24.9.2015   

MT

Il-Ġurnal Uffiċjali tal-Unjoni Ewropea

L 248/1

(1)

Ir-Regolament tal-Kunsill (KE) Nru 994/98 (2) ġie emendat (3) b'mod sostanzjali. Għal iktar ċarezza u razzjonalità, l-imsemmi Regolament għandu jiġi kkodifikat.

(2)

Fit-Trattat dwar il-Funzjonament tal-Unjoni Ewropea' il-valutazzjoni tal-kompatibilità tal-għajnuna mas-suq intern hija essenzjalment f'idejn il-Kummissjoni.

(3)

Il-funzjonament xieraq tas-suq intern jitlob applikazzjoni stretta u effiċjenti tar-regoli tal-kompetizzjoni fir-rigward tal-għajnuna mill-Istat.

(4)

Il-Kummissjoni għandha tkun tistà tiddikjara permezz ta' regolamenti, f'oqsma fejn il-Kummissjoni għandha biżżejjed esperjenza biex tiddefinixxi kriterji ta' kompatibilità ġenerali, li ċerti kategoriji speċifiċi ta' għajnuna huma kompatibbli mas-suq intern skont disposizzjoni waħda jew aktar tal-Artikolu 107(2) u (3) tat-TFUE u huma eżenti mill-proċedura provduta fl-Artikolu 108(3) tiegħu.

(5)

Ir-Regolamenti ta' eżenzjoni ta' kategorija jiżguraw li jkun hemm t-trasparenza u ċ-ċertezza legali. Jistgħu jiġu applikati direttament mill-Qrati nazzjonali, mingħajr preġudizzju għall-Artikolu 4(3) tat-Trattat dwar l-Unjoni Ewropea u l-Artikolu 267 tat-TFUE.

(6)

L-għajnuna mill-Istat hija kunċett oġġettiv definit fl-Artikolu 107(1) tat-TFUE. Is-setgħa tal-Kummissjoni li tadotta eżenzjonijiet ta' kategoriji kif previst f'dan ir-Regolament tapplika biss għal miżuri li jissodisfaw il-kriterji kollha tal-Artikolu 107(1) tat-TFUE u għaldaqstant jikkostitwixxu għajnuna mill-Istat. L-inklużjoni ta' xi kategorija ta' għajnuna f'dan ir-Regolament jew f'Regolament ta' eżenzjoni ma jiddeterminax minn qabel il-kwalifika ta' miżura bħala għajnuna mill-Istat fit-tifsira tal-Artikolu 107(1) tat-TFUE.

(7)

Il-Kummissjoni għandha tkun tistà tiddikjara li, f'ċerti kundizzjonijiet, għajnuna lil intrapriżi ta' daqs żgħir u medju, għajnuna favur ir-riċerka, l-iżvilupp u l-innovazzjoni, għajnuna favur il-protezzjoni tal-ambjent, għajnuna għall-impjiegi u t-taħriġ u għajnuna konformi mal-mappa approvata mill-Kummissjoni għal kull Stat Membru għall-għoti ta' għajnuna reġjonali, tkun kompatibbli mas-suq intern u mhux soġġetta għar-rekwiżit tan-notifika.

(8)

L-innovazzjoni saret prijorità fil-politika tal-Unjoni fil-kuntest ta' “Unjoni tal-Innovazzjoni”, waħda mill-inizjattivi ewlenin ta' Ewropa 2020. Barra minn hekk, ħafna miżuri ta' għajnuna għall-innovazzjoni huma relattivament żgħar u ma joħolqux distorsjonijiet sinifikanti tal-kompetizzjoni;

(9)

Fis-settur tal-konservazzjoni tal-kultura u l-patrimonju, għadd ta' miżuri meħudin mill-Istati Membri jistgħu ma jikkostitwixxux għajnuna għax ma jissodisfawx il-kriterji kollha tal-Artikolu 107(1) tat-TFUE, pereżempju minħabba li l-benefiċjarju ma jwettaqx attività ekonomika jew minħabba li ma jkun hemm l-ebda effett fuq il-kummerċ bejn l-Istati Membri. Madankollu, sakemm il-miżuri fil-qasam tal-konservazzjoni tal-kultura u l-patrimonju jkunu jikkostitwixxu għajnuna mill-Istat fit-tifsira tal-Artikolu 107(1) tat-TFUE, il-Kummissjoni għandha tkun tistà tiddikjara li, f'ċerti kundizzjonijiet, dik l-għajnuna tkun kompatibbli mas-suq intern u ma tkunx suġġetta għar-rekwiżit tan-notifika fl-Artikolu 108(3) tat-TFUE. Il-proġetti ż-żgħar tal-kultura, il-ħolqien u l-konservazzjoni tal-patrimonju, ġeneralment ma jwasslux għal distorsjoni sinifikanti, u f'każijiet reċenti deher li għajnuna ta' dak it-tip għandha effetti limitati fuq il-kummerċ.

