Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62011TN0657

Kawża T-657/11: Rikors ippreżentat fil- 21 ta’ Diċembru 2011 — Technion — Israel Institute of Technology u Technion Research & Development vs Il-Kummissjoni

ĠU C 73, 10.3.2012, p. 28–29 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:
21/12/2011
Date lodged:
21/12/2011
Author:
Il-Qorti Ġenerali
Form:
Informazzjoni ġudizzjarja
Authentic language:
Franċiż
Link
Select all documents mentioning this document
Instruments cited in case law:
Link

10.3.2012   

MT

Il-Ġurnal Uffiċjali tal-Unjoni Ewropea

C 73/28

Rikors ippreżentat fil-21 ta’ Diċembru 2011 — Technion — Israel Institute of Technology u Technion Research & Development vs Il-Kummissjoni

(Kawża T-657/11)

2012/C 73/56

Lingwa tal-kawża: il-Franċiż

Partijiet

Rikorrenti: Technion — Israel Institute of Technology (Haïfa, Iżrael) u Technion Research & Development Foundation Ltd (Haïfa) (rappreżentanti: D. Grisay u D. Piccininno, avukati)

Konvenuta: Il-Kummissjoni Ewropea

Talbiet

Ir-rikorrenti jitolbu li l-Qorti Ġenerali jogħġobha:

—

tilqa’ dan ir-rikors għal annullament ibbażat fuq l-Artikolu 263 tat-Trattat dwar il-Funzjonament tal-Unjoni Ewropea;

—

tiddikjara dan ir-rikors ammissibbli u,

—

prinċipalment, tiddikjara r-rikors fondat u tannulla d-deċiżjoni tad-Direttorat Ġenerali tas-Soċjetà tal-Informazzjoni u tal-Midja tal-Kummissjoni Ewropea tad-19 ta’ Ottubru 2011;

—

tikkundanna lill-Kummissjoni Ewropea għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw żewġ motivi.

(1)

L-ewwel motiv huwa bbażat fuq żball manifest ta’ evalwazzjoni u fuq motivazzjoni insuffiċjenti, sa fejn l-ordni ta’ rkupru tad-19 ta’ Ottubru 2011 kienet ibbażata esklużivament fuq elementi, jiġifieri rapport ta’ verifika u deċiżjoni tal-Kummissjoni li tiddikjara bħala ineliġibbli ċerti spejjeż skont il-konklużjonijiet tal-imsemmija verifika finanzjarja li tirrigwarda l-eżekuzzjoni b’mod partikolari tal-kuntratt MOSAICA, ikkontestati fir-rigward tal-motivazzjoni u l-fondatezza tagħhom fil-kuntest tal-Kawża T-546/11, Technion — Israel Institute of Technology u Technion Research & Development vs Il-Kummissjoni (1).

(2)

It-tieni motiv huwa bbażat fuq ksur mill-Kummissjoni tal-prinċipju kontra l-arrikkiment indebitu. Ir-rikorrenti jsostnu li:

—

il-Kummissjoni tkun qiegħda tieħu l-benefiċċji tas-servizzi relatati mal-kuntratt u r-riżultati tar-riċerka mwettqa mingħajr ma tkun ħallset għalihom jekk hija tirkupra l-ammont mitlub li jkopri s-servizzi kollha mwettqa permezz ta’ TECHNION, M. K., għall-kuntratt MOSAICA;

—

ir-rikorrenti jkollhom dritt jitolbu r-rimbors tal-ispejjeż relatati mas-servizzi mwettqa għall-kuntratt MOSAICA;

—

f’każ ta’ rimbors, ir-rikorrenti mhux biss jiċċaħdu minn ammont li jikkorrispondi għal servizzi effettivament mwettqa, iżda jkollhom jaffaċċjaw ukoll telf addizzjonali peress li huma jkollhom, minbarra li jirrimborsaw, ibatu l-ispejjeż sostnuti sabiex iwettqu s-servizzi pprovduti.

(1)  ĠU 2011, C 355, p. 28.

Top