Ir-regoli tal-avjazzjoni ċivili u l-Aġenzija Ewropea għas-Sikurezza fl-Avjazzjoni

 

SOMMARJU TA’:

Ir-Regolament (UE) 2018/1139 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea

X’INHU L-GĦAN TAR-REGOLAMENT?

• Ir-regolament għandu l-għan li jistabbilixxi livell għoli u uniformi ta’ sikurezza tal-avjazzjoni ċivili waqt li jassikura l-protezzjoni ambjentali.
• Huwa jaġġorna l-liġi dwar is-sikurezza fl-avjazzjoni u jinkludi:
  • mandat rivedut għall-Aġenzija tas-Sikurezza tal-Avjazzjoni tal-Unjoni Ewropea (EASA); u
  • regoli ġodda mfassla sabiex jippermettu lis-settur tal-avjazzjoni tal-Unjoni Ewropea (UE) jikber, isir aktar kompetittiv u jħeġġeġ l-innovazzjoni.

PUNTI EWLENIN

Ir-regolament ikopri l-oqsma ewlenin kollha tal-avjazzjoni inkluż:

• ajrunavigabbilità
• ekwipaġġi
• ajrudromi
• Operazzjonijiet tal-ajru u
• is-servizzi ta’ navigazzjoni bl-ajru.

Ir-regolament:

• jinkludi regoli għall-inġenji tal-ajru mingħajr ekwipaġġ (drones ċivili);
• għandu l-għan li jiffaċilita regoli aktar sempliċi għall-avjazzjoni bħala sport u dik rikreattiva;
• jistabbilixxi d-diviżjoni ta’ kompiti bejn l-UE u l-awtoritajiet nazzjonali;
• iħassar t-tliet regolamenti ta’ qabel (Regolament (KE) Nri. 552/2004 u 216/2008 u (KEE) Nru. 3922/91);
• jemenda żewġ direttivi (id-Direttivi 2014/30/UE dwar it- tnaqqis ta’ interferenza bejn apparati elettriċi u elettroniċi u 2014/53/UE dwar il-kummerċjalizzazzjoni ta’ tagħmir tar-radju) u erba’ regolamenti (ir-Regolamenti (KE) Nri 2111/2005 dwar it-twaqqif ta’ lista ta’ trasportaturi tal-ajru ipprojbiti u dwar l-identità tat-trasportatur operattiv u 1008/2008 dwar l-operazzjoni ta’ servizzi tal-ajru u (UE) Nri 996/2010 dwar aċċidenti u inċidenti tal-avjazzjoni ċivili u 376/2014 dwar okkorrenzi fl-avjazzjoni ċivili);
• jikkumplimenta r-Regolamenti (UE) Nri. 1321/2014 dwar ajrunavigabbiltà u 748/2012 dwar ċertifikazzjoni ambjentali.

Tibdil ewlieni u żidiet

• Ir-regolament jaġġorna l-leġiżlazzjoni tal-UE dwar is-sikurezza fis-settur tal-avjazzjoni. Ġew stabbiliti rekwiżiti essenzjali għall-inġenji tal-ajru fir-rigward tal-ajrunavigabbiltà u l-kompatibbiltà ambjentali tagħhom. Il-manifatturi se jkunu meħtieġa joħorġu ċertifikati tal-ajrunavigabbiltà, skont ir-rekwiżiti tekniċi.
• Jintroduċi regoli bbażati fuq ir-riskju u fuq il-prestazzjoni li jistabbilixxu objettivi iżda jħallu ċerta flessibbiltà dwar il-mezzi biex dawn jintlaħqu. Jippromwovi wkoll it-teħid ta’ miżuri mhux vinkolanti (bħal azzjonijiet għall-promozzjoni tas-sikurezza) kull meta dan ikun possibbli.
• Jirrevedi l-kamp ta’ applikazzjoni ta’ ċerti regoli, billi jeskludi blalen tal-arja sħuna żgħar, b’okkupanza waħda, jaġġusta l-limiti tal-piż għall-gliders, u jżid l-inġenji tal-ajru tal-elettriku ħfief. Jintroduċi riformi sabiex:
  • tiġi ttrattata ż-żieda fit-traffiku tal-ajru;
  • tiżdied is-sigurtà;
  • jitnaqqsu l-kostijiet, id-dewmien u l-impatt ambjentali tat-traffiku tal-ajru.
• L-ekwipaġġ tal-kabina involut fit-trasport kummerċjali bl-ajru huwa soġġett għal ċertifikazzjoni u għandha tinħarġilhom attestazzjoni. Il-Kummissjoni Ewropea stabbiliet regoli u proċeduri dettaljati għall-kwalifiki tal-membri tal-ekwipaġġ tal-kabina.
• Ir-Regolament jistabbilixxi wkoll rekwiżiti essenzjali għal servizzi ta’ groundhandling sikuri, li issa huma inklużi fil-kamp ta’ applikazzjoni tar-regolament, u jagħlaq għadd ta’ lakuni oħra dwar is-sikurezza.
• Hemm ukoll kapitolu dwar il-ġestjoni tas-sikurezza tal-avjazzjoni, li jistabbilixxi l-pjan Ewropew għas-sikurezza tal-avjazzjoni, li jkopri s-sistema sħiħa tas-sikurezza tal-avjazzjoni.

