Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 32013R0273

Regolament ta’ Implimentazzjoni tal-Kummissjoni (UE) Nru 273/2013 tad- 19 ta’ Marzu 2013 dwar il-klassifikazzjoni ta’ ċerti prodotti fin-Nomenklatura Magħquda

OJ L 84, 23.3.2013, p. 1–4 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
Special edition in Croatian: Chapter 02 Volume 024 P. 79 - 82

Legal status of the document In force

ELI: http://data.europa.eu/eli/reg_impl/2013/273/oj

23.3.2013   

MT

Il-Ġurnal Uffiċjali tal-Unjoni Ewropea

L 84/1

REGOLAMENT TA’ IMPLIMENTAZZJONI TAL-KUMMISSJONI (UE) Nru 273/2013

tad-19 ta’ Marzu 2013

dwar il-klassifikazzjoni ta’ ċerti prodotti fin-Nomenklatura Magħquda

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni (1), u speċjalment Artikolu 9(1)(a) tiegħu,

Billi:

(1)

Sabiex tiġi żgurata l-applikazzjoni uniformi tan-Nomenklatura Magħquda annessa mar-Regolament (KEE) Nru 2658/87, huwa neċessarju li jiġu adottati miżuri li jikkonċernaw il-klassifikazzjoni tal-oġġetti msemmija fl-Anness ta’ dan ir-Regolament.

(2)

Ir-Regolament (KEE) Nru 2658/87 stabbilixxa r-regoli ġenerali għall-interpretazzjoni tan-Nomenklatura Magħquda. Dawn ir-regoli japplikaw ukoll għal kwalunkwe nomenklatura oħra li hija totalment jew parzjalment ibbażata fuqha jew li żżid xi suddiviżjoni addizzjonali magħha u li hija stabbilita minn dispożizzjonijiet tal-Unjoni speċifiċi, bl-għan li jkun hemm l-applikazzjoni ta’ tariffi u ta’ miżuri oħra relatati mal-kummerċ tal-prodotti.

(3)

Skont dawn ir-regoli ġenerali, il-prodotti deskritti fil-kolonna (1) tat-tabella li tinsab fl-Anness għandhom jiġu kklassifikati taħt il-kodiċi NM indikat fil-kolonna (2), minħabba r-raġunijiet stabbiliti fil-kolonna (3) ta’ din it-tabella.

(4)

Huwa xieraq li jkun stipulat li informazzjoni vinkolanti dwar it-tariffa li nħarġet mill-awtoritajiet doganali tal-Istati Membri rigward il-klassifikazzjoni ta’ oġġetti fin-Nomenklatura Magħquda, iżda li mhijiex skont dan ir-Regolament, tkun tista’, għal perjodu ta’ tliet xhur, tibqa’ tiġi invokata mid-detentur, skont l-Artikolu 12(6) tar-Regolament tal-Kunsill (KEE) Nru 2913/92 tat-12 ta’ Ottubru 1992 li jistabbilixxi l-Kodiċi Doganali tal-Komunità (2).

(5)

Il-miżuri previsti f’dan ir-Regolament huma skont l-opinjoni tal-Kumitat tal-Kodiċi Doganali,

ADOTTAT DAN IR-REGOLAMENT:

Artikolu 1

L-oġġetti deskritti fil-kolonna (1) tat-tabella li tinsab fl-Anness għandhom ikunu kklassifikati fin-Nomenklatura Magħquda taħt il-kodiċi NM indikat fil-kolonna (2) ta’ dik it-tabella.

Artikolu 2

Informazzjoni vinkolanti dwar it-tariffa, maħruġa mill-awtoritajiet doganali tal-Istati Membri, li mhijiex skont dan ir-Regolament, tista’ tkompli tkun invokata għal perjodu ta’ tliet xhur skont l-Artikolu 12(6) tar-Regolament (KEE) Nru 2913/92.

Artikolu 3

Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament jorbot fl-intier tiegħu u japplika direttament fl-Istati Membri kollha.

Magħmul fi Brussell, id-19 ta’ Marzu 2013.

Għall-Kummissjoni, F'isem il-President,

Algirdas ŠEMETA

Membru tal-Kummissjoni

(1)  ĠU L 256, 7.9.1987, p. 1 (Edizzjoni Speċjali bil-Malti: Kapitolu 02 Volum 02, p. 382-386).

(2)  ĠU L 302, 19.10.1992, p. 1 (Edizzjoni Speċjali bil-Malti: Kapitolu 02 Volum 04, p. 307-356).

