Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32023R1679

    Regolament (UE) 2023/1679 tal-Bank Ċentrali Ewropew tal-25 ta’ Awwissu 2023 li jemenda r-Regolament (UE) 2021/378 dwar l-applikazzjoni ta’ riżervi minimi (BĊE/2021/1) (BĊE/2023/21)

    ECB/2023/21

    ĠU L 216, 1.9.2023, p. 96–97 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/reg/2023/1679/oj

    Date of document:
    25/08/2023; Data ta' adozzjoni
    Date of effect:
    06/09/2023; Dħul fis-seħħ Data tal-pubblikazzjoni +5 Ara Art. 2.1
    Date of effect:
    20/09/2023; Applikazzjoni Ara Art. 2.2
    Date of end of validity:
    No end date
    Author:
    Il-Bank Ċentrali Ewropew
    Form:
    Regolament
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32021R0378 Sostituzzjoni artikolu 2 punt 13 20/09/2023
    Modifies 32021R0378 Sostituzzjoni artikolu 9 20/09/2023
    Instruments cited:
    Link

    1.9.2023   

    MT

    Il-Ġurnal Uffiċjali tal-Unjoni Ewropea

    L 216/96

    REGOLAMENT (UE) 2023/1679 TAL-BANK ĊENTRALI EWROPEW

    tal-25 ta’ Awwissu 2023 li jemenda r-Regolament (UE) 2021/378 dwar l-applikazzjoni ta’ riżervi minimi (BĊE/2021/1)

    (BĊE/2023/21)

    IL-KUNSILL GOVERNATTIV TAL-BANK ĊENTRALI EWROPEW,

    Wara li kkunsidra t-Trattat dwar il-Funzjonament tal-Unjoni Ewropea,

    Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u partikolarment l-Artiklu 19(1) tiegħu,

    Wara li kkunsidra r-Regolament tal-Kunsill (KE) Nru 2531/98 tat-23 ta’ Novembru 1998 dwar l-applikazzjoni ta’ riżervi minimi mill-Bank Ċentrali Ewropew (1),

    Billi:

    (1)

    Il-fondi ta’ riżerva minimi tal-istituzzjonijiet ta’ kreditu, li huma meħtieġa taħt ir-Regolament (UE) 2021/378 tal-Bank Ċentrali Ewropew (ECB/2021/1), (2)u r-riżervi miżmuma fil-faċilità ta’ depożitu, huma attwalment remunerati bir-rata tal-faċilità ta’ depożitu tal-Eurosistema (DFR). Fil-kundizzjonijiet attwali ta’ likwidità abbundanti, l-imgħax imħallas fuq ir-riżervi li l-banek iżommu fil-faċilità ta’ depożitu huwa l-istrument ewlieni biex jidderieġi r-rati tas-suq monetarju għal żmien qasir f’konformità mal-pożizzjoni mixtieqa tal-politika monetarja.

    (2)

    Fis-27 ta’ Lulju 2023, il-Kunsill Governattiv tal-Bank Ċentrali Ewropew (BĊE) iddeċieda li jistabbilixxi r-remunerazzjoni tar-riżervi minimi għal 0 %. Id-Deċiżjoni tal-Kunsill Governattiv li jnaqqas ir-remunerazzjoni fuq ir-riżervi minimi tiżgura l-effettività kontinwa tal-politika monetarja billi tippreserva l-funzjoni ta’ ankraġġ tad-DFR għar-rati tas-suq monetarju u b’hekk iżżomm il-grad attwali ta’ kontroll fuq il-pożizzjoni tal-politika monetarja. Fl-istess ħin, id-deċiżjoni ttejjeb l-effiċjenza tal-politika monetarja fil-kuntest ekonomiku kurrenti billi tnaqqas l-ammont globali tal-imgħax li jeħtieġ li jitħallas fuq ir-riżervi sabiex tiġi implimentata l-pożizzjoni xierqa tal-politika monetarja. Din il-kunsiderazzjoni ta’ effiċjenza saret aktar u aktar rilevanti maż-żidiet fir-rati tal-imgħax ewlenin tal-BĊE.

