32004L0078

Id-Direttiva tal-Kummissjoni 2004/78/KE

tad-29 ta' April 2004

li temenda d-Direttiva 2001/56/KE tal-Parlament Ewropew u tal-Kunsill li għandha x'taqsam mas-sistemi tas-sħana għall-vetturi bil-magna u l-karrijiet tagħhom u d-Direttiva tal-Kunsill 70/156/KEE għall-għanijiet li jiġu addattati għall-progress tekniku.

(Test b'relevanza għaż-ŻEE)

IL-KUMMISSJONI TAL-KOMUNITAJIET EWROPEJ

Wara li kkunsidrat it-Trattat li jistabbilixxi l-Komunitá Ewropea,

Wara li kkunsidrat id-Direttiva tal-Kunsill 70/156 tas-6 ta' Frar 1970 dwar it-tqarrib lejn xulxin tal-liġijiet ta' l-Istati Membri li għandhom x'jaqsmu ma' l-approvazzjoni skond it-tip tal-vetturi bil-magna u l-karrijiet1 tagħhom [1] u b'mod partikolari l-Artikolu 13 tagħha,

Wara li kkunsidra d-Direttiva 2001/56/KE tal-Parlament Ewropew u tal-Kunsill tas-27 ta' Settembru 2001 li għandha x'taqsam mas-sistemi tas-sħana tal-vetturi bil-mutur u l-karrijiet tagħhom [2], u b'mod partikolari l-Artikolu 5 tagħha,

Billi:

(1) Id-Direttiva 2001/56/KE hija waħda md-Direttivi separati skond il-proċedura ta' l-approvazzjoni tal-KE skond it-tip li ġiet stabblita bid-Direttiva 70/156/KEE. Id-Direttiva 2001/56/KE tistabbilixxi l-ħtiġiet ta' l-approvazzjon skond it-tip tal-vetturi mgħammra b'heaters tal-kombustjoni u għall-heaters tal-kombustjoni bħala komponenti.

(2) Skond l-Artikolu 5 tad-Direttiva 2001/56/KE, il-Kummissjoni trid teżamna l-ħtiġiet addizzjonali tas-sigurtà rigward is-sistemi tas-sħana mogħtija l-karburant bil-gass tal-petroleum illikwefat (il-LPG) tal-vetturi bil-magna.

(3) Sa issa l-Istati Membri applikaw il-ħtiġiet nazzjonali individwali fuq il-vetturi mgħammra bis-sistemi tas-sħana tal-LPG. Sabiex jiġi pprovdut avviċinament armonizzat lejn il-ħtiġiet tekniċi għall-apparat li jitwaħħal u s-sistemi tas-sħana tal-LPG, għandhom jiġu applikati żewġ Standards Ewropej li huma issa disponibbli ġewwa s-sistema ta' l-approvazzjoni skond it-tip għall-vetturi bil-magna u l-karrjiet tagħhom. Fid-dawl tal-progress tekniku, huwa għalhekk ikkunsidrat meħtieġ li jiġu introdotti dawn iż-żewġ standards ta' l-EN kif ukoll l-elementi prinċipali tar-Regolament tan-NU/ECE Nr 67 ġewwa d-Direttiva 2001/56/KE.

(4) Id-Direttiva 2001/56/KE għandha għalhekk tiġi emendata kif jixraq, b'mod partikolari, fl-interess taċ-ċarezza għandu jiġi mibdul l-Anness VIII.

(5) L-eċċezzjonjiet li għandhom x'jaqsmu mas-sistemi tas-sħana ta' vetturi ta' għanijiet speċjali, b'mod partikolari għall-karavani karozza u l-karavani karru li spiss ikunu mgħammra bis-sistemi tas-sħana bl-LPG, mhumiex meħtieġa iktar minħabba l-ħtiġiet tad-dħul tas-sistemi tas-sħana bl-LPG. Għalhekk is-sistemi armonizzati tas-sigurtà tad-Direttiva 2002/56/KE ikollhom japplikaw għall-vetturi kollha inklużi l-vetturi ta' għan speċjali kif riferit fl-Anness XI mad-Diretiva 70/156/KEE.