(10)

L-eżenzjonijiet fis-settur tal-konservazzjoni tal-kultura u l-patrimonju jistgħu jitfasslu fuq il-bażi tal-esperjenza tal-Kummissjoni kif stipulata fil-linji gwida, bħal fil-każ ta' xogħlijiet ċinematografiċi u awdjoviżivi, jew jiġu żviluppati każ b'każ. Meta tabbozza eżenzjonijiet ta' kategoriji bħal dawn, il-Kummissjoni għandha tqis li dawn għandhom ikopru biss miżuri li jikkostitwixxu għajnuna mill-Istat, li fil-prinċipju għandhom jiffokaw fuq miżuri li jikkontribwixxu għall-objettivi tal-“Modernizzazzjoni tal-Għajnuna mill-Istat tal-UE”, u li hija biss l-għajuna li fir-rigward tagħha l- Kummissjoni għandha esperjenza sostanzjali li hija eżentata. Barra minn hekk, għandhom jitqiesu l-kompetenza primarja tal-Istati Membri fil-qasam tal-kultura, il-protezzjoni speċjali li għandha d-diversità kulturali skont l-Artikolu 167(1) tat-TFUE u tan-natura speċjali tal-kultura.

(11)

Fir-rigward tal- miżuri tal-għajnuna mill-Istat biex tissewwa l-ħsara kkawżata mid-diżastri naturali, kif ukoll tal-miżuri tal-għajnuna mill-Istat biex tissewwa l-ħsara magħmula fil-qasam tas-sajd minn kundizzjonijiet ħżiena tat-temp, l-ammonti mogħtija f'dawk l-oqsma ġeneralment ikunu limitati u jistgħu jiġu definiti kundizzjonijiet ċari ta' kompatibbiltà. Dan ir- Regolament għandu jawtorizza lill-Kummissjoni li teżenta għajnuna ta' dak it-tip mir-rekwiżit ta'. Mill-esperjenza tal-Kummissjoni, għajnuna bħal din ma tikkawżax distorsjoni sinifikanti u, fuq il-bażi tal-esperjenza miksuba, jistgħu jiġu definiti kundizzjonijiet ċari ta' kompatibbiltà.

(12)

Skont l-Artikolu 42 tat-TFUE, ir-regoli dwar l-għajnuna mill-Istat ma japplikawx f'ċerti kundizzjonijiet għal ċerti miżuri ta' għajnuna favur il-prodotti agrikoli elenkati fl-Anness I tat-TFUE. L-Artikolu 42 ma japplikax għall-forestrija jew għall-prodotti li mhumiex elenkati f'dak l-Anness. Il-Kummissjoni għandha tkun tista' teżenta ċerti tipi ta' għajnuna għall-forestrija, inkluż għajnuna li tinsab fil-programmi ta' żvilupp rurali kif wkoll dik favur il-promozzjoni u r-reklamar ta' prodotti fis-settur tal-ikel li mhumiex elenkati fl-Anness I tat-TFUE meta, skont l-esperjenza tal-Kummissjoni, id-distorsjonijiet tal-kompetizzjoni jkunu limitati u meta jkunu jistgħu jiġu definiti kundizzjonijiet ċari ta' kompatibbiltà.

