This document is an excerpt from the EUR-Lex website
Document 02010L0043-20220801
Commission Directive 2010/43/EU of 1 July 2010 implementing Directive 2009/65/EC of the European Parliament and of the Council as regards organisational requirements, conflicts of interest, conduct of business, risk management and content of the agreement between a depositary and a management company (Text with EEA relevance)Text with EEA relevance
Consolidated text: Direttiva tal-Kummissjoni Nru 2010/43/UE tal-1 ta’ Lulju 2010 li timplimenta d-Direttiva 2009/65/KE tal-Parlament Ewropew u tal-Kunsill fir-rigward tar-rekwiżiti organizzazzjonali, il-konflitti ta’ interess, il-kondotta fin-negozju, l-immaniġġjar tar-riskji u l-kontenut tal-ftehim ta’ bejn id-depożitarju u l-kumpanija maniġerjali (Test b’rilevanza għaż-ŻEE)Test b’relevanza għaż-ŻEE
Direttiva tal-Kummissjoni Nru 2010/43/UE tal-1 ta’ Lulju 2010 li timplimenta d-Direttiva 2009/65/KE tal-Parlament Ewropew u tal-Kunsill fir-rigward tar-rekwiżiti organizzazzjonali, il-konflitti ta’ interess, il-kondotta fin-negozju, l-immaniġġjar tar-riskji u l-kontenut tal-ftehim ta’ bejn id-depożitarju u l-kumpanija maniġerjali (Test b’rilevanza għaż-ŻEE)Test b’relevanza għaż-ŻEE
02010L0043 — MT — 01.08.2022 — 001.001
Dan it-test hu maħsub purament bħala għodda ta’ dokumentazzjoni u m’għandu l-ebda effett legali. L-istituzzjonijiet tal-Unjoni m'għandhom l-ebda responsabbiltà għall-kontenut tiegħu. Il-verżjonijiet awtentiċi tal-atti rilevanti, inklużi l-preamboli tagħhom, huma dawk ippubblikati fil-Ġurnal Uffiċjali tal-Unjoni Ewropea u disponibbli f’EUR-Lex. Dawk it-testi uffiċjali huma aċċessibbli direttament permezz tal-links inkorporati f’dan id-dokument
DIRETTIVA TAL-KUMMISSJONI Nru 2010/43/UE tal-1 ta’ Lulju 2010 li timplimenta d-Direttiva 2009/65/KE tal-Parlament Ewropew u tal-Kunsill fir-rigward tar-rekwiżiti organizzazzjonali, il-konflitti ta’ interess, il-kondotta fin-negozju, l-immaniġġjar tar-riskji u l-kontenut tal-ftehim ta’ bejn id-depożitarju u l-kumpanija maniġerjali (ĠU L 176 10.7.2010, p. 42) |
Emendata bi:
|
|
Il-Ġurnal Uffiċjali |
||
Nru |
Paġna |
Data |
||
DIRETTIVA DELEGATA TAL-KUMMISSJONI (UE) 2021/1270 tal-21 ta’ April 2021 |
L 277 |
141 |
2.8.2021 |
DIRETTIVA TAL-KUMMISSJONI Nru 2010/43/UE
tal-1 ta’ Lulju 2010
li timplimenta d-Direttiva 2009/65/KE tal-Parlament Ewropew u tal-Kunsill fir-rigward tar-rekwiżiti organizzazzjonali, il-konflitti ta’ interess, il-kondotta fin-negozju, l-immaniġġjar tar-riskji u l-kontenut tal-ftehim ta’ bejn id-depożitarju u l-kumpanija maniġerjali
(Test b’rilevanza għaż-ŻEE)
KAPITOLU I
SUĠĠETT, AMBITU U DEFINIZZJONIJIET
Artikolu 1
Suġġett
Din id-Direttiva tistipula r-regoli tal-implimentazzjoni tad-Direttiva 2009/65/KE:
billi tispeċifika l-proċeduri u l-arranġamenti kif imsemmi fil-punt (a) tat-tieni sottoparagrafu tal-Artikolu 12(1), u l-istrutturi u r-rekwiżiti organizzazzjonali biex jiġu mminimizzati l-konflitti ta’ interess kif imsemmi fil-punt (b) tat-tieni sottoparagrafu tal-Artikolu 12(1);
Billi tistabbilixxi l-kriterji għal kondotta onesta u ġusta u bil-ħila dovuta, l-attenzjoni u d-diliġenza dovuti fl-aħjar interess tal-UCITS kif ukoll il-kriterji għad-determinazzjoni tat-tipi ta’ konflitti ta’ interess billi tispeċifika l-prinċipji meħtieġa biex jiġi żgurat li r-riżorsi jitħaddmu b’mod effiċjenti, tiddefinixxi l-passi li għandhom jittieħdu biex jiġu identifikati, prevenuti, immaniġġjati u divulgati l-konflitti ta’ interess imsemmija fl-Artikolu 14(1) u (2),
fir-rigward tal-partikolaritajiet li jeħtieġu jkunu inklużi fil-ftehimiet bejn id-depożitarju u l-kumpanija maniġerjali skont l-Artikoli 23(5) u 33(5), u
fir-rigward tal-proċess tal-immaniġġjar tar-riskji msemmi fl-Artikolu 51(1), partikolarment il-kriterji għall-valutazzjoni tal-adegwatezza tal-proċess tal-immaniġġjar tar-riskji użat mill-kumpanija maniġerjali u l-politika u l-proċessi tal-immaniġġjar tar-riskji kif ukoll l-arranġamenti, il-proċessi u t-tekniki għall-kejl u l-immaniġġjar tar-riskji marbuta ma’ dawn il-kriterji.
Artikolu 2
Ambitu
Din id-Direttiva għandha tapplika għall-kumpaniji maniġerjali li jwettqu l-attività tal-immaniġġjar ta’ impriża għall-investiment kollettiv fit-titoli trasferibbli (UCITS) kif imsemmi fl-Artikolu 6(2) tad-Direttiva 2009/65/KE.
Il-Kapitolu V ta’ din id-Direttiva għandu japplika wkoll għad-depożitarji li jwettqu l-funzjonijiet tagħhom skont id-dispożizzjonijiet tal-Kapitolu IV u t-Taqsima 3 tal-Kapitolu V tad-Direttiva 2009/65/KE.
Id-dispożizzjonijiet ta’ dan il-Kapitolu, l-Artikolu 12 tal-Kapitolu II u l-Kapitoli III, IV u VI għandhom japplikaw mutatis mutandis għall-kumpaniji tal-investiment li ma jkunux ħatru kumpanija maniġerjali awtorizzata skont id-Direttiva 2009/65/KE.
F’dawk il-każijiet “kumpanija maniġerjali” għandha tinftiehem li hija “kumpanija tal-investiment”.
Artikolu 3
Definizzjonijiet
Għall-iskopijiet ta’ din id-Direttiva, għandhom japplikaw id-definizzjonijiet li ġejjin flimkien mad-definizzjonijiet stipulati fid-Direttiva 2009/65/KE:
“klijent” tfisser kwalunkwe persuna fiżika jew legali, jew kwalunkwe impriża oħra inkluża UCITS, li kumpanija maniġerjali tkun qiegħda tipprovdilha servizz tal-immaniġġjar ta’ portafoll kollettiv jew servizzi skont l-Artikolu 6(3), tad-Direttiva 2009/65/KE;
“titolari ta’ unitajiet” tfisser kwalunkwe persuna naturali jew legali b’unità, jew aktar, f’UCITS;
“persuna rilevanti” b’rabta ma’ kumpanija maniġerjali, tfisser kwalunkwe minn dawn li ġejjin:
direttur, sieħed jew ekwivalenti, jew maniġer tal-kumpanija maniġerjali;
impjegat tal-kumpanija maniġerjali, kif ukoll kwalunkwe persuna fiżika oħra li s-servizzi li tagħti jkunu għad-dispożizzjoni u kkontrollati mill-kumpanija maniġerjali u li tkun involuta fil-provvediment mill-kumpanija maniġerjali tal-immaniġġjar ta’ portafoll kollettiv;
persuna fiżika li tkun involuta direttament fil-provvediment ta’ servizzi lill-kumpanija maniġerjali skont arranġament ta’ delega lil partijiet terzi għall-iskop tal-provvediment mill-kumpanija maniġerjali ta’ mmaniġġjar ta’ portafoll kollettiv;
“maniġment superjuri” tfisser il-persuna jew il-persuni li fil-fatt twettaq n-negozju ta’ kumpanija maniġerjali skont l-Artikolu 7(1)(b) tad-Direttiva 2009/65/KE;
“bord tad-diretturi” tfisser il-bord tad-diretturi tal-kumpanija maniġerjali;
“funzjoni superviżorja” tfisser il-persuni rilevanti jew korp jew korpijiet responsabbli mis-superviżjoni tal-maniġment superjuri tagħhom u mill-valutazzjoni u l-analiżi perjodika tal-adegwatezza u l-effikaċja tal-proċess tal-immaniġġjar tar-riskji u tal-politiki, l-arranġamenti u l-proċeduri li jkunu qegħdin jitħaddmu għall-konformità mal-obbligi skont id-Direttiva 2009/65/KE.
“riskju tal-kontraparti” tfisser ir-riskju ta’ telf għall-UCITS li jirriżulta mill-fatt li kontraparti ta’ tranżazzjoni tista’ tonqos mill-obbligi tagħha qabel is-saldu finali tal-flussi tal-flus tat-tranżazzjoni;
“riskju ta’ likwidità” tfisser ir-riskju li pożizzjoni fil-portafoll tal-UCITS ma tkunx tista’ tinbiegħ, tiġi llikwidata jew tingħalaq b’kost limitat f’qafas ta’ żmien qasir biżżejjed u li b’hekk tiġi kompromessal-kapaċità tal-UCITS li tkun il-ħin kollu konformi mal-Artikolu 84(1) tad-Direttiva 2009/65/KE.
“riskju tas-suq” tfisser ir-riskju ta’ telf għall-UCITS li jirriżulta minn varjazzjoni fil-valur tas-suq tal-pożizzjonijiet fil-portafoll tal-UCITS attribwibbli għal tibdil fil-varjabbli tas-suq, bħalma huma r-rati tal-imgħax, ir-rati tal-kambju, il-prezzijiet tal-ekwità u l-komoditajiet jew l-affidabbiltà tal-kreditu ta’ emittur.