Drones ċivili

• Ir-Regolament jintroduċi rekwiżiti essenzjali għad-drones. Ir-regoli huma intiżi biex ikunu proporzjonati għar-riskju tal-operazzjoni partikolari jew għat-tip ta’ operazzjoni u jistabbilixxu li d-drone għandu jkun jista’ jintuża u jiġi mmaniġġjat b’mod sikur. Għandu jkun maħsub li jiffittja l-funzjonament tiegħu u t-tip intenzjonat tal-operazzjoni u jqis il-privatezza u l-protezzjoni tad-data personali mid-disinn u b’mod awtomatiku Għandha tkun possibbli wkoll l-identifikazzjoni tad-drone kif ukoll tan-natura u tal-iskop tal-operazzjoni.
• L-operatur tad-drone għandu jkun responsabbli għall-operat tiegħu u għandu jkollu għarfien u ħiliet proporzjonati għall-operat sikur tad-drone. L-organizzazzjonijiet involuti fid-disinn, fil-produzzjoni, fil-manutenzjoni u fl-operazzjonijiet tad-drones, f’servizzi relatati u f’taħriġ fuq id-drones, għandhom jistabbilixxu sistema ta’ rapportar tal-okkorrenzi tas-sikurezza.
• Ir-regolament jispeċifika il-livell limitu tar-reġistrazzjoni li japplika għal operaturi ta’ droni: l-operaturi jridu jkunu reġistrati jekk joperaw droni li jkunu jistgħu jittrasferixxu iktar minn 80 joule ta’ enerġija kinetika mal-impatt ma’ persuna. Dan il-limitu jista’ jiġi emendat fil-futur mingħajr proċeduri twal sabiex jittieħed kont tal-iżviluppi f’dan il-qasam.
• Skont in-natura u r-riskju tal-attività, il-karatteristċi operattivi tal-inġenju tal-ajru u l-karatteristċi taż-żona tiegħu ta’ operazzjoni, ċertifikat jista’ jintalab għad-disinn, produzzjoni, manutenzjoni u operazzjoni tiegħu u għall-persunal tiegħu, inklużi piloti remoti.
• Skont ir-regolament, il-Kummissjoni, bl-għajnuna tal-EASA, fasslet ir-Regolament (UE) 2019/947 li jistabbilixxi regoli dettaljati għad-droni u għall-operat tad-droni (ara s-sommarju).
• Att delegat, Regolament Delegat (UE) 2024/1107 jistipula r-regoli dwar il-kontinwità tal-ajrunavigabbilità ta’ sistemi ċċertifikati ta’ inġenji tal-ajru mingħajr bdot abbord u l-komponenti tagħhom, u dwar l-approvazzjoni ta’ organizzazzjonijiet u persunal involuti f’dawn il-kompiti.
• Att ta’ implimentazzjoni, Regolament ta’ Implimentazzjoni (UE) 2024/1109, li japplika mill-1 ta’ Mejju 2025 jinkludi regoli fir-rigward ta’ rekwiżiti ta’ awtorità kompetenti u proċeduri amminstrattivi għaċ-ċertifikazzjoni, sorveljanza u infurzar tal-ajrunavigabbilità kontinwa ta’ droni ċċertifikati.

