14.5.2016   

MT

Il-Ġurnal Uffiċjali tal-Unjoni Ewropea

L 126/77

(1)

Minn meta ġiet adottata d-Deċiżjoni ta' Implimentazzjoni tal-Kummissjoni (UE) 2015/789 (2), sa Frar tal-2016, l-Italja lill-Kummissjoni rrappurtatilha bosta tifqigħat ta' Xylella fastidiosa (Wells et al.) (li minn hawn 'il quddiem tidher bħala “l-organiżmu speċifikat”) fiż-żona ta' madwar il-provinċja ta' Lecce. Dawn it-tifqigħat seħħu f'għadd kbir ta' muniċipji li jinsabu fil-provinċji ta' Taranto u Brindisi. Barra minn hekk, l-aħħar awditu li wettqet il-Kummissjoni f'Novembru tal-2015 ikkonferma li l-attivitajiet ta' stħarriġ meħtieġa mid-Deċiżjoni ta' Implimentazzjoni (UE) 2015/789 twettqu biss b'mod limitat ħafna fiż-żona ta' madwar il-provinċja ta' Lecce (fir-reġjun ta' Apulia fl-Italja). L-awditu kkonferma wkoll li l-programm attwali ta' stħarriġ xorta waħda ma jiżgurax li jinsabu kmieni t-tifqigħat ġodda, jew li jinsab b'mod eżatt kemm ikun infirex fiż-żona l-organiżmu speċifikat.

(2)

L-aħħar awditu kkonferma r-riskju li l-organiżmu speċifikat jinfirex mal-kumplament taż-żona kkonċernata. Għaldaqstant, u minħabba d-daqs ta' din iż-żona, jixraq li titkabbar iż-żona meqjusa bħala infettata biex ikunu jistgħu japplikaw il-miżuri ta' trażżin 'il barra mil-limiti tal-provinċja ta' Lecce, u biex il-ġarr ta' pjanti speċifiċi 'l barra minn dik iż-żona jkun permess biss taħt kundizzjonijiet stretti. Dan it-tkabbir għandu jsir mingħajr dewmien, meta wieħed iqis li r-riskju li jinxtered iżjed l-organiżmu speċifikat fil-kumplament tat-territorju tal-Unjoni jiżdied mal-bidu tal-istaġun meta jibdew itiru l-insetti li jġorruh. Għalhekk, iż-żona meqjusa bħala infettata għandha titkabbar biex tkopri lil dawk il-muniċipji, jew partijiet minn ċerti muniċipji, fil-provinċji ta' Brindisi u Taranto fejn diġà kien hemm tifqigħat tal-organiżmu speċifikat, jew fejn x'aktarx l-organiżmu diġà nfirex u stabbilixxa ruħhu. Madankollu, iż-żona meqjusa bħala infettata ma għandhiex tinkludi ż-żona li l-Italja diġà ddikjaratha ħielsa mill-organiżmu speċifikat qabel l-adozzjoni ta' din id-Deċiżjoni.

(3)

Għall-finijiet ta' ċertezza legali, għandu jiġi emendat il-kliem fil-punt (c) tal-Artikolu 7(2) biex ikun ċar li l-miżuri li għandhom jittieħdu skont dak l-Artikolu japplikaw biss fiż-żona meqjusa bħala infettata, u mhux barra minn din iż-żona.

(4)

Biex ikun żgurat ħarsien effikaċi mill-organiżmu speċifikat tal-kumplament tat-territorju tal-Unjoni, u billi tkabbret iż-żona ta' trażżin, jixraq li ż-żona ta' sorveljanza tiġi ssostitwita b'rekwiżiti ġodda għall-istħarriġ f'dik iż-żona ta' trażżin. Dawn ir-rekwiżiti għandhom japplikaw fuq żona wiesgħa 20 km mil-limiti taż-żona ta' protezzjoni u li tibqa' dieħla fiż-żona ta' trażżin, u fiż-żona ta' protezzjoni ta' 10 km.

(5)

Mill-adozzjoni tad-Deċiżjoni ta' Implimentazzjoni (UE) 2015/789, l-esperjenza wriet li billi l-organiżmu speċifikat diġà jkun stabbilit fiż-żoni infettati, huwa sproporzjonat li wieħed japplika l-istess rekwiżiti meħtieġa għall-ġarr tal-pjanti speċifikati fiż-żoni ta' protezzjoni għall-ġarr ta' pjanti speċifikati minn żona infettata għal oħra.

(6)

Mill-adozzjoni tad-Deċiżjoni ta' Implimentazzjoni (UE) 2015/789, l-esperjenza kkonfermat li l-pjanti speċifikati li jitkabbru in vitro f'kundizzjonijiet sterili tul iċ-ċiklu ta' produzzjoni tagħhom, ma jikkostitwixxux riskju tat-tixrid tal-organiżmu speċifikat, billi dak it-tip ta' tkabbir jelimina r-riskju tal-infezzjoni billi jipprekludi l-possibbiltà ta' kuntatt mal-vetturi tal-organiżmu speċifikat. Għaldaqstant jixraq li jkun permess, taħt ċerti kundizzjonijiet, il-ġarr ta' dawk il-pjanti speċifikati fl-Unjoni, u l-introduzzjoni tagħhom fl-Unjoni.

