Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62018TN0180

    Kawża T-180/18: Rikors ippreżentat fit-12 ta’ Marzu 2018 – VJ vs SEAE

    ĠU C 161, 7.5.2018, p. 69–70 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    7.5.2018   

    MT

    Il-Ġurnal Uffiċjali tal-Unjoni Ewropea

    C 161/69

    Rikors ippreżentat fit-12 ta’ Marzu 2018 – VJ vs SEAE

    (Kawża T-180/18)

    (2018/C 161/86)

    Lingwa tal-kawża: il-Franċiż

    Partijiet

    Rikorrent: VJ (rappreżentant: N. De Montigny, avukat)

    Konvenut: Servizz Ewropew għall-Azzjoni Esterna

    Talbiet

    Ir-rikorrent jitlob li l-Qorti Ġenerali jogħġobha:

    taqta’ u tiddeċiedi

    —

    id-dikjarazzjoni ta’ kalkolu li s-SEAE bagħtlu permezz ta’ posta elettronika kif ukoll, sa fejn ikun meħtieġ, id-dikjarazzjoni tas-salarju li permezz tagħha ingħata/ser jingħata l-ħlas tal-allowance tal-edukazzjoni għal uliedu;

    —

    tikkundanna lill-konvenut għall-ispejjeż kollha tal-istanza.

    Motivi u argumenti prinċipali

    Insostenn tar-rikors tiegħu, ir-rikorrent jinvoka żewġ motivi.

    1.

    L-ewwel motiv ibbażat fuq eċċezzjoni ta’ illegalità, sa fejn id-deċiżjoni kkontestata, in-nota tal-15 ta’ April 2016 li fuqha hija bbażata u l-Guidelines tas-SEAE jiksru r-Regolamenti tal-Persunal u l-Anness X tiegħu.

    2.

    It-tieni motiv ibbażat fuq l-illegalità tad-deċiżjoni individwali kkontestata. Dan il-motiv huwa kompost minn ħames partijiet.

    —

    L-ewwel parti, ibbażata fuq ksur tal-prinċipju ta’ previdenza, ta’ aspettattivi leġittimi u ta’ ċertezza legali kif ukoll fuq il-ksur tal-prinċipju ta’ amministrazzjoni tajba u tad-drittijiet kweżiti tar-rikorrent.

    —

    It-tieni parti, ibbażata fuq ksur tal-impenji sottoskritti mis-SEAE, fuq amministrazzjoni ħażina kif ukoll fuq ksur tal-prinċipju ta’ ċertezza legali u tal-aspettattivi leġittimi tar-rikorrent.

    —

    It-tielet parti bbażata fuq ksur tad-dritt għall-familja u tad-dritt għall-edukazzjoni.

    —

    Ir-raba’ parti bbażata fuq ksur tal-prinċipji ta’ ugwaljanza fit-trattament u ta’ nondiskriminazzjoni.

    —

    Il-ħames parti bbażata fuq l-assenza ta’ bbilanċjar tal-interessi u tal-osservanza tal-prinċipju ta’ proporzjonalità tal-miżura adottata.
    Top