 0,1 % kull wieħed.”

(c)

l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Kontenut tal-ilma	Mhux aktar minn 0,5 % (metodu Karl Fischer)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
Zokkrijiet li jirriduċu	Mhux aktar minn 0,3 % (espressi bħala glukożju)
Zokkor totali	Mhux aktar minn 1 % (espressi bħala glukożju)
Nikil	Mhux iktar minn 2 mg/kg
Ċomb	Mhux aktar minn 1 mg/kg”

(4)

Fl-entrata għall-addittiv tal-ikel E 421(ii) mannitol manifatturat bil-fermentazzjoni l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Arabitol	Mhux iktar minn 0,3 %
Kontenut tal-ilma	Mhux aktar minn 0,5 % (metodu Karl Fischer)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
Zokkrijiet li jirriduċu	Mhux aktar minn 0,3 % (espressi bħala glukożju)
Zokkor totali	Mhux aktar minn 1 % (espressi bħala glukożju)
Ċomb	Mhux aktar minn 1 mg/kg”

(5)

L-entrata għall-addittiv tal-ikel E 953 Isomalt hija emendata kif ġej:

(a)

l-ispeċifikazzjoni fir-rigward id-deskrizzjoni hija sostitwita b’dan li ġej:

“Deskrizzjoni

Mingħajr riħa, abjad, kemmxejn igroskopiku, massa kristallina jew ilmija b’konċentrazzjoni minima ta’ 60 %”

(b)

l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Kontenut tal-ilma	Mhux aktar minn 7 % għall-prodott solidu (metodu Karl Fischer)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
D-Mannitol	Mhux iktar minn 3 %
D-Sorbitol	Mhux iktar minn 6 %
Zokkrijiet li jirriduċu	Mhux aktar minn 0,3 % (espress bħala glukożju fuq bażi ta’ piż xott)
Nikil	Mhux aktar minn 2 mg/kg (espress fuq bażi ta’ piż xott)
Arseniku	Mhux aktar minn 3 mg/kg (espress fuq bażi ta’ piż xott)
Ċomb	Mhux aktar minn 1 mg/kg (espress fuq bażi ta’ piż xott)”

(6)

Fl-entrata għall-addittiv tal-ikel E 965 (i) Maltitol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Dehra tas-soluzzjoni ilmija	Is-soluzzjoni tkun trasparenti u bla kulur
Kontenut tal-ilma	Mhux aktar minn 1 % (metodu Karl Fischer)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
Zokkrijiet li jirriduċu	Mhux aktar minn 0,1 % (espress bħala glukożju fuq bażi anidruża)
Nikil	Mhux aktar minn 2 mg/kg (espress fuq bażi anidruża)
Arseniku	Mhux aktar minn 3 mg/kg (espress fuq bażi anidruża)
Ċomb	Mhux aktar minn 1 mg/kg (espress fuq bażi anidruża)”

(7)

Fl-entrata għall-addittiv tal-ikel E 965 (ii) xropp tal-Maltitol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Dehra tas-soluzzjoni ilmija	Is-soluzzjoni tkun trasparenti u bla kulur
Kontenut tal-ilma	Mhux aktar minn 31 % (metodu Karl Fischer)
Konduttività	Mhux aktar minn 10 μS/cm (fuq il-prodott kif inhu) f’temperatura ta’ 20 °C
Zokkrijiet li jirriduċu	Mhux aktar minn 0,3 % (espress bħala glukożju fuq bażi anidruża)
Nikil	Mhux iktar minn 2 mg/kg
Ċomb	Mhux aktar minn 1 mg/kg”

(8)

Fl-entrata għall-addittiv tal-ikel E 967 Ksilitol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Kontenut tal-ilma	Mhux aktar minn 1 % (metodu Karl Fischer)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
Zokkrijiet li jirriduċu	Mhux aktar minn 0,2 % (espress bħala glukożju fuq bażi ta’ piż xott)
Alkoħoli polidriċi oħrajn	Mhux aktar minn 1 % (espress fuq bażi ta’ piż xott)
Nikil	Mhux aktar minn 2 mg/kg (espress fuq bażi ta’ piż xott)
Arseniku	Mhux aktar minn 3 mg/kg (espress fuq bażi ta’ piż xott)
Ċomb	Mhux aktar minn 1 mg/kg (espress fuq bażi ta’ piż xott)”

(9)

Fl-entrata għall-addittiv tal-ikel E 968 Eritritol, l-ispeċifikazzjonijiet fir-rigward tal-purità huma sostitwiti b’dan li ġej:

“Purità
Telf fit-tnixxif	Mhux aktar minn 0,2 % (70 °C, 6 sigħat, f’dessikatur b’vakum)
Konduttività	Mhux aktar minn 20 μS/ċm (fuq 20 % ta’ solidi niexfa soluzzjoni) f’temperatura ta’ 20 °C
Sustanzi li jirriduċu	Mhux aktar minn 0,3 % espress bħala D-glukożju
Ribitol u gliċerol	Mhux iktar minn 0,1 %
Ċomb	Mhux aktar minn 0,5 mg/kg”

Top

Choose the experimental features you want to try