Liċenzji tal-bdoti maħruġa minn pajjiżi li mhumiex fl-UE

• Ir-Regolament Delegat (UE) 2020/723 jistabbilixxi l-proċeduri u, b’mod partikolari, il-kreditu possibbli għall-edukazzjoni li jista’ jintalab minn bdot li kiseb liċenzja ta’ bdot f’pajjiżi mhux tal-UE u jixtieq jikkonvertiha f’liċenzja tal-UE.
• Hu jassikura li dawn il-bdoti jibqgħu jirċievu t-taħriġ fuq is-suġġetti li huma speċifiċi għall-ispazju tal-ajru tal-UE, jew li inkella ma jkunux mitluba f’pajjiżi mhux tal-UE, waqt li jassikura li ma jkollhomx bżonn jitħarġu b’mod eċċessiv f’aspetti li jkunu diġà koperti minn qabel.
• Ir-Regolament (UE) 2020/723 qabel kien parti minn att ta’ implimentazzjoni, ir-Regolament (UE) 1178/2011 (ara s-sommarju), imma kellu jkun separat f’att delegat minħabba r-rekwiżiti tar-Regolament (UE) 2018/1139.

Ħarsien ambjentali

Fir-rigward tal-ħsejjes u l-emissjonijiet, l-inġenji tal-ajru għajr dawk mingħajr l-ekwipaġġ, l-iskruwni, il-partijiet u tagħmir mhux konnessi tagħhom għandhom jikkonformaw mar-rekwiżiti tal-protezzjoni ambjentali li jinsabu fl-Anness 16 tal-Konvenzjoni dwar l-Avjazzjoni Ċivili Internazzjonali mill-1 ta’ Jannar 2021.

L-Aġenzija tas-Sikurezza fl-Avjazzjoni tal-Unjoni Ewropea

• Ir-regolament jestendi l-kamp ta’ applikazzjoni tal-EASA għall-aspetti tas-sigurtà relatati mas-sikurezza, bħaċ-ċibersigurtà, u l-ħarsien tal-ambjent.
• Huwa jistabbilixxi mekkaniżmu għall-akkomunament u l-kondiviżjoni ta’ spetturi tal-avjazzjoni, u assistenza teknika oħra biex tappoġġja lill-Istati Membri tal-UE fil-kompiti ta’ ċertifikazzjoni, ta’ sorveljanza u ta’ infurzar.
• Ir-repożitorju elettroniku tal-informazzjoni stabbilit minn EASA biex jassikura kooperazzjoni effettiva bejn EASA u l-awtoritajiet nazzjonali rilevanti jinkludi informazzjoni dwar ir-responsabbiltajiet relatati maċ-ċertifikazzjoni, sorveljanza u infurzar, flimkien ma’ miżuri li jirrigwardaw titjiriet fuq żoni ta’ konflitt.
• EASA u l-awtoritajiet kompetenti nazzjonali jistgħu jallokaw il-kompiti tagħhom relatati ma’ ċertifikazzjoni u sorveljanza skont dan ir-regolament lil entitajiet kwalifikati li jkunu ġew akkreditati. Regolament ta’ Implimentazzjoni (UE) 2024/1403, li daħal fis-seħħ fit-13 ta’ Ġunju 2024, jistipula l-kundizzjonijiet u proċeduri għall-akkreditazzjoni ta’ dawn l-entitajiet.

Riskji għas-sigurtà tal-informazzjoni b’impatt potenzjali fuq is-sikurezza tal-avjazzjoni

