This document is an excerpt from the EUR-Lex website
Document 62007CA0350
Case C-350/07: Judgment of the Court (Third Chamber) of 5 March 2009 (reference for a preliminary ruling from the Sächsisches Landessozialgericht (Germany)) — Kattner Stahlbau GmbH v Maschinenbau- und Metall- Berufsgenossenschaft (Competition — Articles 81 EC, 82 EC and 86 EC — Compulsory affiliation to a body providing insurance against accidents at work and occupational diseases — Concept of an undertaking — Abuse of dominant position — Freedom to provide services — Articles 49 EC and 50 EC — Restriction — Justification — Risk of serious harm to the financial equilibrium of the social security scheme)
Kawża C-C-350/07: Sentenza tal-Qorti tal-Ġustizzja (It-Tielet Awla) tal- 5 ta’ Marzu 2009 (talba għal deċiżjoni preliminari tas-Sächsisches Landessozialgericht – il-Ġermanja) Kattner Stahlbau GmbH vs Maschinenbau- und Metall- Berufsgenossenschaft (Kompetizzjoni — Artikoli 81 KE, 82 KE u 86 KE — Affiljazzjoni obbligatorja ma’ korp li jipprovdi assigurazzjoni kontra inċidenti u mard fuq ix-xogħol — Kunċett ta’ impriża — Abbuż minn pożizzjoni dominanti — Libertà li jiġu pprovduti servizzi — Artikoli 49 KE u 50 KE — Restrizzjoni — Ġustifikazzjoni — Riskju ta’ ħsara serja għall-bilanċ finanzjarju tas-sistema tas-sigurtà soċjali)
Kawża C-C-350/07: Sentenza tal-Qorti tal-Ġustizzja (It-Tielet Awla) tal- 5 ta’ Marzu 2009 (talba għal deċiżjoni preliminari tas-Sächsisches Landessozialgericht – il-Ġermanja) Kattner Stahlbau GmbH vs Maschinenbau- und Metall- Berufsgenossenschaft (Kompetizzjoni — Artikoli 81 KE, 82 KE u 86 KE — Affiljazzjoni obbligatorja ma’ korp li jipprovdi assigurazzjoni kontra inċidenti u mard fuq ix-xogħol — Kunċett ta’ impriża — Abbuż minn pożizzjoni dominanti — Libertà li jiġu pprovduti servizzi — Artikoli 49 KE u 50 KE — Restrizzjoni — Ġustifikazzjoni — Riskju ta’ ħsara serja għall-bilanċ finanzjarju tas-sistema tas-sigurtà soċjali)
ĠU C 102, 1.5.2009, pp. 5–6
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
1.5.2009 |
MT |
Il-Ġurnal Uffiċjali tal-Unjoni Ewropea |
C 102/5 |
Sentenza tal-Qorti tal-Ġustizzja (It-Tielet Awla) tal-5 ta’ Marzu 2009 (talba għal deċiżjoni preliminari tas-Sächsisches Landessozialgericht – il-Ġermanja) Kattner Stahlbau GmbH vs Maschinenbau- und Metall- Berufsgenossenschaft
(Kawża C-C-350/07) (1)
(Kompetizzjoni - Artikoli 81 KE, 82 KE u 86 KE - Affiljazzjoni obbligatorja ma’ korp li jipprovdi assigurazzjoni kontra inċidenti u mard fuq ix-xogħol - Kunċett ta’ “impriża” - Abbuż minn pożizzjoni dominanti - Libertà li jiġu pprovduti servizzi - Artikoli 49 KE u 50 KE - Restrizzjoni - Ġustifikazzjoni - Riskju ta’ ħsara serja għall-bilanċ finanzjarju tas-sistema tas-sigurtà soċjali)
2009/C 102/07
Lingwa tal-kawża: Il-Ġermaniż
Qorti tar-rinviju
Sächsisches Landessozialgericht
Partijiet fil-kawża prinċipali
Rikorrenti: Kattner Stahlbau GmbH
Konvenuta: Maschinenbau- und Metall- Berufsgenossenschaft
Suġġett
Talba għal deċiżjoni preliminari – Sächsischen Landessozialgerichts – Interpretazzjoni tal-Artikoli 81 u 82 KE, kif ukoll ta’ dispożizzjonijiet oħra tad-dritt Komunitarju – Leġiżlazzjoni nazzjonali li tistabbilixxi sistema li tipprovdi assigurazzjoni obbligatorja kontra inċidenti u mard fuq ix-xogħol, komposta minn diversi assoċjazzjonijiet għall-prevenzjoni ta’ inċidenti fuq ix-xogħol (“Berufsgenossenschaft”) u li timponi fuq l-impriżi affiljazzjoni obbligatorja mal-assoċjazzjoni li għandha l-kompetenza territorjali u dik fil-qasam tax-xogħol – Klassifikazzjoni bħala “impriża” fis-sens ta’ l-Artikoli 81 u 82 KE ta’ dawn l-assoċjazzjonijiet għall-prevenzjoni ta’ inċidenti fuq ix-xogħol, li jistgħu jiffissaw l-ammont tal-kontribuzzjonijiet b’mod awtonomu mingħajr ma hemm limitu massimu stabbilit mil-leġiżlazzjoni nazzjonali
Dispożittiv
|
1) |
L-Artikoli 81 KE u 82 KE għandhom jiġu interpretati fis-sens li korp bħall-assoċjazzjoni tal-assigurazzjoni inkwistjoni fil-kawża prinċipali, li magħha l-impriżi ta’ qasam ta’ attività u ta’ territorju speċifiku għandhom l-obbligu li jkunu affiljati miegħu skont l-assigurazzjoni kontra inċidenti u mard fuq ix-xogħol, ma jikkostitwixxix impriża fis-sens ta’ dawn id-dispożizzjonijiet iżda għandu funzjoni ta’ natura esklużivament soċjali b’mod li dan il-korp jaħdem fil-kuntest ta’ sistema li timplementa l-prinċipju tas-solidarjetà u li din is-sistema hija suġġetta għall-kontroll tal-Istat, li huwa għall-qorti tar-rinviju li tivverfika. |
|
2) |
L-Artikoli 49 KE u 50 KE għandhom jiġu interpretati fis-sens li ma jipprekludux leġiżlazzjoni nazzjonali bħal din inkwistjoni fil-kawża prinċipali li tipprovdi li l-impriżi ta’ qasam ta’ attivita u ta’ territorju speċifiku għandhom l-obbligu li jkunu affiljati ma’ korp bħall-assoċjazzjoni tal-assigurazzjoni inkwistjoni fil-kawża prinċipali, sakemm din is-sistema ma tmurx lil hinn minn dak li huwa neċessarju sabiex jintlaħaq l-għan li jassigura bilanċ finanzjarju ta’ qasam tas-sigurtà soċjali, li għandu jiġi vverifikat mill-qorti tar-rinviju. |