(6) Id-Direttiva 70/156/KEE għandha għalhekk tiġi emendata kif jixraq.

(7) Il-miżuri provvduti f'din id-Direttiva huma skond l-opinjoni tal-Kumitat ta' l-Addattament għall-Progress Tekniku stabbilit skond l-Artikolu 13 tad-Direttiva 70/256/KEE,

ADOTTAT DIN ID-DIRETTIVA:

Artikolu 1

L-emenda għad-Direttiva 2001/56/KE

Id-Direttiva 2001/56/KE hija emendata kif ġej:

(1) L-Annessi I u II jiġu emendati skond il-parti A ta' l-Anness I ma' din id-Direttiva.

(2) L-Anness VIII jiġi mibdul bit-test iddikjarat fil-parti B ta' l-Aness I ma' din id-Direttiva.

Artikolu 2

L-emenda għad-Direttiva 70/156/KEE

ID-Direttiva 70/156/EE hija emendata skond l-Anness II ma' din id-Direttiva.

Artikolu 3

Dispożizzjonijiet transitorji

1. B'effett mill-1 ta' Ottubru 2004, rigward tip ġdid ta' vettura mgħammra b'sistema tas-sħana li tuża l-karburant tal-LPG li tikkonforma mal-ħtiġiet stabbiliti fl-Annessi I, II u minn IV sa VIII mad-Direttiva 2001/56/KE, kif emendati b'din id-Direttiva, l-Istati Membri ma jistgħux għal raġunijiet li għndhom x'jaqsmu mas-sistemi tas-sħana:

(a) jirrifjutaw li jikkonċedu approvazzjon KE skond it-tip jew approvazzjoni nazzjonali skond it-tip, jew

(b) jipprojbixxu r-reġistrazzjoni, il-bejgħ jew id-dħul fis-servizz.

2. B'effett mill-1 ta' Ottubru 2004, rigward tip ġdid ta' heater tal-kombustjoni li jaħdem bil-karburant tal-LPG li jikkonforma mal-ħtiġiet stabbiliti fl-Annessi I, II u minn IV sa VIII mad-Direttiva 2001/56/KE, kif emendati b'din id-Direttiva, l-Istati Membri ma jistgħux:

(a) jirrifjutaw li jikkonċedu approvazzjon KE skond it-tip jew approvazzjoni nazzjonali skond it-tip, jew

(b) jipprojbixxu r-reġistrazzjoni, il-bejgħ jew id-dħul fis-servizz.

3. B'effett mill-1 ta' Jannar 2006, rigward tip ġdid ta' vettura mgħammra b'sistema tas-sħana li tuża l-karburant tal-LPG, jew tip ta' heater tal-kombustjoni li jaħdem bil-karburant tal-LPG bħala komponent, li ma jikkonformax mal-ħtiġiet stabbiliti fl-Annessi I, II u minn IV sa VIII mad-Direttiva 2001/56/KE, kif emendati b'din id-Direttiva, l-Istati Membri għandhom jirrifjutaw li jikkonċedu l-approvazzjoni tal-KE skond it-tip u jistgħu jirrifjutaw l-approvazzjoni nazzjonali skond it-tip.

4. B'effett mill-1 ta' Jannar 2007, rigward tip tal-vetturi mgħammra b'sistemi tas-sħana li jaħdmu bil-karburant ta' l-LPG li ma jikkonformawx mal-ħtiġiet stabbiliti fl-Annessi I, II u minn IV sa VIII mad-Direttiva 2001/56/KE, kif emendati b'din id-Direttiva, l-Istati Membri:

(a) għandhom jikkunsidraw illi ċ-ċertifikati tal-konformità li jakkumpanjaw il-vetturi l-ġodda skond id-dispożizzjonijiet tad-Direttiva 70/156/KEE ma jkunux iktar validi għall-għanijiet ta' l-Artikolu 7(1) ta' din id-Direttiva, u

(d) jistgħu jirrifjutaw ir-reġistrazzjoni, il-bejgħ jew id-dħul fis-servizz ta' vetturi ġodda

għal raġunijiet li jkollhom x'jaqsmu mas-sistemi tas-sħana.