    (3)

    Dan ir-Regolament għandu japplika mill-20 ta’ Settembru 2023, li huwa l-ewwel jum tas-sitt perijodu ta’ żamma fl-2023.

    (4)

    Għalhekk, ir-Regolament (UE) 2021/378 (BĊE/2021/1) għandu jiġi emendat kif meħtieġ,

    ADOTTA DAN IR-REGOLAMENT:

    Artikolu 1

    Emendi

    Ir-Regolament (UE) 2021/378 (BĊE/2021/1) huwa emendat kif ġej:

    1.

    fl-Artikolu 2, il-punt (13) huwa ssostitwit b’dan li ġej:

    “jum ta’ negozju TARGET2” tfisser “jum ta’ negozju” jew “jum ta’ negozju TARGET” kif definit fl-Artikolu 2(13) tal-Linja Gwida (UE) 2022/912 tal-Bank Ċentrali Ewropew (BĊE/2022/8) (*1), flimkien mal-punt (13) tal-Anness III ta’ dik il-Linja Gwida;

    (*1)  Linja Gwida (UE) 2022/912 tal-Bank Ċentrali Ewropew tal-24 ta’ Frar 2022 dwar il-ġenerazzjoni ġdida tas-sistema Trans-European Automated Real-time Gross settlement Express Transfer (TARGET2) u li tħassar il-Linja Gwida (BĊE/2012/27) (BĊE/2022/8) (ĠU L 163, 17.6.2022, p. 84)."

    2.

    L-Artikolu 9 huwa mibdul b’dan li ġej:

    “Artikolu 9

    Remunerazzjoni

    1.   Il-BĊN rilevanti għandu jirrimunera fondi ta’ riżervi minimi fil-kontijiet ta’ riżerva b’ 0 %.

    2.   Il-BĊN rilevanti għandu jħallas ir-remunerazzjoni fuq il-fondi ta’ riżervi minimi fit-tieni jum ta’ negozju TARGET wara t-tmiem tal-perijodu ta’ żamma li matulu ġiet iggwadanjata r-remunerazzjoni.

    3.   Fondi inklużi f’fondi ta’ riżervi minimi li huma sussegwentement esklużi minn dawk ir-riżervi minimi skont l-Artikolu 3(1)(d) għandhom jiġu remunerati mill-BĊN rilevanti skont ir-regoli applikabbli għal depożiti ta’ politika mhux monetarja fil-Linja Gwida (UE) 2019/671 tal-Bank Ċentrali Ewropew (ECB/2019/7) (*2), b’effett mid-data li fiha tapplika l-kundizzjoni speċifika tal-Artikolu 3(1)(d), kif determinat mill-BĊN rilevanti.

    (*2)  Linja Gwida (UE) 2019/671 tal-Bank Ċentrali Ewropew tad-9 ta’ April 2019 dwar operazzjonijiet ta’ ġestjoni tal-assi u l-obbligazzjonijiet domestiċi mill-banek ċentrali nazzjonali (BĊE/2019/7) (ĠU L 113, 29.4.2019, p. 11).”."

    Artikolu 2

    Dispożizzjonijiet finali

    1.   Dan ir-Regolament għandu jidħol fis-seħħ fil-ħames jum wara dak tal-pubblikazzjoni f’Il-Ġurnal Uffiċjali tal-Unjoni Ewropea.

    2.   Għandu japplika mill-20 ta’ Settembru 2023.

    Dan ir-Regolament għandu jorbot fl-intier tiegħu u japplika direttament fl-Istati Membri f'konformità mat-Trattati.

    Magħmul fi Frankfurt am Main, il-25 ta’ Awwissu 2023.

    Għall-Kunsill Governattiv tal-BĊE

    Il-President tal-BĊE

    Christine LAGARDE

    (1)  ĠU L 318, 27.11.1998, p. 1.

    (2)  Ir-Regolament (UE) 2021/378 tal-Bank Ċentrali Ewropew tat-22 ta’ Jannar 2021 dwar l-applikazzjoni ta’ rekwiżiti ta’ riżervi minimi (BĊE/2021/1) (ĠU L 73, 3.3.2021, p. 1).

    Top