• Regolament Delegat (UE) 2022/1645, li japplika mis-16 ta’ Ottubru 2025, jissettja r-rekwiżiti li jridu jkunu sodisfatti biex tidentifika u tiġġestjona riskji tas-sigurtà tal-informazzjoni b’impatt potenzjali fuq is-sikurezza tal-avjazzjoni għal organizzazzjonijiet.
• Dawn ir-rekwiżiti jkopru firxa wiesgħa ta’ oqsma tal-avjazzjoni u l-interfaċċi tagħhom, minħabba li l-avjazzjoni hija sistema interkonnessa ħafna tas-sistemi, u japplikaw għall-organizzazzjonijiet kollha li huma diġà meħtieġa jkollhom sistema ta’ ġestjoni skont il-legiżlazzjoni dwar is-sikurezza tal-avjazzjoni tal-UE.
• Organizzazzjonijiet koperti jinkludu organizzazzjoni relatati ma’ produzzjoni u disinn, operaturi tal-ajru, organizzazzjonijiet tal-manutenzjoni, organizzazzjonijiet tal-ġestjoni tal-ajrunavigabbilità, organizzazzjonijiet tat-taħriġ/fornituri tas-servizzi tan-navigazzjoni bl-ajru, operaturi tal-ajrudrom u servizz tal-ġestjoni tar-rampa* fornituri.
• Regolament ta’ Implimentazzjoni (UE) 2023/203 jistabbilixxi l-pjan ta’ azzjoni għas-sistema tal-avjazzjoni reżiljenti għaċ-ċiber, jissettja r-regoli biex jidentifka u jiġġestjona r-riskji tas-sigurtà li jistgħu jaffettwaw is-sistemi tal-informazzjoni u tat-teknoloġija tal-komunikazzjoni u data użata għal skopijiet tal-avjazzjoni ċivili f’organizzazzjonijiet tal-avjazzjoni koperti minn Regolamenti tal-Kummissjoni (UE) Nri 1321/2014, 965/2012 u 1178/2011 u (UE) 2015/340 u r-Regolamenti ta’ Implimentazzjoni tal-Kummissjoni (UE) 2017/373 u 2021/664, u f’awtoritajiet kompetenti (inkluża EASA) koperti minn Regolamenti tal-Kummissjoni (UE) Nri 748/2012, 1321/2014, 965/2012, 1178/2011 u 139/2014 u (UE) 2015/340 u r-Regolamenti ta’ Implimentazzjoni tal-Kummissjoni (UE) 2017/373 u 2021/664, u r-Regolamenti li jemendaw tal-Kummissjoni (UE) Nri 1178/2011, 748/2012, 965/2012, 139/2014 u 1321/2014 u (UE) 2015/340 u r-Regolamenti ta’ Implimentazzjoni tal-Kummissjoni (UE) 2017/373 u 2021/664. ir-Regolament ta’ Implimentazzjoni (UE) 2023/203, li japplika mit-22 ta’ Frar 2026, jistabbilixxi r-rekwiżiti biex jinkixfu avvenimenti tas-sigurtà tal-informazzjoni, jidentifikaw dawk li huma meqjusa bħala inċidenti tas-sigurtà tal-informazzjoni u jirrispondu għal, u jfiequ minn, dawn l-inċidenti tas-sigurtà tal-informazzjoni f’livell proporzjonat mal-impatt tagħhom fuq is-sikurezza tal-avjazzjoni.
• Biex jiġġestjona r-riskji tas-sikurezza li jirriżultaw minn theddid tas-sigurtà tal-informazzjoni, ir-Regolament ta’ Implimentazzjoni (UE) 2024/1109 (ara fuq) jemenda r-Regolament (UE) 2023/203 biex jinkludi fi ħdan l-ambitu tiegħu l-awtoritajiet kompetenti responsabbli għall-kontinwità tal-ajrunavigabbilità ta’ droni ċċertifikati u l-komponenti tagħhom ħalli r-rekwiżiti fir-rigward ta’ dawn ir-riskji jkunu applikati.

MINN META BEDA JAPPLIKA R-REGOLAMENT?

Dan ilu japplika mill-11 ta’ Settembru 2018

SFOND

Għal aktar informazzjoni, ara:

• L-Aġenzija tas-Sikurezza tal-Avjazzjoni tal-Unjoni Ewropea (EASA) (L-Unjoni Ewropea)
• EASA (L-Aġenzija tas-Sikurezza tal-Avjazzjoni tal-Unjoni Ewropea).

TERMINI EWLENIN

DOKUMENT PRINĊIPALI

Ir-Regolament (UE) 2018/1139 tal-Parlament Ewropew u tal-Kunsill tal-4 ta’ Lulju 2018 dwar regoli komuni fil-qasam tal-avjazzjoni ċivili u li jistabbilixxi Aġenzija tas-Sikurezza tal-Avjazzjoni tal-Unjoni Ewropea, u li jemenda r-Regolamenti (KE) Nru 2111/2005, (KE) Nru 1008/2008, (UE) Nru 996/2010, (UE) Nru 376/2014 u d-Direttivi 2014/30/UE u 2014/53/UE tal-Parlament Ewropew u tal-Kunsill, u li jħassar ir-Regolamenti (KE) Nru 552/2004 u (KE) Nru 216/2008 tal-Parlament Ewropew u tal-Kunsill u r-Regolament tal-Kunsill (KEE) Nru 3922/91 (ĠU L 212, 22.8.2018, pp. 1–122).