5. B'effett mill-1 ta Jannar 2007 + il-ħtiġiet ta' l-Annessi I, II u minn IV sa VIII tad-Direttiva 2001/56/KE, kif emendata b'din id-Direttiva, fejn jidħlu l-heaters tal-kombustjoni li jaħdmu bil-karburant tal-LPG bħala komponenti għandhom japplikaw għal-għanijiet ta l-Artkolu 7(2) tad-Diretiva 70/156/KEE.

Artikolu 4

It-Trasposizzjoni

1. L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa għalbiex jikkonformaw ma' din id-Direttiva l-iktar tard sat-30 ta' Settembru 2004. Għandhom jikkomunikaw minnufih lill-Kummissjoni t-test ta' dawn id-dispożizzjonijiet u tabella tal-korrelazzjoni bejn dawn id-dispożizzjonijiet u din id-Direttiva.

Meta Stati Membri jadottaw dawn id-dispożizzjonijiet, dawn għandu jkun fihom referenza għal din id-Direttiva jew għandhom ikunu akkumpanjati b'din ir-referenza fl-okkażjoni tal-pubblikazzjoni uffiċjali tagħhom. L-Istati Membri għandhom jistabbilixxu kif trid issir din ir-referenza.

2. L-Istati Membri għandhom jikkomunikaw lill-Kummissjoni t-testi tad-dispożizzjonijiet ewliena fil-liġijiet nazzjonali li huma jadottaw fil-qasam kopert b'din id-Direttiva.

Artikolu 5

Id-Dħul fis-seħħ

Din id-Direttiva għandha tidħol fis-seħħ fil-għoxrin jum ta' wara dak tal-pubblikazzjoni tagħha fil-Ġurnal Uffiċjali tal-Komunitajiet Ewropej.

Artikolu 6

Lil min indirizzata

Din id-Direttiva hija indirizzata lill-Istati Membri.

Magħmula fi Brussel, fid-29 ta' April 2004.

Għall-Kummissjoni

Erkki Liikanen

Membru tal-Kummissjoni

[1] ĠU L 42, tat-23.2.1970, p. 1. Direttiva kif l-aħħar emendata bir-Regolament (KE) Nru 807/2003 (ĠU L 122, tas- 16.5.2003, p.36).tas-16.5.2003, p. 36).

[2] ĠU L 292, tad-9.1.2001, p. 21. (Direttiva kif emendata bl-Att ta' l-Adeżjoni 2003.

--------------------------------------------------

ANNEXES

L-ANNESS I

L-EMENDI GĦAD-DIRETTIVA 2001/56/KE

IL-PARTI A

1. L-ANNESS I HUWA EMENDAT KIF ĠEJ:

(a) Fl-Appendiċi I, jiddaħħlu l-intestaturi l-ġodda

9.10.53

u 9.10/5.3.1, sabiex jinqraw:

"9.10.5.3. Deskrizzjni fil-qosor tat-tip tal-vettura rigward is-sistema tas-sħana tal-kombustjoni u l-kontroll awtomatiku: …

9.10.5.3.1. disinn tat-tqassim tal-heater tal-kombustjoni, is-sistema tad-dħul ta' l-arja, is-sistema ta' l-emissjoni tad-dħaħen, it-tank tal-karburant, is-sistema tal-provvista tal-karburant (inklużi l-valvoli) u l-konnessjonijiet elettriċi li juru l-posizzjonijiet tagħhom fil-vettura."

