Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 32022O2250

    Linja Gwida (UE) 2022/2250 tal-Bank Ċentrali Ewropew tad-9 ta’ Novembru 2022 li temenda l-Linja Gwida (UE) 2022/912 dwar il-ġenerazzjoni ġdida tas-sistema Trans-European Automated Real-time Gross settlement Express Transfer (TARGET) (BĊE/2022/8) (BĊE/2022/39)

    ECB/2022/39

    ĠU L 295, 16.11.2022, p. 50–51 (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

    Legal status of the document In force

    ELI: http://data.europa.eu/eli/guideline/2022/2250/oj

    Date of document:
    09/11/2022; Data ta' adozzjoni
    Date of effect:
    10/11/2022; Jidħol fis-seħħ Data tan-notifika
    Date of effect:
    21/11/2022; Applikazzjoni Ara Art. 2.2
    Date of notification:
    10/11/2022; Data tan-notifika
    Date of end of validity:
    No end date
    Author:
    Il-Bank Ċentrali Ewropew
    Form:
    Linja gwida
    Addressee:
    il-banek ċentrali nazzjonali ta' l-Istati Membri li qed jieħdu sehem
    Treaty:
    Trattat dwar il-Funzjonament tal-Unjoni Ewropea
    Legal basis:
    Link
    Link
    Link
    Select all documents mentioning this document
    Modifies:
    Relation Act Comment Subdivision concerned From To
    Modifies 32022O0912 Sostituzzjoni artikolu 24 paragrafu 1 21/11/2022
    Modifies 32022O0912 Sostituzzjoni artikolu 25 paragrafu 2 21/11/2022
    Modifies 32022O0912 Sostituzzjoni artikolu 25 paragrafu 3 sentenza 1 21/11/2022
    Instruments cited:
    Link

    16.11.2022   

    MT

    Il-Ġurnal Uffiċjali tal-Unjoni Ewropea

    L 295/50

    LINJA GWIDA (UE) 2022/2250 TAL-BANK ĊENTRALI EWROPEW

    tad-9 ta’ Novembru 2022

    li temenda l-Linja Gwida (UE) 2022/912 dwar il-ġenerazzjoni ġdida tas-sistema Trans-European Automated Real-time Gross settlement Express Transfer (TARGET) (BĊE/2022/8) (BĊE/2022/39)

    IL-KUNSILL GOVERNATTIV TAL-BANK ĊENTRALI EWROPEW,

    Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-ewwel u r-raba’ inċiżi tal-Artikolu 127(2) tiegħu,

    Wara li kkunsidra l-Istatut tas-Sistema Ewropea tal-Banek Ċentrali u tal-Bank Ċentrali Ewropew, u b’mod partikolari l-Artikolu 3.1 u l-Artikoli 17, 18 u 22 tiegħu,

    Billi:

    (1)

    Fl-24 ta’ Frar 2022, il-Kunsill Governattiv adotta l-Linja Gwida (UE) 2022/912 tal-Bank Ċentrali Ewropew (BĊE/2022/8) (1), li tipprovdi għall-bidu tal-operazzjonijiet ta’ ġenerazzjoni ġdida tas-sistema Trans-European Automated Real-time Gross settlement Express Transfer (TARGET), mill-21 ta’ Novembru 2022, id-data li minnha l-banek ċentrali tal-Eurosistema għandhom jikkonformaw mal-Linja Gwida (UE) 2022/912 (BĊE/2022/8) u li minnha għandha titħassar il-Linja Gwida BĊE/2012/27 tal-Bank Ċentrali Ewropew (2).

    (2)

    Il-Kunsill Governattiv iddeċieda fl-20 ta’ Ottubru 2022 li jiskeda mill-ġdid il-bidu tal-operazzjonijiet tat-TARGET biex jibda mill-20 ta’ Marzu 2023 minħabba l-ħtieġa li l-utenti jingħataw aktar żmien biex ilestu l-ittestjar tagħhom tal-pjattaforma teknika l-ġdida f’ambjent stabbli, wara li titqies in-natura sistemika tat-TARGET. Konsegwentement, il-banek ċentrali tal-Eurosistema għandhom ikomplu jikkonformaw mal-Linja Gwida BĊE/2012/27, u s-sistema Trans-European Automated Real-time Gross settlement Express Transfer (TARGET2) għandha tkompli topera, sa dik id-data.

    (3)

    Għaldaqstant, il-Linja Gwida (UE) 2022/912 (BĊE/2022/8) għandha tiġi emendata kif xieraq,

    ADOTTA DIN IL-LINJA GWIDA:

    Artikolu 1

    Emendi

    Il-Linja Gwida (UE) 2022/912 (BĊE/2022/8) hija emendata kif ġej:

    (1)

    fl-Artikolu 24, il-paragrafu 1 huwa mibdul b’li ġej:

    “1.   Il-Linja Gwida BĊE/2012/27 hija mħassra b’effett mill-20 ta’ Marzu 2023.”;

    (2)

    L-Artikolu 25 huwa emendat kif ġej:

    (a)

    il-paragrafu 2 huwa ssostitwit b’dan li ġej:

    “2.   Il-banek ċentrali tal-Eurosistema għandhom jikkonformaw ma’ din il-Linja Gwida mill-20 ta' Marzu 2023.”;

    (b)

    fil-paragrafu 3, l-ewwel sentenza hija ssostitwita b’dan li ġej:

    “Il-banek ċentrali nazzjonali tal-Istati Membri li l-munita tagħhom hija l-euro għandhom jieħdu l-miżuri meħtieġa biex jikkonformaw ma’ din il-Linja Gwida u japplikawhom mill-20 ta’ Marzu 2023.”.

    Artikolu 2

    Dħul fis-seħħ

    1.   Din il-Linja Gwida għandha tidħol fis-seħħ fil-jum tan-notifika tagħha lill-banek ċentrali nazzjonali tal-Istati Membri li l-munita tagħhom hija l-euro.

    2.   Il-banek ċentrali tal-Eurosistema għandhom jikkonformaw ma’ din il-Linja Gwida mill-21 ta’ Novembru 2022.

    Artikolu 3

    Destinatarji

    Din il-Linja Gwida hija indirizzata lill-banek ċentrali kollha tal-Eurosistema.

    Magħmul fi Frankfurt am Main, id-9 ta’ Novembru 2022.

    Għall-Kunsill Governattiv tal-BĊE

    Il-President tal-BĊE

    Christine LAGARDE

    (1)  Linja Gwida (UE) 2022/912 tal-Bank Ċentrali Ewropew tal-24 ta’ Frar 2022 dwar il-ġenerazzjoni ġdida tas-sistema Trans-European Automated Real-time Gross settlement Express Transfer (TARGET2) u li tħassar il-Linja Gwida BĊE/2012/27 (BĊE/2022/8) (ĠU L 163, 17.6.2022, p. 84).

    (2)  Linja Gwida BĊE/2012/27 tal-Bank Ċentrali Ewropew tal-5 ta’ Diċembru 2012 dwar sistema Trans-European Automated Real-time Gross settlement Express Transfer (TARGET2) (ĠU L 30, 30.1.2013, p. 1).

    Top