This document is an excerpt from the EUR-Lex website
Document 62013CB0372
Case C-372/13: Order of the Court (Third Chamber) of 30 January 2014 (request for a preliminary ruling from the Polimeles Protodikio Athinon) — Warner — Lambert Company LLC, Pfizer Ellas AE v SiegerPharma Anonimi Farmakeftiki Etairia (Article 99 of the Rules of Procedure of the Court — Questions referred for a preliminary ruling which are identical to questions on which the Court has already made a ruling — Agreement on Trade-Related Aspects of International Property Rights (TRIPs) — Article 27 — Patentable Subject Matter — Article 70 — Protection of Existing Subject Matter)
Kawża C-372/13: Digriet tal-Qorti tal-Ġustizzja (It-Tielet Awla) tat- 30 ta’ Jannar 2014 (talba għal deċiżjoni preliminari tal-Polymeles Protodikeio Athinon – Il-Greċja) – Warner – Lambert Company LLC, Pfizer Ellas AE vs SiegerPharma Anonymi Farmakeftiki Etaireia (Artikolu 99 tar-Regoli tal-Proċedura tal-Qorti tal-Ġustizzja — Domandi preliminari magħmula identiċi għal domandi li fuqhom il-Qorti tal-Ġustizzja diġà adottat deċiżjoni — Ftehim dwar l-aspetti tad-drittijiet tal-proprjetà intellettwali relatati mal-kummerċ (TRIPS) — Artikolu 27 — Oġġett li jista’ jiġi protett bi privattiva — Artikolu 70 — Protezzjoni ta’ oġġetti eżistenti)
Kawża C-372/13: Digriet tal-Qorti tal-Ġustizzja (It-Tielet Awla) tat- 30 ta’ Jannar 2014 (talba għal deċiżjoni preliminari tal-Polymeles Protodikeio Athinon – Il-Greċja) – Warner – Lambert Company LLC, Pfizer Ellas AE vs SiegerPharma Anonymi Farmakeftiki Etaireia (Artikolu 99 tar-Regoli tal-Proċedura tal-Qorti tal-Ġustizzja — Domandi preliminari magħmula identiċi għal domandi li fuqhom il-Qorti tal-Ġustizzja diġà adottat deċiżjoni — Ftehim dwar l-aspetti tad-drittijiet tal-proprjetà intellettwali relatati mal-kummerċ (TRIPS) — Artikolu 27 — Oġġett li jista’ jiġi protett bi privattiva — Artikolu 70 — Protezzjoni ta’ oġġetti eżistenti)
ĠU C 175, 10.6.2014, p. 18–19
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
10.6.2014 |
MT |
Il-Ġurnal Uffiċjali tal-Unjoni Ewropea |
C 175/18 |
Digriet tal-Qorti tal-Ġustizzja (It-Tielet Awla) tat-30 ta’ Jannar 2014 (talba għal deċiżjoni preliminari tal-Polymeles Protodikeio Athinon – Il-Greċja) – Warner – Lambert Company LLC, Pfizer Ellas AE vs SiegerPharma Anonymi Farmakeftiki Etaireia
(Kawża C-372/13) (1)
((Artikolu 99 tar-Regoli tal-Proċedura tal-Qorti tal-Ġustizzja - Domandi preliminari magħmula identiċi għal domandi li fuqhom il-Qorti tal-Ġustizzja diġà adottat deċiżjoni - Ftehim dwar l-aspetti tad-drittijiet tal-proprjetà intellettwali relatati mal-kummerċ (TRIPS) - Artikolu 27 - Oġġett li jista’ jiġi protett bi privattiva - Artikolu 70 - Protezzjoni ta’ oġġetti eżistenti))
2014/C 175/22
Lingwa tal-kawża: il-Grieg
Qorti tar-rinviju
Polymeles Protodikeio Athinon
Partijiet fil-kawża prinċipali
Rikorrenti: Warner – Lambert Company LLC, Pfizer Ellas AE
Konvenuta: SiegerPharma Anonymi Farmakeftiki Etaireia
Suġġett
Talba għal deċiżjoni preliminari – Polymeles Protodikeio Athinon – Interpretazzjoni tal-Artikoli 27 u 70 tal-Ftehim dwar l-aspetti tad-drittijiet tal-proprjetà intellettwali relatati mal-kummerċ (“TRIPS”) Anness mal-ftehim li jistabbilixxi l-“Organizzazzjoni Dinjija tal-Kummerċ” (ĠU Edizzjoni Speċjali bil-Malti, Kapitolu 11, Vol. 21, p. 80) – Distinzjoni bejn l-oqsma li jaqgħu taħt id-dritt Komunitarju u dawk li jaqgħu taħt il-ġurisdizzjoni tal-Istati Membri – Qasam tal-privattivi – Prodotti kimiċi u farmaċewtiċi
Dispożittiv
1) |
L-Artikolu 27 tal-Ftehim dwar l-aspetti tad-drittijiet tal-proprjetà intellettwali relatati mal-kummerċ, li jinsabu fl-Anness 1 C tal-Ftehim li jistabbilixxi l-Organizzazzjoni Dinjija tal-Kummerċ (WTO), li ġie ffirmat f’Marrakech fil-15 ta’ April 1994 u approvat bid-deċiżjoni tal-Kunsill 94/800/KE, tat-22 ta’ Diċembru 1994, dwar il-konklużjoni f’isem il-Komunità Ewropea f’dak li jirrigwarda l-kwistjonijiet li jaqgħu taħt il-kompetenzi tagħha, ta’ ftehimiet ta’ negozjati multilaterali taċ-ċiklu tal-Urugwaj (1986-1994), jifforma parti mill-politika kummerċjali komuni. |
2) |
L-Artikolu 27 tal-Ftehim dwar l-aspetti tad-drittijiet tal-proprjetà intellettwali relatati mal-kummerċ għandu jiġi interpretat fis-sens li l-invenzjoni ta’ prodott farmaċewtiku, bħall-komponent kimiku attiv ta’ prodott mediċinali, tista’, fl-assenza ta’ deroga skont il-paragrafu 2 jew 3 ta’ dan l-artikolu, tiġi protetta bi privattiva fil-kundizzjonijiet stabbiliti fil-paragrafu 1 tal-imsemmi artikolu. |
3) |
Privattiva li nkisbet sussegwentement għal talba dwar l-invenzjoni kemm tal-proċess ta’ fabbrikazzjoni ta’ prodott farmaċewtiku kif ukoll ta’ dan il-prodott farmaċewtiku fih innifsu, iżda li ngħatat biss għal dak li jirrigwarda dan il-proċess ta’ fabbrikazzjoni, ma għandhiex, minħabba r-regoli msemmija fl-Artikoli 27 u 70 tal-Ftehim dwar l-aspetti tad-drittijiet tal-proprjetà intellettwali relatati mal-kummerċ, tkun ikkunsidrata, sa mid-dħul fis-seħħ ta’ dan il-ftehim, bħala li tkopri l-invenzjoni tal-imsemmi prodott farmaċewtiku. |