ANNESS

Deskrizzjoni tal-prodotti

Klassifikazzjoni

(Kodiċi NM)

Raġunijiet

(1)

(2)

(3)

1.

Apparat elettroniku (hekk imsejjaħ “analizzatur tal-kompożizzjoni tal-ġisem” li jinkorpora panil ta’ indikazzjoni bid-dimensjonijiet ta’ madwar 30 × 30 × 4 ċm, li fih il-komponenti li ġejjin:

—

għall-użin: dinamometru (load cell) u hardwer biex jipproċessaw u juru l-piż;

—

għall-kejl: 2 elettrodi fuq il-wiċċ ta’ fuq tal-miżien, buttuni tal-kontroll u hardwer biex jipproċessaw u jindikaw il-qisien.

Permezz taż-2 elettrodi f’kuntatt mas-saqajn, l-apparat jibgħat kurrenti elettriċi li, bl-użu ta’ karatteristiċi ta’ bioimpedenza, jippermettu lill-apparat jiddetermina, pereżempju, il-persentaġġ ta’ xaħam fil-ġisem, il-persentaġġ ta’ muskolu, il-massa tal-għadam, u l-ilma fil-ġisem.

L-apparat jista wkoll jintuża bħala miżien biss.

L-apparat jista’ jaħżen id-dejta għal 10 utenti. Dan jesebixxi valuri minn żewġ qisien għal kull utent.

L-apparat huwa mfassal għall-użu domestiku.

8423 10 90

Il-klassifikazzjoni hija ddeterminata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda, u mit-test tal-kodiċijiet tan-NM 8423 , 8423 10  u 8423 10 90 .

L-apparat huwa oġġett kompost li jikkonsisti minn komponenti klassifikati fil-Kapitolu 84 u l-Kapitolu 90. Bis-saħħa tar-Regola Ġenerali 3(b) għandu jkun ikklassifikat daqslikieku kien jikkonsisti mill-komponent li jagħti lill-apparat il-karatteristika essenzjali tiegħu.

Minħabba l-karatteristiċi oġġettivi tiegħu, jiġifieri s-sistema ta’ kejl b’2 elettrodi biss, jitqies li huwa l-komponent li jiżen li jagħti lill-apparat il-karattru essenzjali tiegħu.

Għalhekk l-apparat għandu jiġi kklassifikat taħt il-kodiċi NM 8423 10 90 bħala magna personali tal-użin.

2.

Apparat elettroniku (hekk imsejjaħ “analizzatur tal-kompożizzjoni tal-ġisem”) f’forma ta’ miżien personali li jinkorpora panil ta’ indikazzjoni bil-qisien ta’madwar 36 × 32 × 6 ċm, li jinkludi l-komponenti ewlenin li ġejjin:

—

għall-użin: dinamometru (load cell) u hardwer biex jipproċessaw u juru l-piż;

—

għall-kejl: bar tal-idejn li tinqala’ b’4 elettrodi, 4 elettrodi fil-wiċċ ta’ fuq tal-miżien„ buttuni tal-kontroll u hardwer biex jipproċessaw u juru l-qisien.

Permezz tas-sistema tat-tmin elettrodi mqiegħda fl-idejn u taħt is-saqajn, l-apparat jibgħat kurrenti elettriċi bi frekwenza multiplika f’qisien li, bl-użu ta’ karatteristiċi ta’ bioimpedanza, jippermettu lill-apparat jiddetermina, pereżempju, il-persentaġġ ta’ xaħam fil-ġisem, il-massa ta’ xaħam fil-ġisem, l-Indiċi ta’ Massa tal-Ġisem (BMI), il-massa ta’ muskoli skeletali, l-ilma tal-ġisem.

L-apparat jista’ jew jintuża minn professjonisti tas-saħħa fid-dijanjożi tal-piż żejjed jew minn utenti oħra biex jipprovdu informazzjoni dwar il-fiżika tagħhom, jew biex jivverifikaw jew itejbuha għal għanijiet ta’ sport jew ta’ dehra fiżika.

L-apparat jista wkoll jintuża bħala miżien biss.

L-apparat jista’ jaħżen id-dejta għal 99 utent u 300 qies. Id-dejta tista’ tiġi ttrasferita għal magna awtomatika għall-ipproċessar tad-dejta bl-użu ta’ stikka ta’ memorja USB.

9031 80 38

Il-klassifikazzjoni hija ddeterminata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda, u mit-test tal-kodiċijiet tan-NM 9031 , 9031 80  u 9031 80 38 .