Emendi suċċessivi għar-Regolament (UE) 2018/1139 ġew inkorporati fid-dokument oriġinali. Din il-verżjoni konsolidata għandha valur dokumentarju biss.

DOKUMENTI RELATATI

Ir-Regolament Delegat tal-Kummissjoni (UE) 2024/1107 tat-13 ta’ Marzu 2024 li jissupplimenta r-Regolament (UE) 2018/1139 tal-Parlament Ewropew u tal-Kunsill billi jistabbilixxi regoli dettaljati għall-kontinwità tal-ajrunavigabbiltà tas-sistemi tal-inġenji tal-ajru ċċertifikati mingħajr bdot abbord u l-komponenti tagħhom, u dwar l-approvazzjoni tal-organizzazzjonijiet u tal-persunal involuti f’dawn il-kompiti (ĠU L., 2024/1107, 23.5.2024).

Ir-Regolament ta’ Implimentazzjoni tal-Kummissjoni (UE) 2024/1109 tal-10 ta’ April 2024 li jistabbilixxi regoli għall-applikazzjoni tar-Regolament (UE) 2018/1139 tal-Parlament Ewropew u tal-Kunsill fir-rigward tar-rekwiżiti tal-awtoritajiet kompetenti u tal-proċeduri amministrattivi għaċ-ċertifikazzjoni, għas-sorveljanza u għall-infurzar tal-kontinwità tal-ajrunavigabbiltà tas-sistemi tal-ajru ċċertifikati mingħajr bdot abbord, u li jemenda r-Regolament ta’ Implimentazzjoni (UE) 2023/203 (ĠU L., 2024/1109, 23.5.2024).

Ir-Regolament Delegat tal-Kummissjoni (UE) 2024/1403 tat-12 ta’ Marzu 2024 li jissupplimenta r-Regolament (UE) 2018/1139 tal-Parlament Ewropew u tal-Kunsill billi jistabbilixxi l-kundizzjonijiet u l-proċeduri għall-akkreditazzjoni mill-Aġenzija tas-Sikurezza tal-Avjazzjoni tal-Unjoni Ewropea ta’ entitajiet ikkwalifikati (ĠU L., 2024/1403, 24.5.2024).

Ir-Regolament ta’ Implimentazzjoni tal-Kummissjoni (UE) 2023/203 tas-27 ta’ Ottubru 2022 li jistipula r-regoli għall-applikazzjoni tar-Regulation (UE) 2018/1139 tal-Parlament Ewropew u tal-Kunsill, fir-rigward ta’ rekwiżiti għall-ġestjoni ta’ riskji għas-sikurezza tal-informazzjoni b’impatt potenzjali fuq is-sikurezza tal-avjazzjoni għal organizzazzjonijiet koperti bir-Regolamenti tal-Kummissjoni (UE) Nru 1321/2014, (UE) Nru 965/2012, (UE) Nru 1178/2011, (UE) 2015/340, ir-Regolamenti ta’ Implimentazzjoni tal-Kummissjoni (UE) 2017/373 u (UE) 2021/664, u għal awtoritajiet kompetenti koperti bir-Regolamenti tal-Kummissjoni (UE) Nru 748/2012, (UE) Nru 1321/2014, (UE) Nru 965/2012, (UE) Nru 1178/2011, (UE) 2015/340 u (UE) Nru 139/2014, ir-Regolamenti ta’ Implimentazzjoni tal-Kummissjoni (UE) 2017/373 u (UE) 2021/664 u r-Regolamenti Emendatorji tal-Kummissjoni (UE) Nru 1178/2011, (UE) Nru 748/2012, (UE) Nru 965/2012, (UE) Nru 139/2014, (UE) Nru 1321/2014, (UE) 2015/340, u r-Regolamenti ta’ Implimentazzjoni tal-Kummissjoni (UE) 2017/373 u (UE) 2021/664 (ĠU L 31, 2.2.2023, pp. 1–40).

Ara l-verżjoni konsolidata.