L-intestatura 9.10.5.3 (ta' qabel) tingħata n-numru mill-ġdid bħala l-intestatura 9.10.5.4.

(a) Fl-Addendum ma' l-Appendiċi 2, jiddaħħlu l-intestaturi l-ġodda 1.2.1 u 1.2.2, sabiex jinqraw:

"1.2.1. Il-Għamla u t-tip: …

1.2.2. Il-komponent u n-numru ta' l-approvazzjoni, jekk japplikaw: …"

(ċ) Fl-Appendiċi 3, l-intestatura 1.2. tiġi mibdula bi:

"1.2. Deskrizzjoni ddettaljata, id-disinni tat-tqassim u d-deskrizzjoni tat-tagħqid flimkien tal-heater tal-kombustjoni u tal-komponenti kollha tagħha:"

(d) Fl-intestatura 1.1.2. ta' l-Appendiċi 5 ma' l-Anness I, il-frażi "id-Direttiva 78/546/KE" tiġi mibdula bi: "Id-Direttiva 2001/56/KE".

2. L-INTESTATURA 3.2.1 TA' L-ANNESS II TIĠI MIBDULA KIF ĠEJ:

(a) Fil-filliera "Il-heater tal-karburant tal-gass" fit-tabella, il-kliem "Ara n-Noti 2 u 3" jiġi mibdul bil-kliem "Ara n-Nota 3":

(b) titħassar in-Nota 2.

IL-PARTI B

L-Anness VIII jiġi mibdul b'dan li ġej:

L-ANNESS VIII

IL-ĦTIĠIET TAS-SIGURTÀ GĦALL-HEATERS TAL-KOMBUSTJONI TAL-LPG U GAS-SISTEMI TAS-SĦĦANA TAL-LPG

1. IS-SISTEMI TAS-SĦANA TAL-LPG GĦALL-UŻU FIT-TRIQ

1.1. Jekk sistema tas-sħana tal-LPG f'vettura bil-magna tista' tintuża wkoll meta l-vettura tkun miexja, il-heater tal-kombustjoni tal-LPG u s-sistema tal-provvista tagħha għandhom jikkonformaw mal-ħtiġiet li ġejjin:

1.1.1. Il-heater tal-kombustjoni tal-LPG għandha tikkonforma mal-ħtiġiet ta' l-istandard armonizzat dwar l-ispeċifikazzjonijiet għall-apparat li jitwaħħal iddedikat tal-LPG – It-tagħmir tas-sħana ta' l-ispazju tal-LPG issiġillat fil-kamra sabiex jiġi stallat fil-vetturi u fid-dgħajjes (EN 524:2000) [1].

[2].

1.1.3 L-istallazzjoni tal-fażi tal-gass tas-sistema tas-sħana tal-LPG f'vettura għanda tikkonforma mal-ħtiġiet ta' l-istandard armonizzat dwar l-ispeċifikazzjonijiet għall-Istallazzjoni tas-sistemi tal-LPG għall-għanijiet ta' l-abitazzjoni fil-vetturi ta' l-akkommodazzjoni waqt il-ħin liberu u f'vetturi oħra tat-triq (EN 1949:2002). [3]

1.1.4 Is-sistema tal-provvista tal-LPG għandha tkun hekk iddisinjata illi l-LPG jiġi fornit bil-pressa meħtieġa u fil-fażi korretta għall-heater istallata tal-kombustjoni tal-LPG. Huwa permess li l-LPG jiġi rtirat minn kontenitur tal-LPG stallat b'mod peremanenti jew fil-fażi gassuża jew fil-fażi likwida.