(13)

Skont l-Artikolu 7 tar-Regolament tal-Kunsill (KE) Nru 1198/2006 (4), l-Artikoli 107, 108 u 109 tat-TFUE japplikaw għall-għajnuna mogħtija mill-Istati Membri lill-intrapriżi fis-settur tas-sajd, ħlief għall-pagamenti li jsiru mill-Istati Membri skont, u f'konformità mar-Regolament (KE) Nru 1198/2006. Għajnuna mill-Istat addizzjonali għall-konservazzjoni tar-riżorsi bijoloġiċi marittimi u tal-ilma ħelu ġeneralment ikollha effetti limitati fuq il-kummerċ bejn l-Istati Membri, tikkontribwixxi għall-objettivi tal-Unjoni fil-qasam tal-politika marittima u tas-sajd u ma tikkawżax distorsjonijiet serji fil-kompetizzjoni. L-ammonti mogħtija ġeneralment ikunu limitati u jkunu jistgħu jiġu definiti kundizzjonijiet ċari ta' kompatibbiltà.

(14)

Fis-settur tal-isport, b'mod partikolari fil-qasam tal-isport tad-dilettanti, għadd ta' miżuri meħudin mill-Istati Membri jistgħu ma jikkostitwixxux għajnuna għax ma jissodisfawx il-kriterji kollha tal-Artikolu 107(1) tat-TFUE, pereżempju minħabba li l-benefiċjarju ma jwettaqx attività ekonomika, jew minħabba li ma jkun hemm l-ebda effett fuq il-kummerċ bejn l-Istati Membri. Madankollu, sakemm il-miżuri fil-qasam tal-isport ma jikkostitwixxux għajnuna mill-Istat, fit-tifsira tal-Artikolu 107(1) tat-TFUE, il-Kummissjoni għandha tkun tistà tiddikjara li, f'ċerti kundizzjonijiet, l-għajnuna tkun kompatibbli mas-suq intern u ma tkunx suġġetta għar-rekwiżit tan-notifika. Il-miżuri ta' għajnuna mill-Istat għall-isport b'mod partikolari dawk fil-qasam tal-isport tad-dilettanti jew dawk li huma ta' skala żgħira, ħafna drabi ikollhom effetti limitati fuq il-kummerċ bejn l-Istati Membri u ma joħolqux distorsjonijiet serji tal-kompetizzjoni. L-ammonti mogħtija ġeneralment ikunu wkoll limitati. Fuq il-bażi tal-esperjenza miksuba jistgħu jiġu definiti kundizzjonijiet ċari ta' kompatibbiltà, biex b'hekk jiġi żgurat li l-għajnuna għall-isport ma tikkawżax distorsjoni sinifikanti.

(15)

Fir-rigward tal-għajnuna għat-trasport bl-ajru u dak marittimu, mill-esperjenza tal-Kummissjoni, l-għajnuna li għandha natura soċjali għat-trasport ta' residenti ta' reġjuni mbiegħda bħal reġjuni u gżejjer l-aktar imbiegħda, inklużi Stati Membri gżejjer b'reġjun wieħed u żoni b'populazzjoni baxxa, ma tikkawżax distorsjoni sinifikanti sakemm tingħata mingħajr diskriminazzjoni marbuta mal-identità tat-trasportatur. Barra minn hekk, jistgħu jiġu definiti kundizzjonijiet ċari ta' kompatibbiltà.

(16)

Fil-qasam tal-għajnuna għall-infrastruttura tal-broadband, fl-aħħar snin il-Kummissjoni kisbet esperjenza wiesgħa u fasslet linji gwida (5). Fl-esperjenza tal-Kummissjoni, għajnuna għal ċerti tipi ta' infrastruttura tal-broadband ma tikkawża l-ebda distorsjoni sinfikanti u tista' tibbenefika minn eżenzjoni ta' kategorija, sakemm jiġu ssodisfati ċerti kundizzjonijiet ta' kompatibbiltà u sakemm l-infrastruttura tiġi implimentata f'“żoni bojod”, li huma żoni fejn m'hemm l-ebda infrastruttura tal-istess kategorija (sew broadband jew aċċess tal-ġenerazzjoni li jmiss b'veloċità għolja ħafna, “NGA”) u fejn x'aktarx xejn mhu ser jiġi żviluppat fil-futur qrib, kif jidher fil-kriterji żviluppati fil-linji gwida. Dan japplika għall-għajnuna li tkopri l-forniment ta' broadband bażiku, kif ukoll għall-għajnuna lil miżuri individwali żgħar li tkopri netwerks ta' NGA, u għall-għajnuna lil xogħlijiet ta' inġinerija ċivili relatati mal-broadband u lill-infrastruttura tal-broadband passiva.