“riskju operazzjonali” tfisser ir-riskju ta’ telf għall-UCITS li jirriżulta minn proċessi interni inadegwati u nuqqasijiet marbuta man-nies u s-sistemi tal-kumpanija maniġerjali jew minħabba avvenimenti esterni, u tinkludi r-riskju legali u dokumentali u r-riskju li jirriżulta mill-proċeduri tan-negozju, is-saldu u l-valwazzjoni mħaddma f’isem il-UCITS.
“riskju għas-sostenibbiltà” strument finanzjarju li l-objettiv tiegħu huma investimenti sostenibbli kif definiti fl-Artikolu 2(22) tar-Regolament (UE) 2019/2088 tal-Parlament Ewropew u tal-Kunsill ( 1 );
“fatturi ta’ sostenibbiltà” tfisser fatturi ta’ sostenibbiltà kif definiti fl-Artikolu 2(24) tar-Regolament (UE) 2019/2088.
It-terminu “bord tad-diretturi” iddefinit fil-punt 5 tal-ewwel paragrafu ma għandux jinkludi l-bord superviżorju meta l-kumpaniji maniġerjali jkollhom struttura doppja, b’bord tad-diretturi u b’bord superviżorju.
KAPITOLU II
PROĊEDURI AMMINISTRATTIVI U L-MEKKANIŻMU TA’ KONTROLL
(l-Artikolu 12(1)(a) u l-Artikolu 14(1)(c) tad-Direttiva 2009/65/KE)
TAQSIMA 1
Prinċipji ġenerali
Artikolu 4
Rekwiżiti ġenerali dwar il-proċeduri u l-organizzazzjoni
L-Istati Membri għandhom jeżiġu li l-kumpaniji maniġerjali jikkonformaw mar-rekwiżiti li ġejjin:
jistabbilixxu, jimplimentaw u jżommu proċeduri tat-teħid ta’ deċiżjonijiet u struttura organizzazzjonali li tispeċifika b’mod ċar u ddokumentat il-linji tar-rappurtaġġ u talloka l-funzjonijiet u r-responsabbiltajiet;
jiżguraw li l-persuni rilevanti tagħhom ikunu jafu bil-proċeduri li għandhom jiġu osservati għall-eżekuzzjoni korretta tar-responsabbiltajiet tagħhom;
jistabbilixxu, jimplimentaw u jżommu mekkaniżmi kontroll intern adegwati mfassla biex jiżguraw l-konformità mad-deċiżjonijiet u l-proċeduri fil-livelli kollha tal-kumpanija maniġerjali;
jistabbilixxu, jimplimentaw u jżommu rappurtaġġ intern u komunikazzjoni ta’ informazzjoni effikaċi fil-livelli rilevanti kollha tal-kumpanija maniġerjali kif ukoll iċ-ċirkolazzjoni effikaċi tal-informazzjoni ma’ kwalunkwe parti terza involuta;
iżommu reġistri adegwati u fl-ordni tan-negozju u l-organizzazzjoni interna tagħhom.
L-Istati Membri għandhom jiżguraw li l-kumpaniji maniġerjali jqisu n-natura, id-daqs u l-kumplessità tan-negozju tal-kumpanija maniġerjali, u n-natura u l-firxa tas-servizzi u l-attivitajiet li jitwettqu matul dak in-negozju.
L-Istati Membri għandhom jiżguraw li l-kumpanija maniġerjali jqisu r-riskji għas-sostenibbiltà meta jkunu qed jikkonformaw mar-rekwiżiti stabbiliti fl-ewwel subparagrafu.
Artikolu 5
Riżorsi
Artikolu 5a
Obbligu għall-kumpaniji ta’ investiment li jintegraw ir-riskji għas-sostenibbiltà fl-immaniġġjar tal-UCITS
L-Istati Membri għandhom jiżguraw li l-kumpaniji ta’ investiment jintegraw ir-riskji għas-sostenibbiltà fl-immaniġġjar tal-UCITS, filwaqt li jqisu n-natura, id-daqs u l-kumplessità tan-negozju tal-kumpaniji ta’ investiment.
TAQSIMA 2
Proċeduri amministrattivi u tal-kontabilità
Artikolu 6
Indirizzar tal-ilmenti
Artikolu 7
Proċessar ta’ dejta elettronika
Artikolu 8
Proċeduri tal-kontabilità
L-Istati Membri għandhom jeżiġu li l-kumpaniji maniġerjali jiżguraw l-applikazzjoni ta’ politika u l-proċeduri tal-kontabilità kif imsemmi fl-Artikolu 4(4) biex b’hekk ikun żgurat il-ħarsien tat-titolari ta’ unitjiet.
Il-kontabilità ta’ UCITS għandha tinżamm b’tali mod li l-assi u l-obbligazzjonijiet kollha tal-UCITS ikunu jistgħu jiġu identifikati direttament il-ħin kollu.
Jekk il-UCITS ikollha kompartimenti ta’ investiment differenti, għandhom jinżammu kontijiet separati għal dawk il-kompartimenti ta’ investiment.
TAQSIMA 3
Mekkaniżmi tal-kontroll intern
Artikolu 9
Kontroll mill-maniġment superjuri u l-funzjoni tas-superviżjoni
Il-kumpanija maniġerjali għandha tiżgura li l-maniġment superjuri tagħha:
ikunu responsabbli mill-implimentazzjoni tal-politika ġenerali tal-investiment għal kull UCITS immaniġġata, kif definit, fejn rilevanti, fil-prospett, fir-regoli tal-fond jew fl-istrumenti tal-inkorporazzjoni tal-kumpanija tal-investiment;
jissorveljaw l-approvazzjoni tal-istrateġiji tal-investiment għal kull UCITS immaniġġjata;
ikunu responsabbli biex jiżguraw li l-kumpanija maniġerjali jkollha funzjoni ta’ konformità permanenti u effikaċi, kif imsemmi fl-Artikolu 10, anke jekk din il-funzjoni titwettaq minn parti terza;
jiżguraw u jivverifikaw perjodikament li l-politika ġenerali tal-investiment, l-istrateġiji tal-investiment u l-limiti tar-riskji ta’ kull UCITS immaniġġjata jkunu qegħdin jiġu implimentati u osservati kif suppost u b’mod effikaċi, anke jekk il-funzjoni tal-immaniġġjar tar-riskji titwettaq minn partijiet terzi;
japprovaw u jirrevedu perjodikament l-adegwatezza tal-proċeduri interni għat-teħid ta’ deċiżjonijiet dwar investiment għal kull mill-UCITS immaniġġjata, sabiex ikun żgurat li dawk id-deċiżjonijiet ikunu konsistenti mal-istrateġiji approvati ta’ investiment;
japprovaw u jirrevedu perjodikament il-politika u l-arranġamenti tal-immaniġġjar tar-riskji, il-proċessi u t-tekniki għall-implimentazzjoni ta’ dik il-politika, kif imsemmi fl-Artikolu 38, inkluża s-sistema tal-limitu tar-riskju għal kull UCITS immaniġġjata;
huwa responsabbli għall-integrazzjoni tar-riskji għas-sostenibbiltà fl-attivitajiet imsemmija fil-punti (a) sa (f).
Il-kumpanija maniġerjali għandha tiżgura li l-maniġment superjuri tagħha u fejn xieraq, il-funzjoni superviżorja tagħha għandhom:
aċċess u janaliżaw perjodikament l-effikaċja tal-politiki, l-arranġamenti u l-proċeduri mħaddma għal konformità mal-obbligi tad-Direttiva 2009/65/KE;
jieħdu miżuri xierqa biex jiġi indirizzat kull nuqqas.
Artikolu 10
Funzjoni permanenti tal-konformità
L-Istati Membri għandhom jiżguraw li l-kumpaniji maniġerjali jistabbilixxu, jimplimentaw u jżommu politiki u proċeduri adegwati mfassla biex isir magħruf kwalunkwe riskju ta’ nuqqas min-naħa tal-kumpanija maniġerjali li tikkonforma mal-obbligi tagħha skont id-Direttiva 2009/65/KE, u wkoll ir-riskji assoċjati, u jħaddmu miżuri u proċeduri adegwati mfassla biex jimminimizzaw dan ir-riskju u biex l-awtoritajiet kompetenti jkunu jistgħu jeżerċitaw is-setgħat tagħhom b’mod effikaċi skont din id-Direttiva.
L-Istati Membri għandhom jiżguraw li l-kumpaniji maniġerjali jqisu n-natura, id-daqs u l-kumplessità tan-negozju tal-kumpanija, u n-natura u l-firxa tas-servizzi u l-attivitajiet li jitwettqu matul dak in-negozju.
L-Istati Membri għandhom jeżiġu li l-kumpaniji maniġerjali jistabbilixxu u jżommu funzjoni ta’ konformità permanenti u effikaċi li topera indipendentement u bir-responsabbiltajiet li ġejjin:
li timmonitorja u, fuq bażi regolari, tivvaluta l-adegwatezza u l-effikaċja tal-miżuri, politiki u proċeduri mħaddma skont il-paragrafu 1, u l-azzjonijiet meħuda sabiex jiġu indirizzati kwalunkwe nuqqasijiet fil-konformità tal-kumpanija maniġerjali mal-obbligi tagħha;
li tagħti pariri u tassisti l-persuni rilevanti responsabbli mit-twettiq tas-servizzi u l-attivitajiet għall-konformità mal-obbligi tal-kumpanija maniġerjali skont id-Direttiva 2009/65/KE.