Il-klassifikazzjoni taħt l-intestatura 9018 bħala strument jew tagħmir mediku hija eskluża peress li l-apparat ġeneralment ma jintużax fil-prattika professjonali (ara l-ewwel paragrafu tan-Noti Spjegattivi tas-SA mal-intestatura 9018 ).

L-apparat huwa oġġett kompost li jikkonsisti minn komponenti klassifikati fil-Kapitolu 84 u l-Kapitolu 90. Bis-saħħa tar-Regola Ġenerali 3(b) għandu jkun ikklassifikat daqslikieku kien jikkonsisti mill-komponent li jagħti lill-apparat il-karatteristika essenzjali tiegħu.

Minħabba l-karatteristiċi oġġettivi tiegħu, jiġifieri t-teknoloġija tal-kejl użata, għandu jitqies li l-komponent li jkejjel jagħti lill-apparat il-karattru essenzjali tiegħu.

Għalhekk l-apparat għandu jiġi kklassifikat taħt il-kodiċi NM 9031 80 38 bħal strumenti elettroniċi oħra ta’ kejl.

3.

Apparat elettroniku (l-hekk imsejjaħ “analizzatur tal-kompożizzjoni tal-ġisem”) b’bażi ta’ użin u kolonna li fuqha tinsab bord ta’ kontroll li tinkorpora panil ta’ indikazzjoni b’dimensjonijiet ta’ madwar 120 × 87 × 52 ċm, li jinkludi l-komponenti ewlenin li ġejjin:

—

għall-użin: dinamometru (load cell) u hardwer għall-ipproċessar u li jindika l-piż;

—

għall-kejl: 2 bars tal-idejn li jinqalgħu b’2 elettrodi kull wieħed, 4 elettrodi fil-wiċċ ta’ fuq tal-miżien, buttuni tal-kontroll u hardwer biex jipproċessaw u juru l-qisien.

Permezz tas-sistema tattili ta’ elettrodi bi 8 punti mqiegħda fl-idejn u taħt is-saqajn, l-apparat jibgħat kurrenti elettriċi b’kejl ta’ frekwenza multiplika li, bl-użu ta’ karatteristiċi ta’ bioimpedanza, tippermetti l-apparat jiddetermina, pereżempju, l-ilma intraċellolari, l-ilma estraċellolari, il-massa ta’ proteina, il-massa ta’ minerali, il-massa ta’ xaħam fil-ġisem, it-total ta’ ilma fil-ġisem, il-massa ħielsa mix-xaħam, l-Indiċi ta’ Massa tal-Ġisem, (BMI), il-massa ta’ muskoli skeletali.

L-apparat huwa mgħammar bil-konnetturi li ġejjin:

—

RJ45,

—

USB,

—

RS232,

—

25 pin D-sub.

L-apparat jista’ jew jintuża minn professjonisti tas-saħħa fid-dijanjożi tal-piż żejjed jew minn utenti oħra biex jipprovdu informazzjoni dwar il-fiżika tagħhom, jew biex jivverifikaw jew itejbuha għal għanijiet ta’ sport jew ta’ dehra fiżika.

L-apparat jista’ jitqabbad ma’ magna awtomatika li tipproċessa d-dejta jew ma’ printer.

9031 80 38

Il-klassifikazzjoni hija ddeterminata mir-Regoli Ġenerali 1, 3(b) u 6 għall-interpretazzjoni tan-Nomenklatura Magħquda, u mit-test tal-kodiċijiet tan-NM 9031 , 9031 80  u 9031 80 38 .

Il-klassifikazzjoni taħt l-intestatura 9018 bħala strument jew tagħmir mediku hija eskluża peress li l-apparat ġeneralment ma jintużax fil-prattika professjonali (ara l-ewwel paragrafu tan-Noti Spjegattivi tas-SA mal-intestatura 9018 ).

L-apparat huwa oġġett kompost li jikkonsisti minn komponenti klassifikati fil-Kapitolu 84 u l-Kapitolu 90. Bis-saħħa tar-Regola Ġenerali 3(b) għandu jkun ikklassifikat daqslikieku kien jikkonsisti mill-komponent li jagħti lill-apparat il-karatteristika essenzjali tiegħu.

Minħabba l-karatteristiċi oġġettivi tiegħu, jiġifieri t-teknoloġija tal-kejl użata, għandu jitqies li l-komponent li jkejjel jagħti lill-apparat il-karattru essenzjali tiegħu.

Għalhekk l-apparat għandu jiġi kklassifikat taħt il-kodiċi NM 9031 80 38 bħal strumenti elettroniċi oħra ta’ kejl.
Top