—

tannulla d-deċiżjoni li jingħata l-kuntratt fil-Proċedura ta’ Sejħa għal Offerti DIGIT/A3/PR/2019/010 għall-provvista ta’ servizzi fir-rigward ta’ Servizzi Trans-Ewropej għat-Telematika Bejn l-Amministrazzjonijiet (TESTA), li r-riżultat tagħha ġie nnotifikat fil-21 ta’ Jannar 2022;

—

tikkundanna lill-Kummissjoni għall-ispejjeż kollha.

1.

L-ewwel motiv, ibbażat fuq l-allegazzjoni ta’ ksur tal-Artikolu 168(6) tar-Regolament Finanzjarju (1) u tal-illegalità tal-offerti kollha sottomessi fil-proċedura għaliex ir-rekwiżiti stabbiliti fl-Ispeċifikazzjonijiet tas-Sejħa għal Offerti jagħmlu eċċessivament diffiċli jew impossibbli l-implimentazzjoni tas-servizz, u għalhekk is-sottomissjoni ta’ offerta regolari.

2.

It-tieni motiv, ibbażat fuq l-allegazzjoni li l-konvenuta emendat ir-rekwiżiti imperattivi stabbiliti fl-Ispeċifikazzjonijiet Tekniċi bi ksur tal-kundizzjonijiet essenzjali tal-proċedura fl-evalwazzjoni tal-offerti ta’ offerenti oħrajn.

3.

It-tielet motiv, ibbażat fuq l-allegazzjoni li jeżisti riskju għoli ta’ emenda sostanzjali tal-kuntratt, għaliex il-Kummissjoni tat il-kuntratt fuq termini tekniċi li hija ma setgħetx ma kinitx taf li jkunu obsoliti malajr, jekk mhux diġà obsoliti fil-mument tas-sejħa għal offerti tagħha, bi ksur tal-Artikolu 170 tar-Regolament Finanzjarju.