Sabiex il-funzjoni tal-konformità msemmija fil-paragrafu 2 tkun tista’ teżegwixxi r-responsabbiltajiet tagħha kif suppost u indipendentement, il-kumpaniji maniġerjali għandhom jiżguraw li jiġu ssodisfati l-kundizzjonijiet li ġejjin:
il-funzjoni tal-konformità għandu jkollha l-awtorità, ir-riżorsi, u l-kompetenza meħtieġa u aċċess għall-informazzjoni rilevanti kollha;
għandu jinħatar uffiċjal tal-konformità u għandu jkun responsabbli mill-funzjoni tal-konformità u minn kwalunkwe rappurtaġġ fuq bażi frekwenti, u tal-anqas kull sena, lill-maniġment superjuri dwar kwistjonijiet ta’ konformità, fejn ikun indikat b’mod partikolari jekk ikunux ittieħdu l-miżuri ta’ rimedju xierqa fil-każ ta’ xi nuqqasijiet;
il-persuni rilevanti involuti fil-funzjoni tal-konformità m’għandhomx ikunu involuti fit-twettiq tas-servizzi jew l-attivitajiet li jkunu qegħdin jimmonitorjaw;
il-metodu kif tiġi ddeterminata r-remunerazzjoni tal-persuni rilevanti involuti fil-funzjoni tal-konformità m’għandux jikkomprometti l-oġġettività tagħhom jew ikollu mnejn jagħmel hekk.
Madanakollu, kumpanija maniġerjali ma tkunx meħtieġa tikkonforma mal-punt (c) jew il-punt (d) tal-ewwel sottoparagrafu jekk tkun tista’ turi li minħabba n-natura, id-daqs u l-kumplessità tan-negozju tagħha, u n-natura u l-firxa tas-servizzi u l-attivitajiet tagħha, dak ir-rekwiżit mhuwiex proporzjonat u li l-funzjoni ta’ konformità tagħha tibqa’ waħda effikaċi.
Artikolu 11
Uffiċċju permanenti tal-awditjar intern
L-uffiċċju tal-awditjar intern imsemmi fil-paragrafu 1 għandu jkollu r-responsabbiltajiet li ġejjin:
li jistabbilixxi, jimplimenta u jżomm pjan tal-awditjar biex jiġu eżaminati u evalwati l-adegwatezza u l-effikaċja tas-sistemi, il-mekkaniżmi tal-kontroll intern u l-arranġamenti tal-kumpanija maniġerjali;
li joħroġ b’rakkomandazzjonijiet abbażi tar-riżultat tal-ħidma li tkun twettqet skont il-punt (a);
li jivverifika l-konformità mar-rakkomandazzjonijiet imsemmija fil-punt (b);
li jirrapporta dwar kwistjonijiet ta’ awditjar intern skont l-Artikolu 9(4).
Artikolu 12
Funzjoni permanenti tal-immaniġġjar tar-riskji
Il-funzjoni permanenti tal-immaniġġjar tar-riskji msemmija fil-paragrafu 1 għandha tkun ġerarkikament u funzjonalment indipendenti mit-taqsimiet operattivi.
Madanakollu, l-Istati Membri jistgħu jħallu lill-kumpaniji maniġerjali jidderogaw minn dak l-obbligu meta d-deroga tkun xierqa u proporzjonata fid-dawl tan-natura, id-daqs u l-kumplessità tan-negozju tal-kumpanija maniġerjali u tal-UCITS li timmaniġġja.
Kumpanija maniġerjali għandha tkun kapaċi turi li ġew adottati prekawzjonijiet xierqa kontra l-konflitti ta’ interess biex b’hekk ikunu jistgħu jitwettqu l-attivitajiet indipendenti tal-immaniġġjar tar-riskji kif ukoll li l-proċess tal-immaniġġjar tar-riskji tagħha jissodisfaw ir-rekwiżiti tal-Artikolu 51 tad-Direttiva 2009/65/KE.
Funzjoni permanenti tal-immaniġġjar tar-riskji għandha:
timplimenta l-politika u l-proċeduri tal-immaniġġjar tar-riskji;
tiżgura l-konformità mas-sistema tal-limitu tar-riskji tal-UCITS, inklużi l-limiti statutorji dwar l-iskopertura globali u r-riskju tal-kontraparti skont l-Artikoli 41, 42 u 43;
tipprovdi konsulenza lill-bord tad-diretturi dwar l-identifikazzjoni tal-profil tar-riskju ta’ kull UCITS immaniġġjata;
tipprovdi rapporti regolari lill-bord tad-diretturi u fejn teżisti lill-funzjoni tas-superviżjoni, dwar:
il-konsistenza bejn il-livelli attwali tar-riskju li tkun soġġetta għalihom kull UCITS immaniġġjata u l-profil tar-riskju miftiehem għal dik il-UCITS;
il-konformità ta’ kull UCITS immaniġġjata mas-sistemi tal-limiti tar-riskji rilevanti;
l-adegwatezza u l-effikaċja tal-proċess tal-immaniġġjar tar-riskji, fejn ikun indikat b’mod partikolari jekk ittiħdux l-miżuri ta’ rimedju xierqa fil-każ ta’ xi defiċenzi;
tipprovdi rapporti regolari lill-maniġment superjuri li jispjegaw il-livell attwali tar-riskju li tkun soġġetta għalih kull UCITS immaniġġjata u kwalunkwe ksur fattwali jew prevedibbli tal-limiti tagħhom, biex b’hekk ikun żgurat li tkun tista’ tittieħed azzjoni passi fil-pront u xierqa;
tanalizza u tgħin, fejn xieraq, lill-arranġamenti u l-proċeduri tal-valwazzjoni tad-derivati OTC kif imsemmi fl-Artikolu 44.
Artikolu 13
Tranżazzjonijiet personali
L-Istati Membri għandhom jeżiġu li l-kumpaniji maniġerjali jistabbilixxu, jimplimentaw u jżommu arranġamenti adegwati mmirati biex jipprevjenu l-attivitajiet segwenti fil-każ ta’ xi persuna rilevanti li tkun involuta f’attivitajiet li jistgħu jagħtu lok għal konflitt ta’ interess, jew li jkollha aċċess għal informazzjoni privileġġata skont it-tifsira tal-Artikolu 1(1) tad-Direttiva 2003/6/KE jew għal kwalunkwe informazzjoni kunfidenzjali oħra relatata mal-UCITS jew ma’ tranżazzjonijiet ma’ jew għall-UCITS minħabba attività imwettqa minnha f’isem il-kumpanija maniġerjali:
l-eżekuzzjoni ta’ tranżazzjoni personali li tissodisfa tal-anqas waħda mill-kriterji li ġejjin:
dik il-persuna tkun ipprojbita milli teżegwixxi dik it-tranżazzjoni personali skont t-tifsira tad-Direttiva 2003/6/KE;
tinvolvi l-abbuż jew divulgazzjoni skorretta ta’ informazzjoni kunfidenzjali;
tmur kontra jew potenzjalment tmur kontra xi obbligu tal-kumpanija maniġerjali skont id-Direttiva 2009/65/KE jew skont id-Direttiva 2004/39/KE;
is-solleċitar jew l-inkarigar, għajr għall-qadi normali tal-impjieg tagħha jew skont il-kuntratt ta’ servizz, ta’ xi persuna oħra biex teżegwixxi tranżazzjoni fi strumenti finanzjarji li, jekk tkun tranżazzjoni personali tal-persuna rilevanti, tkun taqa’ taħt il-punt (a) ta’ dan il-paragrafu jew il-punti (a) jew (b) tal-Artikolu 25(2) tad-Direttiva 2006/73/KE, jew inkella tkun tikkostitwixxi abbuż minn informazzjoni relatata ma’ ordnijiet pendenti;
divulgar, għajr għall-qadi normali tal-impjieg tagħha jew skont il-kuntratt ta’ servizz tagħha u mingħajr ħsara għall-Artikolu 3(a) tad-Direttiva 2003/6/KE, ta’ kwalunkwe informazzjoni jew opinjoni lil kwalunkwe persuna oħra jekk il-persuna rilevanti tkun taf, jew raġonevolment imissha tkun taf, li b’riżultat ta’ dik id-divulgazzjoni dik il-persuna l-oħra se tieħu jew x’aktarx li tieħu xi wieħed minn dawn il-passi li ġejjin:
teżegwixxi tranżazzjoni fi strumenti finanzjarji li, jekk tkun tranżazzjoni personali tal-persuna rilevanti, tkun taqa’ taħt il-punt (a) ta’ dan il-paragrafu jew il-punti (a) jew (b) tal-Artikolu 25(2) tad-Direttiva 2006/73/KE, jew inkella tkun tikkostitwixxi abbuż minn informazzjoni relatata ma’ ordnijiet pendenti;
tissolleċita jew tinkariga persuna oħra biex teżegwixxi din it-tranżazzjoni.
L-arranġamenti meħtieġa skont il-paragrafu 1 għandhom b’mod partikolari jkunu mfassla biex jiżguraw li:
kull persuna rilevanti li taqa’ taħt il-paragrafu 1 tkun taf dwar ir-restrizzjonijiet fuq tranżazzjonijiet personali, u tal-miżuri stabbiliti mill-kumpanija maniġerjali b’rabta mat-tranżazzjonijiet personali u d-divulgazzjoni, skont il-paragrafu 1;
il-kumpanija maniġerjali tkun mgħarrfa fil-pront b’kull tranżazzjoni personali eżegwita minn persuna rilevanti, jew b’notifika ta’ dik it-tranżazzjoni jew permezz ta’ proċeduri oħra biex il-kumpanija maniġerjali tkun tista’ tidentifika dawn it-tranżazzjonijiet;
tinżamm reġistrazzjoni tat-tranżazzjoni personali nnotifikata lill-kumpanija maniġerjali jew identifikata minnha, inkluża kull awtorizzazzjoni jew projbizzjoni b’rabta ma’ din it-tranżazzjoni.
Għall-iskopijiet tal-punt (b) tal-ewwell sottoparagrafu, fejn ċertu attivitajiet jitwettqu minn partijiet terzi, il-kumpanija maniġerjali għandha tiżgura li l-entità li twettaq l-attività żżomm rekord tat-tranżazzjonijiet personali eżegwiti minn kwalunkwe persuna rilevanti u tipprovdi dik l-informazzjoni lill-kumpanija maniġerjali fil-pront meta tintalab.
Il-paragrafi 1 u 2 m’għandhomx japplikaw għat-tip ta’ tranżazzjonijiet personali li ġejjin:
tranżazzjonijiet personali eżegwiti bħala servizz ta’ mmaniġġjar ta’ portafoll diskrezzjonali fejn ma jkun hemm ebda komunikazzjoni minn qabel b’rabta mat-tranżazzjoni bejn il-maniġer tal-portafoll u l-persuna rilevanti jew persuna oħra li f’isimha hija eżegwita t-tranżazzjoni;
tranżazzjonijiet personali f’UCITS jew f’unitjiet f’impriżi kollettivi li jkunu soġġetti għal superviżjoni skont il-liġi ta’ Stat Membru li titlob livell ekwivalenti ta’ tifrix tar-riskji fl-assi tagħhom, fejn il-persuna rilevanti u kwalunkwe persuna oħra li f’isimha jiġu attwati t-tranżazzjonijiet ma jkunux involuti fil-immaniġġjar ta’ dik l-impriża.
