This document is an excerpt from the EUR-Lex website
Document 32007D0022
Commission Decision of 22 December 2006 amending Decision 2006/875/EC approving programmes for the eradication and monitoring of animal diseases, of certain TSEs, and for the prevention of zoonoses presented by the Member States for the year 2007 (notified under document number C(2006) 6971)
Deċiżjoni tal-Kummissjoni tat- 22 ta' Diċembru 2006 li temenda d-Deċiżjoni 2006/875/KE li tapprova l-programmi għall-eradikazzjoni u l-monitoraġġ ta' ċertu mard ta' l-annimali, ta' ċerti TSEs, u għall-prevenzjoni taż-żoonosi ppreżentati mill-Istati Membri għas-sena 2007 (notifikat bid-dokument numru C(2006) 6971) Test b'rilevanza għaż-ŻEE
Deċiżjoni tal-Kummissjoni tat- 22 ta' Diċembru 2006 li temenda d-Deċiżjoni 2006/875/KE li tapprova l-programmi għall-eradikazzjoni u l-monitoraġġ ta' ċertu mard ta' l-annimali, ta' ċerti TSEs, u għall-prevenzjoni taż-żoonosi ppreżentati mill-Istati Membri għas-sena 2007 (notifikat bid-dokument numru C(2006) 6971) Test b'rilevanza għaż-ŻEE
ĠU L 7, 12.1.2007, p. 46–46
(ES, CS, DA, DE, ET, EL, EN, FR, IT, LV, LT, HU, NL, PL, PT, SK, SL, FI, SV) Dan id-dokument ġie ppubblikat f’edizzjoni(jiet) speċjali
(BG, RO)
ĠU L 219M, 24.8.2007, p. 32–32
(MT)
In force
24.8.2007 |
MT |
Il-Ġurnal Uffiċjali ta’ l-Unjoni Ewropea |
32 |
DEĊIŻJONI TAL-KUMMISSJONI
tat-22 ta' Diċembru 2006
li temenda d-Deċiżjoni 2006/875/KE li tapprova l-programmi għall-eradikazzjoni u l-monitoraġġ ta' ċertu mard ta' l-annimali, ta' ċerti TSEs, u għall-prevenzjoni taż-żoonosi ppreżentati mill-Istati Membri għas-sena 2007
(notifikat bid-dokument numru C(2006) 6971)
(Test b'rilevanza għaż-ŻEE)
(2007/22/KE)
IL-KUMMISSJONI TAL-KOMUNITAJIET EWROPEJ,
Wara li kkunsidrat it-Trattat li jistabbilixxi l-Komunità Ewropea,
Wara li kkunsidrat id-Deċiżjoni tal-Kunsill 90/424/KEE tas-26 ta Ġunju 1990 dwar in-nefqa fil-kamp veterinarju (1), u b'mod partikolari l-Artikolu 24(6) u l-Artikoli 29 u 32 tagħha,
Billi:
(1) |
Bid-Deċiżjoni 2006/875/KE li tapprova l-programmi għall-eradikazzjoni u l-monitoraġġ ta' ċertu mard ta' l-annimali, ta' ċerti TSEs, u għall-prevenzjoni taż-żoonosi ppreżentati mill-Istati Membri għas-sena 2007 (2), il-Kummissjoni approvat il-programmi sottomessi mill-Istati Membri li jidhru fil-lista tal-programmi stabbiliti bid-Deċiżjoni tal-Kummissjoni 2006/687/KE (3). |
(2) |
Għal raġunijiet ta' effiċjenza amministrattiva n-nefqa kollha ppreżentata għal kontribuzzjoni finanzjarja mill-Komunità għandha tingħata f'ewro. Skond ir-Regolament tal-Kunsill (KE) Nru 1290/2005 tal-21 ta' Ġunju 2005 dwar il-finanzjament tal-politika komuni agrikola (4), ir-rata tal-konverżjoni għan-nefqa f'munita li mhux ewro għandha tkun ir-rata l-aktar reċenti stabbilita mill-Bank Ċentrali Ewropew qabel l-ewwel jum tax-xahar li fih l-applikazzjoni titressaq mill-Istat Membru kkonċernat. |
(3) |
Id-Deċiżjoni 2006/875/KE għandha għalhekk tiġi emendata skond dan. |
(4) |
Il-miżuri pprovduti f'din id-Deċiżjoni huma konformi ma' l-opinjoni tal-Kumitat Permanenti dwar il-Katina Alimentari u s-Saħħa ta' l-Annimali, |
ADOTTAT DIN ID-DEĊIŻJONI:
Artikolu 1
L-Artikoli 17 u 18 tad-Deċiżjoni 2006/875/KE huma mibdula b'dan li ġej: -
“Artikolu 17
In-nefqa ppreżentata mill-Istati Membri għal kontribuzzjoni finanzjarja mill-Komunità għandha tingħata f'ewro u għandha teskludi t-taxxa fuq il-valur miżjud u taxxi oħra.
Artikolu 18
Meta n-nefqa ta' Stat Membru tkun f'munita li mhux l-ewro, l-Istat Membru kkonċernat għandu jikkonvertiha f'ewro billi japplika r-rata l-aktar reċenti stabbilita mill-Bank Ċentrali Ewropew qabel l-ewwel jum tax-xahar li fih l-applikazzjoni titressaq mill-Istat Membru”.
Artikolu 2
Din id-Deċiżjoni għandha tapplika mill-1 ta' Jannar 2007.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, 22 ta' Diċembru 2006.
Għall-Kummissjoni
Markos KYPRIANOU
Membru tal-Kummissjoni
(1) ĠU L 224, 18.8.1990, p. 19. Id-Deċiżjoni kif emendata l-aħħar bid-Deċiżjoni 2006/53 (ĠU L 29, 2.2.2006, p. 37).
(2) ĠU L 337, 5.12.2006, p. 14.
(3) ĠU L 282, 13.10.2006, p. 52.
(4) ĠU L 209, 11.8.2005, p. 1. Ir-Regolament kif emendat l-aħħar mir-Regolament (KE) Nru 320/2006 (ĠU L 58, 28.2.2006, p. 42).