5.8.2010   

MT

Il-Ġurnal Uffiċjali tal-Unjoni Ewropea

CE 212/123

A.

billi l-Olimpijadi Speċjali fl-Ewropa jagħtu opportunitajiet sportivi u soċjali lill-adulti u lit-tfal b'diżabilitajiet intellettwali,

B.

billi l-programmi tal-Olimpijadi Speċjali ġew stabiliti f'kull Stat Membru, bis-sehem ta' nofs miljun atleta,

C.

billi l-Olimpijadi Speċjali jimplimentaw il-politika tal-UE ta' kuljum, billi jippromwovu l-isport u l-volontarjat fuq kull naħa tal-fruntieri, billi jfarrku l-isterjotipi dwar id-diżabilità, permezz tal-forniment tas-saħħa pubblika u billi jinkludi nies marġinalizzati f'attivitajiet soċjali,

D.

billi l-Olimpijadi Speċjali Ewropa se jkunu qed jospitaw żewġ avvenimenti ewlenin li se jsiru dalwaqt: fl-2010 l-Logħob tas-Sajf tal-Olimpijadi Speċjali Ewropej se jkunu qed isiru f'Varsavja, il-Polonja, u fl-2011, il-Logħob tas-Sajf tal-Olimpijadi Speċjali Dinjin se jkunu qed isiru f'Ateni, il-Greċja,

E.

billi l-UE appoġġjat finanzjarjament il-Logħob tas-Sajf tal-Olimpijadi Speċjali Dinjin fl-Irlanda li saru fl-2003,

1.

Jikkunsidra li l-għoti tas-servizzi tal-Olimpijadi Speċjali f'livelli lokali, nazzjonali u internazzjonali jjitlob finanzjament sinifikattiv;

2.

Jinnota li l-Olimpijadi Speċjali Ewropa qed ifittxu assistenza finanzjarja mill-Kummissjoni Ewropea biex jgħinu fl-iffinanzjar tal-Logħob Ewropew f'Varsavja fl-2010 u l-Logħob Dinji f'Ateni fl-2011;

3.

Jagħraf il-benefiċċji għall-atleti, il-familji u l-komunità aktar wiesgħa li se joħorġu minn dawn il-ġrajjiet li jkunu qed isiru fl-Ewropa;

4.

Jistieden lill-Kummissjoni Ewropea tappoġġja l-logħob ta' Varsavja fl-2010 u ta' Ateni fl-2011;

5.

Jagħti istruzzjonijiet lill-President tiegħu biex iressaq din id-dikjarazzjoni, flimkien mal-ismijiet tal-firmatarji, lill-Kunsill, lill-Kummissjoni u lill-Parlamenti tal-Istati Membri.