Artikolu 14
Reġistrazzjoni tat-tranżazzjonijiet ta’ portafolji
Ir-reġistrazzjoni msemmija fil-paragrafu 1 għandha tinkludi:
l-isem jew deżinjazzjoni oħra tal-UCITS u tal-persuna li tkun qiegħda taġixxi f’isem il-UCITS;
id-dettalji meħtieġa biex jiġi identifikat l-istrument involut;
il-kwantità;
it-tip tal-ordni jew tranżazzjoni;
il-prezz;
għal ordnijiet, id-data u l-ħin preċiż tat-trażmissjoni tal-ordni u l-isem jew deżinjazzjoni oħra tal-persuna li tkun ġiet trażmessa lilha l-ordni, jew għal tranżazzjonijiet, id-data u l-ħin preċiż tad-deċiżjoni biex isir in-negozju u l-eżekuzzjoni tat-tranżazzjoni;
l-isem tal-persuna li tittrażmetti l-ordni jew li teżegwixxi t-tranżazzjoni;
fejn applikabbli, ir-raġunijiet għar-revoka ta’ ordni;
għal tranżazzjonijiet eżegwiti, l-identifikazzjoni tal-kontraparti u l-post tal-eżekuzzjoni.
Għall-iskopijiet tal-punt (i) tal-ewwel sottoparagrafu, “post tal-eżekuzzjoni” għandha tfisser suq regolat kif imsemmi fl-Artikolu 4 (14) tad-Direttiva 2004/39/KE, faċilità ta’ negozju multilaterali kif imsemmi fl-Artikolu 4 (15) ta’ dik id-Direttiva, internalizzatur sistematiku kif imsemmi fl-Artikolu 4 (7) ta’ dik id-Direttiva, jew kostruttur tas-suq jew fornitur ieħor tal-likwidità jew korp li jwettaq funzjoni simili, f’pajjiż terz, għall-funzjonijiet imwettqa minn xi wieħed minn dawn imsemmija.
Artikolu 15
Reġistrazzjoni tal-ordnijiet ta’ sottoskrizzjoni u tifdija
Ir-reġistrazzjoni għandha tinkludi informazzjoni dwar dan li ġej:
l-UCITS rilevanti;
il-persuna li tagħti jew tittrażmetti l-ordni;
il-persuna li tirċievi l-ordni;
id-data u l-ħin tal-ordni;
it-termini u l-mezzi tal-ħlas;
it-tip tal-ordni;
id-data tal-eżekuzzjoni tal-ordni;
l-għadd ta’ unitajiet sottoskritti jew mifdija;
il-prezz tas-sottoskrizzjoni jew tifdija għal kull unità;
il-valur totali tas-sottoskrizzjoni jew tifdija tal-unitajiet;
il-valur gross tal-ordni li jkun jinkludi l-imposti għas-sottoskrizzjoni jew l-ammont nett wara l-imposti għat-tifdija.
Artikolu 16
Rekwiżiti ta’ żamma tar-reġistri
L-Istati Membri għandhom jeżiġu li l-kumpaniji maniġerjali jiżguraw iż-żamma tar-reġistri imsemmija fl-Artikoli 14 u 15 għal perjodu ta’ tal-anqas ħames snin.
Madanakollu, l-awtoritajiet kompetenti jistgħu, f’ċirkostanzi eċċezzjonali, jeżiġu li l-kumpaniji maniġerjali jibqgħu jżommu xi wħud minn dawk ir-reġistri, jew kollha kemm huma, għal dak il-perjodu itwal iddeterminat min-natura tal-istrument jew it-tranżazzjoni tal-portafoll, meta jkun meħtieġ biex l-awtorità tkun tista’ teżerċita l-funzjonijiet tas-superviżjoni tagħha skont id-Direttiva 2009/65/KE.
Wara li tiġi fi tmiemha l-awtorizzazzjoni ta’ kumpanija maniġerjali, l-Istati Membri jew l-awtoritajiet kompetenti jistgħu jeżiġu li l-kumpanija maniġerjali tibqa’ żżomm ir-reġistri msemmija fil-paragrafu 1 sa ma jispiċċa t-terminu ta’ perjodu ta’ ħames snin.
Meta l-kumpanija maniġerjali tittrasferixxi r-responsabbiltajiet tagħha marbuta mal-UCITS lil kumpanija maniġerjali oħra, l-Istati Membri jew l-awtoritajiet kompetenti jistgħu jeżiġu li jsiru l-arranġamenti li dawk ir-reġistri tal-aħħar ħames snin ikunu aċċessibbli għal dik il-kumpanija.
Ir-reġistri għandhom jibqgħu jinżammu f’mezz li jippermetti l-ħażna tal-informazzjoni b’mod aċċessibbli għal referenza fil-futur mill-awtorità kompetenti, u b’tali forma u manjiera li jkunu ssodisfati l-kundizzjonijiet li ġejjin:
l-awtorità kompetenti għandha tkun tista’ taċċessahom malajr u tirrikostruwixxi kull wieħed mill-istadji ewlenin tal-ipproċessar ta’ kull tranżazzjoni tal-portafoll;
għandu jkun possibbli li kull korrezzjoni jew emendi oħra, u l-kontenut tar-reġistri qabel dawn il-korrezzjonijiet jew l-emendi, tkun tista’ tiġi aċċertata faċilment;
ir-reġistri m’għandhomx ikunu jistgħu jiġu mmanipulati jew alterati mod ieħor.
KAPITOLU III
KONFLITT TA’ INTERESS
(l-Artikolu 12(1)(b) u l-Artikolu 14(1)(d) u (2)(c) tad-Direttiva 2009/65/KE)
Artikolu 17
Kriterji għall-identifikazzjoni ta’ konflitt ta’ interess
L-Istati Membri għandhom jiżguraw li, għall-iskopijiet ta’ identifikazzjoni tat-tipi ta’ konflitt ta’ interess li jirriżultaw matul il-provvista tas-servizzi u l-attivitajiet u li l-eżistenza tagħhom tista’ tagħmel ħsara lill-interess tal-UCITS, il-kumpaniji maniġerjali jqisu, permezz ta’ kriterji minimi, il-kwistjoni jekk il-kumpanija maniġerjali jew persuna rilevanti, jew persuna direttament jew indirettament relatata permezz ta’ kontroll mal-kumpanija maniġerjali, tkunx f’xi waħda mis-sitwazzjonijiet li ġejjin, sew jekk b’riżultat tal-provvista tal-attivitajiet tal-immaniġġjar ta’ portafoll kollettiv jew mod ieħor:
il-kumpanija maniġerjali jew dik il-persuna jkollha mnejn tagħmel qligħ finanzjarju, jew li tevita telf finanzjarju, aspejjeż tal-UCITS;
il-kumpanija maniġerjali jew dik il-persuna jkollha interess fl-eżitu tas-servizz jew attività pprovduta lill-UCITS jew klijent ieħor jew ta’ tranżazzjoni mwettqa f’isem il-UCITS jew klijent ieħor, differenti mill-interess tal-UCIT f’dak l-eżitu;
il-kumpanija maniġerjali jew dik il-persuna jkollha inċentiv finanzjarju jew ta’ natura oħra biex tiffavorixxi l-interess ta’ klijent jew grupp ta’ klijenti ieħor qabel l-interess tal-UCITS;
il-kumpanija maniġerjali jew dik il-persuna twettaq l-istess attivitajiet għal-UCITS u għal klijent jew klijenti oħra li mhumiex UCITS;
il-kumpanija maniġerjali jew dik il-persuna tkun qiegħda tiġi jew tkun sa tiġi mħajra minn persuna oħra barra l-UCITS fir-rigward tal-attivitajiet tal-immaniġġjar tal-portafoll kollettiv ipprovdut lill-UCITS, fl-għamla ta’ flus, oġġetti jew servizzi, għajr il-kummissjoni jew it-tariffa standard għal dak is-servizz.
L-Istati Membri għandhom jeżiġu lill-kumpaniji maniġerjali li waqt l-identifikazzjoni tat-tipi ta’ konflitt ta’ interess iqisu:
l-interess tal-kumpanija maniġerjali, inkluż dak li ġej mill-appartenenza tagħha fi grupp jew mit-twettiq tas-servizzi u l-attivitajiet, l-interess tal-klijenti u d-dover tal-kumpanija maniġerjali lejn il-UCITS;
l-interessi ta’ żewġ UCITS immaniġġjati jew aktar.
Artikolu 18
Politika tal-konflitt ta’ interess
L-Istati Membri għandhom jeżiġu li l-kumpaniji maniġerjali jistabbilixxu, jimplimentaw u jżommu politika effikaċi tal-konflitt ta’ interess. Dik il-politika għandha tkun stipulati bil-miktub u għandha tkun xierqa għad-daqs u l-organizzazzjoni tal-kumpanija maniġerjali u n-natura, id-daqs u l-kumplessità tan-negozju tagħha.
Fejn il-kumpanija maniġerjali tkun membru ta’ grupp, il-politika għandha tqis ukoll kwalunkwe ċirkostanza, li dwarha l-kumpanija hija jew għandha tkun konxja u li tista’ tagħti lok għal konflitt ta’ interess li jirriżulta mill-istruttura u l-attivitajiet tan-negozju ta’ membri oħra fil-grupp.
Il-politika tal-konflitt ta’ interess stabbilita skont il-paragrafu 1 għandha tinkludi dan li ġej:
l-identifikazzjoni ta’, b’referenza għall-attivitajiet tal-immaniġġjar kollettiv ta’ portafolji mwettqa minn kumpanija maniġerjali jew f’isimha, iċ-ċirkostanzi li jikkostitwixxu jew li jistgħu jagħtu lok għal konflitt ta’ interess li jkun jimplika riskju materjali ta’ ħsara għall-interessi tal-UCITS jew ta’ xi klijent wieħed jew aktar;
il-proċeduri li għandhom ikunu segwiti u l-miżuri li għandhom jiġu adottati sabiex dawn il-konflitti jkunu mmaniġġjati.
