EUR-Lex Access to European Union law
This document is an excerpt from the EUR-Lex website
Document 22011D0117
Decision of the EEA Joint Committee No 117/2011 of 21 October 2011 amending Annex IX (Financial services) to the EEA Agreement
Deċiżjoni tal-Kumitat Konġunt taż-ŻEE Nru 117/2011 tal- 21 ta’ Ottubru 2011 li temenda l-Anness IX (Servizzi Finanzjarji) tal-Ftehim dwar iż-ŻEE
Deċiżjoni tal-Kumitat Konġunt taż-ŻEE Nru 117/2011 tal- 21 ta’ Ottubru 2011 li temenda l-Anness IX (Servizzi Finanzjarji) tal-Ftehim dwar iż-ŻEE
ĠU L 341, 22.12.2011, p. 81–82
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV) Dan id-dokument ġie ppubblikat f’edizzjoni(jiet) speċjali
(HR)
In force
22.12.2011 |
MT |
Il-Ġurnal Uffiċjali tal-Unjoni Ewropea |
L 341/81 |
DEĊIŻJONI TAL-KUMITAT KONĠUNT TAŻ-ŻEE
Nru 117/2011
tal-21 ta’ Ottubru 2011
li temenda l-Anness IX (Servizzi Finanzjarji) tal-Ftehim dwar iż-ŻEE
IL-KUMITAT KONĠUNT TAŻ-ŻEE,
Wara li kkunsidra l-Ftehim dwar iż-Żona Ekonomika Ewropea, kif emendat permezz tal-Protokoll li jaġġusta l-Ftehim dwar iż-Żona Ekonomika Ewropea, minn hawn ’il quddiem imsejjaħ “il-Ftehim”, u b’mod partikolari l-Artikolu 98 tiegħu,
Billi:
(1) |
l-Anness IX tal-Ftehim kien emendat bid-Deċiżjoni tal-Kumitat Konġunt taż-ŻEE Nru 78/2011 tal-1 ta’ Lulju 2011 (1). |
(2) |
Id-Direttiva 2009/103/KE tal-Parlament Ewropew u tal-Kunsill tas-16 ta’ Settembru 2009 dwar l-assigurazzjoni kontra responsabbiltà ċivili fir-rigward tal-użu ta’ vetturi bil-mutur u l-infurzar tal-obbligu ta’ assigurazzjoni kontra din ir-responsabbiltà (2) għandha tiġi inkorporata fil-Ftehim. |
(3) |
Id-Direttiva 2009/103/KE tħassar id-Direttivi tal-Kunsill 72/166/KEE (3), 84/5/KEE (4), 90/232/KEE (5) u d-Direttivi 2000/26/KE (6) u 2005/14/KE (7) tal-Parlament Ewopew u tal-Kunsill, li huma inkorporati fil-Ftehim u konsegwentement għandhom jiġu mħassra taħt il-Ftehim, ħlief għal dawk id-dispożizzjonijiet tad-Direttivi 2000/26/KE u 2005/14/KE li jemendaw id-Direttivi tal-Kunsill 73/239/KEE (8) u 88/357/KEE (9), li se jiġu mħassra taħt il-Ftehim bid-Deċiżjoni tal-Kumitat Konġunt taż-ŻEE li tinkorpora d-Direttiva 2009/138/KE tal-Parlament Ewropew u tal-Kunsill (10) fil-Ftehim. |
(4) |
L-adattament attwali taż-ŻEE għad-Direttiva 2000/26/KE għandu jinżamm fir-rigward tad-Direttiva 2009/103/KE, |
ADOTTA DIN ID-DEĊIŻJONI:
Artikolu 1
L-Anness IX tal-Ftehim għandu jiġi emendat kif ġej:
1. |
It-test fil-punt 8 (id-Direttiva tal-Kunsill 72/166/KEE) għandu jiġi sostitwit b’dan li ġej: “32009 L 0103: Id-Direttiva 2009/103/KE tal-Parlament Ewropew u tal-Kunsill tas-16 ta’ Settembru 2009 dwar l-assigurazzjoni kontra responsabbiltà ċivili fir-rigward tal-użu ta’ vetturi bil-mutur u l-infurzar tal-obbligu ta’ assigurazzjoni kontra din ir-responsabbiltà (ĠU L 263, 7.10.2009, p. 11) Id-dispożizzjonijiet tad-Direttiva għandhom, għall-finijiet ta’ dan il-Ftehim, jinqraw bl-adattament li ġej: L-Artikolu 21(6) għandu jinqara kif ġej: ‘Il-ħatra ta’ rappreżentant għall-pretensjonijiet ma għandhiex fiha nnifisha tikkostitwixxi l-ftuħ ta’ fergħa fis-sens tat-tifsira tal-Artikolu 1(b) tad-Direttiva 92/49/KEE u r-rappreżentant għall-pretensjonijiet ma għandux jitqies bħala stabbiliment fis-sens tat-tifsira tal-Artikolu 2(c) tad-Direttiva 88/357/KEE.’ ” |
2. |
It-test tal-punti 9 (it-Tieni Direttiva tal-Kunsill 84/5/KEE), 10 (it-Tielet Direttiva tal-Kunsill 90/232/KEE) u 10a (id-Direttiva 2000/26/KE tal-Parlament Ewropew u tal-Kunsill) għandu jitħassar. |
Artikolu 2
It-testi tad-Direttiva 2009/103/KE bil-lingwa Islandiża u dik Norveġiża, li għandhom ikunu ppubblikati fis-Suppliment taż-ŻEE ta’ Il-Ġurnal Uffiċjali tal-Unjoni Ewropea, għandhom ikunu awtentiċi.
Artikolu 3
Din id-Deċiżjoni għandha tidħol fis-seħħ fl-1 ta’ Novembru 2011, sakemm in-notifiki kollha taħt l-Artikolu 103(1) tal-Ftehim ikunu saru lill-Kumitat Konġunt taż-ŻEE (*).
Artikolu 4
Din id-Deċiżjoni għandha tiġi ppubblikata fis-Sezzjoni taż-ŻEE, u fis-Suppliment taż-ŻEE, ta’ Il-Ġurnal Uffiċjali tal-Unjoni Ewropea.
Magħmul fi Brussell, il-21 ta’ Ottubru 2011.
Għall-Kumitat Konġunt taż-ŻEE
Il-President
Kurt JÄGER
(1) ĠU L 262, 6.10.2011, p. 45.
(2) ĠU L 263, 7.10.2009, p. 11.
(5) ĠU L 129, 19.5.1990, p. 33.
(6) ĠU L 181, 20.7.2000, p. 65.
(7) ĠU L 149, 11.6.2005, p. 14.
(8) ĠU L 228, 16.8.1973, p. 3.
(10) ĠU L 335, 17.12.2009, p. 1.
(*) L-ebda rekwiżiti kostituzzjonali ma huma indikati.