(17)

Fir-rigward tal-infrastruttura, għadd ta' miżuri meħudin mill-Istati Membri jistgħu ma jikkostitwixxux għajnuna għax ma jissodisfawx il-kriterji kollha tal-Artikolu 107(1) tat-TFUE, pereżempju minħabba li l-benefiċjarju ma jwettaqx attività ekonomika, għax ma jkun hemm l-ebda effett fuq il-kummerċ bejn l-Istati Membri, jew għax il-miżura tkun tikkonsisti f' kumpens għal servizz ta' interess ekomomiku ġenerali li jissodisfa l-kriterji kollha tal-każistika Altmark (6). Madankollu, sakemm il-finanzjament ta' infrastrutturi jikkostitwixxi għajnuna mill-Istat, fit-tifsira tal-Artikolu 107(1) tat-TFUE, l-Kummissjoni għandha tkun tistà tiddikjara li, f'ċerti kundizzjonijiet, l-għajnuna tkun kompatibbli mas-suq intern u ma tkunx suġġetta għar-rekwiżit tan-notifika. Fir-rigward tal-infrastruttura, ammonti żgħar ta' għajnuna għal proġetti ta' infrastruttura jistgħu jkunu mod effiċjenti kif wieħed jappoġġa objettivi tal-Unjoni sakemm l-għajnuna timminimizza l-ispejjeż u d-distorsjoni potenzjali tal-kompetizzjoni tkun limitata. Għalhekk il-Kummissjoni għandha tkun fil-pożizzjoni li teżenta l-għajnuna mill-Istat għal proġetti ta' infrastruttura li jappoġġaw l-objettivi msemmijin f'dan ir-Regolament u jappoġġaw objettivi oħra ta' interess komuni, b'mod partikolari l-objettivi ta' Ewropa 2020 (7). Dan jista' jinkludi appoġġ għal proġetti li jinvolvu netwerks b'diversi setturi jew faċilitajiet fejn hija neċessarja għajnuna relattivament żgħira. Madankollu, jistgħu jingħataw eżenzjonijiet ta' kategorija biss għal proġetti ta' infrastruttura fejn il-Kummissjoni jkollha biżżejjed esperjenza biex tiddefinixxi kriterji ta' kompatibbiltà ċari u stretti waqt li tiżgura li r-riskju ta' distorsjoni potenzjali jkun limitat u li ammonti kbar ta' għajuna jibqgħu soġġetti għal notifika skont l-Artikolu 108(3) tat-TFUE.

(18)

Huwa xieraq li meta l-Kummissjoni taddotta regolamenti li jeżentaw kategoriji ta' għajnuna mill-obbligu ta' notifika stipulat fl-Artikolu 108(3) tat-TFUE, hija tispeċifika l-għan tal-għajnuna, il-kategoriji ta' benefiċjarji u l-limiti fuq l-għajnuna eżentata, il-kondizzjonijiet li jirregolaw l-akkumulazzjoni tal-għajnuna u l-kondizzjonijiet ta' sorveljanza, sabiex tkun assigurata l-kompatibilità mas-suq intern ta' għajnuna koperta b'dan ir-Regolament.

(19)

Il-limiti għal kull kategorija ta' għajnuna, li fir-rigward tagħha l-Kummissjoni tadotta regolament dwar eżenzjoni ta' kategorija jistgħu jiġu espressi f'termini ta' intensitajiet ta' għajnuna fir-rigward ta' sett ta' spejjeż eliġibbli jew f'termini ta' ammonti massimi ta' għajnuna. Barra minn hekk, il-Kumissjoni għandha tkun tistà tagħti eżenzjonijiet ta' kategorija fir-rigward ta' ċerti tipi ta' miżuri li jinvolvu l-għajnuna mill-Istat li, minħabba l-mod speċifiku li bih huma mfassla, ma jistgħux ikunu espressi preċiżament f'termini tal-intensitajiet ta' għajnuna jew ammonti massimi ta' għajnuna, bħal strumenti ta' inġinerija finanzjarja jew ċerti forom ta' miżuri li huma mmirati biex jippromwovu l-investimenti ta' kapital ta' riskju. Miżuri kumplessi bħal dawn jistgħu jinvolvu għajnuna f'livelli differenti: benefiċjarji diretti, benefiċjarji intermedjarji u benefiċjarji indiretti. Meta titqies l-importanza li dejjem qed tikber ta' miżuri bħal dawn u l-kontribut tagħhom lejn l-objettivi tal-Unjoni, għandu jkun possibbli li jiġu eżentati. Għalhekk għandu jkun possibbli, fil-każ ta' miżuri bħal dawn, li jiġu definiti l-limiti għal għotja partikolari ta' għajnuna f'termini tal-livell massimu ta' appoġġ mill-Istat f' dik il-miżura jew relatat magħha. Il-livell massimu ta' appoġġ mill-Istat jista' jkun magħmul minn element ta' appoġġ, li jista' ma jkunx għajnuna mill-Istat, sakemm il-miżura tinkludi mill-inqas xi elementi li fihom għajnuna mill-Istat fit-tifsira tal-Artikolu 107(1) tat-TFUE u li ma jkunux marġinali.