Artikolu 19
Indipendenza fl-immaniġġjar tal-konflitti
Il-proċeduri li għandhom ikunu segwiti u l-miżuri li għandhom jiġu adottati skont l-Artikolu 18(2)(b) għandhom jinkludu dan li ġej fejn meħtieġ u xieraq għall-kumpanija maniġerjali biex ikun żgurat il-livell mitlub ta’ indipendenza:
proċeduri effettivi għall-prevenzjoni jew il-kontroll tal-iskambju tal-informazzjoni bejn persuni rilevanti involuti fl-attivitajiet tal-immaniġġjar ta’ portafoll kollettiv u li jkun jinvolvi riskju ta’ konflitt ta’ interess fejn l-iskambju ta’ dik l-informazzjoni jista’ jkun ta’ dannu għall-interessi ta’ xi klijent jew klijenti;
is-superviżjoni separata ta’ persuni rilevanti li l-funzjonijiet prinċipali tagħhom ikunu jinvolvu t-twettiq ta’ attivitajiet ta’ mmaniġġjar ta’ portafoll kollettiv f’isem, jew li jagħtu servizz lil klijenti jew investituri li l-interessi tagħhom jistgħu jkunu konfliġġenti, jew li b’xi mod ieħor ikunu jirrappreżentaw interessi differenti li jistgħu jkunu konfliġġenti, inklużi dawk tal-kumpanija maniġerjali;
it-tneħħija ta’ kull rabta diretta bejn ir-rimunerazzjoni ta’ persuni rilevanti li involuti prinċipalment f’attività u r-rimunerazzjoni ta’, jew id-dħul iġġenerat minn, persuni rilevanti differenti involuti prinċipalment f’attività oħra, fejn jista’ jinħoloq konflitt ta’ interess marbut ma’ dawk l-attivitajiet;
miżuri biex kwalunkwe persuna tkun ipprevenuta jew limitata milli teżerċita xi influwenza mhux xierqa fuq il-mod ta’ kif persuna rilevanti twettaq l-attivitajiet tal-immaniġġjar ta’ portafoll kollettiv;
miżuri ta’ prevenzjoni jew kontroll tal-involviment simultanju jew sekwenzjali ta’ persuna rilevanti f’attivitajiet separati ta’ mmaniġġjar ta’ portafoll kollettiv fejn dan l-involviment jista’ jdgħajjef l-immaniġġjar tajjeb tal-konflitti ta’ interess.
Meta l-adozzjoni jew il-prattika ta’ waħda jew aktar minn dawk il-miżuri u proċeduri ma tiżgurax il-livell mitlub ta’ indipendenza, l-Istati Membri għandhom jeżiġu li l-kumpaniji maniġerjali jadottaw dawk il-miżuri u proċeduri alternattivi jew addizzjonali kif ikun meħtieġ u xieraq għal dawk l-iskopijiet.
Artikolu 20
Immaniġġjar ta’ attivitajiet li jagħtu lok għal konflitt ta’ interess detrimentali
Artikolu 21
Strateġiji għall-eżerċitar tad-drittijiet tal-vot
Fl-istrateġija msemmija fil-paragrafu 1 għandha tiddetermina l-miżuri u l-proċeduri għal:
l-monitoraġġ tal-avvenimenti korporattivi rilevanti;
l-iżgurar li l-eżerċitar tad-drittijiet tal-vot ikun skont l-għanijiet tal-investiment u l-politika tal-UCITS rilevanti;
l-prevenzjoni jew immaniġġjar ta’ kwalunkwe konflitt ta’ interess li jirriżulta mill-eżerċitar tad-drittijiet tal-vot.
Deskrizzjoni fil-qosor tal-istrateġiji msemmija fil-paragrafu 1 għandha tkun disponibbli għall-investituri.
Id-dettalji tal-azzjonijiet meħuda abbażi ta’ dawn l-istrateġiji għandhom ikunu disponibbli għat-titolari ta’ unitjiet mingħajr ħlas u fuq talba tagħhom.
KAPITOLU IV
REGOLI TAL-KONDOTTA
(l-Artikolu 14(1)(a), (b) u (2)(a), (b) tad-Directtiva 2009/65/KE)
TAQSIMA 1
Prinċipji ġenerali
Artikolu 22
Dmir li wieħed jaġixxi fl-aħjar interessi tal-UCITS u tat-titolari ta’ unitjiet tagħhom
L-Istati Membri għandhom jeżiġu li l-kumpaniji maniġerjali jiżguraw li t-titolari ta’ unitjiet fl-UCITS immaniġġjati jiġu ttrattati b’mod ġust.
Il-kumpaniji maniġerjali ma għandhomx iqiegħdu l-interess ta’ xi grupp ta’ titolari ta’ unitjiet qabel l-interessi ta’ xi grupp ieħor ta’ titolari ta’ unitjiet.
Artikolu 23
Rekwiżiti ta’ diliġenza xierqa
L-Istati Membri għandhom jeżiġu li meta l-kumpaniji maniġerjali jimplimentaw il-politika tagħhom tal-immaniġġjar tar-riskji, u fejn xieraq wara li jqisu n-natura ta’ investiment previst, jifformulaw previżjonijiet u jwettqu analiżi tal-kontribut tal-investiment fil-kompożizzjoni tal-portafoll tal-UCITS, il-likwidità u profil tar-riskji u l-gwadanji qabel ma jwettqu l-investiment. L-analiżi jridu jitwettqu biss abbażi ta’ informazzjoni affidabbli u aġġornata, kemm f’termini kwantitattivi kif ukoll kwalitattivi.
Il-kumpaniji maniġerjali għandhom jeżerċitaw il-ħila dovuta, l-attenzjoni u d-diliġenza xierqa meta jidħlu fi, jimmaniġġjaw jew jitterminaw kwalunkwe arranġament ma’ partijiet terzi b’rabta mat-twettiq ta’ attivitajiet tal-immaniġġjar tar-riskji. Qabel ma jidħlu f’dawn l-arranġamenti l-kumpaniji maniġerjali għandhom jieħdu l-passi meħtieġa sabiex jiġi vverifikat li l-parti terza għandha l-abbiltà u l-kapaċità li twettaq l-attivitajiet tal-immaniġġjar tar-riskji b’mod affidabbli, professjonali u effikaċi. Il-kumpanija maniġerjali għandha tistabbilixxi metodi għall-valutazzjoni kontinwa tal-istandard tal-prestazzjoni tal-parti terza.
TAQSIMA 2
Immaniġġar ta’ ordnijiet ta’ sottoskrizzjoni u tifdija
Artikolu 24
Obbligi tar-rappurtaġġ dwar l-eżekuzzjoni tal-ordnijiet ta’ sottoskrizzjoni u tifdija
L-Istati Membri għandhom jiżguraw li fejn il-kumpaniji maniġerjali jkunu eżegwew ordni ta’ sottoskrizzjoni jew tifdija mingħand titolari ta’ unitjiet, dawn għandhom jinnotifikaw lit-titolari ta’ unitajiet b’mezz li jibqa’, fejn jikkonfermaw l-eżekuzzjoni tal-ordni kemm jista’ jkun malajr, u mhux aktar tard mill-ewwel jum tan-negozju wara l-eżekuzzjoni jew, jekk il-konferma tasal għand il-kumpanija maniġerjali mingħand parti terza, mhux aktar tard mill-ewwel jum tan-negozju wara l-wasla tal-konferma mingħand il-parti terza.
Madankollu, l-ewwel sottoparagrafu ma għandux japplika fejn l-avviż ikun fih l-istess informazzjoni bħal konferma li għandha tintbagħat fil-pront lit-titolari ta’ unitajiet minn persuna oħra.
L-avviż imsemmi fil-paragrafu 1 għandu, fejn applikabbli, jinkludi l-informazzjoni li ġejja:
l-identifikazzjoni tal-kumpanija maniġerjali;
l-isem jew deżinjazzjoni oħra tat-titolari ta’ unitajiet;
id-data u l-ħin tal-wasla tal-ordni u l-metodu tal-ħlas;
id-data tal-eżekuzzjoni;
l-identifikazzjoni tal-UCITS;
in-natura tal-ordni (sottoskrizzjoni jew tifdija);
l-għadd ta’ unitajiet involuti;
il-valur ta’ unità li bih ġew sottoskritti jew mifdija l-unitajiet;
id-data tal-valur ta’ referenza;
il-valur gross tal-ordni li jkun jinkludi l-imposti għas-sottoskrizzjoni jew l-ammont nett wara l-imposti fuq it-tifdijiet;
is-somma totali tal-kummissjonijiet u l-ispejjeż imposti u meta l-investitur jitlobha, u analiżi ddettaljata.
TAQSIMA 3
L-aħjar eżekuzzjoni
Artikolu 25
Eżekuzzjoni tad-deċiżjonijiet li jsir negozju f’isem il-UCITS immaniġġjata
Għall-iskopijiet tal-paragrafu 1, l-Istati Membri għandhom jiżguraw li l-kumpaniji maniġerjali jieħdu l-passi raġonevoli kollha biex jiksbu l-aħjar riżultat possibbli għall-UCITS, filwaqt li jqisu l-prezz, il-kostijiet, il-ħeffa, il-probabbiltà tal-eżekuzzjoni u s-saldu, id-daqs u n-natura tal-ordni jew kwalunkwe kunsiderazzjoni oħra rilevanti għall-eżekuzzjoni tal-ordni. L-importanza relattiva ta’ dawn il-fatturi għandha tkun iddeterminata b’referenza għall-kriterji li ġejjin:
l-għanijiet, il-politika tal-investiment u r-riskji speċifiċi tal-UCITS, kif indikati fil-prospett jew skont x’ikun il-każ fir-regoli tal-fond jew l-artikoli tal-assoċjazzjoni tal-UCITS;
il-karatteristiċi tal-ordni;
il-karatteristiċi tal-istrumenti finanzjarji li huma s-suġġett ta’ dik l-ordni;
il-karatteristiċi tal-postijiet tal-eżekuzzjoni fejn dik l-ordni tista’ tintbagħat.