Ir-Regolament Delegat tal-Kummissjoni (UE)2022/1645 tal-14 ta’ Lulju 2022 li jistabbilixxi regoli għall-applikazzjoni tar-Regolament (UE) 2018/1139 tal-Parlament Ewropew u tal-Kunsill, fir-rigward tar-rekwiżiti għall-ġestjoni tar-riskji għas-sigurtà tal-informazzjoni b’impatt potenzjali fuq is-sikurezza tal-avjazzjoni għall-organizzazzjonijiet koperti bir-Regolamenti tal-Kummissjoni (UE) Nru 748/2012 u (UE) Nru 139/2014 u li jemenda r-Regolamenti tal-Kummissjoni (UE) Nru 748/2012 u (UE) Nru 139/2014 (ĠU L 248, 26.9.2022, pp. 18–31).

Ir-Regolament ta’ Implimentazzjoni tal-Kummissjoni (UE) 2021/664 tat-22 ta’ April 2021 dwar qafas regolatorju għall-U-space (ĠU L 139, 23.4.2021, pp. 161-183).

Ir-Regolament Delegat tal-Kummissjoni (UE) 2020/723 tal-4 ta’ Marzu 2020 li jistabbilixxi regoli dettaljati fir-rigward tal-aċċettazzjoni ta’ ċertifikazzjoni ta’ bdoti ta’ pajjiżi terzi u li jemenda r-Regolament (UE) Nru 1178/2011 (ĠU L 170, 2.6.2020, pp. 1–8).

Ir-Regolament ta’ Implimentazzjoni tal-Kummissjoni (UE) 2019/947 tal-24 ta’ Mejju 2019 dwar ir-regoli u l-proċeduri għall-operazzjoni ta’ inġenji tal-ajru mingħajr bdot abbord (ĠU L 152, 11.6.2019, pp. 45–71)

Ara l-verżjoni konsolidata.

Ir-Regolament ta’ Implimentazzjoni tal-Kummissjoni (UE) 2017/373 tal-1 ta’ Marzu 2017 li jistabbilixxi rekwiżiti komuni għall-fornituri ta’ servizzi fil-ġestjoni tat-traffiku tal-ajru/tas-servizzi tan-navigazzjoni bl-ajru u ta’ funzjonijiet oħrajn tan-network tal-ġestjoni tat-traffiku tal-ajru u s-sorveljanza tagħhom, li jħassar ir-Regolament (KE) Nru 482/2008, ir-Regolamenti ta’ Implimentazzjoni (UE) Nru 1034/2011, (UE) Nru 1035/2011 u (UE) 2016/1377u Regolament (UE) Nru. 677/2011 (ĠU L 62, 8.3.2017, pp. 1–126).

Ara l-verżjoni konsolidata.

Ir-Regolament tal-Kummissjoni (UE) 2015/340 tal-20 ta’ Frar 2015 li jistabbilixxi rekwiżiti tekniċi u proċeduri amministrattivi relatati maċ-ċertifikati u l-liċenzji tal-kontrolluri tat-traffiku tal-ajru skont ir-Regolament (KE) Nru 216/2008 tal-Parlament Ewropew u tal-Kunsill, li jemenda r-Regolament ta’ Implimentazzjoni tal-Kummissjoni (UE) Nru 923/2012 u li jħassar ir-Regolament tal-Kummissjoni (UE) Nru 805/2011 (ĠU L 63, 6.3.2015, pp. 1–122).

Ara l-verżjoni konsolidata.

Ir-Regolament tal-Kummissjoni (UE) Nru 139/2014 tat-12 ta’ Frar 2014 li jistabbilixxi rekwiżiti tekniċi u proċeduri amministrattivi b’rabta mal-ajrudromi skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 44, 14.2.2014, pp. 1–34).

Ara l-verżjoni konsolidata.

Direttiva 2014/30/UE tal-Parlament Ewropew u tal-Kunsill tas-26 ta’ Frar 2014 dwar l-armonizzazzjoni tal-liġijiet tal-Istati Membri relatati mal-kompatibbiltà elettromanjetika (riformulazzjoni) (ĠU L 96, 29.3.2014, pp. 79–106)

Ara l-verżjoni konsolidata.

Id-Direttiva 2014/53/UE tal-Parlament Ewropew u tal-Kunsill tas-16 ta’ April 2014 dwar l-armonizzazzjoni tal-liġijiet tal-Istati Membri marbuta mat-tqegħid fis-suq ta’ tagħmir tar-radju u li tħassar id-Direttiva 1999/5/KE (ĠU L 153, 22.5.2014, pp. 62–106).

