This document is an excerpt from the EUR-Lex website
Document 32018D1275
Council Decision (EU) 2018/1275 of 18 September 2018 appointing the members of the selection panel provided for in Article 14(3) of Regulation (EU) 2017/1939
Deċiżjoni tal-Kunsill (UE) 2018/1275 tat-18 ta' Settembru 2018 li taħtar il-membri tal-bord tal-għażla previsti fl-Artikolu 14(3) tar-Regolament (UE) 2017/1939
Deċiżjoni tal-Kunsill (UE) 2018/1275 tat-18 ta' Settembru 2018 li taħtar il-membri tal-bord tal-għażla previsti fl-Artikolu 14(3) tar-Regolament (UE) 2017/1939
ST/11513/2018/INIT
ĠU L 238, 21.9.2018, p. 92–93
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
In force
21.9.2018 |
MT |
Il-Ġurnal Uffiċjali tal-Unjoni Ewropea |
L 238/92 |
DEĊIŻJONI TAL-KUNSILL (UE) 2018/1275
tat-18 ta' Settembru 2018
li taħtar il-membri tal-bord tal-għażla previsti fl-Artikolu 14(3) tar-Regolament (UE) 2017/1939
IL-KUNSILL TAL-UNJONI EWROPEA,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) 2017/1939 tat-12 ta' Ottubru 2017 li jimplimenta kooperazzjoni msaħħa dwar l-istabbiliment tal-Uffiċċju tal-Prosekutur Pubbliku Ewropew (“l-UPPE”) (1), u b'mod partikolari l-Artikolu 14(3) tiegħu,
Wara li kkunsidra l-proposta mill-Kummissjoni Ewropea,
Billi:
(1) |
Skont l-Artikolu 14(3) tar-Regolament (UE) 2017/1939, għandu jitwaqqaf bord tal-għażla sabiex ifassal lista preselettiva ta' kandidati kwalifikati għall-pożizzjoni ta' Kap Prosekutur Ewropew u biex jipprovdi opinjoni motivata dwar il-kwalifiki ta' kandidati għal Prosekuturi Ewropej. |
(2) |
Ir-Regolament (UE) 2017/1939 jipprevedi li l-Parlament Ewropew u l-Kunsill jaħtru l-Kap Prosekutur Ewropew, bi qbil komuni, minn lista preselettiva ta' kandidati kwalifikati li titfassal mill-bord tal-għażla. |
(3) |
Ir-Regolament (UE) 2017/1939 jipprevedi wkoll li l-Kunsill jaħtar kull Prosekutur Ewropew minn fost tliet kandidati nnominati minn kull Stat Membru wara li jkun irċieva opinjoni motivata mill-bord tal-għażla. |
(4) |
Il-bord tal-għażla għandu jeżamina l-applikazzjonijiet għall-pożizzjoni ta' Kap Prosekutur Ewropew u għall-pożizzjonijiet ta' Prosekuturi Ewropej fid-dawl tar-rekwiżiti stabbiliti fl-Artikoli 14(2) u 16(1) tar-Regolament (UE) 2017/1939, rispettivament, inkluż jekk hijiex iggarantita l-indipendenza tal-kandidati. |
(5) |
Il-bord tal-għażla għandu jinkludi tnax-il persuna magħżula minn fost dawk li kienu membri tal-Qorti tal-Ġustizzja u tal-Qorti tal-Awdituri, dawk li kienu membri nazzjonali tal-Eurojust, membri tal-qrati supremi nazzjonali, prosekuturi ta' livell għoli u avukati ta' kompetenza rikonoxxuta. |
(6) |
Waħda mill-persuni tal-bord għandha tkun proposta mill-Parlament Ewropew. Fil-31 ta' Mejju 2018, il-Parlament Ewropew ħatar lis-Sur Antonio MURA bħala l-membru tal-bord li għandu jiġi propost minnu. |
(7) |
Il-Kummissjoni qieset il-ħtieġa għal bilanċ ġeografiku, bilanċ bejn is-sessi u r-rappreżentanza dovuta tas-sistemi ġuridiċi tal-Istati Membri parteċipanti fl-UPPE għas-sħubija fil-bord tal-għażla. |
(8) |
Fost il-ħdax-il persuna, jiġifieri, sitt irġiel u ħames nisa, proposti mill-Kummissjoni, hemm persuna li kienet membru tal-Qorti tal-Ġustizzja, persuna li kienet membru tal-Qorti tal-Awdituri, persuna li kienet membru nazzjonali tal-Eurojust, ħames prosekuturi ta' livell għoli, żewġ membri ta' qrati supremi nazzjonali u avukat ta' kompetenza rikonoxxuta. |
(9) |
L-Artikolu 14(3) tar-Regolament (UE) 2017/1939 jipprevedi li l-Kunsill għandu jadotta deċiżjoni li taħtar il-membri tal-bord fuq proposta mill-Kummissjoni. |
(10) |
Għalhekk jenħtieġ li jinħatru l-membri tal-bord tal-għażla, |
ADOTTA DIN ID-DEĊIŻJONI:
Artikolu 1
Għall-perijodu ta' erba' snin mid-9 ta' Ottubru 2018, il-persuni li ġejjin għandhom jinħatru membri tal-bord previst fl-Artikolu 14(3) tar-Regolament (UE) 2017/1939:
|
Is-Sur Peter FRANK |
|
Is-Sinjura Ulrike HABERL-SCHWARZ |
|
Is-Sur Theodoros IOANNIDES |
|
Is-Sinjura Saale LAOS |
|
Is-Sur Jean-Claude MARIN |
|
Is-Sur Ján MAZÁK |
|
Is-Sinjura María de los Ángeles GARRIDO LORENZO |
|
Is-Sur Marin MRČELA |
|
Is-Sur Antonio MURA |
|
Is-Sur Vítor Manuel DA SILVA CALDEIRA |
|
Is-Sinjura Martine SOLOVIEFF |
|
Is-Sinjura Raija TOIVIAINEN |
Artikolu 2
Din id-Deċiżjoni għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, it-18 ta' Settembru 2018.
Għall-Kunsill
Il-President
G. BLÜMEL