L-Istati Membri għandhom jeżiġu li l-kumpaniji maniġerjali jistabbilixxu u jimplimentaw arranġamenti effikaċi għall-konformità mal-obbligu msemmi fil-paragrafu 2. B’mod partikolari, il-kumpaniji maniġerjali għandhom jistabbilixxu u jimplimentaw politika li biha jkunu jistgħu jiksbu l-aħjar riżultat possibbli għall-ordnijiet tal-UCITS skont il-paragrafu 2.
Il-kumpaniji maniġerjali għandhom jiksbu l-kunsens minn qabel mingħand il-kumpanija tal-investiment dwar il-politika ta’ eżekuzzjoni. Il-kumpanija maniġerjali għandha tipprovdi lit-titolari ta’ unitjiet b’informazzjoni xierqa dwar il-politika stabbilita skont dan l-Artikolu u dwar kull tibdil materjali fil-politika tagħha.
Il-kumpaniji maniġerjali għandhom jimmonotorjaw fuq bażi regolari l-effikaċja tal-arranġamenti tagħhom u l-politika għall-eżekuzzjoni tal-ordnijiet sabiex jiġu identifikati u, fejn ikun xieraq, jiġu kkoreġuti xi nuqqasijiet.
Barra minn hekk, il-kumpaniji maniġerjali għandhom jirrevedu l-politika ta’ eżekuzzjoni fuq bażi annwali. Din ir-reviżjoni għandha ssir ukoll kull darba li sseħħ xi bidla materjali li taffettwa l-kapaċità tal-kumpanija maniġerjali li tkompli tikseb l-aħjar riżultat possibbli għall-UCITS li timmaniġġja.
Artikolu 26
L-eżekuzzjoni minn entitajiet oħrajn ta’ ordnijiet għal negozju f’isem UCITS
L-Istati Membri għandhom jiżguraw li l-kumpaniji maniġerjali jieħdu l-passi raġonevoli kollha biex jiksbu l-aħjar riżultat possibbli għall-UCITS filwaqt li jqisu l-prezz, il-kostijiet, il-ħeffa, il-probabbiltà tal-eżekuzzjoni u s-saldu, id-daqs, in-natura jew kwalunkwe kunsiderazzjoni oħra rilevanti għall-eżekuzzjoni tal-ordni. L-importanza relattiva ta’ dawn il-fatturi għandha tkun iddeterminata b’referenza għall-Artikolu 25(2).
Għal dawk l-għanijiet, il-kumpaniji maniġerjali għandhom jistabbilixxu u jimplimentaw politika li tippermettilhom jikkonformaw mal-obbligu msemmi fl-ewwel sottoparagrafu. Il-politika għandha tiddentifika, għal kull klassi ta’ strument, l-entitajiet li bihom jistgħu jsiru l-ordnijiet. Il-kumpanija maniġerjali għandha tidħol biss f’arranġamenti għall-eżekuzzjoni fejn dawn l-arranġamenti huma konsistenti mal-obbligi stabbiliti f’dan l-Artikolu. Il-kumpaniji maniġerjali għandhom jipprovdu t-titolari ta’ unitjiet informazzjoni xierqa dwar il-politika stabbilita skont dan il-paragrafu u dwar kull tibdil materjali f’din il-politika.
Il-kumpaniji maniġerjali għandhom jimmonitorjaw fuq bażi regolari l-effikaċja tal-politika stabbilita skont il-paragrafu 2 u, b’mod partikolari, il-kwalità tal-eżekuzzjoni mill-entitajiet identifikati b’dik il-politika u, fejn ikun xieraq, jikkoreġu kwalunkwe nuqqas.
Barra minn hekk, il-kumpaniji maniġerjali għandhom jirrevedu l-politika fuq bażi annwali. Din ir-reviżjoni għandha ssir ukoll kull darba li sseħħ xi bidla materjali li taffettwa l-kapaċità tal-kumpanija maniġerjali li tkompli tikseb l-aħjar riżultat possibbli għall-UCITS li timmaniġġja.
TAQSIMA 4
Immaniġġar tal-ordnijiet
Artikolu 27
Prinċipji ġenerali
L-Istati Membri għandhom jeżiġu li l-kumpaniji maniġerjali jistabbilixxu u jimplimentaw proċeduri u arranġamenti li jipprovdu għall-eżekuzzjoni fil-pront, ġusta u b’ħeffa tat-tranżazzjonijiet ta’ portafoll f’isem il-UCITS.
Il-proċeduri u l-arranġamenti implimentati mill-kumpaniji maniġerjali għandhom jissodisfaw il-kundizzjonijiet li ġejjin:
jiżguraw li l-ordnijiet eżegwiti f’isem il-UCITS jiġu rreġistrati u allokati fil-pront u b’mod preċiż;
jeżegwixxu ordnijiet komparabbli oħra tal-UCITS b’mod sekwenzjali u fil-pront sakemm il-karatteristiċi tal-ordni jew il-kundizzjonijiet prevalenti tas-suq ma jagħmlux dan imprattikabbli, jew l-interessi tal-UCITS ikunu jeħtieġu mod ieħor.
L-istrumenti finanzjarji jew somom ta’ flus li jidħlu bħala saldu tal-ordnijiet eżegwiti għandhom jgħaddu fil-pront u korrettament fil-kont tal-UCITS konċernat.
Artikolu 28
Aggregazzjoni u allokazzjoni ta’ ordnijiet ta’ negozju
L-Istati Membri m’għandhomx jippermettu li l-kumpaniji maniġerjali jeżegwixxu ordni ta’ UCITS f’aggregazzjoni ma’ ordni ta’ UCITS oħra jew klijent ieħor jew ma’ ordni marbuta mal-kont tagħhom stess, sakemm ma jkunux issodisfati l-kundizzjonijiet li ġejjin:
ser ikun improbabbli li l-aggregazzjoni tal-ordnijiet fit-totalità tagħha tkun se taħdem għall-iżvantaġġ ta’ kwalunkwe UCITS jew klijenti li l-ordni tagħhom tkun ser tiġi aggregata;
għandha tiġi stabbilita u implimentata politika tal-allokazzjoni tal-ordnijiet, li tipprovdi f’termini preċiżi biżżejjed l-allokazzjoni ġusta tal-ordnijiet aggregati, inklużi kif il-volum u l-prezz tal-ordnijiet jiddeterminaw l-allokazzjonijiet u t-trattament ta’ eżekuzzjonijiet parzjali.
L-Istati Membri għandhom jeżiġu li, fejn kumpanija maniġerjali taggrga ordni ta’ UCITS jew ta’ klijent ieħor ma’ tranżazzjoni marbuta mal-kont tagħha stess u l-ordni aggregata tiġi eżegwita parzjalment, talloka n-negozju relatat lill-UCITS jew lill-klijent l-ieħor bi preċedenza fuq dawk tal-kont tagħha stess.
Madanakollu, jekk il-kumpanija maniġerjali tkun tista’ turi lill-UCITS jew lill-klijent l-ieħor tagħha b’raġunijiet fondati li mingħajr l-aggregazzjoni ma kinitx tkun tista’ teżegwixxi l-ordni jew ma kinitx tkun tista’ teżegwixxi l-ordni fuq termini daqstant vantaġġjużi, din tista’ talloka t-tranżazzjoni fil-kont tagħha stess, proporzjonalment, skont il-politika msemmija fil-paragrafu 1(b).
TAQSIMA 5
Tħajjir
Artikolu 29
Ħarsien tal-aħjar interessi tal-UCITS
L-Istati Membri għandhom jiżguraw li l-kumpaniji maniġerjali ma jitqisux li jkunu qegħdin jaġixxu b’mod onest, ġust u professjonali skont l-aħjar interess tal-UCITS jekk, b’rabta mal-attivitajiet tal-immaniġġjar u l-amministrazzjoni tal-investiment tal-UCITS, iħallsu jew jitħallsu kwalunkwe tariffa jew kummissjoni, jew jagħtu jew jingħataw xi benefiċċju mhux monetarju, għajr dawn li ġejjin:
tariffa, kummissjoni jew benefiċċju mhux monetarju jitħallas lil jew jingħata mill-UCITS jew xi persuna f’isem il-UCITS;
tariffa, kummissjoni jew benefiċċju mhux monetarju li jitħallas jew jingħata lil jew minn parti terza jew xi persuna li tkun qiegħda taġixxi f’isem il-parti terza, fejn ikunu ssodisfati l-kundizzjonijiet li ġejjin:
l-eżistenza, in-natura u l-ammont tat-tariffa, il-kummissjoni jew benefiċċju, jew, fejn l-ammont ma jkunx jista’ jiġi aċċertat, il-metodu tal-kalkolu ta’ dak l-ammont, għandu jiġi ddivulgat b’mod ċar lill-UCITS b’mod komprensiv, preċiż u li jinftiehem, qabel ma jingħata s-servizz rilevanti;
il-ħlas ta’ tariffa jew kummissjoni, jew l-għoti tal-benefiċċju mhux monetarju għandu jkun mfassal biex itejjeb il-kwalità tas-servizz rilevanti u ma jdgħajjifx il-konformità mad-dmir tal-kumpanija maniġerjali li taġixxi fl-aħjar interessi tal-UCITS;
tariffi adegwati li jippermettu jew li huma meħtieġa biex jingħata s-servizz rilevanti, fosthom il-kostijiet tal-kustodja, is-saldu u t-tariffi tal-kambju, l-imposti regolatorji jew it-tariffi legali, u li, minnhom infushom, ma jistgħux jagħtu lok għal konflitti mad-dmirijiet tal-kumpanija maniġerjali li taġixxi b’mod onest, ġust u professjonali fl-aħjar interess tal-UCITS.