(7)

Mill-adozzjoni tad-Deċiżjoni ta' Implimentazzjoni (UE) 2015/789, l-esperjenza tal-kontrolli uffiċjali wriet li rigward il-kontrolli uffiċjali mal-introduzzjoni fl-Unjoni tal-pjanti speċifikati li joriġinaw minn żoni li jkunu ħielsa mill-organiżmu speċifikat, dawn għandhom ikunu soġġetti għall-istess rekwiżiti bħall-pjanti speċifikati li joriġinaw minn pajjiżi terzi fejn ma jeżistix l-organiżmu speċifikat.

(8)

L-Anness I għandu jiġi emendat biex ikun jinkludi l-ispeċijiet kollha tal-pjanti li, mill-adozzjoni tad-Deċiżjoni ta' Implimentazzjoni tal-Kummissjoni (UE) 2015/2417 (3) ġew identifikati mill-Kummissjoni bħala pjanti speċifikati.

(9)

Il-miżuri previsti f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

1.

Fl-Artikolu 4(2), it-tielet sottoparagrafu huwa sostitwit b'dan li ġej:

“Rigward il-preżenza tal-organiżmu speċifikat fil-provinċja ta' Lecce u fil-muniċipji elenkati fl-Anness II, iż-żona infettata għandha tinkludi għallinqas dawk il-muniċipji, jew, skont kif japplika, l-irqajja' tal-art irreġistrati (“Fogli”) taħt dawk il-muniċipji.”

2.

L-Artikolu 7 huwa emendat kif ġej:

3.

Jitħassar l-Artikolu 8.

4.

Fl-Artikolu 9, il-paragrafu 1 huwa ssostitwit b'li ġej:

“1.   Dan l-Artikolu għandu japplika għall-pjanti speċifikati li ma jkunux tkabbru in vitro tul iċ-ċiklu kollu tal-produzzjoni.

Il-ġarr tal-pjanti speċifikati li jkunu tkabbru għal mill-inqas parti minn ħajjithom f'żona demarkata stabbilita skont l-Artikolu 4, barra miż-żoni demarkati għal ġo ż-żoni ta' protezzjoni rispettivi, għandu jiġi pprojbit.”

5.

Jiddaħħal l-Artikolu 9a li ġej:

“Artikolu 9a

Il-ġarr fl-Unjoni tal-pjanti speċifikati li jkunu tkabbru in vitro

1.   Il-pjanti speċifikati li jkunu tkabbru in vitro tul iċ-ċiklu tal-produzzjoni, u għal mill-inqas parti minn ħajjithom f'żona demarkata stabbilita skont l-Artikolu 4, jistgħu jinħarġu miż-żoni demarkati, u miż-żoni infettati għal ġo ż-żoni ta' protezzjoni rispettivi biss jekk ikunu ssodisfati l-kundizzjonijiet stipulati fil-paragrafi 2 sa 5.

2.   Il-pjanti speċifikati msemmijin fil-paragrafu 1 tkabbru f'lok fejn il-kundizzjonijiet li ġejjin ġew issodisfati kollha:

3.   Il-pjanti speċifikati msemmijin fil-paragrafu 1 tkabbru f'kontenitur trasparenti f'kundizzjonijiet sterili u jissodisfaw waħda mill-kundizzjonijiet li ġejjin:

4.   Il-pjanti speċifikati msemmijin fil-paragrafu 1 għandhom jinġarru f'kontenitur trasparenti f'kundizzjonijiet sterili li jipprekludu l-possibbiltà li jiġu infettati mill-organiżmu speċifikat permezz tal-vetturi.

5.   Dawn għandu jkollhom magħhom passaport tal-pjanti li jkun tħejja u nħareġ bi qbil mad-Direttiva 92/105/KEE.”

6.

L-Artikolu 17 huwa emendat kif ġej:

7.

Fl-Artikolu 18, il-paragrafi 2, 3 u 4 huma sostitwiti b'dan li ġej:

“2.   Fil-każ ta' pjanti speċifikati li joriġinaw minn pajjiż terz fejn ma jkunx preżenti l-organiżmu speċifikat jew f'żona msemmija fl-Artikolu 17(2), il-korp uffiċjali responsabbli għandu jwettaq il-kontrolli li ġejjin:

3.   Fil-każ ta' pjanti speċifikati li joriġinaw minn żona fejn hu magħruf li hemm l-organiżmu speċifikat, il-korp uffiċjali responsabbli għandu jwettaq il-kontrolli li ġejjin:

4.   Il-kampjuni msemmija fil-paragrafi 2(b) u 3(b) għandhom ikunu ta' daqs li jippermetti li jiġi identifikat b'affidabbiltà ta' 99 %, livell ta' pjanti infettati ta' 1 % jew ogħla, b'kunsiderazzjoni tal-Istandard Internazzjonali għall-Miżuri Fitosanitarji Nru 31.

L-ewwel sottoparagrafu ma japplikax għal pjanti speċifikati li jkunu tkabbru in vitro tul iċ-ċiklu tal-produzzjoni u li jkunu nġarru f'kontenituri trasparenti f'kundizzjonijiet sterili.”

8.

L-Anness I huwa emendat kif stipulat fl-Anness I ta' din id-Deċiżjoni.

9.

L-Anness li jidher fl-Anness II ta' din id-Deċiżjoni għandu jiżdied bħala l-Anness II.