1.1.5 Il-post tal-ħruġ tal-likwidu f'kontenitur tal-LPG stallat b'mod permanenti għalbiex iforni l-LPG lill-heater għandu jkun ipprovvdut b'valvola tas-servizz ikkontrollata mill-bogħod li jkun fiha valvola għall-mili żżejjed kif meħteġ fil-paragrafu 17.6.1.1 tar-Regolament tan-NU/ECE Nru 67-01. Il-valvola tas-servizz ikkontrollata mill-bogħod li jkun fiha valvola tal-mili żżejjed għandha tkun ikkontrollata hekk li tingħalaq awtomatikament f'ħames sekondi mill-waqfien tal-magna tal-vettura, irrispettivament mill-pożizzjoni tas-swiċċ li jqabbad il-magna. Jekk f'dawn il-ħames sekondi jiġi attivat is-swiċċ li jixgħel tal-heater jew tas-sistema li tforni l-LPG, is-sistema tas-sħana tista' tissokta titħaddem. Is-sħana tista' dejjem terġa' tibda.

1.1.6 Jekk il-LPG jiġi fornit fil-fażi gassuża mill-kontenitur stallat b'mod permanenti jew minn ċilindru/i portatili separati tal-LPG, għandhom jittieħdu provvedimenti approprjati għalbiex jiżguraw li:

1.1.6.1 l-ebda LPG likwidu ma jista' jidħol fir-regolatur tal-pressa jew fil-heater tal-kombustjoni tal-LPG. Jintuża separatur u

1.1.6.2 ma jista' jiġri l-ebda ħruġ mhux ikkontrollat minħabba inċident. Għandhom jiġu pprovvduti mezzi sabiex iwaqqfu l-ħruġ tal-LPG billi jiġi stallat mezz direttament wara regolatur taċ-ċilindru jew tal-kontenitur, jew jekk ir-regolatur ikun immontat ‘il bogħod miċ-ċilindru jew mill-kontenitur għandu jiġi stallat mezz direttament qabel il-manka jew il-pajp miċ-ċilindru jew mill-kontenitur u għandu jiġi stallat mezz addizzjonali wara r-regolatur.

1.1.7 Jekk il-LPG jiġi fornit fil-fażi likwida, l-unità tal-vaporizzatur u tar-regolatur tal-pressa għandha trissaħan kif approprjat minn sors xieraq tas-sħana.

1.1.8 Fil-vetturi bil-magna li jużaw il-LPG fis-sistema tal-propulsjoni tagħhom, il-heater tal-kombustjoni tal-LPG tista' tiġi mgħaqqda ma' l-istess kontenitur tal-LPG stallat bmod permanenti li jforni l-LPG lill-magna, sakemm jiġu sodisfatti l-ħtiġiet tas-sigurtà tas-sistema tal-propulsjoni. Jekk jintuża kontenitur separat għas-sħana, dan il-kontenitur għandu jiġi pprovvdut bl-unità tal-mili tiegħu nnifsu.

2. IS-SISTEMI TAS-SĦANA GĦALL-UŻU STAZZJONARJU BISS

2.1 Il-heater tal-kombustjoni tal-LPG u s-sistema tiegħu tal-forniment ta' sistema tas-sħana tal-LPG li tkun maħsuba biex tintuża biss meta l-vettura ma tkunx miexja, għandhom jikkonformaw mal-ħtiġiet li ġejjin:

2.1.1. Għandhom jitwaħħlu tikketti permanenti mal-kompartiment fejn ikunu maħżuna ċ-ċilindri portatili tal-LPG u qrib ħafna tal-mezz tal-kontroll tas-sistema tas-sħana, fejn jingħataw struzzjonijiet illi l-heater ma għandhiex titħaddem u li l-valvola taċ-ċilindru portatili tal-LPG għandha tkun magħluqa meta l-vettura tkun miexja.