KAPITOLU V
PARTIKOLARITAJIET TAL-FTEHIM STANDARD TA’ BEJN ID-DEPOŻITARJU U L-KUMPANIJA MANIĠERJALI
(l-Artikolu 23(5) u l-Artikolu 33(5) tad-Direttiva 2009/65/KE)
Artikolu 30
Elementi relatati mal-proċeduri li għandhom jiġu segwiti mill-kontraenti
L-Istati Membri għandhom jeżiġu li d-depożitarju u l-kumpanija maniġerjali, imsemmija f’dan il-Kapitolu bħala l-“kontraenti”, li jinkludu fil-ftehim miktub imsemmi jew fl-Artikolu 23(5) u fl-Artikolu 33(5) tad-Direttiva 2009/65/KE tal-anqas il-partikolaritajiet li ġejjin relatati mas-servizzi pprovduti u l-proċeduri li għandhom jiġu segwiti mill-kontraenti:
deskrizzjoni tal-proċeduri, inklużi dawk relatati mal-kustodja, li għandhom jiġu adottati għal kull tip ta’ assi tal-UCITS fdat f’idejn id-depożitarju;
deskrizzjoni tal-proċeduri li għandhom jiġu segwiti meta l-kumpanija maniġerjali tkun qiegħda tippjana modifika fir-regoli tal-fond jew il-prospett tal-UCITS, u li jistipulaw meta d-depożitarju għandu jiġi mgħarraf, jew fejn ikun meħtieġ qbil minn qabel mid-depożitarju biex wieħed jipproċedi bil-modifika;
deskrizzjoni tal-mezzi u l-proċeduri li bihom id-depożitarju se jittrażmetti lill-kumpanija maniġerjali l-informazzjoni rilevanti kollha li l-kumpanija maniġerjali teħtieġ biex twettaq dmirijietha fosthom deskrizzjoni tal-mezzi u l-proċeduri relatati mal-eżerċitar ta’ kwalunkwe dritt marbut mal-istrumenti finanzjarji, u l-mezzi u l-proċeduri applikati sabiex il-kumpanija maniġerjali u l-UCITS ikollhom aċċess f’waqtu u preċiż għall-informazzjoni relatata mal-kontijiet tal-UCITS;
deskrizzjoni tal-mezzi u l-proċeduri biex id-depożitarju ikollu aċċess għall-informazzjoni rilevanti kollha li jkun jeħtieġ biex jaqdi dmirijietu;
deskrizzjoni tal-proċeduri biex id-depożitarju jkollu l-kapaċità li jindaga dwar il-kondotta tal-kumpanija maniġerjali u jivvaluta l-kwalità tal-informazzjoni trażmessa, inkluż bi żjarat fuq il-post;
deskrizzjoni tal-proċeduri biex il-kumpanija maniġerjali tkun tista’ teżamina l-prestazzjoni tad-depożitarju fir-rigward tal-obbligi kuntrattwali tad-depożitarju.
Artikolu 31
Elementi relatati mal-iskambju tal-informazzjoni u l-obbligi dwar il-kunfidenzjalità u ħasil tal-flus
L-Istati Membri għandhom jeżiġu li f’dak il-ftehim il-kontraenti msemmija fl-Artikolu 23(5) jew l-Artikolu 33(5) tad-Direttiva 2009/65/KE tal-inqas jinkludu l-elementi li ġejjin relatati mal-iskambju tal-informazzjoni u l-obbligi dwar il-kunfidenzjalità u ħasil ta’ flus:
lista tal-informazzjoni kollha li jinħtieġ li tiġi skambjata bejn il-UCITS, il-kumpanija maniġerjali tagħha u d-depożitarju b’rabta mas-sottoskrizzjoni, tifdija, ħruġ, kanċellazzjoni u riakkwist ta’ unitajiet tal-UCITS;
l-obbligi tal-kunfidenzjalità applikabbli għall-kontraenti;
informazzjoni dwar il-kompiti u r-responsabbiltajiet tal-kontraenti dwar l-obbligi li jirrigwardaw il-prevenzjoni tal-ħasil tal-flus u l-finanzjament tat-terroriżmu, fejn xieraq.
Artikolu 32
Elementi relatati mal-ħatra ta’ partijiet terzi
Meta d-depożitarju jew il-kumpanija maniġerjali jippjanaw li jaħtru partijiet terzi biex iwettqu d-dmirijiet rispettivi tagħhom, l-Istati Membri għandhom jeżiġu li l-kontraenti msemmija jew fl-Artikolu 23(5) jew l-Artikolu 33(5) tad-Direttiva 2009/65/KE tal-inqas jinkludu l-partikolaritajiet li ġejjin f’dak il-ftehim:
impenn miż-żewġ kontraenti li jipprovdu d-dettalji, fuq bażi regolari, ta’ kwalunkwe parti terza maħtura mid-depożitarju jew mill-kumpanija maniġerjali biex twettaq tal-obbligi tagħha;
impenn li, fuq talba ta’ waħda mill-partijiet, il-parti l-oħra se tipprovdi informazzjoni dwar il-kriterji użati fl-għażla tal-parti terza u l-passi meħuda biex ikunu mmonitorjati l-attivitajiet imwettqa mill-parti terza magħżula;
dikjarazzjoni li obbligazzjoni tad-depożitarju kif imsemmija fl-Artikolu 24 jew l-Artikolu 34 tad-Direttiva 2009/65/KE ma għandhiex tkunu affettwata mill-fatt li fada lil parti terza l-assi kollha fil-kustodja tiegħu jew x’uħud minnhom.
Artikolu 33
Elementi relatati ma’ emendi potenzjali u t-terminazzjoni tal-ftehim
L-Istati Membri għandhom jeżiġu li l-kontraenti msemmija fl-Artikolu 23(5) jew l-Artikolu 33(5) tad-Direttiva 2009/65/KE tal-inqas jinkludu f’dak il-ftehim l-elementi li ġejjin relatati mal-emendi u t-terminazzjoni tal-ftehim:
il-perjodu tal-validità tal-ftehim;
il-kundizzjonijiet li taħthom il-ftehim jista’ jiġi emendat jew itterminat;
il-kundizzjonijiet meħtieġa biex tkun iffaċilitata t-tranżizzjoni għal depożitarju ieħor u, f’każ ta’ din it-tranżizzjoni l-proċeduri kif id-depożitarju għandu jibgħat kull informazzjoni rilevanti lid-depożitarju l-ieħor.
Artikolu 34
Liġi applikabbli
L-Istati Membri għandhom jeżiġu li l-kontraenti msemmija fl-Artikolu 23(5) jew l-Artikolu 33(5) tad-Direttiva 2009/65/KE jispeċifikaw il-liġi tal-Istat Membru ta’ domiċilju tal-UCITS li tapplika għal dak il-ftehim.
Artikolu 35
Trażmissjoni elettronika tal-informazzjoni
F’każijiet fejn il-kontraenti msemmija fl-Artikolu 23(5) jew l-Artikolu 33(5) tad-Direttiva 2009/65/KE jaqblu li jużaw trażmissjoni elettronika għal-bigħt bejniethom tal-informazzjoni kollha jew parti minnha, l-Istati Membri għandhom jeżiġu li dan il-ftehim ikun fih dispożizzjonijiet li jiżguraw li jinżamm reġistru ta’ din l-informazzjoni.
Artikolu 36
Ambitu tal-ftehim
L-Istati Membri jistgħu jippermettu li l-ftehim imsemmi fl-Artikolu 23(5) jew l-Artikolu 33(5) tad-Direttiva 2009/65/KE ikopri aktar minn UCITS immaniġġjata mill-kumpanija maniġerjali. F’dan il-każ, fil-ftehim għandu jelenka l-UCITS koperti.
Artikolu 37
Ftehim tal-livell ta’ servizz
L-Istati Membri għandhom jippermettu lill-kontraenti li jew jinkludu d-dettalji tal-mezzi u l-proċeduri msemmija fl-Artikolu 30(c) u (d) fil-ftehim imsemmi fl-Artikolu 23(5) jew l-Artikolu 33(5) tad-Direttiva 2009/65/KE jew inkella fi ftehim miktub separat.
KAPITOLU VI
IMMANIĠĠJAR TAR-RISKJI
(l-Artikolu 51(1) tad-Direttiva 2009/65/KE)
TAQSIMA 1
Politika tal-immaniġġjar tar-riskji u l-kejl tar-riskji
Artikolu 38
Politika tal-immaniġġjar tar-riskji
L-Istati Membri għandhom jeżiġu li l-kumpaniji maniġerjali jistabbilixxu, jimplimentaw u jżommu politika tal-immaniġġjar tar-riskji adegwata u ddokumentata li tidentifika r-riskji li l-UCITS li jimmaniġġjaw huma jew jistgħu jkunu esposti għalihom.
Il-politika tal-immaniġġjar tar-riskji għandha tinkludi dawn il-proċeduri meħtieġa biex il-kumpanija maniġerjali tkun tista’ tivvaluta l-iskopertura ta’ kull UCITS li timmaniġġja għar-riskji tas-suq, il-likwidità, is-sostenibbiltà u l-kontraparti, u l-iskopertura tal-UCITS għar-riskji l-oħra kollha, inklużi riskji operazzjonali, li jistgħu jaffettwaw kull waħda mill-UCITS li timmaniġġja.
L-Istati Membri għandhom jeżiġu li fil-politika tal-immaniġġjar tar-riskji l-kumpaniji maniġerjali jindirizzaw tal-anqas l-elementi li ġejjin:
it-teknika, l-għodod u l-arranġamenti li bihom ikunu jistgħu jikkonformaw mal-obbligi stipulati fl-Artikoli 40 u 41;
l-allokazzjoni fil-kumpanija maniġerjali tar-responsabbiltajiet marbuta mal-immaniġġjar tar-riskji;
Artikolu 39
Valutazzjoni, monitoraġġ u reviżjoni tal-politika tal-immaniġġjar tar-riskji
L-Istati Membri għandhom jeżiġu li l-kumpaniji maniġerjali jivvalutaw, jimmonitorjaw u jirrevedu perjodikament:
l-adegwatezza u l-effikaċja tal-politika tal-immaniġġjar tar-riskji u tal-arranġamenti, il-proċessi u t-tekniki msemmija fl-Artikoli 40 u 41;
il-livell ta’ konformità mill-kumpanija maniġerjali mal-politika tal-immaniġġjar tar-riskji u mal-arranġamenti, il-proċessi u t-tekniki msemmija fl-Artikoli 40 u 41;
l-adegwatezza u l-effikaċja tal-miżuri meħuda biex jiġu indirizzati xi nuqqasijiet fl-eżekuzzjoni tal-proċess tal-immaniġġjar tar-riskji.