(20)

Jista' jkun ta' użu li jkunu stabbiliti limiti jew kondizzjonijiet oħra xierqa li jitolbu li l-għoti ta' għajnuna tiġi nnotifikata sabiex il-Kummissjoni tkun tista' teżamina individwalment l-effett ta' ċerta għajnuna fuq il-kompetizzjoni u l-kummerċ bejn l-Istati Membri u l-kompatibilità tagħha mas-suq komuni.

(21)

Huwa xieraq li l-Kummissjoni tkun tista', meta taddotta regolamenti li jeżentaw ċerti kategoriji ta' għajnuna mill-obbligu ta' notifika fl-Artikolu 108(3) tat-TFUE, timponi aktar kondizzjonijiet dettaljati sabiex tassigura li għajnuna koperta b'dan ir-Regolament tkun kompatibbli mas-suq intern.

(22)

Il-Kummissjoni wara li tikkunsidra l-iżvilupp u l-funzjonament tas-suq intern, għandha tkun tista' tistabbilixxi permezz ta' regolament li ċertu għajnuna ma tissodisfax il-kriterji kollha tal-Artikolu 107(1) tat-TFUE u hija għalhekk eżenti mill-proċedura ta' notifika stabbilita fl-Artikolu 108(3) tat-TFUE, sakemm l-għajnuna mogħtija lill-istess impriża fuq perjodu ta' żmien speċifiku ma taqbiżx ċertu ammont fiss.

(23)

Skont l-Artikolu 108(1) tat-TFUE l-Kummissjoni hija marbuta, f'koperazzjoni mal-Istati Membri, li twettaq reviżjoni kostanti tas-sistemi kollha ta' għajnuna eżistenti. Għal dan il-għan u sabiex tassigura l-ogħla grad possibbli ta' trasparenza u kontroll adegwat huwa mixtieq li l-Kummissjoni tassigura li titwaqqaf sistema ta' reġistrazzjoni u ħażna ta' informazzjoni affidabbli dwar l-applikazzjoni ta' regolamenti li taddotta, li għalihom l-Istati Membri kollha jkollhom aċċess, u li tirċievi l-informazzjoni kollha neċessarja mill-Istati Membri dwar l-implimentazzjoni tal-għajnuna eżentata min-notifikazzjoni li tissodisfa dan l-obbligu, li tista tkun eżaminata u evalwata mal-Istati Membri fil-Kumitat Konsultattiv dwar l-għajnuna mill-Istat Għal dan il-għan huwa wkoll mixtieq li l-Kummissjoni tkun tista' titlob li dik l-informazzjoni tingħata kif xieraq sabiex tassigura l-effiċjenza ta' din ir-reviżjoni.

(24)

L-Istati Membri għandhom jipprovdu sommarji ta' informazzjoni rigward l-għajnuna li tiġi implimentata minnhom, li tkun koperta minn regolament ta' eżenzjoni. Il-pubblikazzjoni ta' dawk is-sommarji hija neċessarja biex tiġi żgurata t-trasparenza tal-miżuri adottati mill-Istati Membri. Fid-dawl tal-evoluzzjoni tal-midja elettronika tal-komunikazzjoni, il-pubblikazzjoni tas-sommarji fuq il-websajt tal-Kummissjoni hija metodu aktar veloċi u effettiv, li tiżgura li jkun hemm trasparenza għall-benefiċċju tal-partijiet interessati. Għaldaqstant, dawk is-sommarji għandhom ikunu ppubblikati fuq il-websajt tal-Kummissjoni.

