Dostop do prava EU
<a href="https://eur-lex.europa.eu/content/help/eurlex-content/experimental-features.html" target="_blank">Več o preskusnih funkcijah</a>
Izberite preskusne funkcije, ki jih želite preveriti.
EUR-Lex
Dostop do prava EU

Dokument je izvleček s spletišča EUR-Lex.

Nahajate se tu
Če želite poiskati točno besedno zvezo, uporabite narekovaje. Za iskanje izraza in njegovih različic uporabite zvezdico (*) (npr. transp*, 32019R*). Uporabite vprašaj (?) namesto posameznega znaka v iskanem izrazu, če želite poiskati njegove različice (r?d poišče tudi red, rod ...).
Nasveti za iskanje
Želite več možnosti iskanja? Uporabite Napredno iskanje

Dokument 62009CN0343

    Kawża C-343/09: Talba għal deċiżjoni preliminari mressqa mill-High Court of Justice (England & Wales), Queen’s Bench Division (Administrative Court) fis- 26 ta’ Awwissu 2009 — Afton Chemical Limited vs Secretary of State for Transport

    ĠU C 267, 7.11.2009, str. 44–44 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    7.11.2009   

    MT

    Il-Ġurnal Uffiċjali tal-Unjoni Ewropea

    C 267/44

    Talba għal deċiżjoni preliminari mressqa mill-High Court of Justice (England & Wales), Queen’s Bench Division (Administrative Court) fis-26 ta’ Awwissu 2009 — Afton Chemical Limited vs Secretary of State for Transport

    (Kawża C-343/09)

    2009/C 267/76

    Lingwa tal-kawża: L-Ingliż

    Qorti tar-rinviju

    High Court of Justice (England & Wales), Queen’s Bench Division (Administrative Court).

    Partijiet fil-kawża prinċipali

    Rikorrenti: Afton Chemical Limited.

    Konvenut: Secretary of State for Transport.

    Domandi preliminari

    Fir-rigward tad-dispożizzjonijiet dwar l-addittivi metalliċi fid-Direttiva 2009/30/KE tal-Parlament Ewropew u tal-Kunsill, tat-23 ta’ April 2009 li temenda d-Direttiva 98/70/KE rigward l-ispeċifikazzjoni tal-petrol, tad-diżil u taż-żejt tal-gass u li tintroduċi mekkaniżmu għall-monitoraġġ u għat-tnaqqis tal-emissjonijiet tal-gassijiet serra u li temenda d-Direttiva tal-Kunsill 1999/32/KE rigward l-ispeċifikazzjoni tal-karburant użat mill-bastimenti tal-passaġġi tal-ilma interni u li tħassar id-Direttiva 93/12/KEE (iktar ’il quddiem id-“Direttiva”) (1):

    1.

    B’riferiment għal dik il-parti tal-Artikolu 1(8) li tintoduċi Artikolu 8(a)(2) ġdid fid-Direttiva 98/70 (2) li jillimita l-użu tal-methylcyclopentadienyl manganese tricarbonyl fil-karburant għal 6 mg Mn kull litru mill-1 ta’ Jannar 2011 u għal 2 mg mill-1 ta’ Jannar 2014, l-impożizzjoni ta’ tali il-limiti hija:

    1.

    Illegali minħabba li hija bbażata fuq żball manifest ta’ evalwazzjoni?

    2.

    Illegali minħabba li tikser ir-rekwiżiti tal-prinċipju ta’ prekawzjoni?

    3.

    Illegali minħabba li hija nieqsa minn proporzjonalità?

    4.

    Illegali minħabba li tmur kontra l-prinċipju ta’ trattament ugwali?

    5.

    Illegali minħabba li tmur kontra l-prinċipju taċ-ċertezza legali?

    2.

    B’riferiment għal dik il-parti tal-Artikolu 1(8) li tintroduċi Artikolu 8(a)(4), (a)(5) u (a)(6) ġdid fid-Direttiva 98/70 li jeħtieġ l-ittikettjar tal-karburanti kollha li fihom additivi metalliċi bil-frażi “fih additivi metalliċi”, tali rekwiżit ta’ tikettjar huwa:

    1.

    Illegali minħabba li huwa bbażat fuq żball manifest ta’ evalwazzjoni?

    2.

    Illegali minħabba li huwa nieqes minn proporzjonalità?

    (1)  ĠU L 140, p. 88

    (2)  Id-Direttiva 98/70/KE tal-Parlament Ewropew u tal-Kunsill tat-13 ta’ Ottubru 1998 li tirrigwarda l-kwalitá tal-karburanti tal-petrol u tad-diesel u li temenda d-Direttiva tal-Kunsill 93/12/KE, (ĠU L 350, p. 58).

    Na vrh