TAQSIMA 2
il-proċessi tal-immaniġġjar tar-riskji, l-iskopertura għar-riskji tal-kontraparti u l-konċentrazzjoni tal-emitturi
Artikolu 40
Kejl u mmaniġġjar tar-riskji
L-Istati Membri għandhom jeżiġu li l-kumpaniji maniġerjali jadottaw arranġamenti, proċessi u tekniki adegwati u effikaċi sabiex:
ikejlu u jimmaniġġjaw fi kwalunkwe ħin ir-riskji li l-UCITS li jimmaniġġjaw ikunu jew li jistgħu jkunu esposti għalihom;
jiżguraw l-konformità mal-limiti marbuta mal-iskopertura globali u r-riskju tal-kontraparti skont l-Artikoli 41 u 43.
Dawk l-arranġamenti, proċessi u tekniki għandhom ikunu proporzjonati għan-natura, id-daqs u l-kumplessità tan-negozju tal-kumpaniji maniġerjali u tal-UCITS li jimmaniġġjaw u jkunu konsistenti mal-profil tar-riskji tal-UCITS.
Għall-iskopijiet tal-paragrafu 1, l-Istati Membri għandhom jeżiġu li l-kumpaniji maniġerjali jieħdu l-passi li ġejjin għal kull UCITS li jimmaniġġjaw:
iħaddmu dawk l-arranġamenti, proċessi u tekniki tal-kejl tar-riskji kif meħtieġ biex ikun żgurat li r-riskji tal-pożizzjonijiet meħuda u l-kontribut tagħhom fil-profil tar-riskju ġenerali jitkejlu b’mod preċiż abbażi ta’ dejta soda u affidabbli u li l-arranġamenti, il-proċessi u t-tekniki tal-kejl tar-riskji jkunu ddokumentati adegwatement;
iwettqu, fejn ikun xieraq, testijiet retrospettivi perjodiċi sabiex tiġi eżaminata l-validità tal-arranġamenti tal-kejl tar-riskji li jinkludu previżjonijiet u estimi abbażi ta’ mudelli;
iwettqu, fejn ikun xieraq, testijiet tal-istress u analiżi tax-xenarji biex jiġu indirizzati r-riskji li jinħolqu mit-tibdil potenzjali fil-kundizzjonijiet tas-suq li jistgħu jaffettwaw ħażin lill-UCITS;
jistabbilixxu, jimplimentaw u jżommu sistema ddokumentata tal-limiti interni marbuta mal-miżuri użati għall-immaniġġjar u l-kontroll tar-riskji rilevanti għal kull UCITS filwaqt li jqisu r-riskji kollha li jistgħu jaffettwaw lill-UCITS kif imsemmi fl-Artikolu 38 u jiżguraw konsistenza mal-profil tar-riskju tal-UCITS;
jiżguraw li l-livell ta’ riskju attwali jkun konformi mas-sistema tal-limitu tar-riskju kif stipulat fil-punt (d) għal kull UCITS;
jistabbilixxu, jimplimentaw u jżommu proċeduri adegwati li, fil-każ ta’ ksur reali jew antiċipati tas-sistema tal-limitu tar-riskju tal-UCITS, iwasslu għal azzjonijiet rimedjali f’waqqthom fl-aħjar interessi tat-titolari ta’ unitjiet.
L-Istati Membri għandhom jiżguraw li l-kumpaniji maniġerjali japplikaw proċess xieraq tal-immaniġġjar tar-riskji tal-likwidità sabiex ikun żgurat li kull UCITS li jimmeniġġjaw dejjem tkun kapaċi tikkonforma mal-Artikolu 84(1) tad-Direttiva 2009/65/KE.
Fejn ikun xieraq, il-kumpaniji maniġerjali għandhom iwettqu testijiet tal-istress biex tkun tista’ ssir valutazzjoni tar-riskju tal-likwidità tal-UCITS f’ċirkostanzi eċċezzjonali.
Artikolu 41
Kalkolu tal-iskopertura globali
L-Istati Membri għandhom jeżiġu li l-kumpaniji maniġerjali jikkalkulaw l-iskopertura globali ta’ UCITS li jimmaniġġjaw kif imsemmi fl-Artikolu 51(3) tad-Direttiva 2009/65/KE skont wieħed minn dawn li ġejjin:
l-iskopertura inkrimentali u l-ingranaġġ iġġenerat mill-UCITS immaniġġjata bl-użu ta’ strumenti ta’ derivati finanzjarji inklużi derivati inkorporati skont ir-raba’ sottoparagrafu tal-Artikolu 51(3) tad-Direttiva 2009/65/KE, li ma jistgħux jaqbżu t-total tal-valur tal-assi netti tal-UCITS;
ir-riskju tas-suq tal-portafoll tal-UCITS.
L-Istati Membri jistgħu jippermettu li l-kumpaniji maniġerjali jikkalkulaw l-iskopertura globali billi jużaw l-approċċ tal-impenji, l-approċċ tal-valur tar-riskju jew metodoloġiji avvanzati tal-kejl tar-riskji oħra skont kif ikun xieraq. Għall-iskopijiet ta’ din d-dispożizzjoni,“valur fir-riskju” għandha tfisser kejl tat-telf massimu mistenni f’livell ta’ kunfidenza partikolari matul perjodu ta’ żmien speċifiku.
L-Istati Membri għandhom jeżiġu li l-kumpaniji maniġerjali jiżguraw li l-metodu li jintgħażel għall-kejl tal-iskopertura huwa xieraq, filwaqt li jqisu l-istrateġija tal-investiment segwita mill-UCITS u t-tipi u l-kumplessitajiet tal-istrumenti finanzjarji derivati użati u l-proporzjoni tal-portfoll UCITS li jinkludi strumenti finanzjarji derivati.
Artikolu 42
Approċċ tal-impenji
Meta jintuża l-approċċ tal-impenji għall-kalkolu tal-iskopertura globali, l-Istati Membri għandhom jeżiġu li l-kumpaniji maniġerjali jikkonvertu kull pożizzjoni tal-istrumenti finanzjarji derivati fil-valur tas-suq ta’ pożizzjoni ekwivalenti fl-assi sottostanti ta’ dak id-derivat (l-approċċ standard tal-impenji).
L-Istati Membri jistgħu jippermettu li l-kumpaniji maniġerjali japplikaw metodi ta’ kalkoluu oħrajn ekwivalenti għall-approċċ standard tal-impenji.
Artikolu 43
Riskju tal-kontraparti u l-konċentrazzjoni tal-emitturi
Meta tiġi kkalkulata l-iskopertura tal-UCITS għal kontraparti skont il-limiti kif imsemmi fl-Artikolu 52(1) tad-Direttiva 2009/65/KE, l-kumpaniji maniġerjali għandhom jużaw il-valur pożittiv ta’ pprezzar skont il-valur fis-suq tal-kuntratt tad-derivat OTC ma’ dak il-kontraparti.
Il-kumpaniji maniġerjali jistgħu jikkalkolaw il-valur nett tal-pożizzjonijiet tad-derivati ta’ UCITS mal-istess kontraparti, sakemm ikunu jistgħu legalment jinforzaw ftehimiet tal-kalkolu tal-valur nett mal-kontraparti f’isem il-UCITS. Il-kalkolu tal-valur nett huwa permissibbli biss fejn jidħlu strumenti derivati OTC mal-istess kontraparti u b’rabta mal-ebda skoperturi oħrajn li l-UCITS jista’ jkollha mal-istess kontraparti.
TAQSIMA 3
proċeduri għall-valutazzjoni tad-derivati OTC
Artikolu 44
Proċeduri għall-valutazzjoni tal-valur ta’ derivati OTC
Għall-iskopijiet tal-paragrafu 1, il-kumpaniji maniġerjali għandhom jistabbilixxu, jimplimentaw u jżommu arranġamenti u proċeduri li jiżguraw valwazzjoni xierqa, trasparenti u ġusta tal-iskoperti tal-UCITS għad-derivati OTC.
L-Istati Membri għandhom jeżiġu li l-kumpaniji maniġerjali jiżguraw li l-valur ġust tad-derivati OTC ikun soġġett għal valutazzjoni adegwata, preċiża u indipendenti.
L-arranġamenti u l-proċeduri tal-valwazzjoni għandhom ikunu adegwati u proporzjonati man-natura u l-kumplessità tad-derivati OTC konċernati.
Il-kumpaniji maniġerjali għandhom jikkonformaw mar-rekwiżiti stipulati fl-Artikoli 5(2) u 23(4)(b) meta l-arranġamenti u l-proċeduri marbuta mal-valwazzjoni ta’ derivati OTC ikunu jinvolvu t-twettiq ta’ ċertu attivitajiet minn partijiet terzi.
TAQSIMA 4
Trażmissjoni ta’ informazzjoni dwar l-istrumenti derivat
Artikolu 45
Rapporti dwar l-istrumenti derivati
KAPITOLU VII
DISPOŻIZZJONIJIET FINALI
Artikolu 46
Traspożizzjoni
L-Istati Membri għandhom idaħħlu fis-seħħ il-liġijiet, ir-regolamenti u d-dispożizzjonijiet amministrattivi meħtieġa biex ikunu konformi ma’ din id-Direttiva sat-30 ta’ Ġunju 2011 l-aktar tard. Dawn għandhom jikkomunikaw minnufih lill-Kummissjoni t-test ta’ dawk id-dispożizzjonijiet u tabella ta’ korrelazzjoni bejn dawk id-dispożizzjonijiet u din id-Direttiva.
Meta l-Istati Membri jadottaw dawn id-dispożizzjonijiet, għandhom jinkludu referenza għal din id-Direttiva jew għandhom jakkumpanjawhom b’din ir-referenza fil-pubblikazzjoni uffiċjali tagħhom. L-Istati Membri għandhom jiddeterminaw kif għandha ssir din ir-referenza.
Artikolu 47
Dħul fis-seħħ
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f’Il-Ġurnal Uffiċjali tal-Unjoni Ewropea.
Artikolu 48
Destinatarji
Din id-Direttiva hija indirizzata lill-Istati Membri.
( 1 ) Ir-Regolament (UE) 2019/2088 tal-Parlament Ewropew u tal-Kunsill tas-27 ta’ Novembru 2019 dwar divulgazzjonijiet relatati mas-sostenibbiltà fis-settur tas-servizzi finanzjarji (ĠU L 317, 9.12.2019, p. 1).