(25)

Il-kontroll tal-għoti tal-għajnuna jinvolvi fatturi fattwali, legali u ekonomiċi ta' natura kumplessa ħafna u varjetà kbira f'ambjent f'evoluzzjoni kontinwa. Il-Kummissjoni għandha għalhekk tirrevedi b'mod regolari l-kategoriji ta' għajnuna li għandhom ikunu eżentati min-notifika. Il-Kummissjoni għandha tkun tista tħassar jew temenda regolamenti li tkun addottat skont dan ir-Regolament meta ċ-ċirkostanzi jkunu tbiddlu rigward xi element importanti li jkun serva ta' raġuni għall-addozzjoni tagħhom jew fejn ikun neċessarju minħabba l-iżvilupp progressiv jew il-funzjoni tas-suq intern titlob hekk.

(26)

Il-Kummissjoni, f'relazzjoni mill-qrib u kostanti mal-Istati Membri, għandha tkun tista tiddefinixxi preċiżament il-kamp ta' applikazzjoni ta' dawk ir-regolamenti u l-kondizzjonijiet annessi magħhom sabiex ikun hemm koperazzjoni bejn il-Kummissjoni u l-awtoritajiet kompetenti tal-Istati Membri, huwa xieraq li l-Kumitat Konsultattiv dwar l-għajnuna mill-Istat ikun ikkonsultat qabel il-Kummissjoni taddotta regolamenti skont dan ir-Regolament.

(27)

Abbozzi ta' regolamenti u dokumenti oħra li jridu jiġu eżaminati mill-Kumitat Konsultattiv dwar l-għajnuna mill-Istat skont dan ir-Regolament għandhom ikunu ppubblikati fuq il-websajt tal-Kummissjoni.

(28)

Il-Kumitat Konsultattiv dwar l-għajnuna mill-Istat għandu jkun ikkonsultat qabel il-pubblikazzjoni ta' abbozz ta' regolament. Madankollu, fl-interess tat-trasparenza, l-abbozz tar-regolament għandu jiġi ppubblikat fuq il-websajt tal-Kummissjoni fl-istess ħin li fih il-Kummissjoni tikkonsulta mal-Kumitat Konsultattiv għall-ewwel darba,

(a)

għajnuna favur:

(b)

għajnuna konformi mal-mappa approvata mill-Kummissjoni għal kull Stat Membru għall-għotja ta' għajnuna reġjonali.

(a)

l-għan tal-għajnuna;

(b)

il-kategoriji tal-benefiċjarji;

(c)

il-limiti espressi f'termini ta' intensitajiet ta' għajnuna relattivi għal sett ta' spejjeż eliġibbli jew f'termini ta' ammonti massimi ta' għajnuna jew, għal ċerti tipi ta' għajnuna fejn jista' jkun diffiċli li tiġi identifikata l-intensità tal-għajnuna jew l-ammont preċiż tal-għajnuna, b'mod partikolari strumenti ta' inġinerija finanzjarja jew investimenti ta' kapital ta' riskju jew dawk ta' natura simili, f'termini ta' livell massimu ta' appoġġ mill-Istat f'dik il-miżura jew relatat magħha, mingħajr preġudizzju għall-kwalifikazzjoni tal-miżuri kkonċernati fid-dawl tal-Artikolu 107(1) tat-TFUE;

(d)

il-kondizzjonijiet li jirregolaw l-akkumulazzjoni tal-għajnuna;

(e)

il-kondizzjonijiet ta' sorveljanza kif speċifikati fl-Artikolu 3.

(a)

jistabbilixxu limiti jew kondizzjonijiet oħra għan-notifika tal-għotja ta' għajnuna individwali;

(b)

jeskludu ċerti setturi mill-kamp ta' applikazzjoni tagħhom;

(c)

jimponu aktar kondizzjonijiet għall-kompatibbilità tal-għajnuna eżentata skont dawk ir-Regolamenti.

(a)

fl-istess waqt li jiġi ppubblikat kwalunkwe abbozz ta' Regolament skont l-Artikolu 6;

(b)

qabel ma taddotta xi regolament.