2.1.2 Il-heater tal-kombustjoni tal-LPG għandha tikkonforma mal-ħtiġiet tat-taqsima 1.1.1.

2.1.3. L-istallazzjoni tal-fażi gassuża tas-sistema tas-sħana tal-LPG għandha tikkonforma mal-ħtiġiet tat-taqsima 1.1.3.

[1] Il-Komunikazzjoni tal-Kummissjoni fil-qafas ta' l-implimentazzjoni tad-Direttva tal-Kummissjoni 90/396/KEE tad-29 ta Ġunju 1990 dwar it-tqarrib lejn xulxin tal-liġijiet ta' l-Istati Membri li għandhom x'jaqsmu ma' l-apparat li jitwaħħal li jaħraq karburanti gassużi, ĠU C 202, tat-18.7.2001, p. 5.

[2] L-approvazzjoni ta' vettura mgħammra b'tagħmir speċifikat għall-użu tal-gassijiet tal-petroleum illikwefat fis-sistema tal-propulsjoni tagħhom rigward l-istallazzjoni ta' dan it-tagħmir.

[3] EN 1949:2002 huwa ppreparat mill-Comité Européen de Normalisation (CEN). EN 624:2000 jirreferi għal EN 1949:2002 (ara l-punt 1.1.1).

--------------------------------------------------

L-ANNESS II

Id-Direttiva 70/156/KEE hija emendata kif ġej:

(1) Fl-Anness I jiddaħlu l-intestaturi li ġejjin:

"9.10.5.3 Deskrizzjoni fil-qosor tat-tip tal-vettura rigward is-sistema tas-sħana tal-kombustjoni u l-kontroll awtomatiku:

9.10.5.3.1 id-disinn tat-tqassim tal-heater tal-kombustjoni, is-sistema tad-dħul ta l-arja, is-sistema ta' lemissjoni tad-dħaħen, it-tank tal-karburant, is-sistema tal-forniment tal-karburant (inklużi l-valvoli) u l-konnessjonjiet elettriċi li juru l-pożizzjoni tagħhom fil-vettura."

Il-Paragrafu 9.10.5.3. (ta' qabel), agħti numru ġdid bħala l-paragrafu 9.10.5.4.

(2) L-Anness II jiġi emendat kif ġej:

(2) Fl-Appendiċi 1, l-intestatura 36 tiġi mibdula b'dan li ġej:

L-Intestatura | Is-Suġġett | In-Numru tad-Direttiva | 125001M () kg | M2 | M3 |

| |

"36 | Is-Sistemi tas-sħana | 2001/56/KE | X | X | X | X" |

|

(b) Fl-Appendiċi 2, l-intestatura 36 tiġi mibdula b'dan li ġej:

L-Intestarura | Is-Suġġett | In-Numru tad-Direttiva | M1 | M2 | M3 | N1 | N12 | N3 | O1 | O2 | O3 | O4 |

"36 | Is-Sistemi tas-sħana | 2001/56/KE | X | X | X | X | X | X | X | X | X | X" |

|

(ċ) Fl-Appendiċi 3 jiġi miżjud dan li ġej:

L-Intestatura | Is-Suġġett | In-Numru tad-Direttiva | M1 | M2 | M3 | N1 | N2 | N3 | O1 | O2 | O3 | O4 |

"36 | Heating Is-Sistemi tas-sħana | 2001/56/KE | X | X | X | X | X | X | X | X | X | X" |

|

(d) Fl-Appendiċi 4 tiġi miżjuda l-intestatura li ġejja:

L-Intestatura | Is-Suġġett | In-Numru tad-Direttiva | Il-gruwa mobbli tal-kategorija N |

"36 | Is-sistemi tas-sħana | 2001/56/KE | X" |

|

(e) Fit-

"Tifsira ta' l-ittri"

, jitħassru l-ittri li ġejjin:

"I L-applikazzjoni limitata għal dawk is-sistemi tas-sħana mhux iddisinjati b'mod speċjali għall-għanijiet ta' l-abitazzjoni."

"P L-applikazzjoni limitata għal dawk is-sistemi tas-sħana mhux iddisinjati b'mod speċjali għall-għanijiet ta' l-abitazzjoni. Il-vettura għandha tkun imgħammra b'sistema adegwata fuq quddiem."

--------------------------------------------------