Ara l-verżjoni konsolidata.

Ir-Regolament (UE) Nru 376/2014 tal-Parlament Ewropew u tal-Kunsill tat-3 ta’ April 2014 dwar ir-rappurtar, l-analiżi u s-segwitu ta’ okkorrenzi fl-avjazzjoni ċivili, li jemenda r-Regolament (UE) Nru 996/2010 tal-Parlament Ewropew u tal-Kunsill u li jħassar id-Direttiva 2003/42/KE tal-Parlament Ewropew u tal-Kunsill, u r-Regolamenti tal-Kummissjoni (KE) Nru 1321/2007 u (KE) Nru 1330/2007 (ĠU L 122, 24.4.2014, pp. 18–43).

Ara l-verżjoni konsolidata.

Ir-Regolament tal-Kummissjoni (UE) Nru 1321/2014 tas-26 ta’ Novembru 2014 dwar il-kontinwità tal-ajrunavigabbiltà ta’ inġenji tal-ajru u prodotti, partijiet u tagħmir ajrunawtiċi, u dwar l-approvazzjoni ta’ organizzazzjonijiet u persunal involut f’dan ix-xogħol (ĠU L 362, 17.12.2014, pp. 1–194).

Ara l-verżjoni konsolidata.

Ir-Regolament tal-Kummissjoni (UE) Nru 748/2012 tat-3 ta’ Awwissu 2012 li jistabbilixxi regoli ta’ implimentazzjoni għaċ-ċertifikazzjoni tal-ajrunavigabbilità u ambjentali ta’ inġenji tal-ajru u ta’ prodotti, partijiet u tagħmir relatati, kif ukoll għaċ-ċertifikazzjoni ta’ organizzazzjonijiet relatati mad-disinn u l-produzzjoni (riformulazzjoni) (ĠU L 224, 21.8.2012, pp. 1–85).

Ara l-verżjoni konsolidata.

Ir-Regolament tal-Kummissjoni (UE) Nru 965/2012 tal-5 ta’ Ottubru 2012 li jistabbilixxi rekwiżiti tekniċi u proċeduri amministrattivi relatati mal-operazzjonijiet bl-ajru skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 296, 25.10.2012, pp. 1–148).

Ara l-verżjoni konsolidata.

Ir-Regolament tal-Kummissjoni (UE) Nru 1178/2011 tat-3 ta’ Novembru 2011 li jistabbilixxi rekwiżiti tekniċi u proċeduri amministrattivi relatati mal-ekwipaġġi tal-ajruplani tal-avjazzjoni ċivili skont ir-Regolament (KE) Nru 216/2008 tal-Parlament Ewropew u tal-Kunsill (ĠU L 311, 25.11.2011, pp. 1–193).

Ara l-verżjoni konsolidata.

Ir-Regolament (UE) Nru 996/2010 tal-Parlament Ewropew u tal-Kunsill tal-20 ta’ Ottubru 2010 dwar l-investigazzjoni u l-prevenzjoni ta’ aċċidenti u inċidenti fis-settur tal-avjazzjoni ċivili u li jħassar id-Direttiva 94/56/KE (ĠU L 295, 12.11.2010, pp. 35–50).

Ara l-verżjoni konsolidata.

Ir-Regolament (KE) Nru 1008/2008 tal-Parliament Ewropew u tal-Kunsill tal-24 ta’ Settembru 2008 dwar regoli komuni għall-operazzjoni ta’ servizzi tal-ajru fil-Komunità (Riformulazzjoni) (ĠU L 293, 31.10.2008, pp. 3–20).

Ara l-verżjoni konsolidata.

Ir-Regolament (KE) Nru 2111/2005 tal-Parlament Ewropew u tal-Kunsill tal-14 ta’ Diċembru 2005 dwar l-istabbiliment ta’ lista Komunitarja ta’ trasportaturi tal-ajru li huma suġġetti għal projbizzjoni ta’ operar fil-Komunità u li jinforma lill-passiġġieri tat-trasport bl-ajru dwar l-identità tal-trasportatur tal-ajru li jopera, u li jħassar l-Artikolu 9 tad-Direttiva 2004/36/KE. (ĠU L 344, 27.12.2005, pp. 15–22).

Ara l-verżjoni konsolidata.

l-aħħar aġġornament 12.07.2024