Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0214

Kawża T-214/11: Rikors ippreżentat fil- 11 ta’ April 2011 — ClientEarth u PAN Europe vs EFSA

ĠU C 179, 18.6.2011, p. 18–19 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

Date of document:
11/04/2011
Date lodged:
11/04/2011
Author:
Il-Qorti Ġenerali
Form:
Informazzjoni ġudizzjarja
Authentic language:
Ingliż

18.6.2011   

MT

Il-Ġurnal Uffiċjali tal-Unjoni Ewropea

C 179/18

Rikors ippreżentat fil-11 ta’ April 2011 — ClientEarth u PAN Europe vs EFSA

(Kawża T-214/11)

2011/C 179/32

Lingwa tal-kawża: l-Ingliż

Partijiet

Rikorrenti: ClientEarth (Londra, ir-Renju Unit) u Pesticides Action Network Europe (PAN Europe) (Brussel, il-Belġju) (rappreżentant: P. Kirch, avukat)

Konvenuta: Awtorità Ewropea dwar is-Sigurtà fl-Ikel (EFSA)

Talbiet

Ir-rikorrenti jitolbu li l-Qorti Ġenerali jogħġobha:

—

Tiddikjara li l-konvenuta kisret il-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali;

—

Tiddikjara li l-konvenuta kisret ir-Regolament (KE) Nru 1367/2006 (1);

—

Tiddikjara li l-konvenuta kisret ir-Regolament (KE) Nru 1049/2001 (2);

—

Tannulla r-risposta negattiva li permezz tagħha l-konvenuta rrifjutat li tagħti d-dokumenti mitluba; u

—

Tordna lill-konvenuta tħallas l-ispejjeż tar-rikorrenti, inklużi l-ispejjeż ta’ kwalunkwe parti intervenjenti.

Motivi u argumenti prinċipali

Permezz tar-rikors tagħhom, ir-rikorrenti qed jitolbu, skont l-Artikolu 263 TFUE, l-annullament tar-risposta negattiva tal-Awtorità Ewropea dwar is-Sigurtà fl-Ikel għat-talba tagħhom sabiex jingħataw aċċess għal xi dokumenti, li b’hekk irrifjutat li tagħtihom abozzi intermedjarji u l-pariri xjentifiċi tal-Kumitat ad hoc fuq il-Pestiċidi (KP) u l-Panel dwar il-prodotti għall-protezzjoni tal-pjanti u r-residwi tagħhom (PPR) fir-rigward tal-Gwida dwar is-sottomissjoni ta’ dokumentazzjoni xjentifika aċċessibbli riveduta minn esperti għall-approvazzjoni ta’ sustanzi attivi tal-pestiċidi skont ir-Regolament (KE) Nru 1107/2009 (3).

Insostenn tar-rikors tagħhom, ir-rikorrenti jinvokaw erba’ motivi.

(1)

L-ewwel motiv jallega li li d-deċiżjoni kkontestata tikser l-Artikoli 8(2) tar-Regolament (KE) Nru 1049/2001 billi ma ngħatax risposta fit-terminu preskritt għall-applikazzjoni konfermatorja tar-rikorrenti u ma ngħatawx raġunijiet dettaljati għal dan.

(2)

It-tieni motiv jallega li d-deċiżjoni kkontestata tikser l-Artikolu 4(1), (2), (3) u (4) tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali billi r-rikorrenti ma ngħatawx aċċess għall-abbozzi u l-pariri xjentifiċi dwar il-Gwida tal-EFSA mitluba. Id-deċiżjoni kkontestata tikser ukoll l-Artikolu 6(1) tar-Regolament (KE) Nru 1367/2006 billi l-eċċezzjonijiet stipulati fl-Artikolu 4 tar-Regolament (KE) Nru1049/2001 ma ġewx interpretati b’mod restrittiv.

(3)

It-tielet motiv jallega li d-deċiżjoni kkontestata tikser it-tieni subparagrafu tal-Artikolu 4(3) tar-Regolament (KE) Nru 1049/2001 billi ma ntweriex li l-iżvelar tad-dokumenti mitluba jdgħajjef serjament it-teħid tad-deċiżjonijiet interni tal-EFSA, b’mod partikolari wara li d-deċiżjoni ttieħdet.

(4)

Ir-raba’ motiv jallega li d-deċiżjoni kkontestata tikser it-tieni subparagrafu tal-Artikolu 4(3) tar-Regolament (KE) Nru 1049/2001 billi ma ġiex evalwat jekk hemmx interess pubbliku ikbar fl-iżvelar tiegħu u ma ngħatax dikjarazzjoni dettaljata bir-raġunijiet għal dan ir-rifjut.

(1)  Regolament (KE) Nru 1367/2006, tal-Parlament Ewropew u tal-Kunsill, tas-6 ta’ Settembru 2006, dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU L 264, p. 13).

(2)  Regolament (KE) Nru 1049/2001, tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331).

(3)  Regolament (KE) Nru 1107/2009, tal-Parlament Ewropew u tal-Kunsill, tal-21 ta’ Ottubru 2009, dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU 2009 L 309, p. 1)

Top