Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62018CN0084

    Kawża C-84/18 P: Appell ippreżentat fis-6 ta’ Frar 2018 minn Sophie Montel mis-sentenza mogħtija mill-Qorti Ġenerali (Is-Sitt Awla) fid-29 ta’ Novembru 2017 fil-Kawża T-634/16, Sophie Montel vs Il-Parlament

    ĠU C 161, 7.5.2018, p. 17–19 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

    Date of document:
    06/02/2018
    Date lodged:
    06/02/2018
    Author:
    Il-Qorti tal-Ġustizzja
    Form:
    Informazzjoni ġudizzjarja
    Authentic language:
    Franċiż
    Type of procedure:
    Rikors għal annullament, Rikors għad-danni, Appell
    Link
    Select all documents mentioning this document
    Case affecting:
    Link

    7.5.2018   

    MT

    Il-Ġurnal Uffiċjali tal-Unjoni Ewropea

    C 161/17

    Appell ippreżentat fis-6 ta’ Frar 2018 minn Sophie Montel mis-sentenza mogħtija mill-Qorti Ġenerali (Is-Sitt Awla) fid-29 ta’ Novembru 2017 fil-Kawża T-634/16, Sophie Montel vs Il-Parlament

    (Kawża C-84/18 P)

    (2018/C 161/20)

    Lingwa tal-kawża: il-Franċiż

    Partijiet

    Appellanti: Sophie Montel (rappreżentant: G. Sauveur, avukat)

    Partijiet oħra fil-proċedura: Il-Parlament Ewropew, Il-Kunsill tal-Unjoni Ewropea

    Talbiet

    —

    Bdil tas-sentenza appellata, għaldaqstant:

    —

    Tannulla d-deċiżjoni tas-Segretarju Ġenerali tal-Parlament Ewropew tal-24 ta’ Ġunju 2016, innotifikata fis-6 ta’ Lulju 2016, li tispeċifika “li ammont ta’ EUR 77 276,42 ġie mħallas indebitament favur Sophie Montel” u tordna lill-awtorità kompetenti u lill-kontabilista tal-istituzzjoni sabiex jipproċedu bl-irkupru ta’ din is-somma.

    —

    Tannulla n-nota ta’ debitu Nru 2016-897 kollha ffirmata mill-istess direttur ġenerali tal-finanzi fid-data tal-4 ta’ Lulju 2016.

    —

    Tiddeċiedi fuq l-ammont li għandu jingħata lill-appellanti bħala kumpens għad-dannu morali li jirriżulta mill-akkużi infondati li saru qabel il-konklużjoni tal-investigazzjoni, mill-ħsara magħmula lill-immaġini tagħha u mill-inkwiet kbir ikkawżat fil-ħajja personali u politika tagħha permezz tad-deċiżjoni appellata.

    —

    Tiddeċiedi dwar l-ammont li għandu jingħata lill-appellanti bħala spejjeż tal-proċedura.

    —

    Tikkundanna lill-Parlament Ewropew għall-ispejjeż kollha.

    Aggravji u argumenti prinċipali

    1.

    L-ewwel aggravju huwa bbażat fuq l-inkompetenza tal-awtur tal-att

    —

    Il-kwistjonijiet finanzjarji huma l-kompetenza tal-Bureau tal-Parlament Ewropew u mhux tas-Segretarju Ġenerali

    —

    Assenza ta’ delega tas-Segretarju Ġenerali

    —

    Eċċezzjoni ta’ illegalità minħabba l-ksur tal-indipendenza tal-parlamentari u tad-dritt għal sentenza imparzjali

    2.

    It-tieni aggravju bbażat fuq il-prinċipju ta’ “electa una via”

    —

    Il-President tal-Parlament adixxa l-OLAF u l-qorti Franċiża

    3.

    It-tielet aggravju bbażat fuq ksur tad-drittijiet tad-difiża

    —

    Ksur tal-preżunzjoni ta’ innoċenza mill-President tal-Parlament

    —

    L-amministrazzjoni tal-Parlament hija l-qorti u l-parti

    —

    Bdil fl-ilmenti invokati mill-Parlament matul il-proċedura

    —

    Rifjut li tinstema’ l-appellanti min-naħa tas-Segretarju Ġenerali

    4.

    Ir-raba’ aggravju bbażat fuq inverżjoni tal-oneru tal-prova

    —

    Il-Parlament obbliga lill-appellanti sabiex tipprova li hija ma kienet wettqet l-ebda nuqqas filwaqt li hu ma kellu ebda element li jippermettilu serjament li jsostni l-eżistenza ta’ nuqqas

    5.

    Il-ħames aggravju bbażat fuq insuffiċjenza ta’ motivazzjoni

    —

    L-unika raġuni invokata hija l-publikazzjoni ta’ organigramma, għalkemm din tal-aħħar ma tipprova xejn

    6.

    Is-sitt aggravju bbażat fuq ksur tal-prinċipji ta’ ċertezza legali u aspettativi leġittimi

    —

    L-ebda regola ma tistabbilixxi l-lista ta’ dokumenti li għandhom jiġu pprovduti u għalhekk l-appellanti hija suġġetta għall-arbitrarjetà tal-Parlament

    7.

    Is-seba’ aggravju bbażat fuq ksur tad-drittijiet ċiviċi tal-assistenti parlamentari

    —

    Il-Parlament jipprojbixxi l-assistenti milli jkollhom attività politika

    8.

    It-tmien aggravju bbażat fuq it-trattament diskriminatorju, fuq il-“Fumus persecutionis” u fuq l-użu ħażin ta’ poter

    —

    L-appellanti kellha ssostni din il-proċedura minħabba l-ostilità politika magħmula mill-President tal-Parlament Ewropew

    9.

    Id-disa’ aggravju bbażat fuq ksur tal-independenza tad-deputati

    —

    Ix-xogħol tal-assistent parlamentari ma jillimitax ruħu għax-xogħol leġiżlattiv

    10.

    L-għaxar aggravju bbażat fuq infondatezza fil-fatt

    —

    Il-Parlament ikkuntenta ruħu billi wieġeb li d-dokumenti kkomunikati mill-appellanti ma pprovaw xejn għalkemm dawn id-dokumenti kienu jipprovaw ix-xogħol tal-assistent

    —

    Il-Parlament ma huwiex kapaċi jipprova l-pretensjonijiet tiegħu

    11.

    Il-ħdax-il aggravju bbażat fuq ksur tal-prinċipju ta’ proporzjonalità

    —

    L-organigramma (punt tat-tluq tal-proċeduri mnedija mill-President tal-Parlament) ġiet ippubblikata fi Frar 2015 iżda l-irkupru tal-ammont imħallas indebitament imur lura għal Awwissu 2014
    Top